Saytın ümumi statistikası:

Saytda məqalələrin sayı - 5,319
Saytda ismarıcların sayı - 0

Arxiv

Sayğac:

Ziyarətçilərimiz:

Flag Counter
  • 08Sen
    Milli-mənəvi dəyərlər Azərbaycan incəsənətinin daha bir uğuru üçün şərhlər bağlıdır

    Azərbaycan Respublikasının Əməkdar artisti, sevimli müğənnimiz  Gülyanaq Məmmədova Özbəkistan Respublikasının Xalq artisti adına layiq görülüb. Zəng edib birbaşa özü ilə danışıb təbrik etsəm də mətbuat vasitəsi ilə də təbrik etmək qərarına gəldim. SSRİ dağılandan sonra bu yeganə hadisədir ki, keçmiş sovet respublikaları arasında xarici ölkənin müğənnisinə xalq artisti adı verilir. Bu həqiqətən məni sevindirdi. Sevdiyim və hörmət bəslədiyim  müğənnilərdən biri də Gülyanaq Məmmədovadır. Gülyanaq xanımın o cılız canında böyük mərdlik, sədəlik, təbiilik, vətənpərvərlik var. Çox istedadlı müğənni olmaqla yanaşı, Gülyanaq xanım insan kimi, dost kimi bütün insani müsbət keyfiyyətlərə malikdir. Onun doğmalarını, əzizlərini də təbrik edirəm. Elə bilirəm bu uğur yalnız Gülyanaq xanımın uğuru deyil, Azərbaycan xalqının, dövlətinin, mədəniyyətinin uğurudur. Bu sevinc onu sevənlərin sevincidir. Daha ətraflı »

  • 19Avq
    Milli-mənəvi dəyərlər “Yeni Tərtər”in 17 yaşı tamam oldu üçün şərhlər bağlıdır

    Bəlkə də gənc oxucularımız bil-mirlər ki, 2 ildən sonra 90 illiyini qeyd edəcəyimiz qəzetimiz məhz 17 il bundan əvvəl, 7 illik fasilədən sonra avqustun 20-də “Yeni Tərtər” adı ilə çap olunmağa baş-layıb.
    Bu, Tərtərin ictimai həyatında mühüm hadisə idi. Çünki rayon qəzetinin nəşrinin dayanması kollektivimizlə yanaşı, oxucuları da məyus etmişdir.
    Həmin ərəfədə “Tərtər” qəzetinin redaktoru Hilal Bayramov və redaktor müavini Əmiraslan Qurbanzadə dünyalarını dəyişdikləri üçün, redaktor vəzifəsi şairpublisist, əvvəllər bizim qəzetdə çalışmış Tofiq Yusifə tapşırıldı. “Tərtər” adı isə “Yeni Tərtər”lə əvəz olundu.
    Həmin dövr həm rayonumuzun, həm də qəzetimizin həyatında yeni bir mərhələnin başlanğıcı oldu.
    Əlbəttə ki, “Yeni Tərtər”in uğurlarında bütün kollektivimizlə yanaşı 16 il bu qəzetə rəhbərlik etmiş redaktor Tofiq Yusifin, müxbir Əvəz Nəsirovun əməyi var.
    Odur ki əlamətdar gündə biz dünyasını dəyişənlərin hamısına Allahdan rəhmət diləyir, qalanlarına isə cansağlığı arzulayırıq.
    Həyat belədir, biz dünyadan kö-çürük, amma sözümüz, işimiz, yaradıcılığımız qalır. Tofiq məllimi də bizə xatırladan onun ərsəyə gətirdiyi kitablar, oxunaqlı publisistik məqalələri, lirik şeirləridir.
    İllər keçəcək, qəzetin fəaliyyətini araşdıran gənc yazarlar dönə-dönə onun yaradıcılığına müraciət edəcəklər. Rayon qəzeti yaşadıqca, onun ərsəyə gəlməsində zəhməti olan insanlar yaddan çıxma-yacaq.

