Saytın ümumi statistikası:

Saytda məqalələrin sayı - 5,319
Saytda ismarıcların sayı - 0

Arxiv

Sayğac:

Ziyarətçilərimiz:

Flag Counter
  • 22İyl
    Digər İcra başçısı 22 iyul-Milli mətbuat günü münasibəti ilə “Yeni Tərtər”in kollektivi ilə görüşüb üçün şərhlər bağlıdır

     

     

     

     

     

     

    22 iyul-Milli mətbuat günü münasibəti ilə Tərtər rayon İcra hakimiyyətinin başçısı Müstəqim Məmmədov “Yeni Tərtər” rayon qəzetinin redaksiyasında qəzetin kollektivi ilə görüşüb, onları peşə bayramları münasibəti ilə təbrik edərək, iş şəraitləri ilə tanış olub.

    Çay süfrəsi arxasında keçən səmimi görüşdə  rayon rəhbəri  Milli mətbuat haqqında yerli medianın nümayəndələri ilə fikir mübadiləsi edib.

    Qeyd olunub ki, Azərbaycan öz müstəqilliyini bərpa etdikdən sonra bir çox milli mənəvi dəyərlərə qayıdış mətbuat sahəsində özünü göstərib.

    Azərbaycanda söz, fikir, mətbuat azadlığının formalaşması ulu öndər Heydər Əliyevin adı ilə bağlıdır. Ümummilli lider KİV-nin cəmiyyətdə rolunu yüksək qiymətləndirmiş, bu məsələyə böyük önəm vermişdir. Məhz buna görə də  “Jurnalistlərin dostu” olmuşdur. Bu gün isə möhtərəm Prezidentimiz cənab İlham Əliyev dövlət-mətbuat münasibətlərində Heydər Əliyev siyasətini uğurla davam etdirir. Azərbaycan Respublikasının Prezidenti  Cənab İlham Əliyevin diqqət  və qayğısı  nəticəsində mətbuat orqanlarının maddi-texniki bazası möhkəmləndirilir, jurnalistlərin sosial- iqtisadi, mənzil-məişət şəraitləri yaxşılaşdırılır. Daha ətraflı »

  • 22İyl
    Digər Davamlı və sabit əməkdaşlıq üçün bütün lazımi amillər mövcuddur üçün şərhlər bağlıdır

    Prezident İlham Əliyev cari ilin 18 iyul tarixində Oksfordda “Avropa Siyasi Birliyi”nin 4-cü Zirvə toplantısı çərçivəsində “Enerji və bağlantı” mövzusunda dəyirmi masada iştirak edib. Burada çıxış edən dövlət rəhbəri bildirib ki, enerji sahəsində Bakıda müəyyənləşdirilmiş strateji tərəfdaşlıq bizim Avropaya qaz təchizatımızın 2027-ci ilin sonuna qədər ikiqat artırılmasını nəzərdə tutur.

    2021-ci ildə Avropa qitəsinə bizim qaz təchizatımız ildə 8 milyard kubmetr təşkil edirdisə, bu il bu göstərici 13 milyard kubmetrə yaxın olacaq.

    İxracın yarıdan çoxu Avropaya gedir. 2021-ci ildə ümumi ixrac 18 milyard kubmetr təşkil edirdisə, bu il bu göstərici 25 milyard kubmetr olacaq.

    Azərbaycanın təbii qazını səkkiz ölkə alır, onlardan beşi – Bolqarıstan, Yunanıstan, İtaliya, Macarıstan və Rumıniya Avropa İttifaqının üzvüdür. İkisi İttifaqa daxil olmaq üçün namizəd ölkədir – Gürcüstan və Serbiya, eləcə də Türkiyə.

    Sloveniya-Azərbaycan qaz əməkdaşlığı istiqamətində mühüm hadisə baş verdi. Azərbaycan bir neçə aya Sloveniya bazarına daxil ola biləcək.

