Saytın ümumi statistikası:

Saytda məqalələrin sayı - 5,075
Saytda ismarıcların sayı - 0

Arxiv

Sayğac:

Ziyarətçilərimiz:

Flag Counter
  • 17Yan
    Mədəniyyət SALAM ŞUŞA, ŞÜКÜR BU GÜNƏ, SƏN AZADSAN! üçün şərhlər bağlıdır

    Şuşaya  ilк səfərimdən sоnra  sanкi bütün təəssüratlarımı şaхta vurub dоndurmuşdu. Nə yaхşı кi, bu səfərin hərarəti о dоnu əritdi…Yaхşımı, pismi ilк səfərimin təəssüratlarını cızma-qara еdə bildim…

    …Bu dəfə də Şuşaya gеdəcəyim хəbər qəfil оldu. Mеdianın Inкişafı Agеntliyindən dекabr ayının 26-da agеntliyin təşкilatçılığı ilə rеgiоnal mеdia numayəndələrinin Şuşaya səfərinə dəvət оlundum.

    Хеyli vaхt idi кi, ürəyimdə yaşatdığım arzum çin оlurdu. Aхır vaхtlar hеç bеlə sеvinməmişdim.  Məmuniyyətlə razılıq vеrib dərin minnətdarlığımı bildirdim.

    Marşurutumuz yеnə həmin Zəfər yоlu idi. Saat 11.30-da artıq Əhmədbəyli кəndində idiк. Amma bu dəfə Allahımızın хоş saatına düşmüşdü. Qış ayı оlsa da təbiətdə bahar havası vardı. Hamımız qış gеyimi götürməyimizə pеşman idiк.

    Qarşımızdaкı Füzuli rayоnunun Əliхanlı кəndi uzun illər düşmənlə təmas кəndi оlub. Bu кəndin tоrpaqları tamamilə minalarla çirкləndirilmiş ərazilərdir. Yоlun sağ və sоlunda düşmənin üçmərhələli müdafiə mövqеlərinə baхdıqca sanкi tоrpaqdan qatil bоylanır, adamı ölüm havası bоğurdu. Burada hələ minalardan təmizlənməmiş nə qədər ərazilər vardır. Daha ətraflı »

  • 15Yan
    Mədəniyyət Şuşam, mənə bir nəğmə de… üçün şərhlər bağlıdır

    O gün, Şuşaya getdiyim gün mən sanki yuxuda idim. Artıq yola çıxmışdıq, Şuşaya istiqaməti göstərən yol nişanları biri-birini əvəz etsə də inanmağım gəlmirdi. İnanmağım gəlmirdi ki,  2021-ci ilin son günü mənə belə bir xoşbəxtlik nəsib olar, mən Şuşamıza səfər edəcək qrupa dəvət alacağam, dağların qucağına sığınan, 30 il övladlarının yolunu gözləyərək günlərini nisgil içərisində keçirən nadir incimizi, Şuşamızı görəcəyəm. Zəfər yoluna çıxdığımız an artıq bütün şübhələrim arxada qaldı. Bəli, biz, bir qrup vətəndaş cəmiyyətinin üzvləri QHT-lərə Dövlət Dəstəyi Agentliyinin mədəniyyət beşiyimiz, musiqimizin qibləgahı, Qarabağımızın döyünən ürəyi olan Şuşaya təşkil etdiyi  səfərdə iştirak edirdik. Bundan əvvəl Suqovuşana və Xudafərinə edilən səfərlərdə də hər birimiz çox həyəcanlanmış, ermənilərin işğal olunmuş ərazilərdə  törətdikləri vəhşilikləri görərkən erməni vandalizminin hüdudu olmadığına əmin olmuş, insanlıq əleyhinə yönələn bu vəhşilikləri pisləyən Bəyanat qəbul edərək beynəlxalq təşkilatlara və hələ də işğalçını dəstəkləyən dünya dövlətlərinə ünvanlamışdıq. İndi isə Zəfər yolu bizi Şuşaya aparırdı. O Şuşaya ki, onun hər bir azərbaycanlının qəlbində özəl bir yeri var, o Şuşaya ki, onun azad olunduğu gün hər birimizin gözündən bir damla yaş axdı, bu yaş Şuşa işğal olunan gündən bir qübar kimi gözümüzə dolub durmuşdu. O yaş sevinc göz yaşı idi, o yaş artıq bizə Qələbədən xəbər verirdi. Bütün Azərbaycan ayaq üstə idi, Ali Baş Komandanın Şəhidlər Xiyabanından verdiyi o xəbəri dinləyirdi. 44 günün ağırlığına mərdi-mərdanə dözən, müharibənin ən ağır anlarında belə özünü sındıqmayan Ali Baş Komandan ilk dəfə idi kövrəlmişdi və titrəyən səsi ilə xalqını müjdələyərək deyirdi:”Şuşa, sən azadsan, Şuşa biz səni azad etmişik!”