    “Yeni Tərtər”

  • 19Avq
    Milli-mənəvi dəyərlər SAVADLI HƏKİM, TƏMƏNNASIZ İNSAN üçün şərhlər bağlıdır

    Tərtərlilər Rza İbrahimovu belə xatırlayırlar

    Haqlı deyirlər ki, insan ömrü yaşanan illərlə deyil, bu illərin dəyəri ilə ölçülür. Bəzən qısa bir ömrə o qədər xeyirxahlıq, yaxşı əməllər sığır ki, illər ötdükcə, bunlar unudulmur. Belə ömür yaşayan insanlardan biri də çox cavan yaşlarında dünyasını dəyişən tərtərli həkim Rza İbrahimovdur. Rza həkim 1952-ci il iyul ayının 18-də rayonumuzun Sarov kəndində sadə bir kolxozçu ailəsində anadan olub. Kəndlərində bostançı işləyən İbrahim kişi 7 övladının hamısını zəhmətə alışdırmış və demişdi:
    – Hər biriniz həyat yolunu özünüz seçəcəksiniz. Ancaq yadda saxlayın: bütün yolların başlanğıcı zəhmətdən keçir. Zəhməti sevsəniz, qarşınıza çıxan çətinliklərin öhdəsindən gələ biləcəksiniz.
    Dərsdən sonra onun yanına köməyə gələn uşaqların əlində kitab-dəftər görən ata sevinirdi:
    – Oxuyun, yaxşı peşələrə yiyələnin. İşiniz nə qədər hörmətli olsa da, sizə insanların məhəbbətini qa-zandıran sadəliyiniz və xeyirxahlığınız olacaq. Soy-kökünüzlə, kəndinizlə bağları qırmayın.
    Öyüd-nəsihətlərilə uşaqlarının, nəvələrinin qəlbində məskən salan İbrahim kişi 100 il yaşadı. Oğlu Rza onun tövsiyələrinə əməl edərək orta məktəbi müvəffəqiyyətlə bitirib, o zamanki Tibb İnstitutuna daxil oldu. Atasının dediyi kimi, zəhmətə qatlaşaraq, gecə-gündüz oxudu, mühazirələrdən, təcrübədən zəngin bilik topladı. Rayonumuza gənc həkim, savadlı bir mütəxəssis kimi qayıtdı.
    1975-ci ildən Rza İbrahimov Tərtər Mərkəzi Xəstəxanasında nevropatoloq kimi fəaliyyətə başladı. Tezliklə rayon mərkəzi ilə yanaşı, kəndlərimizdə də tanındı. Onun xəstələri adətən əsəbi, müxtəlif sar-sıntı keçirmiş insanlar olurdu. Lakin iş yoldaşları da, xəstələrin qohumları da çox zaman təəccüb Daha ətraflı »

  • 10Avq
    Milli-mənəvi dəyərlər Məhərrəm ayı ilə əlaqədar tədbir keçirilib üçün şərhlər bağlıdır

    Məhərrəm ayı ilə əlaqədar Tərtər Rayon İcra Hakimiyyətinin başçısı Müstəqim Məmmədovun rəhbərliyi ilə qərargah üzvlərinin növbəti tədbiri keçirilib.
    Rayon İcra hakimiyyətində keçirilən tədbirdə hüquq-mühafizə orqanlarının, icra hakimiyyətinin əməkdaşları və din xadimləri iştirak ediblər.
    Tədbiri giriş sözü ilə açan Tərtər Rayon İcra Hakimiyyətinin başçısı Müstəqim Məmmədov bildirib ki, Azərbaycanda əsası Ulu Öndər Heydər Əliyev tərəfindən qoyulan dövlətdin münasibətləri bu gün dövlətimizin başçısı İlham Əliyevin həyata keçirdiyi tədbirlər sayəsində ölkəmizin in-kişafına böyük töhfə verib. Rayon rəhbəri ölkəmizin hər yerində olduğu kimi, Tərtərdə də Məhərrəm ayı ilə əlaqədar dini ayin və mərasimləri sərbəst yerinə yetirmək üçün şərait yaradıldığını vurğulayıb. Qeyd edib ki, sülh və əminamanlıq ayı kimi qəbul edilən Məhərrəm ayı ərzində ibadət ocaqlarında ictimai asayişə riayət olunmaqla, təziyə məclislərində Kərbəla şəhidləri ilə yanaşı Vətənimiz uğrunda canlarını qurban vermiş qəhrəman övladlarımızın da əziz xatirəsi ehtiramla anılmalı, moizə və xütbələrdə Vətən təəssübü, milli və dövlət mənafelərimiz uca tutulmalıdır.
    İcra başçısı çıxışında vurğulayıb ki, rayon ərazisində 5 məsçid və 1 ziyarətgahda (Ələm ocağı) dini mərasimlərin keçirilməsinə icazə verilib. Küçələrdə, evlərdə ehsan süfrələrinin açılması, dini mərasimlərin təşkili tövsiyə olunmur.
    Tərtər Rayon Polis Şöbəsinin rəis müavini Həsən Məmmədov, Dövlət Təhlükəsizlik Xidmətinin Tərtər rayon şöbəsinin əməkdaşı Kamal Rəsulov, rayon prokurorluğunun əməkdaşı Məhəmməd Mahmudov Məhərrəm ayı ilə bağlı tədbirlərin mövcud qanunvericilik çərçivəsində keçirilməsinin zəruriliyini diqqətə çatdırıblar. Daha ətraflı »

