Saytın ümumi statistikası:

Saytda məqalələrin sayı - 5,075
Saytda ismarıcların sayı - 0

Arxiv

Sayğac:

Ziyarətçilərimiz:

Flag Counter
  • 28Noy
    Sosial Tərtərdə gənclər üçün təlim keçirilib üçün şərhlər bağlıdır

      Gənclərin İnkişaf və Karyera Mərkəzinin Tərtər nümayəndəliyinin və Tərtər İlk Peşə İxtisas Məktəbinin birgə əməkdaşlığı çərçivəsində gənclərə “Gender bərabərliyi” mövzusunda psixoloq Esmira Hüseynzadə tərəfindən təlim keçirilib.

     

    Təlimdə Tərtər İlk Peşə İxtisas Məktəbinin direktoru Əli Babayev, Tərtər rayon İcra Hakimiyyətinin yetkinlik yaşına çatmayanların işlərinin və hüquqlarının mudafiəsi üzrə komissiyanın katibi Rəvan Həsənov və Gənclərin İnkişaf və Karyera Mərkəzinin Tərtər nümayəndəliyinin direktoru Cəmil Hacıyev iştirak edib.

    Təlim zamanı Esmira xanım “Qadın hüquqları”, “Ekrən nikahın qarşısının alınması”, Qadınların təhsilə təşviq olunması” və.s mövzulara toxunub.

    Daha sonra gənclər sosial videoçarx izləyib.

    Təlim sonunda gənclərin və digər iştirakçıların sualları cavablandırılıb.

  • 10Mar
    Sosial Yeni Azərbaycan Partiyası dünənin, bugünün və sabahın partiyası olduğunu sübut edir üçün şərhlər bağlıdır

    Ulu Öndər Heydər Əliyevin rəhbərliyi altında YAP ölkəmizin, xalqımızın həyatında olduqca təsirli rol oynaya biləcəyini qısa zaman kəsiyində inamla nümayiş etdirdi. Partiyanın yarandığı dövrdə hər şeydən dövlətçiliyin möhkəmləndirilməsi istiqamətində təxirəsalınmaz addımlar atmaq tələb olunurdu. Ulu Öndər Heydər Əliyev siyasi irsini yaşadaraq həm dövlətə, həm Yeni Azərbaycan Partiyasına rəhbərliyi dövründə milli inkişaf və maraqlarımızın qorunması istiqamətində yorulmadan fəaliyyət göstərən Prezidenti cənab İlham Əliyev ölkəmizi yeni bir keyfiyyət mərhələsinə yüksəltdi.  Ulu Öndər Heydər Əliyevin siyasi iradəsinin gücü və tarixi zərurətdən yaranmış Yeni Azərbaycan Partiyası qısa zamanda ümumxalq partiyasına çevrilmişdir. Yeni Azərbaycan Partiyası yarandığı gündən ölkəmizin daxili və xarici siyasətinin təmin edilməsində , eləcə də   ölkənin inkişaf strategiyasının qurulmasında əvəzsiz rol oynamışdır.

    2021-ci il 5 mart tarixində YAP-ın Sədri, Prezident İlham Əliyevin rəhbərliyi ilə keçirilmiş Yeni Azərbaycan Partiyasının VII qurultayında qəbul olunmuş qərarlar və qarşıya qoyulmuş məqsədləri partiyanın yeni inkişaf modelinin  başlanğıcı hesab etmək olar. Daha ətraflı »

  • 10Mar
    Sosial Şəhid analarını təbrik ediblər üçün şərhlər bağlıdır

    8 mart  2022- ci il tarixdə YAP Tərtər rayon təşkilatının sədri Eldar Əsədov bir qrup partiya fəalı ilə 8 Mart Beynəlxalq Qadınlar Günü ilə əlaqədar  2016- cı ilin Aprel döyüşlərində və  44 günlük Vətən müharibəsində  şəhidlik zirvəsinə ucalan şəhidlərimizin valideyinlərini ziyarət edərək,  şəhid analarını təbrik edib, onlara  bayram hədiyyələri təqdim etmişdir. Şəhid valideyinləri ilə söhbətlər zamanı vurğulanmışdır ki,  məhz Azərbaycan analarının əsl vətənpərvər övladlar yetişdirmələri sayəsində Vətən müharibəsində qələbə əldə olunaraq torpaqlarımız yağı düşmənlərdən azad edilmişdir. Şəhid anaları göstərilən diqqət və qayğıya görə möhtərəm Prezident , Müzəffər Ali Baş Komandan cənab İlham Əliyevə və Birinci vitse-prezident Mehriban xanım Əliyevaya  təşəkkürlərini bildirmişlər.

