Bütün həyatını Azərbaycanın çiçəklənməsinə həsr edən Ulu Öndərin indi ruhu şaddır. Onun ən müqəddəs arzuları həyata keçib. Qarabağımız azaddır. Ölkəmizin ərazi bütövlüyü təmin edilib. Bu torpaqlarda bərpa-quruculuq işləri aparılır. Tezliklə məcburi köçkünlərin ata-baba yurdlarına qayıtması təmin ediləcək. Dünya heyranlıqla Azərbaycanda görülən işləri izləyir. Çünki atılan addımlar, xüsusilə Zəngəzur dəhlizinin açılması təkcə Azər-baycanın tranzit və logistika imkanlarını genişləndirmir, Zəngəzur dəhlizinin açılma-sı ilə həm “Şərq-Qərb”, həm də “Şimal-Cənub” nəqliyyat dəhlizlərinin imkanları genişlənəcək. Azərbaycanla Türkiyənin dünyada siyasi əhəmiyyəti daha da artacaq.
2003-cü il oktyabrın 1-də Azərbaycan xalqına müraciət edən Ulu Öndər Heydər Əliyev deyirdi: “İnanıram ki, mənim axıra çatdıra bilmədiyim taleyüklü məsələləri, planları, işləri Sizin köməyiniz və dəstəyinizlə İlham Əliyev başa çatdıra biləcək. Mən ona özüm qədər inanıram”.
Zaman bu sözlərin nə qədər doğru olduğunu bir daha təsdiqlədi. Bu gün Azərbaycan Ümummilli Liderimizin layiqli siyasi davamçısı İlham Əliyevin rəhbərliyi ilə öz tarixinin ən parlaq dövrünü yaşayır.Prezident, Müzəffər Ali Baş Komandan İlham Əliyev Şuşanın azad edilməsi münasibəti ilə xalqa müraciətində demişdir: “Mən bu gün eyni zamanda Ulu Öndər Heydər Əliyevin məzarını ziyarət etdim, onun ruhu qarşısında baş əydim. Ürəyimdə dedim, xoşbəxt adamam ki, ata vəsiyyətini yerinə yetirdim. Şuşanı azad etdik. Bu, böyük Qələbədir! Şəhidlərimizin, Ulu Öndərin ruhu şaddır”.
Ulu Öndər Azərbaycan Ordusunu yaratdı, İlham Əliyev isə bu Ordunu dünyanın ən güclüləri sırasına çıxararaq, illərlə ürəyimizdə bəslədiyimiz arzuları gerçəkləşdirdi. Vətənimizin güçünü və qüdrətini bütün dünyaya nümayiş etdirdi. Verdiyi vədə şərəflə əməl edən sevimli Prezidentimizə əbədi minnətdarıq.

“Yeni Tərtər”

2021-ci ili yola salmağa hazırlaşırıq. Hamımız əminliklə deyə bilərik ki, bu il xalqımız üçün çox uğurlu və əhəmiyyətli oldu. Azərbaycan Respublikasının Prezidenti, müzəffər Ali Baş Komandan İlham Əliyevin 2021-ci ildə diplomatik sahədə qazandığı uğurlar Qələbəmizi daha da möhkəmləndirdi. Xüsusilə onun dekabrın 15-də Belçika Krallığının paytaxtı Brüsseldə Avropa İttifaqının Şərq Tərəfdaşlığı Sammitindəki unudulmaz çıxışı, Azərbaycanın xeyrinə qəbul olunmuş Bəyannamə sevimli Prezidentimizin daha bir parlaq diplomatik qələbəsidir.
Kəndimizin sakinləri uzun illər müharibə şəraitində ermənilərlə üz-üzə yaşayırdılar. Ona görə də 30 ildən artıq bir müddətdə biz heç bir bayramı keçirə bilmirdik. Kənd daim atəşə tutulurdu. Şəhid verirdik, yaralananlar olurdu.
Vətən müharibəsində də həmkəndlilərimizdən qazilər oldu, evlərimiz dağıldı, amma qalib xalq kimi qürurumuz artdı, həyatımız başdan-başa dəyişdi.
Dağılmış evlər möhtərəm Prezidentimizin qayğı və diqqəti nəticəsində bərpa olunur, insanların həyatı öz axarına düşür.
2021-ci ildən xoş hisslərlə ayrılırıq. Əminik ki, 2022-ci il daha gözəl olacaq. İşğaldan azad edilmiş torpaqlarımızda sürətlə aparılan tikinti-quruculuq işləri, Zəngəzur dəhlizinin açılması doğma Azərbaycanımızın qüdrətini artıracaq.