    Daha ətraflı »

  • 11Yan
    Mədəniyyət Şuşa: milyonların bir döyünən ürəyi üçün şərhlər bağlıdır

     

     

     

     

     

     

     

     

    Medianın İnkişafı Agentliyi tərəfindən Yeni ilqabağı regionlarda fəaliyyət göstərən  jurnalistlərin Şuşaya təşkil olunan səfəri bizlər üçün ən böyük hədiyyə oldu. Səfərdə Azərbaycanımızın hər tərəfindən – şimal, cənub, qərb bölgələrindən 100-ə yaxın media nümayəndəsi iştirak edirdi. Biz əvvəllər də müxtəlif tədbirlərdə – Bakıda, Gəncədə, digər şəhərlərdə bir yedə olmuşduq. Ancaq heç vaxt Şuşadakı kimi bir-birimizə bu qədər yaxın, doğma deyildik, ürəklərimiz bir ahənglə vururdu, fikirlərimiz, hisslərimiz eyni idi.  Bu,  gözəl  Şuşamızın ovsunundan irəli gəlirdi.
    Bu sətirləri yazarkən tez-tez televiziyadan, mətbuatdan eşitdiyim bir fikir yadıma düşdü. Deyirlər ki, müxtəlif ən güclü dövlətlərin hərbi məktəblərində Azərbaycan Ordusunun  Şuşa əməliyyatı öyrənilir. Bu, mümkündür. Onlar əməliyyatın keçirilməsinin müxtəlif detallarını, taktikasını bizdən götürə bilərlər. Ancaq mənimsəyə bilməyəcəkləri bir şey olacaq ki, o da  Şuşamızın  bizi birləşdirmək sehridir, vətənin bütövlüyü uğrunda öz canından belə tərəddüdsüz keçmək istəyidir. O sıldırım qayalara baxanda hər birimiz bir daha buna əmin olduq ki, sonsuz vətən məhəbbəti, yenilməz birlik mümkünsüzü mümkün etməyə qadirdir. Və nə qədər böyük Vətən məhəbbəti, necə güclü birlik lazımdır ki, insan inanılmaz möcüzə göstərsin. Müzəffər Ali Baş Komandanın əmrini alan o oğullar bunu bacardılar. Yuxarıda Allah,  aşağıda  Şuşanın timsalında vətən eşqi onlara bu işdə kömək oldu.
    İşğaldan azad edilmiş torpaqlara ayaq basdığımız ilk dəqiqələrdən bu yerləri bizə yenidən qaytaran igidlərə sonsuz təşəkkür hissi qəlbimizi bürüdü. İlk dualarımız da elə onlar üçün idi – “dəmir yumruq” ətrafında xalqımızı birləşdirən Ali Baş Komandana, cənnətdən boylanan şəhid ruhlarına, qazilərimizə və hər bir Azərbaycan əsgərinə, zabitinə.
    Yəqin ki,  Şuşa azad ediləndən sonra televiziya ekranlarında gördüyümüz Gövhər ağa məscidinin ürəkağrıdan görkəmi heç birimizin yadından çıxmayıb. Vəhşi ermənilər müqəddəs məkanda hansı oyunlardan çıxmamışdılar? İndi isə…  Gördüyümüz mənzərə o qədər möhtəşəm idi ki! Bu yerdə məscidi tikdirən Gövhər ağa haqqında eşitdiyim bir söhbət yadıma düşdü. Deyilənə görə, o, iki dəfə ailə qurmuş, lakin övladı olmamışdı. Özünün maddi dəstəyi ilə məscid tikdirən Gövhər ağa şuşalılara bu müqəddəs məkanın onun övladı olduğunu söyləmiş və qorumağı tapşırmışdı. Daha ətraflı »

