TİNG YETİŞDİRİLİR

Ordumuzun şanlı Qələbəsi xalqımıza öz qürurunu qaytarmaqla yanaşı, həm də yaxın keçmişdə “cəbhəyanı” adlanan kəndlərin həyatında böyük dəyişikliklər yaratdı. Belə ki, bizim Qaraağacı kəndi 30 ildən çox bir müddətdə dəfələrlə ermənilər tərəfindən atəşə məruz qalır, insanlar şəhid olur, yaralanırdılar. Kənd təsərrüfatı işləri ilə məşğul ola bilmirdik, çünki namərd qonşular dinc zəhmətlə məşğul olan insanların həyatına təhlükə yaradırdılar.
Şükürlər olsun ki, dövlət başçısının “dəmir yumruğu” və Azərbaycan oğulla-rının qəhrəmanlığı sayəsində cəmi 44 gün ərzində torpaqlarımız işğaldan azad olundu, o cümlədən “cəbhəyanı” adlanan kəndlərimizdə əmin-amanlıq yarandı.
Vaxtilə əli işdən soyuyan insanlar indi böyük həvəslə öz torpağında əkib-becərir, ailəsinin ruzisini qazanırlar.
Mən özüm 5 hektar torpaqda ting becərilməsi ilə məşğul oluram. Əsasən alma, gilas, armud, şaftalı, xurma və xarici tinglər yetişdiririk. Hər mövsümdə Şəmkir, Göyçay, Xaçmaz, Ağcabədi və digər rayonların bazarlarına 50-60 min ting göndəririk. Yetişdirdiyimiz ağac tingləri bu rayonların fermerləri tərəfindən bəyənilir və həvəslə alınır.
Əlbəttə, hər bir sahədə olduğu kimi, bizim işimizin də öz çətinlikləri var. Tingləri əsasən toxum, çilik və meşə cırlarından əldə edirik. Təcrübəli işçilər göz calağını keyfiyyətlə yerinə yetirirlər. Daha ətraflı »

2021-сi ildə rayonun sənaye sahəsində fəaliyyət göstərən təsərrüfat subyektləri və fiziki şəxslər tərəfindən istehsal olunmuş mal və xidmətlərin həcmi 2020-ci ilə nisbətən 11.8 faiz artaraq 12384.2 min manat təşkil etmişdir. Sənaye məhsulunun 856.6 min manatı və ya 6.9 faizi mədənçıxarma, 5744.4 min manatı və ya 46.4 faizi emal, 4273.2 min manatı və ya 34.5 faizi elektrik enerjisi, qaz və buxar istehsalı, bölüşdürülməsi və təchizatı, 1510 min manatı və ya 12.2 faizi su təchizatı, tullantıların təmizlənməsi və emalı bölməsində istehsal olunmuşdur.
Sənayedə qeyri-dövlət sektorunun payı 50.9 faiz olmuşdur. Ümumi istehsalın 6842 min manatı və ya 55.2 faizi sənaye mallarının (əmtəələrin), 5542.2 min manatı və ya 44.8 faizi isə sənaye xarakterli xidmətlərin istehsalı hesabına yaradılmışdır.
İstehsal olunmuş sənaye məhsullarının böyük əksəriyyəti istehlakçılara göndərilmişdir. Əvvəlki dövrlərdə yaranmış ehtiyatlar da nəzərə alınmaqla sənaye müəssisələrinin anbarlarında 2022-ci il yanvar ayının 1-i vəziyyətinə 7.1 min manatlıq hazır məhsul ehtiyatı olmuşdur.
2021-сi ildə sənaye sektorunda əhaliyə göstərilən ödənişli xidmətlərin həcmi əvvəlki illə müqayisədə 22.2 faiz artaraq 6021.8 min manat təşkil etmişdir. Ödənişli xidmətlərin 5154.6 min manatı və ya 85.6 faizi sənayenin elektrik enerjisi, qaz və buxar istehsalı, bölüşdürülməsi və təchizatı, 867.2 min ma-natı və ya 14.4 faizi su təchizatı, tullantıların təmizlənməsi və emalı bölməsində olmuşdur.

