Saytın ümumi statistikası:

Saytda məqalələrin sayı - 5,319
Saytda ismarıcların sayı - 0

Arxiv

Sayğac:

Ziyarətçilərimiz:

Flag Counter
  • 07Noy
    Şəhidlər ŞƏHİDLƏR BU HƏYATDA BƏNZƏYƏR ƏBƏDİ GÜNƏŞƏ üçün şərhlər bağlıdır

    Bu tarixi biz yaşamışıq, bu tarixi biz yaratmışıq. Azərbaycan xalqı elə bir Qələbə qazanıb ki, həm dillər əzbəri olub, həm də bu Qələbə əbədi bizimlə olacaq. Bu Qələbə bizim tariximizdə əbədi olacaq. Bizdən sonra gələn nəsillər bu Qələbə ilə əbədi və haqlı olaraq fəxr edəcəklər.

    İlham Əliyev, Azərbaycan Respublikasının Prezidenti

    İcra başçısı antiterror əməliyyatlarında şəhid olan həmyerlilərimizin 40 mərasimlərində iştirak edib

     

     

     

     

    Tərtər rayon İcra Hakimiyyətinin başçısı Müstəqim Məmmədov hüquq-mühafizə orqanlarının rəhbərləri, YAP rayon təşkilatının və rayon Ağsaqqallar Şurasının sədrləri, şəhidlərin ailə üzvləri, qazilər və kənd sakinləri ilə birlikdə sentyabrın 19-da lokal antiterror əməliyyatı nəticəsində şəhid olmuş həmyerlilərimizin 40 mərasimində iştirak ediblər. Şəhidlər Ruslan Lalayevin, Elnur İbrahimovun, Rəşad Vəlizadənin, Cavid Səfərovun, Emin Abbaszadənin, Kənan Ağayevin məzarları ziyarət olunub, önünə gül dəstələri düzülüb. Qafqaz Müsəlmanları İdarəsinin səlahiyyətli nümayəndəsi Sadiq Cəfərov şəhidlərin ruhuna dua oxuyub.
    Mərasimlərdə rayon rəhbəri şəhidlərin ailə üzvlərinə başsağlığı verib, vətənpərvər oğullar böyütdüklərinə görə onlara minnətdarlıq edib.
    Qohumlar, döyüş yoldaşları, dostları şəhidlərlə bağlı xatirələrini bölüşüblər.
    Şəhid ailələrinin üzvləri onlara göstərilən diqqət və qayğıya görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər.

    “Yeni Tərtər”

     

  • 07Noy
    Şəhidlər BÖYÜK OĞUL üçün şərhlər bağlıdır

    Cəmi bir gün davam edən və çox böyük, illərlə gözlənilən nəticə ilə yekunlaşan lokal antiterror əməliyyatı zamanı şəhidlik zirvəsinə ucalan gənclərimizdən biri–Evoğlu kəndindən olan Vəlizadə Rəşad Elşən oğlunun ailəsindəyik.
    Rəşadgil ailədə cəmi iki oğlan olublar. O, böyük oğul idi. Ailənin böyüyü kimi hər işdə, hər yerdə qardaşına nümunə olmağa çalışırdı.
    İbtidai sinif müəllimi Zəminə Alıyeva deyir:
    –Rəşadın xüsusi bir xasiyyətə malik olduğu uşaq vaxtından bilinirdi. Dərslərində, ictimai işlərdə həmişə birinciydi. Hadisədən bir gün əvvəl kənddə görüşdük. Çox dəyişmişdi. Hiss olunurdu ki, idmanla məşğul olur. Özü mənə yaxınlaşıb, görüşdü. Gülümsəyib dedi ki, müəllim, siz mənimlə fəxr edəcəksiniz. Yəqin o, qarşıdakı hadisələri nəzərdə tuturdu. İndi həqiqətən məktəbimiz, kəndimiz, bütün xalqımız Rəşadla fəxr edir.
    Anası Bəsti Həşimova söylədi ki, mən heç vaxt Rəşad haqqında keçmiş zamanda danışa bilmərəm. Elə bil dünən idi əlindən tutub birinci sinfə apardığım. Məktəb illəri çox tez keçdi. Sonra Türkiyənin Qars vilayətindəki Qafqaz Universitetini İqtisadi idarəetmə ixtisası üzrə bitirdi. Daha ətraflı »