  • 01Avq
    Milli-mənəvi dəyərlər Dil millətin simasını səciyyələndirən amillərdən biri, onun milli sərvətidir üçün şərhlər bağlıdır

    Müstəqilliymizin qazanılmasından sonra yaranmış tarixi şərait xalqımızın dünya xalqlarının ümumi yazı sisteminə qoşulması üçün yeni perspektivlər açdı və latın qrafikalı Azərbaycan əlifbasının bərpasını zəruri etdi. Bu mənada Azərbaycan Əlifbası və Azərbaycan Dili Gününün təsis edilməsi haqqında Ulu Öndər Heydər Əliyevin 9 avqust 2001-ci il tarixli 552 nömrəli Fərmanı tarixi hadisədir.

    Ulu Öndər Heydər Əliyev deyib: “Dil hər bir millətin mənliyinin əsasıdır. İnkişaf etmiş zəngin dil mədəniyyətinə sahib olan xalq əyilməzdir, ölməzdir, böyük gələcəyə malikdir”.

    Azərbaycan dilinin dövlət dili statusuna yüksəlməsi millətin öz taleyinə sahibliyinin, dövlət qurmaq və qorumaq qüdrətinin, eyni zamanda dilinin zənginliyinin sübutudur. Dil hər bir xalqın varlığının əsas təminatçısıdır. Azərbaycan xalqının da ana dili onun milli varlığını müəyyən edən başlıca amillərdəndir. Ana dili dövlət rəmzlərimiz olan himn, gerb, bayraq kimi müqəddəsdir.

    70-ci illərin ortalarından başlayaraq SSRİ-ni təşkil edən respublikaların ictimai-siyasi həyatında dil məsələsi yenidən gündəmə gətirildi. SSRİ Konstitusiyasının qəbulundan sonra milli dillərin sıxışdırılması prosesi daha da gücləndi. Belə bir şəraitdə ana dili məsələsinin təbliği ilə məşğul olmaq cəsarət tələb edirdi. 30-ci illərdə dil məsələsini qabardanlar Sibirə sürgün olunurdu. Hətta milli respublikaların rəhbərləri də ana dili məsələsini gündəmə gətirməkdə aciz idilər. Bütün bunlara baxmayaraq, məhz elə 70-ci illərdə Azərbaycan Respublikasının rəhbəri olan Ulu Öndər Heydər Əliyev dil məsələsində öz mövqeyini çox cəsarətlə, qətiyyətlə bildirmişdir. Daha ətraflı »

  • 29İyl
    Milli-mənəvi dəyərlər Tərtərdə Milli Mətbuatın 147-ci ildönümü qeyd olunub üçün şərhlər bağlıdır

    Jurnalistikamızın əsas qayəsi vətənpərvərlikdir

    Tərtər Rayon İcra Hakimiyyətinin başçısı Müstəqim Məmmədov 22 iyul – Milli Mətbuat gününün 147-ci ildönümü və Jurnalistika Günü münasibətilə “Yeni Tərtər” rayon qəzetinin kollektivini və bölgədə fəaliyyət göstərən mətbuat işçilərini qəbul edib. Tədbirdə “Azərbaycan” qəzetinin bölgə müxbiri Lazım Quliyev, Bizim.medianın bölgə müxbiri Elgün Gəncimsoy və digərləri iştirak ediblər.
    İcra başçısı mətbuat işçilərini təbrik edərək, onlara şərəfli və məsuliyyətli işlərində müvəffəqiyyətlər arzulayıb. Qeyd olunub ki, Azərbaycan öz müstəqilliyini bərpa etdikdən sonra bir çox milli-mənəvi dəyərlərə qayıdış mətbuat sahəsində də özünü göstərib.
    Azərbaycanda söz, fikir, mətbuat azadlığının formalaşması Ulu Öndər Heydər Əliyevin adı ilə bağlıdır. Ümummilli Lider KİV-in cəmiyyətdə rolunu yüksək qiymətləndirmiş, bu məsələyə böyük önəm vermişdir. Məhz buna görə də “Jurnalistlərin dostu” olmuşdur. Bu gün isə möhtərəm Prezidentimiz cənab İlham Əliyev dövlət-mətbuat münasibətlərində Heydər Əliyev siyasətini uğurla davam etdirir. Azərbaycan Respublikasının Prezidenti cənab İlham Əliyevin diqqət və qayğısı nəticəsində mətbu orqanlarını maddi-texniki bazası möhkəmləndirilir, jurnalistlərin sosial- iqtisadi, mənzil-məişət şəraitləri yaxşılaşdırılır. Daha ətraflı »

