GİZİR ƏHMƏD

Əhməd İsmayılov Füzuli rayonunda doğulsa da Tərtər şəhərində böyüyüb, burada orta təhsil alıbdır. 2 saylı tam orta məktəbin məzunu olubdur.
Hələ yeniyetmə yaşlarında idmanın kinqboksinq növü ilə məşğul olmağa başlayıb. İdmana gündən-günə artan marağı onu 5 qat Azərbaycan çempionu, idman ustası kimi tanıdıb. On ildən çox 2004-2016-ci illərdə rayonumuzda kinqboksinq üzrə baş məşqçi işləyib. Yüzlərlə yeniyetmənin idmançı kimi yetişməsində onun zəhməti danılmazdı. Bu yeniyetmələrin hər biri fəxri kürsüyə çıxaraq məşqçilərinə şöhrət qazandırıblar. Əhməd müəllim Naxçıvanda hərbi xidməti zamanı da idmanın bu növündən ayrılmayıb. Həm Vətən qarşısındakı borcunu ləyaqətlə yerinə yetirib, həm də yeni idmançıların yetişməsinə nail olub. Hətta ulu öndər Heydər Əliyevin Naxçıvana səfəri zamanı hərbi hissədə nümunəvi xidmət etdiyi üçün onunla görüşü olub.
Bu gün isə Əhməd İsmayılov bir döyüşçü kimi ad qazanır. Əhməd müəllim 2016-cı ilin aprel döyüşlərindən sonra Orduya yazılmaq qərarına gəlir və xüsusi təyinatlı kəşfiyyat taborunda xidmətə başlayır. Daha ətraflı »

Həyatda insanlar olur çeşid-çeşid, yadda qalanı, unudulanı, gərəklisi-gərəksizi. Hər biri də bu həyatın şirinini-acısını fərqli çəkir. Kimisi günlərini ehtiyacsız, kimisi zəhmətlə, alın təri ilə yaşayır. Alın təri ilə yaşanan ömür halal ömürdür. Bu halallıq insanı həmişə başı uca, gözü kölgəsiz edər. Belə insanlardan biri də rayonumuzda camaat arasında öz sadə peşəsi ilə tanınan, həmişə zəhməti ilə gərəkli olan, evlərimi-zi, küçələrimizi ürəyinin istisi və əməyinin nuru ilə işıqlandıran elektrik montyoru bacarığı və işgüzarlığı ilə tanınan İkram Qəribovdur.
Bu günlərdə baş redaktorun tapşırığı ilə onunla redaksiyada görüşüb söhbət etdik. Suallarıma cavab olaraq özündən və peşəsindən söz saldı. Bildirdi ki, Dəmirçilər kənində anadan olub, o kəndə də boya başa çatıb. Sadə kolxozçu ailəsinin 10 övladından 7-cisi olub. Uşaqlıq illərindən ata-anasının zəhmətkeş insanlar olduqlarını görüb. Ailənin digər övladları kimi o da atası Usubdan, anası Mülküdən öz halal zəhməti ilə çörək qazanmağı öyrənib. Hələ gənclik dövründə Mingəçevir şəhərində tikinti idarəsində və su-elektrik stansiyasında müxtəlif işlərdə çalışmış, 1982-ci ildən doğma Tərtər rayonuna qayıtmış və əmək fəaliyyətini davam etdirmişdir. On ilə qədər subartezian quyularının istismarı idarəsində çilingər kimi çalışmışdır. 1992-ci ildən isə Tərtər rayon Elektrik Şəbəkəsində montyor peşəsində işləyir.
İkram Qəribov işinin vurğunudur. Daha ətraflı »