  • 07Noy
    Şəhidlər SİNİFDƏ ŞƏHİDİN ANIM GÜNÜ KEÇİRİLDİ üçün şərhlər bağlıdır

    Tərtər şəhər 1 saylı tam orta məktəbinin 2A sinfində Azərbaycan Silahlı Qüvvələrinin kapitan-leytenantı, ikinci Qarabağ Müharibəsi şəhidi Fərrux Həşimovun anım günü qeyd olundu. Anım günündə şagirdlərin ifasında Azərbaycan Dövlət himni səsləndirildi və ölkəmizin ərazi bütövlüyü uğrunda canlarından keçən bütün şəhidlərimizin ruhu bir dəqiqəlik sükutla yad edildi.
    Sonra şagirdlər şəhidin həyatı və döyüş yolu haqqında məlumat verdilər. Bildirildi ki, Vətən müharibəsi qəhrəmanlarımızdan biri olan Fərrux Mirzəmməd oğlu Həşimov 1988-ci il martın 24-də Qubadlı rayonunun Əliquluuşağı kəndində anadan olub. 2020-ci il sentyabrın 27-də başlanan Vətən müharibəsi zamanı Azərbaycan Ordusunun Hərbi Dəniz Qüvvələrinin “Sualtı Hücum” Xüsusi Təyinatlı Qüvvələrinin kapitan-leytenantı Fərrux Həşimov da döyüşlərə qatıldı. Onun döyüş yolu Cəbrayıl, Füzuli, Qubadlı və Xocavənddən keçdi. Ərazilərimizin azadlığı uğrunda gedən döyüşlərdə xüsusi igidliklə döyüşdü. Oktyabrın 31-də Xocavənd rayonunun Qırmızı Bazar istiqamətində gedən döyüşlər zamanı qəhrəmancasına şəhid oldu. Qəhrəman şəhidimiz hələ Vətənə xidmət fəaliyyəti dövründə Azərbaycan Respublikasının Prezidenti ilham Əliyev tərəfindən “Azərbaycan Silahlı Qüvvələrinin 90 illiyi”, “Azərbaycan Silahlı Qüvvələrinin 95 illiyi” yubiley medalları, III dərəcəli “Qüsursuz xidmətlərə görə” medalı, “Azərbaycan Ordusunun 100 illiyi” yubiley medalı ilə təltif olunub. Şəhidliyindən sonra isə o, Ali Baş Komandan, Prezident İlham Əliyevin müvafiq Sərəncamları ilə “Qarabağ” ordeni, “Vətən uğrunda”, “Cəbrayılın azad olunmasına görə”, “Füzulinin azad olunmasına görə”, “Xocavəndin azad olunmasına görə”, “Qubadlının azad olunmasına görə” medalları ilə təltif olunub. Daha ətraflı »

  • 07Noy
    Şəhidlər Bizə yazırlar üçün şərhlər bağlıdır

    Şəhidlərimizin həyatı nümunədir

    44 günlük Vətən müharibəsində bizə Qələbə sevincini bəxş edən igidlərimizi xalqımız heç zaman unutmayacaq. Biz məktəblilər üçün də onlar nümunədir.
    Şəhidlərimizin həyatını daha yaxından öyrənmək üçün biz onların ailələrində olur, valideynlərilə görüşür, söhbət edirik. Bu yaxınlarda tarix müəllimi Kifayət Kərimova və İlahə müəllimlə birlikdə şəhid Xəyal Aslanovun evində olduq. Öyrəndik ki, bu ailə ötən əsrin 90-cı illərinin əvvəllərində Ağdərə rayonunun İmarət Qərvənd (Kərəmli) kəndindən məcburi köçkün düşmüşdü. Xəyalın ən böyük arzusu işğal altında olan bütün torpaqlarımızı, o cümlədən öz kəndlərini düşməndən azad etmək idi. O, bu yolda döyüşdü və şəhid oldu.
    İndi Xəyalın və bütün şəhidlərimizin ruhu şaddır. Çünki torpaqlarımız separatçılardan təmizlənib. Az müddət keçəcək, keçmiş məcburi köçkünlər öz yurd-yuvalarına dönəcəklər.