Fitat Əliyeva,
Qapanlı kənd tam orta
məktəbinin direktoru

44 günlük Vətən müharibəsində ermənilərin ən çox atəşə tutduqları rayonlardan biri bizim Tərtər idi. Təsadüfi deyil ki, buranı “ikinci Stalinqrad” adlandırırlar. İnsanlar evlərində, küçələrdə, hətta öz doğmalarını dəfn edərkən qəbristanlıqda həlak olur, yaralanırdılar. Evlər dağılır, küçələr, obyektlər, müəssisələr bərbad hala düşürdü. Lakin qəddar düşmən istəyinə nail ola bilmədi. Respublika Prezidenti cənab İlham Əliyevin, Birinci vitse-Prezident Mehriban xanım Əliyevanın sonsuz qayğısı və diqqəti sayəsində qəhrəman tərtərlilər müharibədən sonrakı dövrdə həm əmək meydanında, həm tikinti-quruculuq işlərində daha böyük həvəslə çalışaraq, bir sıra uğurlara imza atıblar.

                                                                     ƏN UNUDULMAZ HADİSƏ

Cari ilin oktyabr ayının 3-də ölkə başçısı, müzəffər Ali Baş Komandan cənab İlham Əliyevin Tərtər rayonuna səfəri rayon sakinləri üçün ilin ən yaddaqalan hadisəsidir.
Dövlətimizin başçısının Tərtər rayonunun Talış kəndində və Suqovuşan qəsəbəsində Azərbaycan bayrağını ucaltması şəhid analarının yaralı ürəklərinə bir məlhəm oldu. İllərlə bu torpaqların həsrəti ilə yaşayan insanların qəlbini sevindirdi, qurub-yaratmaq, işğaldan azad edilmiş ərazilərdə aparılan quruculuq işlərində yorulmadan çalışmaq əzmini artırdı.
Səfər zamanı dövlətimizin başçısı Tərtərin Suqovuşan qəsəbəsinə və Talış kəndinə gedən avtomobil yollarının açılışını etdi. Doğma yurdlarından məcburi köçkün düşən insanlar 30 ildən çox bir müddətdə bura həsrətlə baxaraq, nə zaman həmin yollarla geri dönəcəkləri barədə düşünmüşlər. Prezidentimiz həmçinin Talış-Tapqaraqoyunlu-Qaşaltı-Naftalan avtomobil yolunun təməlini qoydu. Daha ətraflı »

                                                              “ATAMIZA LAYİQ ÖVLAD OLACAĞIQ”

Müharibə başlayanda, Azər 4 övladını və həyat yoldaşını Bakıya göndərmişdi. Düşünürdü ki, belə daha yaxşı olar. Yoldaşı Nailə xanım deyir ki, döyüşlərarası imkan tapdıqca zəng vururdu. Çox nikbin danışırdı. Onun səsindəki sevinc hissi hamıya sirayət edirdi. Hətta uşaqlar da həyətdə oynayanda yoldaşlarına deyirdilər ki, tezliklə atamız torpaqlarımızı azad edib, Qələbə ilə geri dönəcək. Bu fikri Azər körpəlikdən uşaqlarına aşılamışdı. Hər dəfə işdən evə gələndə onlara deyirdi: “ Dağları görürsünüz? Tezliklə biz o yerləri ermənilərdən təmizləyəcəyik. Qarabağ azad oluna-caq. Bu yükü sizin çiyinlərinizə qoymayacağıq”.
Anası ilə son görüşü isə oktyabrın 15-də oldu. Daha ətraflı »