                                                                         SUSUZ QALAN REDAKSİYA

3 ildir ki, “Yeni Tərtər” qəzetinin redaksiyası susuz qalıb. Səbəbi də odur ki, yeni su xətləri çəkiləndə yeni sayğac almalıydıq və yeni layihə çəkdirib “Azərsu”da təsdiq elətdirməliydik. Bunları eləməyə maddi vəsaitimiz çatışmırdı. Həm də redaksiyanın su kranı ilə ana su kəmərinin arası cəmi 2 metr ola, ya olmaya və əsası sayğaca qədər su xətti çəkilmişdi. O vaxtki Su-Kanal idarəsinin rəisi Elnur Abbasov “iki ayağını bir başmağa dirədi” ki, yox, ya sayğacın pulunu verib, texniki şərt alın, ya da ol-maz! Bu məsələ rayon rəhbərliyindən tutmuş “Azər-su”ya qədər gedib çıxdı, lakin redaksiyaya su verilməsi mümkün olmadı…
İndi 3 ildir ki, rayon qəzetinin əməkdaşları qonşulardan su “dilənir”. Bəzən 5 manat verib, 2-3 vedrə su alırıq. Amma yenə də maddi imkanımız yol vermir ki, 600-700 manat ödəyək, hazır su xəttinin kranını açıb, istifadə edək.
Eybi yox, daha su dilənçiliyinə vərdiş eləmişik. “Yoxdan Allah da bezardır”.
                                                                                                                                                      “Yeni Tərtər”

Sosial- iqtisadi predmetlər hər bir ölkənin dayaq nöqtələrindən biridir. Cəmiyyətin rifah səviyyəsini yüksəltmək üçün daimi nəzarətdə və hər zaman proqresdə olmalı olan məsələdir. “Azərbaycan 2030: sosial-iqtisadi inkişafa dair Milli Prioritetlər” adlı proqramın təsdiq olunması bu yöndə atılan qəti və mükəmməl addımdır. Adı çəkilən proqram cəmiyyətdə xaos yarada biləcək risklərin azalmasına, sahələrin sürətli inkişafına, həmçinin müəyyən edilmiş istiqamətlər üzrə əsas prioritetlərin müəyyən olunmasına xidmət edən strateji idarəetmə metodlarını, eyni zamanda ölkəmizin gələcək inkişaf mühitini də müəyyən edir. Azərbaycan Sosial-iqtisadi və mədəni həyatında uzun təkamül yolunu inamla keçərək Azərbaycan sabit, təhlükəsiz və müasir həyat səviyyəsini təmin etmiş ölkə kimi dünyada tanınır. Buna səbəb bu günə qədər sosial-iqtisadi, mədəni, mənəvi inkişafın zəruri predmetlərinin daimi təmin olunmasıdır. Yeni təsdiqlənmiş proqram isə bu yolda böyük dəstək qüvvəsidir.
Nəzərə alaq ki, Azərbaycan Ordusunun parlaq Qələbəsi Daha ətraflı »

Fevralın 1-də Azərbaycan Respublikasının Prezidenti İlham Əliyev və birinci xanım Mehriban Əliyeva Abşeron rayonunda bir sıra sosial obyektlərin, həmçinin paytaxtın Yasamal rayonunda yeni salınan meşə tipli parkın açılışında iştirak ediblər. Dövlətimizin başçısı və birinci xanım ulu öndər Heydər Əliyevin Xırdalan şəhərindəki abidəsini ziyarət edərək önünə gül dəstəsi qoyublar. Azərbaycan Respublikasının Prezidenti İlham Əliyev və birinci xanım Mehriban Əliyeva fevralın 1-də Abşeron Rayon Mərkəzi Xəstəxanasının yeni inşa edilən binasının açılışında iştirak ediblər. Dövlətimizin başçısı İlham Əliyev və birinci xanım Mehriban Əliyeva xəstəxanada yaradılan şəraitlə tanış olublar.

Azərbaycan Prezidentinin müvafiq Sərəncamı ilə tikilən 150 çarpayılıq tibb müəssisəsi ən zəruri avadanlıqla təchiz olunub. Burada dünyanın aparıcı şirkətlərinin avadanlığı quraşdırılıb. Daha ətraflı »