  • 29İyl
    Milli-mənəvi dəyərlər Bərdə Regional Mədəniyyət İdarəsində media nümayəndələri ilə görüş üçün şərhlər bağlıdır

    Azərbaycanın səsini dünyaya yayanlar

    Bərdə Regional Mədəniyyət İdarəsində Milli Mətbuat Günü münasibətilə bir qrup media nümayəndələri ilə görüş keçirilib.
    Tədbir iştirakçıları əvvəlcə Vətən uğrunda canından keçmiş şəhid jurnalistlərin guşəsi önünə gül dəstələri qoyublar. Sonra hərbi jurnalist Şöhrət Eyvazovun Vətən müharibəsində düşməndən qənimət olaraq götürülmüş “Boş qalan papaqlar” adlı kolleksiyasına baxış keçirilib.
    Tədbirdə Azərbaycanın müstəqilliyi, suverenliyi və ərazi bütövlüyü uğrunda canından keçən oğul və qızlarımızın, həmçinin şəhid jurnalistlərimizin əziz xatirəsi bir dəqiqəlik sükutla yad edilib. Media nümayəndələrinin Vətən müharibəsi dövründəki fəaliyyətindən bəhs edən videoçarx nümayiş olunub.
    Bərdə Regional Mədəniyyət İdarəsinin rəisi Vəsilə Möhsümova çıxışında Azərbaycan milli mətbuatının yaranmasından, şərəfli və zəngin tarixindən danışaraq, mətbuat işçilərinə gələcək fəaliyyətlərində uğurlar və peşələrində yüksəliş arzulayıb.
    Vəsilə Möhsümova 44 günlük Vətən müharibəsində qazanılan Qələbədə medianın xüsusi rolunun olduğunu vurğulayıb. Bildirilib ki, media nümayəndələri çətin və təhlükəli şəraitdə çalışaraq həm ölkə, həm də dünya ictimaiyyətinin məlumatlandırılmasında mühüm rol oynadılar. Birbaşa hadisə yerindən informasiyalar, foto və videolar yayımlayaraq, xalqımızı məlumatla təmin etdilər. Daha ətraflı »

  • 29İyl
    Xəbərlər, Milli-mənəvi dəyərlər Oxucu sevgisi üçün şərhlər bağlıdır

    Zəhmətimizə verilən dəyər

    Rəmziyyə Məmmədova rayo-numuzun ziyalı qadınlarından biridir. Uzun müddət Tərtərdə müxtəlif vəzifələrdə çalışıb, indi isə təqaüddədir. Həyat təcrübəsini nəvələrinə həvəslə öyrədir. Bunlardan biri də uşaqlara oxu mədəniyyətinin aşılanmasıdır.
    Özü də jurnalist ailəsində böyüyən Rəmziyyə xanım mətbuata böyük həvəs göstərir, uzun illərdir ki, bizim rayon qəzetinin oxucusudur. Onun qəzetimizə olan sevgisi nəvələrinə də keçib.
    Şəhər 1 saylı məktəbin şagirdi, dərs əlaçısı, nənəsinin adını daşıyan Rəmziyyə deyir ki, bizim evdə hamımız rayon qəzetini izləyirik. Təhsildə, idmanda qazandığımız uğurlar haqqında “Yeni Tərtər”də yazılar dərc olunanda, çox sevinirik.
    22 iyul – Milli Mətbuat Günündə nənə və nəvə redaksiyamızda olub, kollektivimizi peşə bayramı münasibəti ilə təbrik ediblər. Zəhmətimizə verilən bu dəyərə görə oxucularımıza öz təşəkkürümüzü bildiririk.

