Saytın ümumi statistikası:

Saytda məqalələrin sayı - 5,075
Saytda ismarıcların sayı - 0

Arxiv

Sayğac:

Ziyarətçilərimiz:

Flag Counter
  • 12Fev
    Xəbərlər Qəhrəman ana evində səs verib üçün şərhlər bağlıdır

    Seçki günü məntəqələrə gələ bilməyən yaşlı insanların da bu kampaniyada iştirakını təmin etmək üçün tədbirlər görülüb.
    Belə sakinlərdən biri Umudlu kəndindən olan 100 yaşlı şəhid anası Ətlaz Abbasquliyevadır. Ətlaz nənə Qəhrəman anadır. Həm çoxuşaqlı ana kimi, həm də vətənpərvər, elinə gərəkli, savadlı övladlar böyütdüyünə görə o, əsl qəhrəmanlıq nümunəsidir.
    Hazırda nənənin 27 nəvəsi, 50 nəticəsi və 14 kötücəsi var.
    Ətlaz nənə də seçkilər gününü səbirsizliklə gözləyirdi. Həmin gün 11 saylı seçki məntəqəsindən qutu onun yaşadığı evə gətirilib. Ətlaz nənə övladlarının, nəvə-nəticələrinin, kötücələrinin firavan həyatına, Böyük Qayıdışa səs verib.
    Ətlaz Abbasquliyeva 7 yanvar 1924-cü ildə Ağdərə rayonunun Umudlu kəndində anadan olub. On uşaq böyüdüb boya-başa çatdırıb.
    Övladlarından biri – Məmməd Abbasov 1991-ci il may ayının 26-da Umudlu kəndinin müdafiəsi zamanı şəhid olub. Oğlanlarından digər üç nəfəri də Birinci Qarabağ müharibəsinin iştirakçısı olub. Onlardan biri gedən döyüşlər zamanı gül-lə yarası alıb. 9 aprel 2009-cu ildə qızı Solmaz Abbasova vəfat edib. Qalan övladları hal-hazırda yaşayırlar.
    Ətlaz nənə uzun illər sovxoz ərazisində təsərrüfat işlərində çalışıb, bir çox medallarla təltif olunub. Kənd Sovetinin deputatı seçilib. Övladlarının hər biri ali və orta ixtisas təhsili alıb. Daha ətraflı »

  • 12Fev
    Kənd Təsərufatı Seçkilər inam və sədaqətin nümayişinə çevrildi üçün şərhlər bağlıdır

    Növbədənkənar Prezident seçkiləri bir daha tərtərlilərin dövlətimizə, Prezident İlham Əliyevə inam və sədaqətinin nümayişinə çevrildi. 44 günlük Vətən müharibəsində olduğu kimi, seçki günü də rayonumuzun sakinləri yumruq kimi birləşərək, bizə Qalibiyyəti, övladlarımıza sakit səma altında böyüməyi bəxş edən insana səs verdilər.
    Mən və ailə üzvlərim 97 saylı Tərtər-Naftalan-Goranboy seçki dairəsinin 1 saylı seçki məntəqəsində səs verdik. Burada əsl bayram əhval-ruhiyyəsi hökm sürürdü. Qəhrəman tərtərlilər bu günü çox gözləmişdilər.
    Müstəqillik əldə edildikdən sonra ilk dəfə olaraq Azərbaycanın bütöv ərazisində seçkilər keçirildi. Vaxtilə ermənilərin keçilməz sədd yaratdıqları və oradan daim, hətta atəşkəs dövründə də şəhərimizi, kəndlərimizi atəşə tutduqları Ağdərədə, Suqovuşanda indi insanlar sərbəst şəkildə ən layiqli namizədə səs verdilər.
    Bəli, biz o günləri yaxşı xatırlayırıq. Tərtərin və ətraf rayonların əkin suyuna necə ehtiyac olduğu günlər də yadımızdan çıxmayıb. İndi Sərsəng Su Anbarı da, Suqovuşan Su Anbarı da bizimdir və buradan kanallar vasitəsilə gələn sular torpaqlarımıza yeni həyat bəxş edib.
    Artıq torpaqlarımız azad edilib, ərazi bütövlüyümüz və suverenliyimiz isə bərpa olunub. Milyonların bu arzusunu gerçəkləşdirən isə hər bir vədinin arxasında əməli işi dayanan Qalib xalqın Qalib lideri – İlham Əliyevdir.
    Feralın 7-də tərtərlilər ona səs verərkən ölkəmizin firavan gələcəyinə, Qarabağımızın dirçəlişinə, sülhə və əmin-amanlığa səs verdilər.
    Əminik ki, növbəti illərdə dövlətimizin başçısı xalqa verdiyi hər bir sözü layiqincə yerinə yetirəcək, onun rəhbərliyi altında Azərbaycan daha böyük uğurlara imza atacaq və günəş kimi dünyaya parlayacaqdır.