    Prezident İlham Əliyev deyib ki, indi Avropada interkonnektor layihələri icra olunduqca Azərbaycan qazının daha çox Avropa ölkəsinə ixrac edilməsi üçün əlavə imkanlar olacaq. Daha ətraflı »

  • 22İyl
    Digər 22 İyul Milli Mətbuat Günüdür üçün şərhlər bağlıdır

    Azərbaycan jurnalistləri hər zaman prinsipiallıq nümyiş etdirir, dövlət maraqlarını uca tuturlar

    Ulu Öndər Heydər Əliyev deyib: “Milli mətbuatımızın inkişaf mərhələləri Azərbaycan xalqının azadlıq, müstəqillik uğrunda mübarizə tarixinin tərkib hissəsidir. “Əkinçi”dən üzü bəri azadlıq, demokratiya, müstəqillik uğrunda mücadilə dərslərini biz milli mətbuatımızın səhifələrindən öyrənmişik.”

    Ulu Öndərin siyasi yolunu uğurla davam etdirən Prezident İlham Əliyev də milli mətbuatımızın rolunu yüksək qiymətləndirərək deyib: “Əlbəttə ki, mətbuatın fəaliyyəti hər bir insanı maraqlandırır. İnsanlar bütün məlumatı mətbuatdan alırlar. Ona görə, hər bir ölkədə, o cümlədən Azərbaycanda mətbuat qərəzsiz olmalıdır, çevik, operativ fəaliyyət göstərməlidir, insanları məlumatlarla tam şəkildə təmin etməlidir. Hesab edirəm ki, biz bunu Azərbaycanda görürük. Çünki bu gün Azərbaycan mətbuatı artıq yüksək səviyyəyə qalxıbdır. Mən həm operativlik, həm milli maraqların müdafiə edilməsi sahəsində mətbuatın fəaliyyətini yüksək qiymətləndirirəm.”

    1875-ci il iyulun 22-də görkəmli ziyalı və maarifçi-publisist Həsən bəy Zərdabi tərəfindən Azərbaycan dilində nəşr olunmağa başlamış “Əkinçi” qəzeti milli mətbuatımızın ilk nümunəsi və həmin dövr Azərbaycanın ictimai-siyasi həyatının mühüm hadisəsi kimi tarixə düşmüşdür. “Əkinçi”nin 1875-ci il iyulun 22-dən 1877-ci ilin sentyabrınadək cəmi 56 sayı işıq üzü görsə də, onun Azərbaycan milli mətbuatının təşəkkül tapmasında, inkişafında əvəzsiz rolu olub.

    Əsasən maarifçilik missiyasını üzərinə götürmüş “Əkinçi” qısa müddətdə həm ziyalı təbəqə, həm də sadə insanlar arasında çox məşhurlaşıb. Lakin “Əkinçi”nin ömrü uzun sürməyib. Çar Rusiyası qəzetin insanların maariflənməsində, ictimai-siyasi proseslərə daha yaxından bələd olmasındakı rolundan çəkinməyə başlayıb və sonda qəzetin nəşrini dayandırıb. Buna baxmayaraq, o dövrün görkəmli maarifçiləri “Əkinçi” qəzetinin səhifələrində öz maarifçi və demokratik ideyalarını təbliğ edərək ictimai, siyasi və bədii fikrin inkişafına böyük təsir göstərmişlər. Daha ətraflı »