    Hüseyn İsayev,
    şəhər 3 saylı məkrəbin
    VII sinif şagirdi

  • 28Okt
    Şəhidlər Onlar ölkəmizin suverenliyinin və ərazi bütövlüyünün tam bərpası uğrunda döyüşlərdə şəhidlik zirvəsinə ucalıblar üçün şərhlər bağlıdır

    Elə bir gənc nəsil yetişdirdik ki, Vətən, torpaq uğrunda ölümə getməyə hazır idi və ölümə də gedirdi. Allah bütün şəhidlərimizə rəhmət eləsin. Biz onların ruhu qarşısında baş əyirik. Biz Azərbaycan xalqı olaraq onlara əbədi borcluyuq.

    İlham Əliyev, Azərbaycan Respublikasının Prezidenti

    Ata döyüşdüyü yerləri oğlu qarış-qarış gəzdi

    I Qarabağ müharibəsi veteranı Akif Lalayev danışır ki, oğlum Ruslan kiçik yaşlarında olanda üzümdəki çapıqları görüb soruşurdu: “Bunlar nədir, ata?” Mən də bildirirdim ki, ermənilərlə döyüşlərdə olub, bu, onların mənə vurduqları yaraların izləridir. Onda Ruslanı qəzəb bürüyür və deyirdi: “Mən sənin intiqamını onlardan alacağam, ata! Bütün Lalayevlər nəslinin qisasını alacağam”. Cavabında oğluma başa salırdım ki, düşmən yalnız bizim ailəyə zərbə vurmayıb, milyonlarla azərbaycanlı nankor qonşularımızın zülmünə məruz qalıb və böyüyən nəsil şəhidlərimizin, yaralıların, ev-eşiklərindən didərgin düşənlərin, əsirlikdə saxlanılanların qisasını almalıdır.
    Vaxt yetişdi, Ruslan böyüdü. Gözəl idmançı, “Qara kəmər ustası oldu”. Əvvəlcə müddətli həqiqi xidmətini böyük müvəffəqiyyətlə başa vurdu. Gözəl əl qabiliyyəti, bacarığı vardı, sənətlərin bir çoxuna mükəmməl yiyələnmişdi. Saat-sazlığı, reklam işini, maşın təmirini öyrənmişdi. Halal zəhmətilə ailəsinə kömək edir, gələcəyilə bağlı planlar qururdu.
    Lakin hər zaman atasının üzünə baxanda, körpə vaxtı ol-duğu kimi, yumruqları düyünlənir və qəlbini bürüyən hisslə-ri cilovlaya bilmirdi.
    Beləliklə də Ruslan dinc həyatı kənara qoyub, yenidən hərbiyə qayıtdı. Hazırlıq kurslarını keçdikdən sonra, xüsusi təyinatlı komandonun döyüşçülərindən biri oldu. Özü də necə döyüşçü! Tabeliyində olan 10 nəfərlə kəşfiyyata gedir və heç vaxt oradan əliboş qayıtmırdı. Düşməni məhv edib, lazım olan məlumatları gətirirdi. Deyirlər ki, belə döyüşlərin birindən sonra axırıncı sağ qalan düşmən zabiti onu öldürməməyi xahiş edib. Ruslan isə cavabında deyib:
    –Bəs mənim atamın övladları yox idi, minlərlə azərbaycanlının – körpələrin, qadınların nə günahı vardı ki, siz on-ları sərsəm xülyalarınızın qurbanına çüvirirdiniz? Daha ətraflı »

  • 28Okt
    Şəhidlər Vətəni canından artıq sevirdi üçün şərhlər bağlıdır

    Abbaszadə Emin Faiq oğlu 15 may 1998-ci ildə rayonumuzun Kəngərli kəndində dünyaya gəlib. Kəngərli kənd tam orta məktəbini bitirdikdən sonra 2017-ci ildə müddətli həqiqi hərbi xidmətə çağırılıb və xidmətini uğurla başa vurub. 2019-cu ilin yanvarında evlərinə dönüb.
    44 günlük Vətən müharibəsi başlayanda Emin də haqq savaşına qoşulub. Müharibədən sağ-salamat, qələbə ilə qayıdıb, bu münasibətlə ailədə qurbanlar kəsilib. “Bircə Eminin toyunu da görsəydim”, – deyib Zərifə nənə.
    Ancaq Emin hələlik toy barədə düşünmürdü. Ordu həyatı onu elə cəlb etmişdi ki, Komando Təməl Kurslarına yazılıb, müddətdən artıq xidmət edən hərbi qulluqçu kimi xidmətini davam etdirmək istəyirdi.
    Atası Faiq müəllim deyir:
    –2021-ci ilin iyun ayında Emini Komando Təməl Kurslarından keçmək üçün qardaş Türkiyə Respublikasına yola saldıq. İyunun 21-dən həmin ilin avqust ayının 13-dək kursda iştirak etdi. Sanki komando üçün yaranmışdı! Komandirləri ondan o qədər razılıq edirdilər ki!
    Emin özü söyləyirdi ki, heç bir düşmən komando döyüşçülərinin qarşısında tab gətirə bilməz. Bunu 2022-ci ilin 12 sentyabrında Azərbaycan-Ermənistan Dövlət Sərhəddinin Daşkəsən, Kəlbəcər, Laçın və Zəngilan istiqamətlərində törədilən genişmiqyaslı təxribatların qarşısının alınması əməliyyatı da göstərdi. Emin bu döyüşlərdə də Vətənin sadiq əsgəri kimi iştirak etmişdir. Daha ətraflı »

