Saytın ümumi statistikası:

Saytda məqalələrin sayı - 5,075
Saytda ismarıcların sayı - 0

Arxiv

Sayğac:

Ziyarətçilərimiz:

Flag Counter
  • 20Apr
    Hərbi vətənpərvərlik “VƏTƏN BAĞ”I AL-ƏLVANDIR üçün şərhlər bağlıdır

    İş planına uyğun olaraq rayonumuzdakı “Vətən bağı”ndan yazmalı idim. Bunun üçün Rayon İcra Hakimiyyəti Başçısı Aparatının Vətən Müharibəsi İştirakçıları və Şəhid Ailələri ilə işin təşkili şöbəsinin müdiri Ülvi Nəcəfova müraciət etdim. O, bəzi məlumatları verməklə yanaşı, “Vətən bağı”nı görmək üçün ora getməyə kömək etdi.

    Maşın Tərtər-Ağdərə istiqamətində hər iki tərəfdən şam və küknar ağacları əkilmiş asfalt yolla irəliləyir. Düşünürəm kaş bu yolla Umudlu və digər kəndlərimizə gedəydim. Axı, bu yollarda uşaqlığımın, atalı-analı günlərimin xatirələri yaddaşımda yaşayır. Dağların döşündəki müxtəlif meyvə ağacları ilə əhatə olunmuş meşəlik, yol qırağındakı sərin bulaqlar, yolun sol tərəfində qaya daşlarından tikilmiş evlərə aşırımlardan mələşə-mələşə qaçışan mal-heyvan, kənd uşaqlarının tozun-torpağın içində oynamağı, daha nələr, nələr gözlərim önündən keçdi. Nəhayət, “Vətən bağı” deyilən məkana çatıb maşından düşdük. Əvvəlcə dayanıb bir an ətrafa nəzər yetirdim. Murov dağından əsən mehdən nəfəs dolusu uddum.
    Üç tərəfə ayrılan yolun tən ortasında ermənilərin özləri tərəfindən tikilən və Qarabağa gəlmə olduqlarını bildirən “Marağa-150” abidəsi diqqət çəkir. Abidənin sağ tərəfində isə möhtəşəm Zəfər və birlik rəmzi olan “Dəmir yumruq”, simvolik “Xarı bülbül” və “Xatirə bulağı” insana gəl-gəl deyir. Daha ətraflı »

  • 20Apr
    Hərbi vətənpərvərlik Vətən müharibəsi veteranı üçün şərhlər bağlıdır

                                                             Təvazökar döyüşçü

    Elşən Əhmədov rayonumuzun yetirməsidir. Burada doğulub, boya-başa çatıb. Ata-anası rayonumuzun zəhmətkeş, sadə insanlarındandır. Ailədə 3 uşaq – 2 oğlan, bir qız böyüyüb. Elşən də həmin oğlanlardan biridir. Şəhər 6 saylı məktəbin 9-cu sinfini bitirdikdən sonra 11-ci sinfə qədər Bakı şəhərində təhsil alıb. 1994-cü ildə orta məktəbi bitirib. 1995-ci ildə Azərbaycan Texniki Universitetin Metallurgiya fakültəsinə qəbul olub, 2000-ci ildə təhsilini müvəffəqiyyətlə başa vurub. Əsgəri borcunu yerinə yetirmək üçün hərbi xidmətə yollanıb. Hərbi hissələrin birində artilleriya batareyasının komandiri olub. Hərbi xidmətini başa vurduqdan sonra az bir müddət Rusiyada yaşayıb, sonra qayıdaraq Gəncə şəhərində alüminium zavodunda işləyib. 2010-cu ildən isə Azəriqaz İstehsalat Birliyinin Tərtər Regional Qaz İstismarı İdarəsinin Tərtər xidmət sahəsində dispetçer vəzifəsində işləyir.
    Vətənimizin üzərini qara buludlar aldığı zaman, o da könüllü olaraq cəbhəyə yollanıb. Keçdiyi döyüş yolundan danışmasını xahiş etdim. Daha ətraflı »

  • 08Apr
    Hərbi vətənpərvərlik Prezident İlham Əliyev: “Aprel döyüşləri xalqımızın birliyini, vətənpərvərliyini nümayiş etdirdi” üçün şərhlər bağlıdır