  • 19İyl
    Digər Mənim “Yeni Tərtər”im üçün şərhlər bağlıdır

    Mənim ilk iş yerim “Yeni Tərtər” qəzeti olub. Redaksiyada dizayner vəzifəsində çalışmışam. Bu vəzifəyə 2016-cı ilin yanvar ayında qəbul edilmişəm.
    Əvvəlcə qeyd edim ki, “Yeni Tərtər” Tərtər rayonunun keçmişini və bugününü özündə yaşadan mətbu orqan olaraq 1934-cü ildən nəşr olunmağa başlayıb. Kolxoz quruculuğu illərində işıq üzü görən qəzetin çıxarılması məhz o dövrün tələblərindən irəli gəlirdi. Məqsəd isə insanları maarifləndirmək, hökumətin qərar və göstərişlərini onlara çatdırmaq və eyni zamanda, rayonun həyatındakı neqativ halların aradan qaldırılmasına kömək etmək idi. Müxtəlif illərdə qəzet müxtəlif adlarla çıxıb – “Kolxozçuların varlanması yolunda”, “Qızıl Bayraq”, “ Tərtər” və nəhatyət, 2005-ci ildən indiyədək “Yeni Tərtər” adı ilə. Hər dövr nəşrin simasına öz möhürünü vursa da, qəzetin ümumi məqsədi və məramı heç zaman dəyişməyib – o, hər zaman rayonun, onun qəhrəman, vətənpərvər, zəhmətkeş sakinlərinin həyatından yazıb, onların yanında olub, maarifləndirib, gəncləri yeni-yeni uğurlara səsləyib. Daha ətraflı »

  • 18İyl
    Digər HÜQUQŞÜNASIN TRİBUNASI üçün şərhlər bağlıdır

    Narkomaniya bəşəriyyət üçün təhlükə mənbəyidir!

    Günümüzün ən mühüm sosial problemlərindən biri olan narkomaniya həm cəmiyyətin, həm də dövlətlərin mübarizə apardığı xəstəliklər sırasındadır. İnkişaf edən texnoloji imkanlar və logistik şəbəkələrin genişlənməsi ilə cinayətlərin törədilməsi üsullarında da fərqlər vardır. Bəşəriyyətə qarşı cinayət kimi qələmə verilə bilən narkotik ticarəti indi sərhədləri aşaraq, beynəlxalq miqyas qazanıb və bir çox cəmiyyətin gələcəyini təhdid edir. Bu çərçivədə narkomaniyaya qarşı mübarizədə sosial maarifləndirmə yaradılır və bütün qurumlar birgə fəaliyyət göstərir. Narkotik qaçaqmalçılığı nöqtəsində mühüm coğrafi mövqedə yerləşən Azərbaycan Respublikası həm milli, həm də beynəlxalq arenada narkotik vasitələrin tədarükünün, istifadəsinin qarşısını alır, kriminal ünsürlərə qarşı mübarizə aparır. Narkomaniyaya meylli şəxslərin sayının artması dövlət idarələrini bu problem qarşısında koordinasiyalı fəaliyyət göstərməyə sövq edir.
    Şübhəsizdir ki, narkomaniyaya qarşı mübarizə sahəsində xalqımız və dövlətimiz üçün Ümummilli Iider Heydər Əliyevin siyasəti və qətiyyəti başlanğıc nöqtəsi olmuşdur. Azərbaycan tarixində müstəsna yer tutan Ulu Öndər Heydər Əliyevin siyasi hakimiyyətə qayıdışı ilə müstəqil Azərbaycanı dağılmaqdan, ölkəmizi iflasdan, iqtisadi tənəzzüldən, xaosdan, özbaşınalıqdan xilas edərək, inkişaf yoluna qədəm qoymaq üçün zəmin yaratdığı kimi eyni zamanda da bəşəriyyətin bəlasına çevrilən narkomaniyaya qarşı mübarizə sahəsində təqdirəlayiq addımların atılmasına vəsilə olmuşdur. Məhz “Narkomanlığa və narkotik vasitələrin qanunsuz dövriyyəsinə qarşı tədbirlər haqqında” 1996-cı il 26 avqust tarixli Fərman, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyası yaradılması, 1999-cu il iyunun 18-də isə Milli Məclis tərəfindən “Narkotik vasitələrin, psixotrop maddələrin və prekursorların qanunsuz dövriyyəsi ilə mübarizə haqqında” qanun, Heydər Əliyevin 2000-ci il 15 iyul tarixli Fərmanı ilə təsdiq edilmiş “Narkotik vasitələrin, psixotrop maddələrin, onların prekursorlarının qanunsuz dövriyyəsinə və narkomanlığın yayılmasına qarşı mübarizə üzrə Milli Proqram (2000-2006-cı illər)” ölkəmizin narkomaniya ilə mübarizə sahəsində Ulu Öndərin uğurlu siyasətinin nəticəsidir. Danılmaz həqiqətdir ki, narkomaniyaya qarşı mübarizədə cəmiyyət, dövlət və qeyri-hökumət təşkilatlarının vəhdəti, beynəlxalq arenada bu bəlaya qarşı qətiyyətli mübarizənin aparılması barədə çağırışlar ümumilikdə qarşıya qoyulmuş məqsədə nail olunmasında önəmli faktor olmuşdur. Daha ətraflı »