    “Yeni Tərtər”

  • 23İyl
    Milli-mənəvi dəyərlər Tərtərdə Milli Mətbuatın 147-ci ildönümü qeyd olunub üçün şərhlər bağlıdır

    Tərtər Rayon İcra Hakimiyyətinin başçısı Müstəqim Məmmədov 22 iyul Milli Mətbuat gününün 147-ci ildönümü və jurnalistika günü münasibətilə “Yeni Tərtər” rayon qəzetinin kollektivini və bölgədə fəaliyyət göstərən mətbuat işçilərini qəbul edib. Tədbirdə “Azərbaycan” qəzetinin bölgə müxbiri Lazım Quliyev, Bizim.mediyyanın bölgə müxbiri Elgün Gəncimsoy və digərləri iştirak ediblər.

    İcra başçısı mətbuat işçilərini təbrik edərək, onlara şərəfli və məsuliyyətli işlərində müvəffəqiyyətlər arzulayıb. Qeyd olunub ki, Azərbaycan öz müstəqilliyini bərpa etdikdən sonra bir çox milli mənəvi dəyərlərə qayıdış mətbuat sahəsində özünü göstərib.

    Azərbaycanda söz, fikir, mətbuat azadlığının formalaşması ulu öndər Heydər Əliyevin adı ilə bağlıdır. Ümummilli lider KİV-nin cəmiyyətdə rolunu yüksək qiymətləndirmiş, bu məsələyə böyük önəm vermişdir. Məhz buna görə də  “Jurnalistlərin dostu” olmuşdur. Bu gün isə möhtərəm Prezidentimiz cənab İlham Əliyev dövlət-mətbuat münasibətlərində Heydər Əliyev siyasətini uğurla davam etdirir. Azərbaycan Respublikasının Prezidenti  Cənab İlham Əliyevin diqqət  və qayğısı  nəticəsində mətbu orqanlarının maddi-texniki bazası möhkəmləndirilir, jurnalistlərin sosial- iqtisadi, mənzil-məişət şəraitləri yaxşılaşdırılır.

    Respublika Prezidenti cənab İlham Əliyevin Azərbaycan mətbuatı haqqında  bir fikrini xatırlatmaq istəyirəm: “Bünövrəsi “Əkinçi” ilə qoyulmuş Milli Mətbuatımız bu gün  Azərbaycanın dünyada eşidilən səsidir”. Daha ətraflı »

  • 20İyl
    Xəbərlər, Milli-mənəvi dəyərlər 22 İyul Milli Mətbuat Günüdür üçün şərhlər bağlıdır

    Rayonumuzun həyatının güzgüsü

    Azərbaycan milli mətbuatının yaranmasından 147 il ötür.
    Milli mətbuatımızın əsası 1875-ci il iyulun 22-də ilk nömrəsi nəşr olunan “Əkinçi” qəzeti ilə qoyulub. Qəzetin nəşri və redaktoru Azərbaycan milli maarifçilik hərəkatının banilərindən biri, təbiətşünas alim Həsən Bəy Zərdabi olub. O zamanlarda bütün Qafqazda böyük əks-səda doğuran bu qəzetdə Mirzə Fətəli Axundzadə, Seyid Əzim Şirvani, Nəcəf Bəy Vəzirov, Əsgər ağa Gorani və həmin dövrün başqa tanınmış ziyalıları çalışıblar.
    “Əkinci”nin nəşri 1877-ci ilin sentyabrınadək davam edib və 56 sayı işıq üzü görüb. Buna baxmayaraq, mətbuatımızın ilk qaranquşu hesab edilən bu qəzet xalqın maarifləndirilməsində, Azərbaycan milli mətbuatının inkişafında misilsiz xidmətlər göstərib. Qeyd olunmalıdır ki, bu mətbu orqanın sadə, anlaşıqlı dili onu həm ziyalılara, həm də sadə insanlara sevdirmişdi. Qəzetin insanlara təsir dairəsinin genişlənməsi çar Rusiyasının xoşuna gəlməyib və onun nəşrini dayandırıblar.
    O vaxtdan bizim günümüzədək Azərbaycan mətbuatı daim cəmiyyətimizdə böyük nüfuza malik olub və bir növ baş verən prosesləri əks etdirən güzgüyə çevrilib.
    Milli mətbuatımızın inkişafı Ulu Öndər Heydər Əliyevin adı ilə bağlıdır. Ümummilli Liderin 1993-cü ildə xalqın təkidli tələbi ilə hakimiyyətə qayıdışı həyatımızın bütün sahələrində olduğu kimi, milli mətbuatımızın inkişafında da yeni mərhələnin başlanğıcı oldu.
    1998-ci ildə Heydər Əliyev tərəfindən Azərbaycan mətbuatı üzərindən dövlət senzurası ləğv edildi, beləliklə də söz və mətbuat azadlığının əsası qoyuldu. Daha ətraflı »