Saytın ümumi statistikası:

Saytda məqalələrin sayı - 5,138
Saytda ismarıcların sayı - 0

Arxiv

Sayğac:

Ziyarətçilərimiz:

Flag Counter
  • 29İyn
    Kənd təsərrüfatı 10 TONDAN ÇOX BARAMA üçün şərhlər bağlıdır

    Tərtər kümçüləri barama istehsalı sahəsində əldə etdikləri təcrübəni ildən-ilə zənginləşdirirlər. Əgər ötən il rayonda cəmi 4,6 ton barama tədarük olunmuşdursa, bu mövsümdə hədəf 10 tondur.
    Ölkə başçısının tapşırığına əsasən rayonumuzda bu gəlirli sahəni inkişaf etdirmək məqsədi ilə ardıcıl tədbirlər görülür. İlk növbədə baramaçılığın yem bazası yaradılır. Belə ki, son illər rayonda 125 mindən artıq çəkil tingi əkilmişdir.
    Cari ildə Tərtər rayonunda 290 qutu–4940 qram barama qurdu saxlanılıb.
    Baramaçılıqda ən çətin mərhələlər geridə qalıb. Kümçülər qısa müddət ərzində 10 ton 168,1 kq məhsul təhvil veriblər.

    “Yeni Tərtər”

    Teqlər:

  • 29İyn
    Kənd təsərrüfatı TAXIL BİÇİNİ üçün şərhlər bağlıdır

    Bu il rayonumuzun təsərrüfatlarında 7545 hektar sahədə buğda, 4010 hektar sahədə isə arpa becərilib. Hazırda zəmilərdə bol məhsul hasilə gəlib. Cari ildə taxıl əkini sahələri də xeyli genişləndirilib.
    Rayon ərazisində 2017-ci ildə 6909 hektar sahədə buğda və 2598 hektar sahədə arpa əkil-mişdisə, bu il həmin sahələr müvafiq olaraq 636 və 1412 hektar çoxdur.
    Regionun Tərtər Bölməsində 10, şəxsi adamlarda isə 18 kombayn var. 2810 hektarda arpa, 600 hektarda buğda biçilib.
    Taxıl biçini davam etdirilir

    Əvəz NƏSİROV

    Teqlər:

  • 19Apr
    Kənd təsərrüfatı Kənd təsərrüfatı üçün şərhlər bağlıdır

    ƏRZAQ TƏHLÜKƏSİZLİYİNİN TƏMİN EDİLMƏSİ AKTUAL MƏSƏLƏDİR

    Son illər ölkəmizdə kənd təsərrüfatının inkişafı ilə bağlı atılan uğurlu addımlar bəhrəsini verməkdədir. Həyata keçirilən çoxşaxəli islahatlar ölkəmizin iqtidasi qüdrətini artırmaqla yanaşı, əhalinin rifahının yaxşılaşdırılmasına stimul yaratmışdır. Azərbaycan Respublikasının Prezidenti İlham Əliyevin imzaladığı müvafiq sərəncamlar, qəbul edilmiş dövlət proqramları regionların sosial-iqtisadi inkişafına və əhalinin ərzaq məhsulları ilə etibarlı təminatına rəvac vermişdir.
    Ölkə rəhbəri Nazirlər Kabinetinin 2017-ci ilin sosial-iqtisadi inkişafının yekunlarına və qarşıda duran vəzifələrə həsr olunmuş iclasında qeyd etmişdir ki, keçən il ölkəmizdə ümumdaxili məhsul nəzərəçarpacaq dərəcədə artmış, qeyri-neft sektoru 2,5 faiz, o cümlədən sənaye sahələrində artım 3,6 faiz, kənd təsərrüfatında isə 4,1 faiz təşkil etmişdir.
    Azərbaycan iqtisadiyatının neft amilindən asılılığının maksimum dərəcədə azaldılmasında kənd təsərrüfatı məhsulları istehsalçılarının rolu böyükdür. Daha ətraflı »

    Teqlər:

  • 19Apr
    Kənd təsərrüfatı PAMBIQÇILIĞIN ƏVVƏLKİ ŞÖHRƏTİ ÖZÜNƏ QAYTARILIR üçün şərhlər bağlıdır

    Azərbaycan Respublikasının Prezidenti cənab İlham Əliyev ötən illərdə olduğu kimi, bu gün də aqrar sahənin inkişafına mühüm önəm verir. Məhz bunun nəticəsidir ki, respublikamızda sosial-iqtisadi inkişafla bağlı aparılan uğurlu siyasət, sahibkarlığa dövlət dəstəyinin gücləndirilməsi, torpaqlardan səmərəli istifadə edilməklə ölkənin ərzaq təhlükəsizliyinin təmin olunması, yeni iş yerlərinin yaradılması, sahəsində qarşıya qoyulan vəzifələr uğurla həyata keçirilir.
    Son dövrlərdə ölkə başçısının kənd təsərrüfatı məhsullarından strateji məhsul hesab edilən pambıq əkininin genişləndirilməsi və bu sahənin inkişafı ilə bağlı verdiyi Sərəncamlar kənd təsərrüfatı əməkçilərində marağın artırılmasına səbəb olmuşdur. Kənd təsərrüfatının bu sahəsinin inkişaf etdirilməsi yeni iş yerlərinin açılması ilə yanaşı, respublikamıza valyuta axınına səbəb olmuşdur. Daha ətraflı »