  • 17İyl
    Digər Milli mətbuatımızın uğurları günbəgün artır üçün şərhlər bağlıdır

    Azərbaycanda milli mətbuatın, ana dilində ilk qəzetin nəşrə başlamasının 149 ili tamam olur. 1875-ci ilin 22 iyulunda görkəmli maarifçi, təbiətşünas alim, publisist, mütəfəkkir Həsən bəy Zərdabinin əsasını qoyduğu “Əkinçi” qəzeti ilə xalqımızın milli oyanışında yeni səhifə açılıb. 1877-ci ilin 29 sentyabr tarixinə qədər çapını davam etdirən “Əkinçi” ayda iki dəfə 300-400 tirajla nəşr edilib. Bu müddət ərzində qəzetin 56 nömrəsi işıq üzü görüb. Bu qəzetin Azərbaycan milli mətbuatının təşəkkül tapmasında, inkişafında əvəzsiz rolu olub. Əsasən maarifçilik missiyasını üzərinə götürmüş “Əkinçi” qısa müddətdə həm ziyalı təbəqə, həm də sadə insanlar arasında çox məşhurlaşıb.

    Azərbaycan milli mətbuatının təməlini qoyan bu qəzet, ikiillik ömür yaşasa da, o dövrün görkəmli maarifçiləri “Əkinçi” qəzetinin səhifələrində öz maarifçi və demokratik ideyalarını təbliğ edərək ictimai, siyasi və bədii fikrin inkişafına böyük təsir göstərmişlər

    Milli mətbuatımızın inkişafı ulu öndər Heydər Əliyevin adı ilə bağlıdır. Ulu Öndərin 1993-cü ildə xalqın təkidli tələbi ilə hakimiyyətə qayıdışı mətbuatımızın inkişaf tarixində də yeni mərhələ açdı.

    Ümummilli lider Heydər Əliyev tərəfindən  1998 –ci ildə Azərbaycan mətbuatının üzərindən dövlət senzurasının ləğv edilməsi ilə ölkəmizdə söz və mətbuat azadlığının əsası qoyuldu və bu, mətbuatın inkişafına ciddi təkan verdi. Daha ətraflı »

  • 15İyl
    Digər Pakistan ilə Azərbaycan hər işdə, istənilən beynəlxalq təsisat daxilində, hər beynəlxalq məsələdə bir-birini dəstəkləyir üçün şərhlər bağlıdır

    Azərbaycan Respublikasının Prezidenti cənab İlham Əliyev cari ilin 11 iyul tarixində İslamabadda dövlət səfəri zamanı mətbuata bəyanat verib.