44 günlük Vətən müharibəsi tariximizə zəfərlə yazılsa da, yüzlərlə oğullarımızın şəhid olmasına, bədən üzvlərinin itirilməsi ilə əlil qalmasına səbəb oldu. Yüzlərlə oğullarımızın arzuları yarımçıq qaldı, ömürlərinin parlaq günəşi gözlərində qaraldı. Vətənin, xalqın bütövlüyü uğrunda yüzlərlə ailənin tamlığı pozuldu, yarım qaldı. Belə oğullardan biri də Umudludan olan Bağırlı Mirsədi Mircəfər oğludur. Mirsədinin ailəsi Umudlu kəndinin hörmətlə adı çəkilən ailələrindən biri olub. Onlar da erməni məkrindən ziyan çəkənlərdən, yurd-yuvalarından didərgin düşənlərdəndirlər. Mirsədi 2000-ci il iyunun 12-də bu kənddə doğulub. Orta məktəbin doqquzuncu sinfini bitirdikdən sonra Bərdə rayonunda peşə liseyində çilingər və sürücülük peşələrinə yiyələnib. Hərbi xidmətini Zaqatala rayonundakı “N” saylı hərbi hissədə çəkib. Əsgəri borcunu yerinə yetirdikdən sonra hərbidə çalışmaq qərarına gəlir və Bakı şəhərində gizirlik kursu keçir. 2020-ci ildə gizir kimi müddətdən artıq xidmətə başlayır. Daha ətraflı »

Şəhidlik hər kəsə nəsib olmayan ən uca zirvədir. Hətta müharibələrdə də nəsib olmur bəzi insanlara. Şəhidliyi ömrün sonrakı yaşamı hesab etmək olar. Bəzi insanlar dünyalarını dəyişdikdən bir müddət sonra unudulur, yaddan çıxır. Şəhidlər isə heç zaman unudulmur, insanların xatirələrində əbədi yaşayırlar. Elə Vətən müharibəsi şəhidləri kimi.
44 günlük Vətən müharibəsi şəhidlərindən biri də Aslanov Xəyal Qüdrət oğludur.
Xəyalın ata-anası I Qarabağ müharibəsində doğma yurd-yuvalarından didərgin düşənlərdən olub. Mənfur ermənilərin vəhşiliyinə tab gətirə bilməyərək, Ağdərə rayonunun Kərəmli kəndindən qaçqın düşüb, Tərtərdə məskunlaşıblar. Çardaxlı kənd inzibati ərazi dairəsində qeydiyyata götürülüblər. Xəyal 1994-cü ildə Tərtərdə doğulub. Şəhər 5 saylı tam orta məktəbdə ilk təhsilini alıb. Ailədə 2 övlad – 1 qardaş, 1 bacı olublar, Xəyal və Xəyalə.
İllər bir-birini əvəz edirdi. Ata-ana oğlunun böyüməsinə baxdıqca fəxr edirdi. Qüdrət də, Nəzakət də rayonumuzun camaatı ilə doğmalaşmışdılar.
Xəyalın əsgəri xidmətə getmə vaxtı çatmışdı. Daha ətraflı »

Mərasimdə rayon icra hakimiyyətinin başçısı Müstəqim Məmmədov, Milli Məclisin deputatı Sahib Alıyev, hüquq-mühafizə orqanlarının rəhbərləri iştirak ediblər.
Azərbaycan Ordusunun müddətdən artıq həqiqi hərbi xidmət qulluqçusu olan Aysənan Abbasov 2020-ci il sentyabr ayının 27-də Azərbaycan Silahlı Qüv-vələri tərəfindən Ermənistanın işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsində iştirak etmişdir. Suqovuşanın azadlığı uğrunda gedən döyüşlərdə vuruşmuşdur. Aysənan Abbasov 30 sentyabr 2020-ci ildə Suqovuşan döyüşləri zamanı şəhid olmuşdur. Tərtər rayonunun Seydimli kəndində dəfn olunub.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Respublikasının Prezidenti İlham Əliyevin müvafiq Sərəncamlarına əsasən Aysənan Abbasov Daha ətraflı »