    Teqlər:

  • 19Apr
    Kənd təsərrüfatı Mütəxəssis məsləhəti üçün şərhlər bağlıdır

    BİTKİLƏRDƏ XƏSTƏLİK VƏ ZƏRƏRVERİCİLƏRƏ QARŞI MÜBARİZƏ APARILIR

    Kənd təsərrüfatı bitkilərinin xəstəlik və zərərvericilərindən, alaq otlarından qorunması üçün aqrotexniki, fiziki-mexaniki, bioloji, kimyəvi və karantin tədbirlərinin ardıcıl, məqsədyönlü aparılması vacibdir.
    Kənd təsərrüfatının inkişaf etdirilməsi, bütün sahələrdə məhsuldarlığın yüksəldilməsi, istehsal olunan məhsulun keyfiyyətinin yaxşılaşdırılması və əhalinin ərzaq məhsullarına artan tələbatının ödənilməsi kənd təsərrüfatı istehsalçıları qarşısında duran ən mühüm vəzifədir.
    Məhsuldarlığın artırılması zərərli orqanizmlərə qarşı kompleks tədbirlərin vaxtında aparılmasından çox asılıdır. Bu il qış aylarında yağıntının az olması və havaların quraq keçməsi bəzi ziyanverici və xəstəliklərin nisbətən artımı ilə müşahidə olunmaqdadır. Rayon ərazisində son vaxtlar xüsusi təhlükəli zərərli orqanizmlər olan siçanabənzər gəmiricilərin artımı müşahidə olunur. Daha ətraflı »

    Teqlər:

  • 19Apr
    Kənd təsərrüfatı Əkinçinin yaz qayğıları üçün şərhlər bağlıdır

    HAMI TARLADADIR

    Bir fermer kimi mənim ötən ilki göstəricilərim də yaddaqalan olub. Becərdiyimiz 5 hektar taxıl sahəsinin hər hektarından 42, 2 hektar arpa sahəsinin hər hektarından 45 sentner məhsul götürdük. Ötən il 14 hektar şəkər çuğunduru sahələrindən isə müqavilə bağladığımız İmişli şəkər zavoduna 802 ton keyfiyyətli məhsul təhvil verdik.
    Əkinçi çəkdiyi zəhmətin bəhrəsini görəndə sevinci birə min qat artır. Onda torpağa bağlılıq hissi güclənir.
    Ötən ilin payızından bu ilin məhsulu üçün 11 hektar sahədə pambıq əkməyi nəzərdə tutmuşuq. Həmin sahələri vaxtında suvarmış, torpaq altına üzvi kübrə vermişik. Budur, soyuq qış günləri artıq arxada qalmaq üzrədir. Havalar isindikcə, əkinçi tarlalara çıxıb, yaz qayğıları ilə məşğul olur.
    Biz ta ata-babadan pambıqçılıqla məşğul olan insanlarıq. Bu sahədə təcrübəmiz daha çoxdur. 2017-cı ildə pambıq sahələrinin hər hektarından 50 sentner hesabı ilə qəbul məntəqəsinə 32 ton “ağ qızıl” təhvil verdik. Məqsədimiz bu il pambığın məhsuldarlığını daha da yüksəltməkdir.

    Tərlan ZEYNALOV,
    Azadqaraqoyunlu kəndində ailə-fermer təsərrüfatının başçısı

    Teqlər:

  • 09Apr
    Kənd təsərrüfatı PAMBIQÇILIĞIN İNKİŞAFI İLƏ BAĞLI YENİ HƏDƏFLƏR MÜƏYYƏNLƏŞDİRİLİB üçün şərhlər bağlıdır

    BƏRDƏDƏKİ PESPUBLİKA MÜŞAVİRƏSİNDƏ PREZİDENT

    İLHAM ƏLİYEVİN NİTQİNDƏN TEZİSLƏR

    2016-cı ildən başlayaraq Azərbaycanda pambıqçılığa çox ciddi dövlət dəstəyi göstərilir və nəticələr də göz qabağındadır. Qısa müddət ərzində pambıqçılığın sürətli inkişafına nail ola bilmişik. Demək olar ki, biz pambıqçılığı Azərbaycanda bərpa edirik.
    1970-ci illərdə Azərbaycanda pambıqçılığın sürətli inkişafı ulu öndər Heydər Əliyevin adı ilə bağlıdır. O, 1969-cu ildə hakimiyyətə gələndə Azərbaycanda 300 min ton pambıq tədarük edilirdi. Onun dövründə bu rəqəm 3 dəfə artmışdır və 1981-ci ildə Azərbaycanda bir milyon ton pambıq yığılmışdır. Heydər Əliyev Azərbaycandan gedəndən sonra hər bir sahədə olduğu kimi, pambıqçılıqda da tənəzzül yaşandı və 1990-cı ildə Azərbaycanda pambığın tədarükü bir milyondan 500 min tona düşmüşdür. Müstəqillik dövründə isə pambıqçılıq demək olar ki, məhv olub gedirdi. Bunun bir neçə səbəbi var. Daha ətraflı »

