Məlumat üçün bildirirəm ki, Azərbaycan Respublikasının Arıçılar Assosiasiyası ilk dəfə Ədliyyə Nazirliyinin qeydiyyatından 30 oktyabr 2016-cı ildə keçmişdir. Həmin gündən digər regionların arıçıları kimi biz Tərtər rayonunun arıçıları da assosiasiyanın mənəvi dəstəyindən həmişə bəhrələnmişik. 15 dekabr 2017-ci il tarixdə Respublika Arıçılar Assosiasiyasının sədri Bədrəddin Həsrətov idarə heyyəti ilə birlikdə bizim qəhrəman Tərtərimizdə qonaq olmuşdular, rayonun inkişafından çox məmnun qalmışdılar, onlar ermənilərin Qarabağa “qonaq” gəldiklərini təsdiq edən “Marağa–150” memorialını ziyarət etmişdilər. Sonra 45 nəfərdən ibarət sahibkar arıçılar səsvermə yolu ilə məni Respublika Arıçılar Assosiasiyasının Tərtər rayonu üzrə sədri seçdilər.
Respublikamızın Prezidenti cənab İlham Əliyevin 2018-ci ilin mart ayında verdiyi sərəncama uyğun olaraq hər bir arı ailəsinə 10 manat məbləğində subsidiyanın verilməsi xəbəri biz arıçıları daha da ruhlandırdı. Vaxtında verilmiş bu sərəncama görə 507 nəfərlik arıçı adından Prezidentimizə öz minnətdarlığımı bildirirəm. Bu sərəncam 270 min arı ailəsini əhatə edir.
Bu gün Tərtər rayonundakı 507 nəfərdə 6687 arı ailəsi mövcuddur.
Hazırda Məmmədova Əskinaz Qasım qızının rəhbərliyi altında 32 nəfərlik qadın arıçılar birliyi fəaliyyət göstərir. Bu birlik əsasən arı satışı ilə məşğuldur, öz təcrübələrini arıçılarla bölüşür və yüksək nəticələr əldə edir.
Rayonumuzda 165 nəfərdən ibarət gənc arıçılar birliyi fəaliyyət göstərir və onların ümdə məramı yaşlı nəsil arıçılara kömək göstərməklə təcrübə toplamaqdır.
2018-ci il Tərtər arıçıları üçün uğurlu sayılır. Belə ki, hər bir arı ailəsindən 18-25 kq bal, ümumilikdə rayon üzrə 30 kq çiçək tozu, 25 kq güləm, 50 kq vərəmum (propolis), 700 qram ana südü, 50 ton bal məhsulu əldə edilmişdir. Daha ətraflı »

“Ağ qızıl” hesab edilən pambıq strateji bitki sayılır. Pambıq dünyada ən çox əkilən və gəlir gətirən bitkilər sırasındadır. Pambıqçılıq ölkəmizdə ənənəvi bir tarixi inkişafa malikdir.
Pambıqçılıq–iqtisadiyyatın önəmli sahəsi olduğu üçün və həm də kənd zəhmətkeşlərinə gəlir mənbəyi gətirdiyinə görə daimi ölkəmizin Prezidenti İlham Əliyevin diqqət mərkəzində olmuşdur. Pambıqçılığın inkişafı istiqamətində ölkə Prezidentinin sərəncamlarına əsasən yanacaq, motor, sürtgü yağları, mineral gübrələr güzəştli şərtlərlə verilir, həmçinin subsidiyalar ayrılır, bu sahədə çalışan istehsalçıların marağı təmin olunur. Ölkə rəhbərinin bu sahədə olan tapşırıqları Tərtər rayonunda yüksək səviyyədə yerinə yetirilir. 2015-ci ildə rayonumuzun fermerləri tərəfindən 550 hektar sahədə pambıq bitkisi əkilməsi nəticəsində 893 ton məhsul istehsal edilmişdir. 2016-cı ildə pambığın əkin sahəsi 1035 hektar olmuş, istehsal olunan məhsul 2334 ton, məhsuldarlıq isə 22,5 sentner, 2017-ci ildə pambığın əkin sahəsi 3123 hektar, istehsal olunan məhsul 8420 ton, məhsuldarlıq isə 27 sentner və nəhayət, 2018-ci ildə rayonumuzda 3300 hektar Daha ətraflı »

Müşavirədə icra başçısı aparatının məsul işçiləri, yerli icra nümayəndələri, bələdiyyə sədrləri, idarə, müəssisə, təşkilat rəhbərləri, kənd təsərrüfatı mütəxəssisləri, fermerlər və ictimaiyyət nümayəndələri iştirak edib.
Tərtər Rayon İcra Hakimiyyətinin başçısı Müstəqim Məmmədov müşavirəni açaraq Prezident İlham Əliyevin müdrik düşüncəsi ilə qeyri-neft sektorunun durmadan inkişaf etdiril-məsinin artıq dövlət siyasətinin prioritet istiqaməti kimi müəyyənləşdiyini diqqətə çatdırıb. Bununla bağlı ölkədə kompleks tədbirlərin görüldüyünü, Dövlət Proqramlarının, müvafiq fərman və sərəncamların imzalandığını, çoxlu sayda əmək tutumlu və sosialyönümlü layihələrin icra olunduğunu bildirib. Qeyd edib ki, bunların ara-sında kənd təsərrüfatına daxil olan sahələrin inkişafına da geniş yer verilir.
Müşavirədə bildirildi ki, 2017-ci ildə 3123 hektar sahədən 8419,9 ton məhsul tədarük edərək, orta məhsuldarlığa görə respublikanın pambıqçılıq rayonları arasında ön sırada dayanan Tərtər pambıqçıları ötən il də yüksək nəticəyə nail olublar. 3300 hektar sahədən 8196,5 ton məhsul tədarük edilib. Hər hektar pambıq sahəsində orta məhsuldarlıq 24,8 sentner olub. Hazırda rayonumuzda 3427 hektar sahədə pambıq səpini aparılıb. Bu günə kimi 3350 hektaradək sahədə yaxşı bitiş alınıb. Hazırda kultivasiya işləri görülür.
Qeyd olunub ki, rayon ərazisində bu günə kimi 8300 hektar sahədə yazlıq əkin işləri aparılıb. Daha ətraflı »

İqtisadi cəhətdən gəlirli sahə olan baramaçılıq uğurla inkişaf edir. Bu məqsədlə baramaçılıqla məşğul olmaq istəyən vətəndaşlarla müqavilələr bağlanıb. Ümumilikdə 160 nəfərdən çox şəxsə 500 qutu ipəkqurdu paylanıb.
Yüksək məhsul əldə olunması üçün bu sahəyə mütəxəssislər cəlb olunaraq, kümçülərə lazımi məsləhətlər verilir. Aqrar Universitetin müəllimlərinin rayonun kümçüləri ilə görüşü təşkil olunur. Barama məhsulunun istehsalı ilə əlaqədar qərargah yaradılıb, xüsusi nəzarət qrupları təşkil olunub. Bu gəlirli sahənin inkişafını, baramaqurdunun saxlanılmasını, bəslənilməsini əks etdirən kinofilmlər göstərilir, xüsusi bukletlər paylanaraq kümçülər məlumatlandırılır. Mütəxəssislərin məsləhəti öz müsbət nəticəsini göstərir. Rayonumuzun kümçüləri yüksək məhsuldarlıq əldə etmək üçün mütəxəssislərin məsləhətinə dəqiqliklə əməl edirlər. İnanırlar ki, bu il ən azı 20 tondan çox barama təhvil veriləcək.

Tərtər Dövlət Aqrar
İnkişaf Mərkəzi

1 aprel 2019-cu il tarixə rayonda 28 min 599 baş iribuynuzlu mal-qara və 54 min 936 baş xırdabuynuzlu mal-qara var. İri malın sayı 2018-ci ilin müvafiq dövrünə nisbətən 4,2 faiz və ya 1162 baş artmışdır. Cari ilin 3 ayı ərzində 790 ton ət(diri çəkidə), 5722,2 ton süd, 3 milyon 285 min ədəd yumurta istehsal olmuşdur. Ət istehsalı 0,6 faiz, süd istehsalı 1,5 faiz, yumurta istehsalı 0,5 faiz artmışdır. Daha ətraflı »

Azərbaycan Dövlət Aqrar Universiteti, Tərtər Rayon İcra Hakimiyyəti və Tərtər Dövlət Aqrar İnkişaf Mərkəzinin birgə təşkilatçılığı ilə fermerlərə və tədarük məntəqələrinin nümayəndələrinə “Pambığın mütərəqqi becərmə texnologiyası” mövzusunda maarifləndirici təlim keçirilib.
Mərasimi giriş sözü ilə Tərtər Rayon İcra Hakimiyyətinin nümayəndəsi Natiq Musayev açaraq, bu tədbirin əhəmiyyətindən danışıb.
Sonra Tərtər Dövlət Aqrar İnkişaf Mərkəzinin direktoru Mehman Babayev Tərtər rayonunda kənd təsərrüfatının inkişafından danışıb, 2018-ci ildə bu istiqamətdə görülən işlər haqqında ətraflı məlumat verib. Daha ətraflı »