    Cənab prezident bəyanatında bildirib ki, bizim qardaşlığımız xalqlarımızın əsrlərlə bundan əvvələ təsadüf edən, bir-birinə olan dərin hisslərinə əsaslanır. Azərbaycana gələn pakistanlıların sayı son illər ərzində daha da artıb və Bakı-İslamabad, Bakı-Kəraçi, Bakı-Lahor arasında birbaşa uçuşları artıq müzakirə olunub. Pakistan ilə Azərbaycan hər işdə, istənilən beynəlxalq təsisat daxilində, hər beynəlxalq məsələdə bir-birini dəstəkləyir. Cəmmu və Kəşmir məsələsində bizim birmənalı dəstəyimiz qardaşlığımıza, eləcə də beynəlxalq hüquqa olan sadiqliyimizdir. Kəşmirlilərin hüquqları onilliklər boyu diqqətdən kənarda qalmış, pozulmuşdur. BMT Təhlükəsizlik Şurasının qətnamələri məsələnin necə həll olunmasını aydın şəkildə təsvir edir. Lakin, əfsuslar olsun ki, BMT Təhlükəsizlik Şurasının qətnamələrinin icra mexanizmləri yoxdur. Bütün Azərbaycan xalqı yaxşı bilir ki, işğal dövründə Pakistan hər zaman yanımızda olan bir sıra ölkələrdən biri olmuşdur. İkinci Qarabağ müharibəsi – Vətən müharibəsi zamanı siyasi dəstək və Azərbaycanın haqlı mövqeyini dəstəkləyən Pakistanın yüksək rütbəli rəsmilərinin birmənalı bəyanatları bizə əlavə güc-qüvvət verdi. Pakistan məhz işğala görə Ermənistanla diplomatik münasibətləri qurmayan ölkədir. 2020-ci ilin noyabrında Qələbəmizi qeyd etdiyimiz zaman xalqımızın əllərində Azərbaycan, Pakistan və Türkiyənin bayraqları var idi. Bu, bizim münasibətlərimizi unikal edir. Daha ətraflı »

  • 10İyl
    Digər Sahib Alıyev: “Azərbaycan bütün ssenarilərə, o sıradan da hayalətli siyasət yeridənlərin uzun müddət davam edəcək “etnik təmizləmə” uydurmalarına da hazırdır.” üçün şərhlər bağlıdır

    Sahib Alıyev bildirib ki, Qərbi Azərbaycan icmasının üzvlərini etnik təmizləmə ilə üzləşdikləri doğma torpaqlarına qaytarmadan ABŞ Dövlət Departamentinin Qarabağı tərk edib gedənləri yenidən gətirib ora yerləşdirmək cəhdinin boşuna olduğu Xankəndindəki açılış və təməlqoymalarla sərgilənir. Və, okeanın o tayındakılar özləri də çox yaxşı fərqində idilər və fərqindədirlər ki, Azərbaycan Prezidentinin Qərbi Azərbaycan icmasıyla bağlı səsləndirdiyi tələb yerinə yetirilmədiyi təqdirdə hayların Qarabağa dönmələri mümkünsüzdür. Dövlət Departamentinin formalaşdırdığı “faktaraşdırıcı missiya”ya hayların guya Qarabağda etnik təmizləməyə uğradıqları haqda tapşırıq verilməsində də əsas məqsəd heç də “miatsumçu”ları geri qaytarmaq deyil. Vudro Vilsonun nəvələri Njdenin törəmələrindən daha yüz il alət kimi faydalanmaq üçün indi də uydurma etnik təmizləməyə ehtiyac duyurlar. Oradakı hay diasporu üçün də bu, ekzistensial anlam daşıyır. Çünki əgər türk düşmənçiliyi davam etməsə, onda alət olaraq onlara da ehtiyac qalmayacaq və istifadə məqsədilə indiki kimi bəslənməyəcəklər. Yəni Dövlət Departamentinin “tapış” missiyası bizim regionda qarşıdurmanın uzun zaman qalmasının təmini üçün “fakt” istehsal etmək tapşırığı al-mışdı və o da yerinə yetirildi.
    Sahib Alıyev qeyd edib ki, Çinlə strateji tərəfdaşlığın qurulması, Astanadakı yüksək səviyyəli üçtərəfli görüş, Xankəndində, Xocalıda yaşananlar və Şuşada keçirlən zirvə onu göstərir ki, cənab Prezidentin vurğuladığı kimi Azərbaycan bütün ssenarilərə, o sıradan da hayalətli siyasət yeridənlərin uzun müddət davam edəcək “etnik təmizləmə” uydurmalarına da hazırdır.