    Anar ƏLİYEV,
    Aslan Hüseynov
    küçəsinin sakini, fermer

  • 12Fev
    Hərbi vətənpərvərlik Əzəli, əbədi Zəfərin mübarək, Azərbaycanım! üçün şərhlər bağlıdır

    Düz 31 ildir ki, paylasdıgım mövzular qəlbləri sızıldadan, insanların kövrək hisslərinə to-xunan, dərdlərini tərpədən bir Ananın, bir bacının urək yanğılı yazıları olub.
    Düz 31 ildir ki, tək Ədalətin, Evaristin bacısı kimi yox, bütün şəhidlərin bacısı kimi sinəmə çalın-çarpaz dağ cəkmis şəhidlərimizi vəsf edən, onları yasadan paylaşımlar etmişəm.
    Hansı tədbirdə olmuşamsa olum, Qarabağımızı, Qəhrəman Tərtərimizi layiqincə təmsil etmişəm. Bütün Azərbaycan anaları kimi mənim də ən böyük arzum müharibənin bitməsini, Qarabağımızı azad görmək olub.
    2023-cü il –“Heydər Əiyev ili” Azərbaycan ücün ən uğurlu, ən düşərli il oldu. 31 illik Qarabağ həsrətinə birdəfəlik son qoyan il oldu.
    Bu Zəfər əbədi bir Zəfərdir. Bu Zəfəri bizə bəxş edən şəhidlərimizin ruhları şad, qazilərimizin canları sağlam olsun. Bu Zəfəri bizə qazandıran müzəffər Ordumuz var olsun!
    Bu Zəfəri bizə bəxş edən möhtərəm cənab Prezidentimiz, Ali Baş Komandanımız İlham Əliyev cənabları var olsun!
    Çox xoşbəxtəm ki, fevralın 7-də xalqımızın bir nümayəndəsi kimi mən də Prezident seçkilərində qürur hissi ilə iştirak edərək, ən layiqli namizədimizə səs verdim.
    Cənab ilham Əliyevin seçkilərdəki qələbəsi bütöv Azərbaycan xalqının qələbəsi, növbəti Zəfərimizdir.
    Yaşasın Azərbaycan, yaşasın Prezident İlham Əliyev!

    Məhəbbət PAŞAYEVA,
    həkim

     

  • 12Fev
    Təhsil Seçki günü bayrama çevrildi üçün şərhlər bağlıdır

    Şikar Şikarov adına şəhər 5 saylı tam orta məktəbin kollektivi üçün “Heydər Əliyev ili” yaddaşlarda əlamətdar hadisə ilə qalmışdır. Məhz həmin il şagird və müəllim kollektivi rayon ictimaiyyəti ilə birlikdə gözəl, yaraşıqlı yeni məktəb binasının istifadəyə verilməsini qeyd etdi.
    1974-cü ildə tikilmiş və müharibə nəticəsində dəfələrlə dağıntılara məruz qalmış 220 şagird yerlik binanın yerində Təhsil Nazirliyi tərəfindən 360 şagird yerlik yeni bina inşa olunmuşdur. Məktəbin geniş akt zalı, idman zalları, bütün lazımi avadanlıqlarla təhciz olunmuş fənn kabinələri, laboratoriyaları, oğlan və qızlar üçün ayrıca 2 texnologiya kabinəsi, kitabxana və 60 yerlik mətbəxi var.
    Məktəbdə yaşanan yüksək əhval-ruhiyyə növbədənkənar Prezident seçkiləri ərəfəsində daha da artaraq, fevralın 7-də böyük bir bayrama çevrildi.
    Belə ki, burada yerləşən 5 saylı seçki məntəqəsində bu siyasi kampaniyanın yüksək səviyyədə keçirilməsi üçün əvvəlcədən bütün hazırlıq işləri görülmüşdür.
    Məntəqənin sədri Arzu Babayeva deyir:
    – Səhər saatlarından insanlar sevinc hissi ilə məntəqəyə gəlməyə başladılar. Özü də qeyd etmək istəyirəm ki, bu seçkilərdə yaşlı adamların da sayı əvvəlkindən çox idi. Hər kəs möhtərəm Prezidentimizə olan sevgi və ehtiramını məntəqəyə gələrək ona səs verməklə bildirmək istəyirdi.
    Seçki məntəqəsinin katibi Aytən Quliyeva isə ilk dəfə səs vrerən Quluzadə Nicat Elşən oğlunun adını çəkdi. Bu tarixli seçkilərdə iştirak etdiyinə görə onun çox qürurlu olduğunu söylədi.
    Seçki prosesi başa çatdıqdan və ilk nəticələr elan olunduqdan sonra müəllimlər cənab İlham Əliyevin yenidən Prezident seçilməsini çay süfrəsi arxasında qeyd etdilər.