  • 28Okt
    Şəhidlər Ana yol gözləyir… üçün şərhlər bağlıdır

    Qaradağlı kəndində bir ana var. 15 il ona hərbçi anası, komandir anası deyiblər. İndi şəhid anası kimi çox ağır, ağır olduğu qədər də şərəfli adı var Zümrüd xanımın.
    O isə yenə də özünü hərbçi anası bilir. Hər səhər, əvvəllər olduğu kimi saat 5-də oyanıb çay qoyur, süfrə hazırlayır, sonra darvazadan yola çıxıb oğlunu gözləyir.
    – Bu 15 ildə sanki Elnur yox, ailəmizin hər bir üzvü orduda xidmət edib. Neçə-neçə döyüşdən çıxıb Elnur, biz də onunla bərabər yuxu biməmişik, onun telefon zəngləri ilə yaşamışıq, – deyir Zümrüd ana.
    İbrahimov Elnur Səxavət oğlu 1990-cı il 13 noyabr tarixində rayonumuzun Qaradağlı kəndində dünyaya gəlib. Ailədə bir qardaş, bir bacı olublar. Elnur 2008-ci ildə Qaradağlı kənd tam orta məktəbini bitirib. Bibisi, həm də məktəb müəllimi olmuş Bəsti müəllim deyir ki, Elnur orta məktəb illərindən olduqca vətənpərvər idi. Həm də qohumcanlı, mehriban, hamının köməyinə tələsən, xeyirdə-şərdə yaxından iştirak edən bir gənc kimi kənd camaatının hörmətini qazanmışdı.
    Müddətli həqiqi hərbi xidmətini Bakının Xızı rayonunda keçib. Valideynləri deyirlər ki, 2009-cu ildə onu orduya yola salıblar, 2010-cu ilin yayında qayıdıb. Bu müddətdə ailəyə nümunəvi xidməti haqqında yalnız xoş soraqlar gəlib. Atası Səxavət müəllim deyir ki, Elnur heç vaxt bizə əziyyət verməyib. Əksinə həmişə çətin yolu seçib və özü hər bir çətinliyin öhdəsindən layiqincə gələrək, daim irəliləyib. Nigaran qaldığımızı görüb deyirdi ki, mənim amalım yalnız öz ailəmin deyil, Vətənimin, xalqımın rahat yaşamasıdır. Daha ətraflı »

  • 28Okt
    Şəhidlər Yarımçıq qalan arzular… üçün şərhlər bağlıdır

    Cavid Səfərov 24 yanvar 2005-ci ildə rayonumuzun Seydimli kəndində dünyaya gəlib. 5-ci sinfə qədər bu kənddə təhsil alıb. Sonra isə təhsilini şəhər 1 saylı tam orta məktəbində davam etdirib.
    Anası Günel xanım deyir ki, məktəbi dəyişməsinin əsas səbəbi rus dilini öyrənmək arzusu olub. Günel xanımın söhbətindən:
    –Cavidin çox arzuları vardı. Rus dilini yaxşı öyrənmək, xaricdə təhsil almaq istəyirdi. Ancaq özündən əvvəl ailəmizi düşünürdü. Gücü çatdığı qədər kömək etməyə çalışırdı. Ona görə vaxtından tez böyümüşdü balam. Uşaqikən kövrək çiyinlərinə o qədər qayğı götürmüşdü ki!
    Şəhər 1 saylı tam orta məktəbin direktor müavini Ziyafət Rüstəmova isə Cavid haqqında belə danışdı:
    –Onun şəhid olması xəbəri müəllim və şagird kollektivini çox sarsıtdı. Axı, onun uşaqlığı, yeniyetməliyi gözlərimiz önündə keçmişdi! Çox qaynar, eyni zamanda saf uşaq idi. Anasına, bacısına kömək etmək üçün ən ağır işlərdən yapışırdı. Bundan ötrü bəzən öz istəklərini, arzularını kənara qoyur, deyirdi ki, vaxt gələcək mən imkan verməyəcəm ki, onlar nədənsə korluq çəksinlər.
    O, 2023-cü ilin yanvar ayında həqiqi hərbi xidmətə çağırılmışdı. Andiçmə mərasiminə qədər anası bir neçə dəfə yanına gedib, görüşmüşdü. Ancaq Cavid heç cür buna yol vermək istəmirdi. “Mən yaxşıyam, burda hər şey qaydasındadır deyib”, – onu sakitləşdirirdi. Daha ətraflı »