Tərtər Rayon Statistika İdarəsi

Bilirik ki, 2020-ci il bütün xalqımız üçün daha bir sınaq ili oldu. Həm COVİD-19 pandemiyası ilə mübarizə, həm də 44 günlük Vətən müharibəsi xalqımızın necə əzmkar olduğunu bir daha göstərdi. Amma zəhmətkeş insanların işə olan həvəsi zəifləmədi. Bu sınaqlardan üzüağ çıxmağı bacaran xalq öz normal həyatına qayıtdı. Müharibə zamanı şəhərlərə, kəndlərə, infrastruktura və təsərrüfatlara dəymiş ciddi ziyan tədricən bərpa olunmağa başlandı. Müharibə dövründə də əlləri işdən soyumayan təsərrüfatçılar öz fəaliyyətlərini davam etdirdilər.
Dövlət-xalq birliyi Azərbaycanın işıqlı gələcəyini şərtləndirir. Tərtər rayonunun timsalında da bu birliyi əyani şəkildə görə bilərik. Qəhrəman tərtərlilər də həmişə olduğu kimi dövlətə və dövlətçiliyə sadiq olduqlarını, Vətəni və Torpağı öz canlarından da çox sevdiklərini 44 günlük Vətən müharibəsi ərzində də sübuta yetirdilər. Ali Baş Komandana və Orduya güçlü inamın nəticəsi idi ki, burada hər kəs arxayın şəkildə öz işi ilə məşğul olurdu. Ələlxüsus təsərrüfat adamları.
Möhtərəm Prezident ölkəmizin ərzaq təhlükəsizliyi üzrə tam müstəqilliyə nail olunmasını milli hədəflərdən biri kimi müəyyənləşdirmişdir. Onun bəyan etdiyi kimi “hazırda qarşıda duran ən başlıca məqsəd daxili imkanlar hesabına kənd təsərrüfatı və ərzaq məhsulları ilə özünütəminata və dayanıqlı tərəqqiyə nail olmaqla Azərbaycanı inkişaf etmiş ölkələr səviyyəsinə çatdırmaqdır”.
Bu gün fəxrlə deyə bilərik ki, ölkəmizin hər bir rayonunda bütün sahələr üzrə ailə fermer təsərrüfatları inkişaf etməkdədir. Tərtər rayonunda da belə fermer təsərrüfatları mövcudur. Həmin fermerlərdən biri – Qurbanov Emin Fərman oğludur.
Əməkdaşımız Elfuzə Vəliyeva onunla görüşüb söhbət etdmişdir.
– Emin müəllim necə oldu ki fermer təsərrüfatı yaratmağı qərara aldınız?
Bizim uşaqlığımız kənddə keçib. Daha ətraflı »

Tərtər rayonunda pambıqçılıqla məşğul olan fermerlər gərgin zəhmət bahasına yetişdirdikləri məhsulun yığımına hazırlaşırlar. Tərtər pambıqçıları əvvəlki illərdə olduğu kimi bu ili də yüksək göstəricilərlə başa vurmağı qarşıya məqsəd qoyublar.
Bu il rayon ərazisində 3440 hektarda çiyid səpini həyata keçirilib. Yüksək məhsul əldə etmək üçün əkin sahələrində aqrotexniki becərilmə qaydalarına ardıcıl və düzgün əməl olunub, cərgələrarası becərmələr, alaq otlarına və zərərvericilərə qarşı kimyəvi mübarizə tədbirləri vaxtında aparılıb, bitkilər tələbata uyğun optimal müddətdə mineral gübrə və suvarma suyu ilə təmin edilib. Nəticədə yaxşı çıxış alınıb, barlı kollar yetişib.
Rayonda pambıq yığımına hazırlıq işləri demək olar ki, başa çatıb. Kənd təsərrüfatı texnikaları hazır vəziyyətə gətirilib, digər zəruri aqrotexniki və təşkilati tədbirlər Daha ətraflı »