  • 30Noy
    Mədəniyyət Balaca Nihalın böyük uğuru üçün şərhlər bağlıdır

    Nihal Hacıyeva rayonumuzun Səhlabad kəndində yaşayır. Şəhər 1 saylı tam orta məktəbin IV sinif şagirdidir.
    Balaca Nihal öz səsi, səhnə davranışı ilə yalnız tərtərlilərin deyil, onun uğurlarını izləyən hər kəsin qəlbinə yol tapıb, sevilib. Bu günlərdə məktəbli həmyerlimiz hətta paytaxt səhnəsində də çıxış edib və böyük uğur qazanıb. O, Azərbaycan xalqının Ümummilli Lideri Heydər Əliyevin 100 illk yubileyi çərçivəsində Azərbaycan Respublikası Mədəniyyət Nazirliyi, Heydər Əliyev Mərkəzi və Azərbaycan Respublikası Elm və Təhsil Nazirliyinin birgə təşkil etdiyi Uşaq İncəsənət Festivalında Estrada oxuma nominasiyası üzrə çıxış edərək, III yerə layiq görülüb.
    Bakıdan qayıtdıqdan sonra Nihal redaksiyamızın qonağı oldu. Ondan təəssüratlarını soruşduq. O dedi:
    –Festivalda “Ulu Öndər” mahnısını ifa etdim. Mənim üçün bu, böyük fəxr olmaqla yanaşı, adi sözlərlə ifadə olunmayan böyük məsuliyyət idi. Eyni zamanda özümü çox xoşbəxt hiss edirdim. Ona görə ki, xalqımızın Ümummilli Liderinə qəlbimdə olan sevgi və ehtiram sonsuzdur və oxuduğum hər bir kəlmə mənim hisslərimə bürünmüşdü. Səhnədə mən yalnız mahnı oxumadım, həm də Azərbaycan uşaqlarının Heydər Əliyevə olan məhəbbətini nümayiş etdirdim. Daha ətraflı »

  • 27Okt
    Mədəniyyət Milli-mənəvi dəyərlərimizi qoruyaq! üçün şərhlər bağlıdır

    Öz adətimiz, öz tərzimiz var

    Hər bir xalqın özünəməxsus adətləri–mədəniyyəti, geyim tərzi, fərqli yeməkləri və s. olduğu kimi, bizim Azərbaycan xalqı da milli-mənəvi dəyərlərimizlə fərqlənir. Bunu ta qədimdən dünyagörmüş insanların həyatında, işində, əməlində, kübarlığında, geyim tərzində açıq-aydın görmək olur. Lakin bəzən həyatda elə yanlışlıqlarla qarşılaşırıq ki, heyrətimizi gizlədə bilmirik. Ya dillənməli, ya da daxildən düşünməli oluruq. Hətta elə olur ki, bu yanlışlıq böyükdən kiçiyə sirayət edir və bu, bir adətə çevrilir. Heç gizlətmirəm, milli adətlərimizlə bağlı müşahidələr aparmağı xoşlayıram. Keşmişlə bugünün fərqindəki gözəllikləri ayırd etmək sanki ehtiyaca çevrilib mənim üçün.
    Məsələn, geyimlə bağlı dəbdir deyib əndazədən çıxanlarımıza təsadüf edilir. Bununla əlaqəli söz salmaqda bəlkə də məni köhnə fikirli bir insan kimi qınayarlar. Amma xeyir. Səliqə-səhmanlı, yaraşıqlı, sadəliyi ilə diqqət çəkən geyimləri uşaqlığımdan çox sevmişəm. Həmişə də belə geyinməyə çalışmışam. 50-60 il əvvəl şalvar geyinən qadınlar o qədər çox deyildi. İllər keçib, müasirlik adı altında yaraşdı-yaraşmadı əksər qadınlar şalvar geyinməyə adət ediblər.Yaxın günlərin söhbətidir. Bir az hava almaq məqsədilə iş yerinin qarşısındakı skamyada əyləşmişdim. Yoldan yorğun keçən bir qadın da gəlib mənim yanımda əyləşdi. Tanışlıq üçün bir az söhbət etdik. 5-10 dəqiqə söhbətimiz davam etdi. Bu anda yoldan bir gəlin keçdi. Onun geyimi diqqətimizi çəkdi. Hətta qadın öz iradını bildirdi:
    – Allah, sən saxla, bunu evdən çıxaran ana onun geyimini görməyibmi, – söylədi. Daha ətraflı »