  • 27Okt
    Şəhidlər Şəhidlərimizin xatirəsi ehtiramla anıldı üçün şərhlər bağlıdır

    Bu günlərdə məktəbimizdə Anım Günü qeyd olunub. Tədbirdə şəhid ailələri və qazilər iştirak ediblər.
    Məktəbin direktoru Kəmalə Əliyeva Azərbaycanın uzun illər ərzində nankor qonşularımızla apardığı mübarizədən, xalqımızın bu yolda şəhid verməsindən danışıb. Bildirib ki, məktəbimiz I Qarabağ müharibəsi şəhidi, igid komandir Aslan Kərimovun adını daşıyır. 3 sinif otağına isə 44 günlük Vətən müharibəsi şəhidlərinin adları verilib.
    Şagirdlər daim böyük ehtiramla şəhidlərimizi anır, onların ailələrində olurlar. Bu, həmçinin uşaqların vətənpərvərlik tərbiyəsində böyük rol oynayır, dərslərindən əla və yaxşı qiymətlər almalarına ruhlandırır.
    Tarix müəllimi Kifayət Kərimova isə Ali Baş Komandan, Ptezident İlham Əliyevin rəhbərliyi altında Ordumuzun əldə etdiyi şanlı Qələbədən danışıb. Qeyd edib ki, igidlərimizin əzmkarlığı sayəsində torpaqlarımızın 30 illik işğalına son qoyuldu. İndi o torpaqlarda bərpa və quruculuq işləri görülür.
    Sonra şəhid atası Qüdrət Aslanov, qazi Amid Paşayev çıxış ediblər, şagirdlər isə Qələbəmizə aid şeirlər söyləyiblər.
    Hamı birlikdə böyük qürur hissi ilə “Qarabağ Azərbaycandır!” şüarını səsləndirib.

    Hüseyn İSAYEV,
    şəhər 3 saylı orta məktəbin
    VII sinif şagirdi

  • 27Okt
    Şəhidlər Bu ailədə şəhidimizin adını qürurla daşıyan Arif böyüyür üçün şərhlər bağlıdır

    Sentyabrın 29-da Ağdərə döyüşlərinin iştirakçısı, igid əsgər, ömrünün baharında – 19 yaşında əbədiyyətə qovuşmuş Muxtarov Arif Aqil oğlunun anım günü idi.
    Həmin gün ailəni ziyarət etdik. Atası Aqil kişinin, Sənubər ananın Ariflə bağlı söhbətlərini dinlədik. Qeyd edək ki, Arif yaddaşlarda əbədi olaraq 19 yaşlı gənc kimi yaşayır və indi bu ailədə onun qardaşının övladı – əmisinin adını qürurla daşıyan Arif böyüyür. Ümumiyyətlə, Sənubər ana deyir ki, nəvələrinin hamısı həm məktəbdə, həm də təhsil aldıqları universitetlərdə, kollecdə qazandıqları uğurları, nümunəvi davranışları, ictimai fəallıqları ilə seçilirlər. Onların əmisi bu Vətən üçün canından keçib, indiki gənclərin borcu isə hər zaman xalqa layiqincə xidmət etmək, ölkəmizin şöhrətini daha da artırmaqdır.
    Yaşadığımız tarixi günlərdə, Qarabağın erməni separatçılarından təmizləndiyi bir dövrdə Sənubər ananın da deməyə sözü çoxdur:
    –Erməni cəlladlarının bir-bir tutularaq Azərbaycanın haqq-ədalət məhkəməsinə təhvil verilməsi şəhid ailələri üçün bir təsəllidir. Daha ətraflı »