                                                                       BOL MƏHSUL GÖZLƏNİLİR

Pambıq universal və texniki bitki olaraq onun böyük xalq təsərrüfatı əhəmiyyəti vardır. Pambığın əhəmiyyəti onun lifverən bitkilər içərisində əsas yer tutmasını təmin edir. Uzun illər ərzində dünyanın toxuculuq sənayesinin istifadə etdiyi lifin 70-80%-ə yaxını pambıqdan alınırdı. Pambıq toxuculuq sənayesində əsas xammal sayılır. Bu bitkinin rayonumuzda əkilməsi ənənəvi bir formaya çevrilib. Bu il Tərtər rayonunda ötən ilə nisbətən 450 hektar artıq ərazidə pambıq əkininin işləri aparılıbdır.Yəni ötən il rayonun təsərrüfatlarında 2981 hektar pambıq əkilmişdirsə, bu il isə hal-hazırda rayonumuzda 1104 nəfər istehsalçı fermer tərəfindən ərazilərdə 3439 hektar pambıq sahəsi əkilmişdir. Bu il MKT Tərtər filialında 1809 hektar, Azərpambıq Tərtər filialında 1630 hektar fermerlərlə müqavilə əsasında pambıq əkininin təminatı işləri yerinə yetirilib. Sahələrdə alaqlara, mənənəyə, çora, pambıq sofkasına, boy tənzimləyicisinə qarşı hər iki şirkətdə Daha ətraflı »

Tərtər rayonunda pambıqçılıqla məşğul olan fermerlər və torpaq mülkiyyətçiləri becərmə işlərini uğurla davam etdirirlər. Tərtər pambıqçıları əvvəlki illərdə olduğu kimi, bu ili də yüksək göstəricilərlə başa vurmağı qarşıya məqsəd qoyublar.
Bu il rayon ərazisində 3440 hektarda çiyid səpini həyata keçirilib. “MKT İstehsalat Kommersiya” MMC və “Azərpambıq” MMC ilə müqavilə bağlayan fermerlər becərmə işlərini davam etdirirlər. Sahələrə göstərilən düzgün aqrotexniki tədbirlərin nəticəsində yaxşı bitiş alınıb. Bu isə 2021-ci təsərrüfat ilində də məhsuldarlığın yüksək olacağından xəbər verir.
Ötən il pambıq yığımı dövründə rayon ərazisi artilleriya atəşinə məruz qalsa da, yüksək məhsuldarlığa nail olunub. Bu il məhsuldarlığın daha da yüksək olacağı gözlənilir: Ötən il tarlalardan 7173,72 ton məhsul tədarük olunub. Bu isə bir hektar üçün orta hesabla 41,44 sentner məhsuldarlıq deməkdir. Hazırda düşmənin atəşi nəticəsində filiala dəyən ziyan aradan qaldırılır. Daha ətraflı »

Ölkə rəhbəri cənab İlham Əliyevin tapşırıq və tövsiyəsinə uyğun olaraq kənd təsərrüfatının ənənəvi sahələrindən olan baramaçılığın inkişafı istiqamətində Tərtər rayonunda da müntəzəm surətdə bu istiqamətdə işlər davam etdirilir, baramaçılığın keçmiş şöhrətinin qaytarılması üçün mühüm addımlar atılır. Rayonda ipəkçiliyin müasir infrastrukturu yaradılır, yeni tut bağları salınır. Bu sahəyə dövlət dəstəyinin nəticəsində respublikamızda barama istehsalı ildən-ilə artır.
Ötən il Tərtər rayonunda 12,1 ton barama istehsal edilmişdir. Bu il isə Qax rayon Damazlıq İpəkçilik stansiyasından 350 qutu barama qurdu gətirilərək kümçülərə paylanması təmin edilmişdir. Rayonun 30 kəndində fəaliyyət göstərən kümçülərə kümxanaların hazırlanmasında qabaqcadan mütəxəssislər tərəfindən müvafiq təlimatlar verilmiş, ipəkqurdunun aqrotexniki qaydada bəslənməsi üçün maarifləndirici bukletlər paylanmışdır.
Rayon ərazisindəki mövcud və yeni əkilən tut ağacları, əhalinin baramaçılıq sahəsindəki təcrübəsi, həmçinin bu sahənin gəlirli olması barama istehsalını dəfələrlə artırmağa imkan verəcəkdir.