    Teqlər:

  • 09Apr
    Kənd təsərrüfatı “QABAQCIL TƏCRÜBƏNİN ÜNVANI” ADINI DOĞRULDACAĞIQ üçün şərhlər bağlıdır

    Möhtərəm cənab Prezident.
    Hörmətli müşavirə iştirakçıları.
    İqtisadiyyatın mühüm sahəsi olan aqrar sektor bu gün Tərtərdə yüksəliş dövrünü yaşayır, çünki əhalimizin çoxu əsasən kənd təsərrüfatı sahəsində çalışır.
    Cənab Prezident, onlar Sizin bu sahəyə xüsusi qayğınızı görür və dövlətin dəstəyinə arxalanırlar.
    Ötən dövr ərzində biz tərtərlilər pambıqçılığın sürətli inkişafına dair Sizin tapşırıq və tövsiyələrinizə əsasən nəinki müəyyən olunmuş hədəflərə çata bildik, hətta bundan da xeyli yüksək göstəricilər əldə edərək pambığın hektardan məhsuldarlığına görə ölkə üzrə birinci olduq. Qazanılmış nailiyyətlər rayonun həm iqtisadiyyatını möhkəmləndirir, həm də əhalinin maddi rifah halını yaxşılaşdırır.
    Cənab Prezident, 2017-ci ilin sonunda rayonumuza etdiyiniz səfər zamanı Siz əməyimizə yüksək qiymət verdiniz və Tərtər pambıqçılarının təcrübəsinin yayılmasını tövsiyə etdiniz. Bundan ruhlanan tərtərlilər göstərdiyiniz yüksək etimadı doğrultmağa, Azərbaycanda bu qiymətli bitkinin istehsalı üzrə “qabaqcıl təcrübənin ünvanı” adını qoruyub saxlamağa və tarlalardan daha çox məhsul toplamağa çalışırlar. Daha ətraflı »

    Teqlər:

  • 09Apr
    Kənd təsərrüfatı YÜKSƏK NAİLİYYƏTLƏR QAZANILIB üçün şərhlər bağlıdır

    Tərtər rayon Mədəniyyət Mərkəzində Bərdə rayonunda pambıqçılığın inkişafı məsələlərinə dair keçirilən respublika müşavirəsinin yekunlarına və müşavirədə Prezident İlham Əliyevin nitqindən irəli gələn vəzifələrə həsr olunmuş yığıncaq keçirilib.
    Aidiyyəti idarə, müəssisə və təşkilatların rəhbərlərinin, rayon icra hakimiyyəti başçısının inzibati ərazi dairələri üzrə nümayəndələrin, bələdiyyə sədrlərinin, pambıqçılıqla məşğul olan fermerlərin, torpaq mülkiyyətçilərinin, habelə ictimaiyyət nümayəndələrinin iştirakı ilə keçirilən yığıncaqda pambıqçılığın inkişaf etdirilməsi, məhsuldarlığın artırılması məsələləri müzakirə edilib.
    Rayon icra hakimiyyətinin başçısı Müstəqim Məmmədov çıxış edərək respublika müşavirəsində pambıqçılığın inkişafı ilə əlaqədar qarşıya mühüm vəzifələr qoyulduğunu diqqətə çatdırıb. Daha ətraflı »

    Teqlər:

  • 09Apr
    Kənd təsərrüfatı Bizim qadınlar üçün şərhlər bağlıdır

    ARIÇI ZÜLFİYYƏ

    Son illər rayonumuzda qeyri-neft sektorunun sürətli inkişafı qadınların məşğulluq probleminin həllinə müsbət təsir göstərmişdir. Təbiətən zəhmətkeş, fədakar Azərbaycan qadınları onlar üçün yaradılan şəraitdən səmərəli istifadə edərək, həm ailələrini dolandırır, həm də iqtisadiyyatımızın möhkəmləndirilməsinə kömək edirlər.
    Belə qadınlardan biri də sadə zəhmət adamı olan arıçı Zülfiyyə Ağayevadır. Zülfiyyə deyir:
    –Əvvəllər ailəmiz çox çətinliklə dolanırdı. Elə bir iş görmək istəyirdim ki, müəyyən gəlir əldə edərək oğlum Hikmətin gələcəyi barədə düşünə bilim. Mənə arıçılıqla məşğul olmağı məsləhət gördülər. Hazırda 10 arı ailəm var.
    Zülfiyyənin dediklərinə əlavə etmək istəyirik ki, o, bu işi təkbaşına görmür. Rayonumuzdakı Arıçılar Assosiasiyasının üzvüdür. Bu sahədə təcrübəsini də assosiasiyanın vasitəsilə artırır. Belə ki, arıçılıqda vacib olan tədbirlərin keçirilməsi barədə vaxtlı-vaxtında məlumatlandırılaraq onları yerinə yetirir, çətinliyə düşərkən faydalı məsləhət alır. Daha ətraflı »

    Teqlər: