Üzvü olduğum Yeni Azərbaycan Partiyasının VI qurultayının qərarı ilə cənab İlham Əliyevin prezidentliyə namizədliyinin irəli sürülməsini YAP Tərtər Rayon Təşkilatının üzvləri də razılıq hissi ilə qarşılayıblar .
Bu, hər birimizin ürəyincədir. Çünki Partiyamızın sədri cənab İlham Əliyevin rəhbərliyi ilə Azərbaycan günü-gündən inkişaf edir, regionda və beynəlxalq aləmdə böyük nüfuz sahibinə çevrilir. Ölkəmizdə sabitlik hökm sürür.
Mən inanıram ki, Prezident İlham Əliyevin rəhbərliyi ilə Azərbaycan daha böyük uğurlara imza atacaq.
Bu il ölkəmizdə prezident seçkiləri ilə yanaşı digər mötəbər tədbirlər də keçiriləcək. Azərbaycan Xalq Cümhuriyyəti qurulmasının 100 illiyi, 31 Mart-azərbaycanlıların soyqırımının 100 illiyi, milli ordumuzun yaranmasının 100 illiyi, Ümummilli Lider Heydər Əliyevin anadan olmasının 95 illiyi və s. Tərtərlilər həm bu mötəbər toplantıların keçirilməsində, həm də Prezident seçkilərində fəallıq göstərəcək, xalqın alternativsiz liderinə–İlham Əliyevə səs verəcəklər.

Surxay VƏLİYEV,
partiya veteranı

Qarabağ Müharibəsi Əlilləri, Veteranları və Şəhid Ailələri İctimai Birliyi Tərtər rayon təşkilatının sədri Suliddin Yusibov redaksiyamızda olarkən bildirdi ki, müharibə veteranları birmənalı olaraq YAP-ın qurultayında qəbul edilən qərarı dəstəkləyirlər. Cənab İlham Əliyev müharibə veteranlarına çox həssas, doğma münasibət göstərir, onların qayğıları ilə yaxından maraqlanır. Bu təbəqədən olan insanlar üçün mənzillər, fərdi evlər tikilib istifadəyə verilir, onlar minik maşınları ilə təmin edilirlər. Şəhid ailələri, əlillər də bu qayğıdan kənarda qalmırlar.
Veteranlar əmindirlər ki, Prezident İlham Əliyevin həyata keçirdiyi düşünülmüş xarici siyasət nəticəsində işğal altında olan torpaqlarımız azad ediləcək, məcburi köçkün soydaşlarımız doğma yurd-yuvalarına qayıdacaqlar.
Söhbətinin sonunda Suliddin Yusibov dedi: “Bizim yeganə liderimiz cənab İlham Əliyevdir”.

“Yeni Tərtər”

Erməni vandallarının törətdikləri vəhşiliklər nəticəsində öz doğma yurd-yuvalarımızı, isti ocaqlarımızı tərk edib məcburi köçkün həyatı sürməyə məcburuq. Lakin bu, bizi ruhdan salmır. Çünki cənab İlham Əliyev kimi Prezidentimiz var. Dünyanın ən mötəbər tribunalarından o, Azərbaycanın haqlı mövqeyini səsləndirərək, bu məsələnin tezliklə həll olunmasına çalışır.
Biz Prezidentimizin fəaliyyətini ürəkdən bəyənirik. Bu fəaliyyətin məqsədi xalqın xoşbəxtliyidir. Ötən ilin sonunda Şıxarda məcburi köçkünlər üçün tikilən şəhərcikdə mən möhtərəm Prezidentimizlə görüşdüm. İlham Əliyev tək bir ananın, bir ailənin övladı deyil, o, bu xalqın böyük və qüdrətli oğludur. Qarşıdakı prezident seçkilərində biz məcburi köçkünlər cənab İlham Əliyevə səs verəcəyik.