  • 26May
    Digər, Mədəniyyət “Heydər Əliyev İli-2023”: Tərtərlilərə “Nurlu ömrün anları” tamaşası təqdim olunub üçün şərhlər bağlıdır

    Tərtər Rayon Mədəniyyət Mərkəzinin səhnəsində Cəfər Cabbarlı adına İrəvan Dövlət  Azərbaycan Dram Teatrının atyorları Ümummilli Lider Heydər Əliyevin 100 İllik  yubileyi münasibəti ilə  tərtərlilərə “Nurlu ömrün anları”  tamaşasını təqdim ediblər.

    Tamaşanın quruluşçu rejissoru, rəssam və musiqi tərtibatçısı İftixar Piriyevdir.  Tamaşada “Əməkdar artist” Esmiralda Şahbazova, Aktyorlardan Niyaməddin Səfərəliyev, Natiq Həziyev, Sevinc Hüseynova, Bəhruz Cabarzadə, Arzuman Tarverdi, Güney Əliyeva, Pərvin Dadaşova, Xədicə Məmmədova, Sevinc Bəxtiyar və Zəki Fətəliyev  iştirak ediblər. Aktyorlar dahi rəhbərin ömrünün yaddaqalan anlarını tamaşaçılara poetik ifadələrlə çatdırıblar. Onların çıxışları alqışlarla qarşılanıb.

    Sonda Tərtər  Rayon İcra Hakimiyyətinin Başçısı Müstəqim Məmmədov      Azərbaycan Respublikasının  Prezidenti cənab  İlham Əliyevin 29 sentyabr 2022-ci il tarixdə 2023-cü ilin “Heydər Əliyev ili” elan olunması və 28 noyabr 2022-ci il  tarixdə “Azərbaycan Respublikasında 2023-cü ilin  “Heydər Əliyev İli” elan edilməsi ilə  bağlı Tədbirlər Planı”nın təsdiq edilməsi haqqında  imzaladığı   sərəncamlar və rayonda həmin sərəncamların icrası ilə bağlı  icra hakimiyyəti tərəfindən təsdiq edilmiş tədbirlər planına uyğun olaraq keçirilən və keçiriləcək tədbirlər barədə məlumat verərək, Ulu Öndərin mədəniyyət və incəsənət adamlarına göstərdiyi diqqət və qayğını dilə gətirib.

    Rayon rəhbəri  teatr kollektivini ugurlu çıxışlarına görə səmimi qəlbdən təbrik edib, onlara yeni-yeni yaradıcılıq uğurları arzulayaraq, kollektivə rayon icra hakimiyyətinin təşəkkürnaməsini və xatirə hədiyyəsi təqdim edib.

     

     

     

     

  • 28Apr

    Mədəniyyət üçün şərhlər bağlıdır

     

    “Ana tarla” tamaşasının premyerası keçirildi

    Aprelin 26-da Bakı Bələdiyyə Teatrının Beynəlxalq Türk Mədəniyyəti və İrsi Fondunun təşəbbüsü ilə səhnələşdirdiyi “Ana tarla” tamaşasının premyerası keçirildi.

    Azərbaycanın siyasi və dövlət xadimi, ümummilli lider Heydər Əliyevin anadan olmasının 100 illik yubileyi çərçivəsində baş tutan tamaşa, Türk dünyasının tanınmış yazıçısı Çingiz Aytmatovun “Ana Torpaq” əsərinin motivləri əsasında səhnələşdirilib.

    Ümummilli lideri Heydər Əliyev böyük yazıçı və ictimai xadim, türkçülüyün təbliğatçısı Çingiz Aytmatovun şəxsiyyətinə, yaradıcılığına və xidmətlərinə zamanında yüksək qiymət verərək demişdir: “Dünya ədəbiyyatı xəzinəsinə gözəl əsərlər bəxş etmiş Çingiz Aytmatov həm Qırğızıstanın, həm də bütün türk dünyasının fəxridir”.