Cənab Prezident İlham Əliyev Azərbaycan Televiziyasına müsahibə verib. Müsahibə zamanı Azərbaycan Respublikasının bütün sahələrdəki inkişafından bəhs edən cənab Prezident İlham Əliyev səhiyyənin inkişafına nəzər salaraq qeyd edib ki, son 20 ilə yaxın müddətdə Azərbaycanın bütün bölgələrində 750-dən çox xəstəxana tikilib, əsaslı təmir edilib. Yeni müəssisələrin tərtibatı isə müasir standartlara yüksək səviyyədə cavab verir. İllər əvvəl səhiyyə sisteminin maddi-texniki bazasının yaradılması, müasirləşdirilməsi başlıca vəzifə olaraq qarşımıza qoyuldu və bu gün məqsədlərimizə çatmışıq deyə vurgulayan Prezident növbəti hədəf kimi daha təkmil və müasir tibbi xidmətin həyata keçirilməsi üçün işlər həyata keçirildiyini nəzərə çatdırıb. Müsahibə zamanı Prezident qeyd etdi ki, hakimiyyətə gələn zaman prioritet məsələ neft kapitalını insan kapitalına çevirib ölkəni neft iqtisadiyyatına əsaslanan strukturdan azad etmək idi. Bunu böyük faizlə bacaran nadir ölkələr sırasında Azərbaycanın adını çəkmək olar. Daha ətraflı »

Müharibədən cəmi iki ay vaxt keçsə də,  Azərbaycan dövləti  böyük quruculuq işlərinə start verib.

Azərbaycan Respublikasının Prezidenti İlham Əliyev yanvarın 14-də Əhmədbəyli-Füzuli-Şuşa avtomobil yolunun 27-ci kilometrində Füzuli-Şuşa yolunun, həmçinin Füzuli rayonunda hava limanının təməllərini qoyub.

Uçuş-enmə zolağının uzunluğu 2800 metr olacaq hava limanı beynəlxalq standartlara uyğun infrastrukturla təchiz ediləcək.

Strateji əhəmiyyətli Füzuli Beynəlxalq Hava Limanı azad edilmiş bölgələrimizin inkişafı, ərazilərin bərpası, yüklərin daşınması, turizmin inkişafı üçün çox mühüm  bir layihədir.

Qonaqlar Füzuli Beynəlxalq Hava Limanına gələrək, əsası qoyulmuş  Füzuli-Şuşa dördzolaqlı və bəzi yerlərdə altızolaqlı yeni avtomobil yolu ilə  çox rahat və qısa müddətə Şuşa şəhərinə gedə biləcəklər.

Şuşaya çəkilən yol geniş və yüksək keyfiyyətli olacaq.

İndiki vəziyyətdə işğaldan azad olunmuş rayonlarda aeroportların inşası vacibdir, çünki insanları operativ şəkildə ora aparmağa ehtiyac yaranır.

Vaxtında Gəncə, yaxud Lənkəran, Qəbələ hava limanı tikilməsi ötən il iyul hadisələrindən sonra Azərbaycanla birgə hərbi təlimlər keçən türk hərbçilərinin və təyyarələrinin gəlməsi üçün mühüm rol oynadı.

Azad edilmiş torpaqlarımızda ikinci beynəlxalq hava limanı Kəlbəcər və ya Laçın rayonlarının ərazisində inşa ediləcək.

Prezident İlham Əliyev: Böyük qayıdış başlayır, bütün işlərə start verildi. Daha ətraflı »

                                                           FACİƏDƏN 31 İL ÖTUR

1990-cı il yanvar faciəsinə aparan yol azərbaycanlıların Ermənistandakı tarixi torpaqlarından növbəti kütləvi deportasiyasının, Dağlıq Qarabağın Ermənistana birləşdirilməsi cəhdlərinin geniş vüsət aldığı 1987-ci ildən başlayıb. Artan xətt üzrə davam edən gərginliyin qarşısını almaq əvəzinə, Sovet rəhbərliyi Azərbaycan xalqına qarşı dəhşətli cinayət işlədib.
1990-cı il yanvarın 19-dan 20-nə keçən gecə birbaşa Sovet İttifaqı Kommunist Partiyası Mərkəzi Komitəsinin baş katibi Mixail Qorbaçovun əmri ilə SSRİ Müdafiə Nazirliyi, Dövlət Təhlükəsizlik Komitəsi və Daxili İşlər Nazirliyinin qoşun hissələri Bakıya və
Azərbaycanın bir neçə ra-yonuna yeridilib, dinc əhali ağır texnikadan və müxtəlif tipli silahlardan atəşə tutularaq kütləvi qətlə yetirilib. Sovet ordusunun xüsusi təyinatlı dəstələrinin və daxili qoşunların iri kontingentinin Bakını zəbt etməsi xüsusi qəddarlıq və misli görünməmiş vəhşiliklə
müşayiət edilib.
Fövqəladə vəziyyətin tətbiqi əhaliyə elan olunanadək hərbi qulluqçular 82 nəfəri amansızcasına qətlə yetirib, 20 nəfəri ölümcül yaralayıb. Fövqəladə vəziyyət elan edildikdən sonra isə bir neçə gün ərzində Bakı şəhərində 21 nəfər öldürülüb. Daha ətraflı »