2018-ci İLDƏ SAHİBKARLAR TƏRƏFİNDƏN TƏRTƏR RAYONUNUN İQTİSADİYYATINA 2795 MİN MANAT HƏCMİNDƏ İNVESTİSİYA QOYULMUŞDUR

İlkin məlumata əsasən 2018-ci ildə Tərtər rayonunda iqtisadi və sosial sahələrin inkişafı üçün bütün maliyyə mənbələrindən əsas kapitala 38234.6 min manat və ya əvvəlki ilin müvafiq dövründəkindən 72,7 faiz az vəsait yönəldilmişdir. Əsas kapitala yönəldilmiş investisiyaların 36326,8 min manatı və ya 95 faizi tikinti quraşdırma işlərinə yönəldilmişdir.
Əsas kapitala yönəldilmiş investisiyanın 33 milyon 839,6 min manatı və ya 88,5 faizi dövlət mülkiyyətinə məxsus müəssisələr 4 milyon 395 min manatı və ya 11,5 faiz qeyri-dövlət sektoru müəssisə və təşkilatlar tərəfindən yönəldilmişdir. 2018-ci ildə sahibkarları tərəfindən Tərtər rayonunun iqtisadiyyatına 2795 min manat həcmində investisiya qoyulmuşdur. Daha ətraflı »

YENİ İLƏ UĞURLARLA

Dövlətin cəbhə bölgəsinə davamlı qayğısı, düşmənlə təmas xəttinə yaxın ərazilərdə yerləşən yaşayış məntəqələrində sosial problemlərin uğurlu həlli tərtərlilərdə də qələbə əzminin, yüksək əhvali-ruhiyyənin əsas şərtlərindəndir. Ölkə rəhbərinin Tərtərə hər səfəri də rayonun sosial-iqtisadi inkişafına güclü təsir edir. Bunun müqabilində tərtərlilər də böyük həvəslə, əllərinin hərarətini, ürəklərinin təpərini əsirgəmədən çalışır, tikib-qurur, abadlıq yaradırlar.
Baxmayaraq ki, qarşı tərəf­­–ermənilər atəşkəs rejimini tez-tez pozurlar. Lakin sakinlər mərmi gurultusuna, güllə vıyıltısına adət etmişlər. Milli Ordumuzun gücünə, qüdrətinə güvənir, əkin-biçin işləri ilə məşğul olur, istehsal etdikləri kənd təsərrüfatı məhsulları sayəsində həm öz ailələrinin həyatını, xoş güzəranını təmin edir, həm də ölkə iqtisadiyyatına sanballı töhfələr verirlər. Daha ətraflı »

Uşaq yaddaşı ağ vərəq kimi olur. Ömür keçdikcə bu ağ vərəqlərə yazılan xatirələr sonralar təkrar-təkrar yada düşür və sanki yenidən yaşanır.
Suliddin müəllimin ən unudulmaz xatirələri valideynləri ilə bağlıdır. Atası Surxay iş gününün sonunda ailəsi ilə birlikdə olmağı çox sevirdi. O, həm uşaqların dərsləri ilə maraqlanar, həm də böyük hörmət bəslədiyi ömür-gün yoldaşı ilə gün-güzərandan, dolanışıqdan söhbət edər, hərdən də övladlarına tövsiyələr verərdi…
O vaxtdan bir çox illər keçib, zaman dəyişib. İndi torpaq kəndlinin öz əlindədir. Ona görə insanların torpağa, işinə olan münasibəti bir qədər də dəyişib, məsuliyyət hissi daha da artıb.
Yuxarı Qapanlı Bələdiyyəsinin sədri Suliddin Ələkbərov özü bu il 34 hektar sahədə pambıq becərir. Onun keçən ilki göstəriciləri də yaxşı oldu. Rayon üzrə pambıqçılıqda orta məhsuldarlıq 27 sentnerə çatdığı halda, o, daha yüksək göstəriciyə–35 sentnerə nail oldu. Daha ətraflı »

TAXILÇILIQ

Bu il rayonumuzun təsərrüfatlarında fermerlərimiz becərdikləri 7545,6 hektar taxıl sahələrindən 30 min 984,4 ton buğda və 13 min 190,8 ton arpa məhsulu istehsal etmişlər. Hər hektardan orta məhsuldarlıq buğda üzrə 41,1 sentner, arpa üzrə 32,9 sentner olmuşdur. 2017-ci ilə nisbətən buğda üzrə məhsuldarlıq 2,8 sentner, arpa üzrə isə 1,5 sentner artmışdır.
Bu işdə bir sıra fermerlərin göstəriciləri daha yüksəkdir. “Nicat” fermer təsərrüfatı MMC-də, “Xəyyam sarısünbül” MMC-də də və “Tərtər” MMC-də hər hektardan 50 sentner, “Eksperimental cins damazlıq” MMC-də və “Sultanbud” MMC-də 47,5 sentner, “Kəmalə” kəndli fermer təsərrüfatı MMC-də 45 sentner məhsul götürülmüşdür.