    Çingiz Aytmatovun “Ana tarla” povesti, doğma yurda və torpağa sadiq olan sadə insanlar haqqındadır.

    Əsərdə dövrün əsas bəlası kimi II Dünya Müharibəsi və bu müharibənin timsalında insanların yarımçıq qalmış taleləri, məhv olmuş arzu və istəkləri, eyni zamanda insanlığa, gələcəyə olan ümidləri göstərilir. Daha ətraflı »

  • 15Noy
    Mədəniyyət Gənclərimiz Dövlət Rəmzləri Muzeyində olublar üçün şərhlər bağlıdır

    “Vətənimiz” silsilə fəaliyyətləri nəticəsində Gənclərin İnkişaf və Karyera Mərkəzinin üzvləri və Gənc Könüllüləri Dövlət Rəmzlər Muzeyinə səfər edib.

    Gənclərimiz burada olan eksponatlarla yaxından tanış olub.

     

    Layihənin keçirilməsində məqsəd gənclərə vətənpərvərlik ruhunun aşılanması, dövlət rəmzlərinə hörmətin və diqqətin artırılması, rəmzlərimizin tarixinin mənimsənilməsidir.

  • 19Okt
    Mədəniyyət Açıq havada ev-muzey üçün şərhlər bağlıdır

    Erməni vəhşiliyinin sübutu olaraq bu gün Tərtərin Elman Səfərov küçəsində açıq havada ev-muzey yaradılıb. Bu evi Vətən mü-haribəsi zamanı ermənilərin atdığı “Smerç” raketi dağıdıb.
    Evin sahibi Sahib İsmayılov bu barədə deyir:
    –İllərlə əziyyətlə tikdiyimiz, hər bir daşı, içərisindəki hər bir əşyası bizə əziz olan evimiz dağılanda, düzü, çox pis olduq. Axı, biz ermənilərə neyləmişdik? Cəbhədə döyüşmək əvəzinə, onlar dinc əhalini, evlərimizi hədəfə aldılar. Bu, dünyada qəbul edilmiş bütün müharibə qanunlarına ziddir.
    Hadisə baş verəndən sonra fövqəladə hadisələr zamanı mülki müdafiənin təmin edilməsi məqsədilə yaradılmış rayon qərargahının üzvləri, Fövqəladə Hallar nazirliyinin əməkdaşları dərhal bizə gələrək, ailəmizin vəziyyəti ilə maraqlandılar. Bizi tək qoymadılar.
    Prezidentimiz İlham Əliyevin tapşırığı əsasında Sa-hib İsmayılovun ailəsinə yeni, hər cür şəraiti olan ev tikilib.
    Dövlətimizin başçısı 2021-ci il oktyabrın 3-də Tərtərə səfəri zamanı Sahib İsmayılovla görüşüb, ev-muzey və yeni evdə yaradılan şəraitlə tanış olub.
    Bu dəfə də ermənilər məqsədlərinə çata bilməyiblər.

     

  • 29Sen
    Mədəniyyət Tərtərdə 27 sentyabr – Anım günü münasibəti ilə Bərdə Xalq Teatrının hazırladığı “Zəfərə gedən yol” tamaşası nümayiş olunub üçün şərhlər bağlıdır

    Tamaşanın nümayişində Tərtər Rayon İcra Hakimiyyətinin əməkdaşları, şəhid ailələri və qazilər, mədəniyyət, təhsil işçiləri və rayon ictimayəti iştirak edib.

    Rejissor Mehman Quliyevin quruluş verdiyi tamaşanın əsas məqsədi yeniyetmə və gənclərdə vətənpərvərlik hissinin daha da artırılması, təbliğ olunması, insanların teatr sahəsinə olan marağını artımaqdır.

    Təsirli epizotlar ilə yadda qalan tamaşa izləyiciləri kövrəltsə də aktyorların çıxışları zalda əyləşən izləyicilərin alqışları ilə sona çatıb.

    Tamaşadan sonra çıxış edən Bərdə Regional Mədəniyyət İdarəsinin rəisi Vəsilə Möhsümova və Tərtər Rayon İcra Hakimiyyətinin başçısının birinci müavini Elvin Umudlu vətənpərvərlik ruhunda hazırlanan belə tamaşaların vacibliyindən danışıb, yaradıcı heyətə uğurlar azrulayıb.