Növbəti səfərimiz şanlı Azərbaycan Ordusu tərəfindən oktyabrın 3-də işğaldan azad edilmiş Suqovuşan kəndinədir. Avtomobilimiz yeni inşa edilmiş Tərtər-Suqovuşan-Talış yolu ilə şütüyür. Düzənlikdən dağlara doğru irəlilədikcə müxtəlif relyef formalarını seyr edə-edə azadlığa qovuşmuş Vətən torpağına tez çatmaq üçün səbirsizlənirəm. Nəhayət, dağlar qoynunda yerləşən Suqovuşan kəndinə çatırıq.
Suqovuşan kəndi 1990-cı illərin əvvəllərində Ermənistan silahlı birləşmələri tərəfindən işğal edilmişdi. Kənd müzəffər ordumuz tərəfindən azad ediləndən sonra buraya Tərtər şəhərindən yeni asfalt yol çəkilib.
Sevinc və iftixar hissi ilə kəndi gəzirik. Dalğalanan üçrəngli bayrağımız hər birimizdə qürur hissi doğurur. Kənddə təmir-bərpa və abadlıq işləri həyata keçirilir.
Ali Baş Komandan İlham Əliyevin rəhbərliyi ilə müzəffər ordumuzun işğaldan azad etdiyi digər yaşayış məntəqələrimiz kimi, Suqovuşana da həyat yenidən qayıdır. Çox keçməyəcək ki, Suqovuşan sakinləri doğma kəndlərinə dönəcəklər. Daha ətraflı »

                                              KORONAVİRUSU VECƏ ALMAYANLAR

“Bala Kirpi” yuxuda gördü ki, koronavirusa yoluxub. Qorxusundan dik atıldı. O dəqiqə dodaqları uçuqladı. Yatağının içində tir-tir əsməyə başladı. Handan-hana özünə gəldi və tam biləndən sonra ki, gördüyü yuxudur, Allaha şükür etdi. Yadına bir neçə gün əvvəl bu şoğərib virusa yoluxan dostu “Bala Tutuquşu” düş-dü, kövrəldi. Öz-özünə dedi: “Axı, sənə demişdim, a səy Tutuquşu balası, özünü gözlə, gigiyenik qaydalara riayət elə, təmasdan qaç, ara məsafəsi saxla, heç kimnən öpüşmə, əllə salam vermə… Kimə deyirsən? Zalım oğlu məni vecinə almadı. Kim qarşısına çıxdı, qucaqlaşdı, marçamarç öpüşdü, maska taxmadı, spirtlə əllərini dezinfeksiya eləmədi!…
Axırı da, o deeeyyy, Bakıda xəstəxanada can verir, nəfəs ala bilmir, öskürməkdən qarnının dərisi cırılır! Sağala, ya sağalmaya, ya qismət!”.
“Bala kirpi” ta yata bilmədi, səhəri dirigözlü açdı, yerində o qədər o yana-bu yana çabaladı ki, yatağı qırışqırış oldu, yastığı başının altınnan qaçdı…
Səhər-səhər yerindən zorla qalxdı, ərincək-ərincək gərnəşdi, ayaqlarını sürüyə-sürüyə hamama tərəf getdi, üz-gözünə bir-iki ovuç su vurdu, qayıdıb gəldi. İştahı yox idi, heç nə yemədi. Əllərini dezinfeksiya elədi, maska taxıb, anasına bir söz demədən bayıra çıxdı. Məqsədsiz-zadsız, veyillənə-veyillənə şəhərin mərkəzinə gəldi. Fikri o idi ki, axırıncı dəfə “Bala Tutuquşu” ilə şəhəri gəzəndən sonra karantin rejimi ilə bağlı adamlar arasında hansı yeniliklərin olduğunu öyrənsin. Gördü ki, yenə hər kəs öz kefindədi. Daha ətraflı »