Tərtər şəhərinin və ətraf on bir kəndin içməli su və kanalizasiya sisteminin quraşdırılması layihəsi üzrə tikinti-quraşdırma işləri davam etdirilir. Nəzərdə tutulan su və kanalizasiya sisteminin hər birinin uzunluğu 110 kilometrdir. Bu möhtəşəm layihənin icrasına cari ilin iyun ayında başlanıb Daha ətraflı »

Heydər Əliyev prospektində bir çox idarə və təşkilatların yerləşdiyi üçmərtəbəli inzibati binanın əsaslı təmir işləri davam etdirilir. Belə ki, binanın fasad hissəsi müasir memarlıq üslubunda üzlənib, ətrafı gecə işıqlanması ilə təchiz edilib, pəncərələr dəyişdirilib.
Hazırda binanın daxilində əsaslı təmir işləri davam etdirilir.

 
Azərbaycanın Milli Qəhrəmanı Vəzir Orucovun adı verilmiş küçədə təmir-abadlıq işləri aparılıb, istinad divarları bəzək daşları ilə üzlənib, gecə işıqlanma sistemi quraşdırılıb, asfalt örtüyü salınıb və girişdə Vəzir Orucovun barelyefi qoyulub. Milli Qəhrəman Mübariz İbrahimovun və “Azərbaycan Bayrağı” ordenli Mehrac Mahmudovun adları yeni verilmiş küçələrdə də onların barelyeflərinin quraşdırılması üçün hazırlıq işləri görülür.

Ölkəmizdə gənclər siyasəti uğurla həyata keçirilir. Gənclərin təhsilinə dövlət tərəfindən daim qayğı və diqqət göstərilir. Eyni zamanda onların xalqımızın milli mənəvi dəyərlərinə hörmət ruhunda tərbiyə edilməsi hazırda qarşıda duran başlıca vəzifələrdən biridir. Bütün bunlar barədə rayon icra hakimiyyətinin başçısı Müstəqim Məmmədovun rayonun gənc müəllimləri ilə görüşündə söhbət gedib. Gənclər Mərkəzində keçirilən tədbirdə rayon icra hakimiyyəti başçısının müavini Elvin Umudov, baş referent Svetlana Əzizova və rayon təhsil şöbəsinin müdir əvəzi Surxay Mirzəyev iştirak ediblər. Daha ətraflı »

Rayonun Mamırlı, Poladlı, Kəngərli və Balakəngərli kəndlərinə təbii qazın verilməsi münasibətilə təntənəli mərasimlər keçirilib. Mərasimlərdə kənd İƏD üzrə nümayəndələr kəndlərin sosial-iqtisadi vəziyyəti haqqında məlumat vermişlər.
Sonda kənd ağsaqqalları, ziyalılar və digər sakinlər onlara göstərilən diqqət və qayğıya görə ölkə başçısına minnətdarlıq ifadə etmişlər. Daha ətraflı »

Azərbaycan Respublikası Prezidentinin 20 iyul 2015-ci il tarixli Sərəncamı ilə Azərbaycan Respublikasında kütləvi informasiya vasitələrinin inkişafındakı xidmətlərinə görə təltif olunan media işçiləri arasında “Yeni Tərtər” qəzetinin baş redaktoru Hüseynov Tofiq Yusif oğlu (Tofiq Yusif) də vardır.
Tofiq Yusifi yüksək dövlət mükafatına–“Tərəqqi” medalına layiq görülməsi və Azərbaycan milli mətbuatı yaranmasının 140 illik yubileyi münasibəti ilə ürəkdən təbrik edir, ona cansağlığı, jurnalist fəaliyyətində yeni uğurlar diləyirik. Arzu edirik ki, ömrünün bir hissəsini həsr etdiyi “Yeni Tərtər” qəzeti bundan sonra da region mətbuatı sırasında sayılıb-seçilən mət-bu orqanlarından, onun baş redaktoru isə respublikamızda sevilən və yazıları oxunan jurnalistlərdən olsun.

“Yeni Tərtər”

YAP Tərtər Rayon Təşkilatı yaradılmasının 22-ci ildönümünə həsr olunmuş təntənəli yığımcaq keçirilib. Əvvəlcə Ulu Öndər Heydər Əliyevin büstü önünə tər qərənfillər düzülüb.
Yığıncaq Heydər Əliyev Mərkəzinin iclas zalında davam etdirilib. Mərasimdə YAP Tərtər Rayon Təşkilatının Şura üzvləri, Qadınlar Şurasının, Gənclər Birliyinin, Nəzarət-Təftiş Qrupunun üzvləri, ərazi ilk partiya təşkilatlarının sədrləri, fəal YAP üzvləri və mətbuat nümayəndələri iştirak ediblər. Daha ətraflı »

Gəncə şəhərində yerləşən “Təmas” Regional İnkişaf İctimai Birliyi ra-yonumuzdakı Heydər Əliyev Mərkəzində “İnsan alveri və potensial insan alveri qurbanlarına xidmət edən Regional Reabilitasiya-Reinteqrasiya Mərkəzinin dəstəklənməsi” layihəsi çərçivəsində maarifləndirici tədbir keçirib. Daha ətraflı »

Rayon mədəniyyət və turizm şöbəsinin təşkilatçılığı ilə Heydər Əliyev Mərkəzində Azərbaycan milli mətbuatı yaradılmasının 140 illiyi münasibəti ilə “dəyirmi masa” keçirilib.
Tədbiri açan rayon mədəniyyət evinin müdiri Telman Məmmədov milli jurnalistikanın yaranma tarixindən, ölkəmizdə azad medianın inkişafına göstərilən qayğıdan danışıb. Daha ətraflı »

Milli mətbuatın yaradılmasının 140 illiyi münasibətilə keçirilən bayram tədbiri redaksiyada şirin çay süfrəsi arxasında davam etdirilib. Tərtər Rayon İcra Hakimiyyəti Başçısının səlahiyyətlərini icra edən, başçının birinci müavini Ramiz Şabanov, başçının müavini Elvin Umudov, şəhər İƏD üzrə nümayəndə Sahib Həsənov, rayon ağsaqqallar şurasının sədri Qədir Allahverdiyev mətbuat işçilərinin qonağı olublar. Daha ətraflı »