  • 10Mar
    Sosial Azərbaycan cəmiyyətində qadınların rolu və nüfuzu durmadan artmaqdadır üçün şərhlər bağlıdır

    Zərif cinsin nümayəndələri güclü  iradələri ilə milli azadlıq hərəkatının ön sıralarında vətənimizin ərazi bütövlüyü və suverenliyi uğrunda mətinliklə mübarizə aparıblar . Bu gün Azərbaycan qadını yeni bir cəmiyyətin fəal qurucusu olaraq  hər bir sahədə- idarəetmədə qanunverici orqanlarda , xarici siyasətdə ölkəmizi ləyaqətlə təmsil edir. Bir sözlə qadınlarımızın cəmiyyətdə olduqca böyük rolu var. Bu günki cəmiyyət dünənki qadınların , anaların tərbiyəsinin məhsuludur.Qadınlar nə qədər vətənpərvər, iradəli, fədakar və fəaldırsa gələcəyimiz o qədər inkişaf etmiş olar.

    Ölkəmizdə dövlət qadın siyasətinin əsas prisiplərini müəyyən edilməsini dövlət səviyyəsinə qaldırılması Ulu Öndər Heydər Əliyevin adı ilə bağlıdır.Bu siyasət Ulu Öndərin layiqli davamçısı Möhtərəm Prezidentimiz , Yeni Azərbaycan Partiyasının Sədri İlham Əliyev cənabları tərəfindən layiqincə davam etdirilir

    E. G. Əsədov,

    YAP Tərtər rayon təşkilatının sədri

                                                                                                                                                                             

     

  • 09Mar
    Sosial Azərbaycan sosial dövlətdir və atılan bütün addımlar bunu təsdiqləyir üçün şərhlər bağlıdır

    2020-ci il martın 10-da altıncı çağırış Azərbaycan Respublikası Milli Məclisinin ilk iclası keçirilib. Ali Baş Komandan altıncı çağırış Milli Məclisin fəaliyyətə başlaması münasibətilə təbriklərini çatdırıb. Azərbaycan Prezidenti altıncı çağırış Milli Məclisin uğurla fəaliyyət göstərəcəyinə, ölkəmizdə aparılan genişmiqyaslı və çoxşaxəli islahatlara, onların dərinləşməsi işinə öz töhfəsini verəcəyinə əminliyini ifadə edib. 1300-dən çox namizədin mübarizə apardığı seçkilərin uğurla keçdiyini deyən Prezident İlham Əliyev bütövlükdə seçkilərin xalqımızın iradəsini tam ifadə etdiyini söyləyib.

    Prezident İlham Əliyev onu da vurğulayıb ki, seçkilərdə bütün siyasi qüvvələr iştirak ediblər. Nəticədə altıncı çağırış Milli Məclis çoxpartiyalı məclis kimi formalaşıb. Seçkilərdə Yeni Azərbaycan Partiyasının yerlərin əksəriyyətini əldə etdiyini deyən Ali Baş Komandan vurğulayıb ki, siyasi sistemin möhkəmləndirilməsi, siyasi münasibətlərin sağlam zəmində inkişaf etdirilməsi üçün bütün partiyaların nümayəndələri Milli Məclisin rəhbərliyi və komitələrinin rəhbərliyində təmsil olunmalıdırlar. Daha ətraflı »

  • 28Fev
    Sosial Redaksiyamızın poçtundan üçün şərhlər bağlıdır

                                                                         “Patron” həm iş, həm də ümid yerimizdir

    Mən Xoruzlu kəndində yaşayıram. Bura bərəkətli torpaqları və zəhmətkeş insanları ilə seçilir.
    Ölkəmiz müstəqillik əldə etdikdən sonra aparılan iqtisadi islahatlar bizim kəndimizə də öz müsbət təsirini göstərib. Belə ki, indi Xoruzlu özünün günəbaxan tumları sexləri ilə nəinki rayonumuzda, respublikamızda şöhrət qazanıb. Bunlardan mən “Patron”u, yəni “Vəkiloğlu MMC”-ni xüsusi qeyd etmək istərdim. “Patron”un sayəsində biz əkdiyimiz günəbaxan məhsulunu sərfəli qiymətə sata bilirik.
    Özündə mehriban bir kollektivi, böyük işçi qüvvəsini birləşdirən “Patron”un rəhbərliyi burada çalışanlara xüsusi diqqət və qayğı göstərir.
    “Patron” haqqında çox şey yazmaq olar. Mən də öz fikrimi bir neçə şeir misrası ilə ifadə etmək istərdim.