                                 APREL DÖYÜŞLƏRİ–BÖYÜK ZƏFƏRDƏN XƏBƏR VERƏN İLK ZƏRBƏ

    2016-cı il aprelin əvvəllərində Azərbaycanın ön xətt mövqeləri və yaşayış məntəqələri Ermənistan silahlı qüvvələri tərəfindən intensiv artilleriya atəşinə məruz qalanda ordumuzun bölmələri əks-həmlə ilə təxribatların qarşısını aldı. Bu, aprel döyüşləri kimi tarixləşdi.
    Döyüşlər Azərbaycan Ordusunun qələbəsi ilə nəticələndi. Tərtər rayonunun Talış kəndi ətrafındakı yüksəkliklər, Cəbrayıl rayonunun Lələtəpə yüksəkliyi və Cocuq Mərcanlı, Goranboy rayonunun Gülüstan kəndi və Tərtər rayonunun Madagiz kəndi istiqamətində bəzi mövqelər düşməndən azad olundu. Bununla da cinayətkar erməni rəhbərlərinin keçilməz erməni səngərləri haqqında mifi alt-üst edildi.
    Aprelin 4-ü Ermənistan ordusu itirilmiş mövqelərini geri qaytarmaq məqsədilə cəbhənin əsasən Ağdərə-Tərtər və Xocavənd-Füzuli istiqamətlərində mövqelərimizə yenidən hücum etdi, təmas xəttinə yaxın yaşayış məntəqələrimizi intensiv atəşə tutdu. Amma döyüşçülərimizin şücaəti qarşısında düşmən məqsədinə nail ola bilmədi. Onların əlavə qüvvələr göndərməklə hücumu davam etdirmək planı da baş tutmadı. Hazırlıqlı bölmələrimiz tərəfindən düşmənin strateji baxımdan əhəmiyyətli Madagiz məntəqəsindəki hərbi bazasının qərargahına və erməni könüllülərini daşıyan avtobusa zərbə endirildi. Daha ətraflı »

  • 08Apr
    Hərbi vətənpərvərlik Unutmayaq! üçün şərhlər bağlıdır

                                                 Aprel ayında doğulmuş tərtərli Vətən Müharibəsi şəhidləri

    İsmayılzadə Orxan Rəhbər oğlu
    Orxan İsmayılzadə 2004-ci ilin aprel ayının 2-də Tərtər rayonunun Kəbirli kəndində anadan olmuşdur.
    Orxan İsmayılzadə Vətən müharibəsi zamanı 24 oktyabr tarixində Kəbirli kəndinə düşən artilleriya mərmisi nəticəsində şəhid olub. Tərtər rayonunun Kəbirli kəndində dəfn olunub.

    Məmmədov Mehdi Elçin oğlu
    Məmmədov Mehdi Elçin oğlu 6 aprel 2002-ci ildə Tərtər rayonunun Sarıcalı kəndində dünyaya gəlib.
    Mehdi Məmmədov Vətən müharibəsi zamanı Talış-Suqovuşan uğrunda gedən döyüşlərdə savaşıb. 13 okytabr 2020-ci ildə Tərtər rayonu Suqovuşan kəndi istiqamətində düşmən tərəfindən atılan artilleriya atəşi zamanı şəhid olub.
    Ölümündən sonra “Ağdamın azad olunması”, “Suqovuşanın azad olunması” və “Vətən uğrunda” medalları ilə təltif edilib.

    Hüseynov Elnur Əhliman oğlu
    Elnur Hüseynov 1990-cı ilin aprel ayının 16-da Tərtər rayonunun Kəbirli kəndində anadan olub.
    Vətən müharibəsində Talış-Suqovuşan istiqamətində gedən döyüşlərdə savaşıb. 2020-ci ilin noyabr ayının 11-də Tərtər-Ağdərə istiqamətində gedən döyüşlərdə şəhid olub. Tərtər rayonunun Kəbirli kəndində dəfn olunub.
    Elnur Hüseynov ölümündən sonra “Vətən uğrunda” medalı ilə təltif edilib.
    Ailəli idi, 2 övladı yadigar qalıb.

    Zamanov Şakir Xasay oğlu
    Şakir Zamanov 1988-ci ilin aprel ayının 25-də Kəlbəcər rayonunda anadan olmuşdur.
    15 oktyabr tarixində Tərtər şəhər qəbristanlığına düşən artilleriya mərmisi nəticəsində şəhid olub. Tərtər rayonunun Sarıcalı kəndində dəfn olunub.