    “YENİ TƏRTƏR”

  • 10İyl
    Digər QÜRUR HİSSİ İLƏ İZLƏDİK üçün şərhlər bağlıdır

    İyulun 6-da Şuşada Türk Dövlətləri Təşkilatlarının Dövlət başçılarının qeyri-rəsmi Zirvə görüşü keçirilib. Bu mötəbər tədbiri televiziya vasitəsilə böyük qürur hissi ilə izlədik.
    Türk dövlətləri başçılarını Qarabağda, 30 ildən artıq bir müddətdə işğal altında olan torpaqlarda görmək çox sevindirici bir hissdir. Zirvə görüşündə dövlətimizin başçısı İlham Əliyev deyib: “Keçən il sentyabrın 20-də Azərbaycan öz ərazi bütövlüyünü və suverenliyini tam bərpa edəndən sonra Şuşada keçirilən bu Zirvə görüşü rəmzi məna daşıyır. Qarabağın tacı Şuşa şəhəri həmişə Azərbaycanın və regionun mədəni, ictimai-siyasi həyatının mühüm mərkəzlərindən biri olmuşdur. Şuşanın 1992-ci ilin mayında Ermənistan tərəfindən işğal edilməsi Azərbaycan xalqının böyük faciəsi idi. Azərbaycan xalqı bu işğalla heç vaxt barışmamış, həmişə Şuşaya və işğal altında olan digər ərazilərimizə qayıtmaq arzusu ilə yaşamış və buna nail olmuşdur.”
    Türk Dövlətləri Təşkilatının qeyri-rəsmi Zirvə görüşünün Qarabağ Bəyannaməsi imzalanıb. Xalqımız əmindir ki, Qarabağ Bə-yannaməsinin qəbul edilməsi Türk dünya-sının həmrəyliyini daha da artıracaq və Azərbaycan qarşıya qoyulmuş bütün hədəflərə nail olacaq.

    “YENİ TƏRTƏR”

     

  • 09İyl
    Digər XXI əsr Türk dünyasının inkişafı əsri olacaq üçün şərhlər bağlıdır

    Prezident İlham Əliyev cari ilin 6 iyul tarixində Şuşada Türk Dövlətləri Təşkilatının Dövlət başçılarının qeyri-rəsmi Zirvə görüşündə çıxış edib.

    Bildirilib ki, Türk Dövlətləri Təşkilatının ildə bir dəfə qeyri-rəsmi Zirvə görüşünün keçirilməsi Azərbaycanın təşəbbüsüdür. Türk ölkələri ilə əlaqələrin genişləndirilməsi, Türk dünyasının və Türk Dövlətləri Təşkilatının gücləndirilməsi Azərbaycanın xarici siyasətinin prioritet istiqamətidir.

    Azərbaycan həmişə Türk dünyasının sıx birləşməsi, onun siyasi, iqtisadi və hərbi qüdrətinin artması, qlobal arenada güc mərkəzinə çevrilməsi naminə səylər göstərmişdir.

    Diqqətə çatdırılıb ki, Türk Dövlətləri Təşkilatı dünya miqyasında güc mərkəzlərinin birinə çevrilməlidir. Türk dünyası böyük coğrafi məkanı əhatə edir, üzv ölkələrdə müsbət demoqrafik dinamika müşahidə olunur, hərbi potensial döyüş meydanlarında özünü dəfələrlə göstərmişdir. Zəngin təbii resurslar, onların nəqli üçün müasir infrastruktur, Mərkəzi Asiyanı, Qafqazı Aralıq və Qara dəniz limanları ilə birləşdirən nəqliyyat dəhlizləri, zəngin və qədim tarix, habelə mədəniyyət türk dünyasının böyük sərvətidir.

    XXI əsr Türk dünyasının inkişafı əsri olmalıdır. Xalqlarımızın ənənəvi dəyərlərə sadiqliyi və eyni etnik köklərə malik olmaları ölkələrimizi sıx birləşdirir.

    Qarabağın tacı Şuşa şəhəri həmişə Azərbaycanın və regionun mədəni, ictimai-siyasi həyatının mühüm mərkəzlərindən biri olmuşdur. Daha ətraflı »