    Bizim ümidimiz, dayağımızsan,
    Qoy həmişə üzün gülsün, ay “Patron”.
    Allah başımızdan əskik etməsin,
    Sənin ömrün uzun olsun, ay “Patron”.
    Xəstə də, kasıb da gətirir pənah,
    Desəm əl tutmursan, eylərəm günah.
    Sənə bu sərvəti bəxş edən Allah,
    Sənə min bərəkət versin, ay “Patron”.
                                                              Rəhman Mürsəlov

     

     

  • 19Yan
    Sosial RAZILIQLA QARŞILANIB üçün şərhlər bağlıdır

    Qədəm qoyduğumuz 2022-ci ildə əhalinin sosial rifahının qorunması yenə də dövlətimizin həyata keçirdiyi siyasətin başlıca istiqamətlərindən biri olacaq. Prezident İlham Əliyevin imzaladığı yeni Sərəncam və Fərmanlar əhalinin həssas qruplarına yönələn sosial ödənişlərin artırılması istiqamətindəki islahatların uğurla davam etdirilməsini təmin edəcək. Yeni ildən tətbiq ediləcək islahatlar üçün illik əlavə 1,5 milyard manat vəsait nəzərdə tutulub. İslahatlar 2,1 milyarddan çox şəxsi əhatə edəcək. Müavinət və təqaüdlərin, minimum əməkhaqqının artırılması rayonumuzun sakinləri tərəfindən də razılıqla qarşılanıb.

    Aslanova Səkinə, Soyulan kəndi, çoxuşaqlı ana: Çoxuşaqlı ailənin qayğıları da çox olur. Ancaq sağ olsun dövlətimiz, Prezidentimiz. İldən-ilə aldığımız müavinətlər artırılır. Elə yeniilqabağı günlərdə cənab İlham Əliyevin imzaladığı yeni Sərəncama əsasən alacağımız pulun bir daha artacağı xəbərini eşitdik. Həm özümüz, həm də uşaqlar çox sevindik.
    Allah dövlətimizin başçısını qorusun. Qarabağımızı, Şuşanı almaqla, o, bizə dünyanın ən böyük sevincini yaşadıb. İndi də ölkədə böyük işlər görülməsinə baxmayaraq, yenə də hər bir vətəndaşın yaxşı yaşaması barədə düşünür. Cənab İlham Əliyevə də, Birinci vitse-prezident Mehriban xanım Əliyevaya da möhkəm cansağlığı arzulayırıq. Onların sayəsində həyatımız gündən-günə yaxşılaşır. Daha ətraflı »

  • 29Dek
    Sosial TƏŞƏKKÜR üçün şərhlər bağlıdır

                                                                   PROBLEMLƏRİMİZ HƏLL EDİLİR

    44 günlük Vətən müharibəsində düşmən şəhərimizi, kəndlərimizi atəşə tutaraq, Tərtəri yer üzündən silmək istəyirdi. Lakin bunun əksi oldu. Müharibədən sonrakı dövrdə rayonumuzda quruculuq, abadlıq işləri daha da sürətləndi.
    Bu, hər birimizi, xüsusən də şəhid ailələrini çox sevindirir.
    Həyat yoldaşım Teyyub Həsənov I Qarabağ müharibəsi şəhididir. Möhtərəm Prezidentimiz cənab İlham Əliyev bizim qayğı və problemlərimizi daim diqqət mərkəzində saxlayır. Elə bu günlərdə imzaladığı Fərmanla şəhid ailələrinin aldığı müavinət artırıldı. Bu, ailəmizə böyük köməkdir.
    Yeniilqabağı günlərdə isə küçəmizə asfalt örtüyü salınıb, işıq dirəkləri dəyişdirilib.
    Bunun özü də qayğıdır, rahatçılıqdır.
    Ailəmiz adından sevimli Prezidentimiz cənab İlham Əliyevə, ölkənin Birinci vitse-prezidenti Mehriban xanım Əliyevaya və rayonumuzun rəhbərliyinə dərin təşəkkürümü bildirirəm.