     

  • 02Apr
    Hərbi vətənpərvərlik Şəhid Mürşüd Əhmədzadənin doğum günü qeyd olunub üçün şərhlər bağlıdır

    YAP Tərtər Rayon Təşkilatının sədri Eldar Əsədov və   bir qrup partiya fəalı, 44 günlük Vətən müharibəsində  şəhidlik zirvəsinə ucalmış  Əhmədzadə Mürşüd Müdahil  oğlunun doğum günü ilə əlaqədar  dəfn edildiyi   Evoğlu  kənd qəbristanlığındakı  məzarını ziyarət edərək,  qəbri  üzərinə gül- çiçək dəstələri qoyub , xatirəsini  ehtiramla yad ediblər.

    Sonra Tərtər rayon Rafiq Məmmədov adına Evoğlu kənd tam orta məktəbinin müəllim və şagird kollektivi ilə birlikdə həmin  kənddə yerləşən Şəhidlər Abidə Kompleksini ziyarət edib , abidə üzərinə gül-çiçək dəstələri qoyublar. Tədbirdə  məktəb kollektivin hazırladığı  ədəbi-bədii kompozisiya da nümayiş etdirilib. Rayon təşkilatının  sədri Eladr Əsədov çıxış edərək Ali Baş Komandan İlham Əliyevin rəhbərliyi ilə 2020-ci il sentyabrın 27-də başlanan və Zəfərlə başa çatan 44 günlük Vətən müharibəsində qazanılan qələbənin tarixi əhəmiyyətindən danışıb, Ali Baş Komandanın  dönməz iradəsi, düşünülmüş rəhbərliyi, ordumuzun məğlubedilməzliyi, hünəri və qətiyyəti sayəsində torpaqlarımızın ərazi bütövlüyünün bərpa edildiyini  və  şəhidlərimizin qanının  yerdə qalmadığını tədbir iştirakçılarının nəzərinə çatdırıb. O bildirib ki, bu gün şəhidlərimizin ruhu şaddır. Azərbaycan gəncliyi və gələcək nəsillər belə qəhrəman oğullarımızla  daim fəxr edib, onları   qürurla anacaq.

    Rayon təşkilatının sədri Eldar Əsədov və fəallar  şəhidin valideyinləri və yaxınları  ilə görüşərək, onlara  başsağlığı veriblər.

    Şəhidin valideyinləri Ölkəmizdə şəhid ailələrinə göstərilən diqqət və qayğıya görə möhtərəm Prezident Cənab İlham Əliyevə və birinci xanım Mehriban xanım Əliyevaya öz təşəkkürlərini bildiriblər.

     

  • 31Mar
    Hərbi vətənpərvərlik Azərbaycanın Milli Qəhrəmanı Vəzir Orucovun anım mərasimi keçirilib üçün şərhlər bağlıdır