Kənd Təsərrüfatı Nazirliyinin Aqrar Elm və İnnovasiya Mərkəzinin təşəbbüsü ilə icra olunan “Alimlər fermerlərin yanında” layihəsi çərçivəsində növbəti maarifləndirmə tədbiri Tərtər rayonunda keçirilib.
Tərtər Regional Aqrar Elm və İnnovasiya Mərkəzinin mütəxəssisləri Baytarlıq ElmiTədqiqat İnstitutunun alimləri ilə birgə Bəyimsarov kəndindəki heyvandarlıq təsərrüfatında və İrəvanlı kəndindəki quşçuluq təsərrüfatında “Kənd təsərrüfatı heyvanlarının və quşlarının mövsümi xəstəlikləri, onlara qarşı mübarizə tədbirləri” mövzusunda elmi praktiki seminar keçiriblər. Pandemiya şəraitinin tələblərinə əməl etməklə keçirilən tədbirdə heyvandarlıq üzrə fəaliyyət göstərən fermer və aqrar sahə mütəxəssisləri, həmçinin Tərtər Dövlət Aqrar İnkişaf Mərkəzinin heyvandarlıq sektorunun nümayəndəsi iştirak ediblər.
Mütəxəssislər bölgə fermerlərinə dəstək məqsədi ilə iribuynuzlu və xırdabuynuzlu heyvanların, quşların mövsümi xəstəlikləri, onlara qarşı mübarizə tədbirləri barədə geniş məlumatlar veriblər. Daha ətraflı »

Azərbaycan Respublikası Dövlət Statistika Komitəsinin statistik işlər haqqında proqramına uyğun olaraq 2021-ci il yanvarın 1-i vəziyyətinə rayon ərazisində heyvanların, quşların və arı ailələrinin tam uçotu aparılmışdır.
Uçotla rayonun bütün kənd təsərrüfatı müəssisə və təşkilatları, eləcə də kənd yerlərində yaşayan fərdi sahibkar, ailə kəndli və ev təsərrüfatlarının hamısı, şəhər və qəsəbələrdə isə yalnız mal-qarası olan ev təsərrüfatları əhatə edilmişdir. Beləliklə, rayon üzrə müxtəlif təşkilati-hüquqi formalı 13772 uçot vahidi sorğuya cəlb olunmuşdur.
Ayrı-ayrı mal-qara növləri üzrə heyvandarlığın baş sayının əvvəlki illə müqayisədə dəyişilməsi aşağıdakı kimi olmuşdur:
İribuynuzlu mal-qara. 2021-ci il yanvarın 1-i vəziyyətinə rayonda 29400 baş iribuynuzlu mal-qara, o cümlədən 12439 baş inək və camış olmuş və onların sayı il ərzində müvafiq olaraq 0.9 və 0.8 faiz azalmışdır. Iribuynuzlu mal-qaranın sayı 2017-ci il yanvarın 1-nə nisbətən 2623 baş və ya 9.8 faiz, 2019-cu il yanvarın 1-nə 880 baş və ya 3.1 faiz artmış, 2020-ci il yanvarın 1-nə nisbətən 267 baş və ya 0.9 faiz azalmışdır. Daha ətraflı »

Tərtər Regional Aqrar Elm və İnnovasiya Mərkəzi tərəfindən Tərtər rayonunun İrəvanlı kəndində tarla şəraitində təlim keçirilib. Pandemiya dövrünün tələblərinə uyğun olaraq, 10 nəfərə qədər fermer və aqrar mütəxəssisin iştirak etdiyi təlimdə məqsəd payızlıq əkinlərə qulluğun səmərəliliyini yüksəltmək üçün fermerləri məlumatlandırmaq, həmçinin yazlıq əkinlərə hazırlıq işləri ilə əlaqədar görüləcək aqrotexniki tədbirlərin gecikməməsi üçün mütəxəssis tövsiyələrini vermək olub.
Təlimçi Bayram Əliyev “Taxıl əkinlərində xəstəlik və zərərvericilərə, siçanabənzər gəmiricilərə qarşı mübarizə tədbirləri və təhlükəsizlik qaydalarına əməl olunması” mövzusunda çıxış edib.
Mərkəzin baş aqronomu Alim Əliyev dənli və dənli-paxlalı bitkilərə aqrotexniki qulluq işlərinin keyfiyyətlə yerinə yetirilməsi, yemləmə gübrələrinin verilməsi, birləpəli və ikiləpəli alaq otlarına qarşı kimyəvi mübarizə tədbirləri və təhlükəsizlik qaydalarına əməl olunmasından bəhs edib.
Sonda Fermerləri maraqlandıran suallar cavablandırılıb.