    Məzəli Həsənova,
    Firidun bəy Köçərli
    küçəsinin sakini

  • 27Dek
    Sosial PREZİDENT İLHAM ƏLİYEVİN İMZALADIĞI YENİ SƏRƏNCAM VƏ FƏRMANLAR ƏHALİNİN HƏSSAS QRUPLARINA YÖNƏLƏN SOSİAL ÖDƏNİŞLƏRİN ARTIRILMASI İSTİQAMƏTİNDƏKİ İSLAHATLARIN UĞURLA DAVAM ETDİRİLMƏSİNİ TƏMİN EDİR üçün şərhlər bağlıdır

    İmzalanmış yeni Fərman və Sərəncamlar ilə müavinət və təqaüdlərin artırılması 732 min şəxsi əhatə edir. Nəzərdə tutulan artımlar üçün illik əlavə 200 milyon manat ayrılıb. 2022-ci ilin sosial islahatları dövlət başçısının “Əhalinin sosial rifahının qorunması sahəsində əlavə tədbirlər haqqında” 2021-ci il 16 oktyabr tarixli Sərəncamına əsasən reallaşdırılır. Yeni ildən tətbiq ediləcək islahatlar üçün illik əlavə 1,5 milyard manat vəsait nəzərdə tutulub. İslahatlar 2,1 milyondan çox şəxsi əhatə edəcək.

    Ən önəmlisi odur ki, verilmiş yeni Fərman və Sərəncamlarla müavinət və təqaüd artımı əhalinin bütün təbəqələrini əhatə edəcəkdir. Bu istiqamətə nəzərdə tutulmuş artım növbəti kateqoriyalara aid şəxsləri əhatə edəcəkdir: Əlilliyi olan şəxslər və I dərəcə əlilliyi olan şəxslərə qulluq edənlər; Sağlamlıq imkanları məhdud uşaqlar və onlara qulluq edənlər; Yaşa görə müavinət alanlar; Ailə başçısını itirməyə görə müavinət alanlar; Müddətli hərbi xidmətdə olanların uşaqları; Uşaqların qəyyumları; Beşdən çox uşağı olan qadınlar; Bir yaşadək uşağı olan (ünvanlı sosial yardım alan) aztəminatlı ailələr; Övladlığa uşaq götürənlər; İşləməyən pensiyaçı elmlər və fəlsəfə doktorları; “Xalq” və “Əməkdar” fəxri adı olanlar; Doktorant və tələbələr. Artım həmçinin birdəfəlik müavinətləri əhatə edəcəkdir: Uşağın doğulmasına görə birdəfəlik müavinət; Dəfn üçün birdəfəlik müavinət. Daha ətraflı »

  • 15Dek
    Sosial MEDİA İSLAHATLARI VƏ ONUN ƏSAS TƏRKİB HİSSƏSİ OLAN “MEDİA HAQQINDA” QANUN LAYİHƏSİNİN HAZIRLANMASI DÖVLƏTİN SİYASİ İRADƏSİNİ TƏCƏSSÜM ETDİRİR üçün şərhlər bağlıdır

    Tarixi qələbəmizlə yekunlaşan Vətən müharibəsinin başa çatmasından qısa müddət sonra Azərbaycan Respublikasının Prezidenti tərəfindən “Azərbaycan Respublikasında media sahəsində islahatların dərinləşdirilməsi haqqında” Fərmanın imzalanması, Medianın İnkişafı Agentliyinin yaradılması və “Media haqqında” qanun layihəsinin hazırlanması barədə tapşırığın verilməsi milli informasiya məkanında davamlı inkişafa nail olunmasının dövlət üçün prioritet təşkil etməsinin göstəricisidir.

    “Media haqqında” qanun Azərbaycan mediasının inkişafı üçün yeni imkanlar və yeni mərhələ deməkdir. Qanun layihəsinin mahiyyəti və həssaslığı nəzərə alınmaqla, layihənin hazırlanması prosesində çoxsaylı media nümayəndələri və ekspertləri ilə fikir mübadiləsi aparılmış, 800-yə yaxın media subyekti, jurnalist və ekspertlə layihənin müzakirəsi təşkil olunmuşdur. Daha ətraflı »