    Martın 22-də rayonumuzda Azərbaycanın Milli Qəhrəmanı Vəzir Orucovun anım mərasimi keçirilib. Tədbirdə iştirak edən Tərtər Rayon İcra Hakimiyyətinin, YAP rayon təşkilatının, rayon ictimaiyyətinin nümayəndələri, şəhid ailələri, qazilər, döyüş yoldaşları əvvəlcə qəhrəmanın büstü önünə tər gül-çiçək dəstələri düzərək xatirəsini bir dəqiqəlik sükutla yad ediblər. Tərtər Cümə Məscidinin imamı Sadiq Cəfərov şəhidlərin ruhuna dua oxuyub.
    Tədbirdə çıxış edənlər Vəzir Orucovun həyatı və döyüş fəaliyyəti barədə məlumat veriblər. Bildirilib ki, Vəzir Orucov 26 dekabr 1956-cı ildə Tərtər rayonunun Xoruzlu kəndində anadan olmuşdur. 1949-cu ildə atası Surxay ailəsi ilə birgə Dərələyəz mahalından deportasiya olunmuşdu. Orta təhsilini Xoruzlu kənd orta məktəbində almış, 1974-cü ildə Bakı Yüngül Sənaye Texnikumuna daxil olmuşdu. 1975-ci ildə hərbi xidmətə çağırılmış, 1977-ci ildə ordudan tərxis olunaraq, yarımçıq qalmış orta ixtisas təhsilini davam etdirmişdir. 1984-cü ildə Vəzir Orucov Rusiyanın Arxangelsk vilayətinin Belkovo şəhərinə köçmüşdü.
    1992-ci ildə Xocalı soyqırımını eşidib, Azərbaycana qayıdaraq may ayının 4-də Tərtər Özünümüdafiə Batalyonuna daxil olmuşdu. Orucov sıravi döyüşçü kimi mübarizəyə başlasa da, komandirlik bacarığına görə qısa zamanda batalyon komandirinin müavini vəzifəsinə qədər yüksəlmişdi. O, gəldiyi gün Tərtər şəhərinə getmək adı ilə evdən çıxaraq Şıxarx istiqamətində qarşısına çıxan bir nəfər yaralı polis əməkdaşının silahını götürüb, heç kimə heç nə demədən Ağdərə uğrunda gedən döyüşə qatılır. Həmin axşam bir diri erməni əsgərini və silahını götürüb, geri qayıdır. Əsiri yerli özünümüdafiə batalyonunun qərargahına təhvil verir, əmanət olan avtomatı isə, söz verdiyi kimi, sahibinə qaytarır. Oradan isə birbaşa evlərinə gəlir və anasına deyir ki, daha onun yolunu gözləməsin. Daha ətraflı »

  • 15Mar
    Hərbi vətənpərvərlik Şəhid ailəsini ziyarət etdilər üçün şərhlər bağlıdır

    YAP Tərtər rayon Təşkilatının sədri Eldar Əsədov və təşkilatın məsul işçiləri Novruz Bayramı ilə əlaqədar 44 günlük Vətən Müharibəsi şəhidi Mirzəli Rəşad Hafiz oğlunun valideynlərini ziyarət edərək,şəhid valideynlərinə bayram sovqatı təqdim edib,onları təbrik etmişlər.Şəhidin valideynləri ölkəmizdə şəhid ailələrinə göstərilən diqqət və qayğıya görə möhtərəm Prezident cənab İlham Əliyevə və birinci xanım Mehriban xanım Əliyevaya öz təşəkkürlərini bildirmişlər.

    Allah bütün şəhidlərimizə rəhmət eləsin!

     

  • 05Mar
    Hərbi vətənpərvərlik Azərbaycanın Milli Qəhrəmanı Elman Hüseynovun 70 illiyi qeyd olunub üçün şərhlər bağlıdır

    Rayonumuzda Azərbaycanın Milli Qəhrəmanı Elman Hüseynovun doğum günü münasibəti ilə tədbir keçirilib.
    Tədbirdə Tərtər Rayon İcra Hakimiyyətinin, rayon ictimaiyyətinin nümayəndələri, Tərtər Cümə məscidinin axundu, qəhrəmanın döyüş yoldaşları, ailə üzvləri iştirak ediblər.
    Əvvəlcə Milli Qəhrəmanın və torpaqlarımızın azadlığı uğrunda şəhid olmuş vətən oğullarının xatirəsi bir dəqiqəlik sükutla yad olunub, qəhrəmanın büstü önünə tər gül dəstələri qoyulub.
    Tədbir iştirakçılarına Elman Hüseynovun həyat və döyüş yolu haqqında məlumat verilib. Qeyd olunub ki, Elman Hüseynov 28 fevral 1952-ci ildə Tərtər rayonunun Azadqaraqoyunlu kəndində anadan olub. 1968-ci ildə Azadqaraqoyunlu kənd tam orta məktəbini bitirib. Azərbaycan Dövlət Politexnik İnstitutunun məzunudur. 1973-1975-ci illərdə Gürcüstanın Axalkalaki şəhərində zabit kimi xidmət edib. 1980-1982-ci illərdə Bakı Ali Partiya Məktəbində təhsil alıb. 1982-1990-cı illərdə Tərtər rayonunda müxtəlif məsul vəzifələrdə çalışıb. Daha ətraflı »