                                          TƏRTƏR– AZƏRBAYCANIN “STALİNQRADI”

Harada yaşadığımıza baxmayaraq, doğulduğumuz, böyüdüyümüz yer həm vətənimiz sayılır, həm də o yer bizim üçün çox əziz və doğma olur. Mənim üçün də Tərtər belə əzizdir Tərtər çox səfalı, barlı-bərəkətli torpağı, saf suyu, füsünkar təbiəti ilə başqa rayonlardan seçilir. Rayonumuzun içərisindən keçən Tərtər çayı isə ona başqa bir gözəllik verir. Əbəs deyildir ki, Aleksandr Düma Tərtər haqqında belə demişdi: “Yalnız Tərtəri görməyənlər İsveçrəni görməkləri ilə qürrələnə bilərlər”. Rayonumuzun həm təbiəti, həm ərazisi, həm yerləşdiyi coğrafi mövqeyi mənfur qonşularımızı həmişə narahat edib. 30 ilə yaxın idi ki, Tərtər erməni quldurları ilə 48 km təmas xəttində yerləşirdi. Birinci və İkinci Qarabağ müharibəsi dövründə düşmənlərimiz nə qədər çalışsalar da, Tərtəri işğal edə bilmədilər. Əksinə, Tərtər bir çox yaşayış məntəqələrini ermənilərdən təmizlədi.
Müharibə adı gələndə ilk ağıla gələn – dağıntı, günahsız insan ölümü, vəhşilik – bunlar olur. Müharibə yer üzərinə və insanlığa qarşı törədilən ən qəddar bir cinayətdir. Mənfur xislətli, daima gözləri bizim yurd yerlərimizdə olan qaniçən ermənilər illərdir ki, bizimlə düşmənçilik edirlər. Ancaq 27 sentyabr 2020-ci ildə törətdikləri təxribat onlara çox baha başa gəldi. Necə deyərlər, bizim ordumuz onların başına od ələdi, 44 günün içərisində bütün torpaqlarımızı azad etdilər. Onları torpaqlarımızdan qovdular, Preziden­­­timizin təbirincə desək, “iti qovan kimi”. Təbii ki, bu haqq savaşı itkisiz, dağıntısız başa gəlmədi. Daha ətraflı »

                                                     “QİSMƏTDƏN QAÇMAQ OLMAZ”

Bu gəlimli-gedimli dünyada hər kəsin bir qismət payı var. Və bu qismət payının necəliyini əvvəlcədən bilmək mümkün deyil. Buna “alın yazısı” da deyirlər, tale də. Həyatda qismətin nədirsə, onu görəcəksən – acısını da, şirinini də.
Bir məsəl də var: “İnsanın əvvəli gəlincə, axırı gəlsin”. Yəni ömrün əvvəlini şad-xürrəm keçirib, sonunu əzablar içində yaşamaqdansa, əvvəldə əziyyət çək, sonda firavan yaşa. Bir məsəl də var: “Qismətdən qaçmaq olmaz”. Xülasə, taleyin qisməti sirri-billahdır, yəni bizdən asılı deyil.
Rəşad da bilmirdi ki, onu taleyi hara aparacaq, qisməti nə olacaq. Amma arzuları və istəkləri üçün həmişə mübarizə aparırdı. Daha ətraflı »

                                                                        SONUNCU TELEFON ZƏNGİ

Haqqında yazmaq istədiyim şəhidimizin ailəsi ermənilərin qəddarlığı nəticəsində doğma dədə-baba yurdları olan Basarkeçər rayonunu qoyub çıxdılar. Özlərinə pənah yeri Tərtər rayonunun Bəyimsarov kəndini seçərək, orada məskunlaşdılar.
Bu ailədə 5 uşaq böyüyürdü. Onların dördüncüsü olan Məmmədli Tural Aqil oğlu elə burada – Bəyimsarovda 1998-ci ildə dünyaya göz açmışdı. Uşaqlığı və yeniyetməliyi bu kənddə keçmişdi. Böyüdükcə öyrənmişdi ki, nəinki ailəsi, Daha ətraflı »