Pakizə MƏMMƏDOVA,
Ağdam rayonundan məcburi köçkün

Uzun illərdir ki, kənd təsərrüfatında çalışıram. Son illər bu sahənin sürətli inkişafı hər birimizi ürəkdən sevindirir. Biz kənd adamları cənab İlham Əliyevin verdiyi tapşırıqlar əsasında əkinçilikdə və heyvandarlıqda bir-birindən uğurlu nəticələr əldə edirik. Bu gün elmi yeniliklər kəndlinin həyatına daxil olmaqla, onun güzəranını kökündən dəyişdirib.
Belə ki, mən özüm təsərrüfatımda cins mallar saxlayıram. Bu, süd istehsalını xeyli artırmağa kömək edir. Pambıq tarlalarında, çuğundur sahələrində müasir texnika işləyir ki, bunun da nəticəsində məhsulumuzu vaxtında və itkisiz toplayırıq. Dövlətdən aldığımız subsidiyalar da işlərimizi düzgün qurmağa kömək edir.
Bir sözlə, torpaqla təmasda olan kəndli öz problemləri ilə tək deyil. Biz cənab Prezidentin daimi qayğısını hiss edirik. Əldə etdiyimiz bütün uğurlar məhz bu qayğının və diqqətin nəticəsidir.
Əminik ki, cənab İlham Əliyevin yenidən Prezident seçilməsi aqrar sektorunun inkişafına yeni təkan verəcəkdir.

Habil İBRAHİMOV,
Bəyimsarov kəndində fermer

1 milyon 500 min üzvü və 16901 təşkilatı özündə birləşdirən Həmkarlar İttifaqı Konfederasiyası və 700 mindən çox üzvü olan Yeni Azərbaycan Partiyası İlham Əliyevin Prezidentliyə namizədliyini irəli sürüblər.
Yalnız həmin təşkilatlar deyil, bütün Azərbaycan xalqı qarşıdakı Prezident seçkilərində cənab İlham Əliyevi alternativsiz lider hesab edir. Bu isə xalqın öz Prezidentinə, onun həyata keçirdiyi siyasətə inam hissindən doğur.
İnsanlar ilk növbədə həyatda gördüklərinə inanırlar. Son 14 ildə Azərbaycanda görülən işləri isə təkcə biz özümüz deyil, bü-tün dünya görür. Dostlarımız sevinir, düşmənlər isə deməyə söz tapmırlar.
Dövlət başçısının rəhbərliyi ilə həyata keçirilən regional inkişaf Proqramları regionlarımızın həyatını tanınmaz dərəcədə deyişib. Artıq Azərbaycanın hər hansı bir nöqtəsinə əyalət deməyə insanın dili gəlmir. Çünki cənab İlham Əliyevin tapşırıqları əsasında real işlərə çevrilən irimiqyaslı layihələr, Proqramlar nəticəsində indi iri şəhərlərimizlə rayon mərkəzləri arasındakı fərq aradan götürülüb. Sosial infrastruktur layihələrin icrası nəticəsində bölgələrdə yaşayan insanlar da elektrik enerjisindən, mavi yanacaqdan, içməli sudan, rabitə xidmətlərindən lazımınca istifadə edirlər. Daha ətraflı »

Əbəs yerə demirlər ki, yazılı media özündə tarixi yaşadır. Bu, həqiqətən də belədir. Qarşımda saralmış bir qəzet nüsxəsi var–6 noyabr 2003-cü il tarixli “Xalq qəzeti”. Burada mənim “Prezident İlham Əliyev hakimiyyətə ölkənin problemlərini həll etmək üçün gəlib” məqaləm dərc olunub. O zaman mən Bakı elektron hesablayıcı maşınlar zavodunun direktoru işləyirdim. Bu məqaləni oxuyarkən bir daha xalq müdrikliyinin şahidi olursan. Məqalədə deyilir: “Mən Mərkəzi Seçki Komissiyası tərəfindən prezident seçkilərində müşahidəçi kimi iştirak etdim. Əllidən çox məntəqədə oldum. Xarici müşahidəçilər də çox idi. Sözün həqiqi mənasında, heyrət edirdilər. Rusiyalı müşahidəçilər neçə dəfə dilə gətirdilər ki, kaş bizim ölkənin vətəndaşları taleyüklü məsələlərdə belə fəal olaydılar. Adamlar səs vermək üçün növbəyə durmuşdular. Səsvermə prosesi o qədər yüksək səviyyədə keçirdi ki, kimsə irad tutmağa əsas tapmırdı”.
Məqalədə daha sonra bildirilir ki, ölkəmiz işıqlı gələcək yolundadır. Bu yol Heydər Əliyev yoludur. İndi xalqı bu yolla firavan gələcəyə aparacaq şəxs İlham Əliyevdir. Onu xalq seçib, bu missiyanı da xalq ona həvalə edib. Daha ətraflı »

Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin Tərtər rayon şöbəsi rayon icra hakimiyyəti ilə birgə Səfərbərlik və Hərbi Xidmətə Çağırış üzrə Dövlət Xidmətinin yaradılmasının altıncı ildönümü münasibəti ilə tədbir keçirmişdir. Əvvəlcə tədbir iştirakçıları Ulu Öndərin xatirəsini ehtiramla yad edərək onun abidəsi önünə gül-çiçək dəstələri qoymuşlar.
Sonra tədbir Heydər Əliyev Mərkəzində davam etdirildi. Tədbir iştirakçıları əvvəlcə Ulu Öndərin həyat və fəaliyyətini əks etdirən eksponatlarla tanış oldular. Sonra torpaqlarımızın ərazi bütövlüyü, suverenliyi uğrunda canlarından keçmiş şəhidlərin ruhu bir dəqiqəlik sükutla yad edildi.
Rayon Icra hakimiyyətinin başçısı Müstəqim Məmmədov tədbir iştirakçılarını Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin yaradılmasının 6-cı ildönümü münasibətilə təbrik etdi və onlara səfərbərlik hazırlığının yüksəldilməsi istiqamətində apardıqları şərəfli və məsuliyyətli işlərində uğurlar dilədi. Daha ətraflı »

Bu dəfə rayon icra hakimiyyəti başçısının səyyar qəbul-görüşü rayonun Buruc kənd İƏD üzrə nümayəndəliyinin Gülabatlı kəndində keçirildi. Qəbulda rayonun hüquq mühafizə orqanlarının, səhiyyə, təhsil, mədəniyyət, digər xidmət sahələrinin rəhbərləri, ərazi icra nümayəndələri, bələdiyyə sədrləri və KİV nümayəndələri iştirak etdilər.
Əvvəlcə Buruc kənd İƏD üzrə nümayəndə Böyükkişi Məlikov kənd haqqında ətraflı məlumat verdi.
Sonra Gülabatlı kənd tam orta məktəbin direktoru Asif Alıkişiyev rayonda, eləcə də kəndlərində geniş vüsət alan abadlıq-quruculuq işlərindən, kəndin fasiləsiz elektrik enerjisi, təbii qaz və içməli su ilə təmin olunmasından razılıq hissi ilə danışdı. Məktəblərində yardımçı sinif otaqlarının tikilməsinə ehtiyac olduğunu bildirdi. Daha ətraflı »

Rayon tarix-diyarşünaslıq muzeyində Gənclər Günü münasibəti ilə “Gənclərlə irəli” adlı tədbir keçirilib. Fəal tərtərli gənclərin iştirakı ilə keçirilən toplantını müzeyin direktor əvəzi Aybəniz Məmmədova açıb. Fond müdiri Pəri Yusifli Gənclər Gününə həsr olunmuş məruzə ilə çıxış edib. O bildirib ki, bugünkü gənclər cəmiyyətdə fəal iştirakı, hərtərəfli bilikləri, təşəbbüskarlıqları ilə seçilirlər. Onlar dövlətin qayğısı ilə əhatə olunublar. Gənclər siyasətinin əsası Ulu Öndər Heydər Əliyev tərəfindən qoyulub və bu gün Prezident İlham Əliyev tərəfindən uğurla davam etdirilir.
Qızıl Aypara Tərtər rayon təşkilatının üzvü Aytən Qarayeva, rayon uşaq-gənclər idman şahmat məktəbinin direktoru Emin Quliyev, məktəbin metodisti Azər Musayev, “Ca qroup”un (SCAG) rəhbəri Coşqun Aslanov, musiqi məktəbinin müəllimi Müşfiq Ağayev çıxış edərək gənclərin üzərinə düşən məsul vəzifələrdən danışıblar.

Kənən HÜSEYNZADƏ