  • 05Mar

    Digər, Hərbi vətənpərvərlik üçün şərhlər bağlıdır

                                                                   Sahibə İsmayılova, tibb bacısı, əsgər

    Sahibə İsmayılova Göygöl rayonunun Balçılı kəndində anadan olub. Ailədə 4 uşaq idilər – iki qardaş, iki bacı. Atası Müzəffər kişi qızı Sahibəni tibb işçisi kimi görmək istəyib və ona bu sahə üzrə təhsil verib.
    Söhbət düşəndə ata deyirdi:
    – Sahibə sanki bu peşə üçün yaranıb. Çünki həddən artıq qayğıkeşdir, həm də səbirlidir, dözümlüdür.
    Müzəffər kişinin böyük inamla dediyi bu sözlər Sahibənin gələcək həyatında özünü doğrultdu.
    Bir müddət dəmir yolunda tibb məntəqəsinin müdiri işləyən Sahibə İsmayılova 2014-cü ildən Azərbaycan Ordusunda xidmət edir. O, Aprel döyüşlərinin və 44 günlük Vətən Müharibəsinin iştirakçısıdır.
    Bu barədə özü belə deyir:
    –Müharibə zamanı mən də, mənimlə çiyin-çiyinə çalışan digər tibb heyəti də özümüz barədə düşünmürdük. Ətrafımızda mərmilər partlayırdı, biz isə sanki bunları eşitmirdik. Əvvəl yaralılar gələndə, şəhidləri görəndə ağlayırdıq. Tezliklə anladıq ki, buna yol vermək olmaz. Çünki itirilən hər dəqiqə hansısa bir döyüşçünün itirilməsi olardı. Özümüzü ələ alıb, hisslərimizi cilovlayıb, yaralılara yardım göstərirdik. Daha ətraflı »

  • 05Mar
    Hərbi vətənpərvərlik Unutmayaq! üçün şərhlər bağlıdır

                                    Mart ayında doğulmuş tərtərli Vətən Müharibəsi şəhidləri

    Ağayev İntiqam Hüseyn oğlu
    İntiqam Ağayev 1998-ci il mart ayının 1-də Tərtər rayonunun Səhlabad kəndində anadan olub. O, oktyabrın 8-də Ağdərə istiqamətində gedən döyüşlərdə şəhid olub.
    Azərbaycan Respublikasının Prezidenti İlham Əliyevin müvafiq Sərəncamlarına əsasən İntiqam Ağayev ölümündən sonra “Vətən uğrunda” və “Laçının azad olunmasına görə” medalları ilə təltif edilib.
                                                   Aslanov Xəyal Qüdrət oğlu
    Xəyal Aslanov 1994-cü il martın 5-də Tərtər rayonunun Çardaqlı kəndində anadan olub.
    O, sentyabrın 28-də Suqovuşan döyüşləri zamanı şəhid olub. Tərtər rayonunun Sarıcalı kəndində dəfn olunub.
    Azərbaycan Prezidenti İlham Əliyevin müvafiq Sərəncamlarına əsasən Xəyal Aslanov ölümündən sonra “Vətən uğrunda”, “Döyüşdə fərqlənməyə görə”, “Suqovuşanın azad olunmasına görə”, “Laçının azad olunmasına görə” medalları ilə təltif olunub.
                                                                      Rüstəmov Vasif Bahadur oğlu
    Vasif Rüstəmov 1960-cı ilin mart ayının 7-də Tərtər şəhərində anadan olub.
    Vasif Rüstəmov Vətən müharibəsi zamanı Ermənistan silahlı qüvvələrinin Tərtər şəhərində yerləşən mülki yaşayış məntəqələrini, döyüş sahəsindən uzaqdakı mülki obyektləri ağır silahlardan atəşə tutması nəticəsində 15 oktyabr tarixində Tərtər şəhər qəbristanlığına düşən artilleriya mərmisi nəticəsində şəhid olub. Tərtər şəhər qəbristanlığında dəfn olunub.
    Ailəli idi. 2 övladı yadigar qalıb.

                                                                         Məmmədli Tural Aqil oğlu
    Tural Məmmədli 1998-ci il mart ayının 22-də Tərtər rayonunun Bəyimsarov kəndində dünyaya gəlib. O, noyabrın 4-də, Ordumuz Talış kəndi istiqamətində düşmən üzərinə hücuma kecərkən həlak olub. Tərtər rayonunun Bəyimsarov kəndində dəfn olunub.
    Tural Məmmədli ölümündən sonra “Suqovuşanın azad olunmasına görə” medalı ilə təltif edilib