    “YENİ TƏRTƏR”

  • 12Fev
    Qazilərimiz “BU GÜN CƏMİYYƏTİMİZİN BÖYÜK HİSSƏSİNİ TƏŞKİL EDƏN GƏNCLƏR ÖLKƏMİZİN HƏYATINDA ÇOX ÖNƏMLİ ROL OYNAYIR” İlham Əliyev, Azərbaycan Respublikasının Prezidenti üçün şərhlər bağlıdır

    Bu gün də biz müzəffər Ali Baş Komandanın yanındayıq

    Ulu Öndər Heydər Əliyev deyirdi: “Gənclərimizin əsas vəzifəsi özünü müstəqil Azərbaycan Respublikasının yaşamasına və əbədi olmasına həsr etməkdən ibarət olmalıdır.”
    44 günlük Vətən mühari-bəsi sübut etdi ki, müstəqillik illərində Azərbaycanda məhz bu cür gənclər yetişib. Onlar Vətən, torpaq, bayraq uğrunda ölümə belə getməyə hazır idilər və gedirdilər, göz qırpma-dan şirin canlarını, sağlamlıqlarını bu yolda qurban verirdilər.
    Belə gənclərdən biri də həmyerlimiz, Cəmilli kəndinin sakini, 19 yaşında ali hərbi təltif alan Azər Abdullazadədir.
    Azər 2001-ci il fevralın 18-də ziyalı və vətənpərvər insanları ilə tanınan Cəmilli kəndində anadan olub. İlk təhsilini kənd tam orta məktəbində alıb. Müddətli həqiqi xidməti zamanı tankçı olub və bu peşəni mükəmməl öyrənməyə çalışıb.
    Əsgərliyini başa vurandan sonra müharibə başlayıb və orduda yiyələndiyi bilik və təcrübə döyüş meydanında onun köməyinə çatıb. Döyüşlərə Füzuli istiqamətindən qa-tılıb. Müharibənin ilk günlərində – sentyabrın 30-da idarə etdiyi T-90 tankı vurulub və o, yaralanıb. Lakin bu zaman bütün əsgərlərimizdə olduğu kimi, Azərin də böyük ruh yüksəkliyi, düşməndən intiqam almaq hissi onu yenidən müharibə meydanına qaytarıb. Özü bu barədə belə deyir: “Mənim atam Rizvan Abdullayev Birinci Qarabağ müharibəsində iştirak edib, əmim leytenant Natiq Abdullayev isə Ağdərə istiqamətində şəhid olub. O, hərbi həkim idi. Uşaqlıqdan ən böyük arzum işğal altında olan torpaqlarımızı geri qaytarmaq və şəhidlərimizin qisasını almaq olub. Odur ki, yaralansam da, hospitalda qala bilmədim.”
    O, hospitalda cəmi bir gün qalıb. Sonra isə yenə qızğın döyüşlər və ancaq irəli getmək arzusu… Bu arzu o qədər güclüydü ki, ermənilərin illərlə qurduğu istehkamları göz qırpımında darmadağın edirdi. Əsgərlərimizin bu istəyi, gücü qarşısında düşmən tab gətirə bilmir və gizlənməyə yer axtarırdı. Ancaq Azərin tankından açılan dəqiq atəşlər onları hər yerdə-sığınacaqlarda, maşınlarda yaxalayıb məhv edirdi. Daha ətraflı »

  • 12Fev
    Qazilərimiz Adını tariximizə yazan gənclərdən biri üçün şərhlər bağlıdır

    Prezident, Ali Baş Komandan İlham Əliyev Azərbaycan gəncliyinə yüksək qiymət verərək bildirib ki, rəşadətli Azərbaycan Ordusunun sıralarındakı Vətən uğrunda mətanətlə vuruşan qəhrəman gənclərimiz öz adlarını xalqımızın ən yeni tarixinə qızıl hərflərlə yazdılar. Onların rəşadəti sayəsində əldə olunan Şanlı Zəfər ölkəmizin ərazi bütövlüyünü bərpa etdi, xalqımız 30 illik həsrətdən sonra tarixi torpaqlarımıza qovuşdu. Müstəqillik dövründə yetişən gənclər, vətənpərvərlik ruhunda yetişən gənclər bu tarixi hadisəni, bu tarixi müjdəni Azərbaycan xalqına bəxş etmişlər.
    Belə gənclərdən biri də ra-yonumuzun Poladlı kəndinin sakini, “Azəraycan Bayrağı” ordenli, “Şuşanın azad olunmasına görə”, “Xocavəndin azad olunmasına görə”, “Vətən müharibəsi iştirakçısı” medalları təltifçisi, Mingəçevir Dövlət Universitetinin tələbəsi Elnur Salahovdur.
    Elnur 19 avqust 2000-ci ildə anadan olub. 2019-cu ilin iyul ayında müddətli həqiqi hərbi xidmətə çağırılanda, artıq orta ixtisas təhsilli idi. O, Şəki Dövlət Texniki Kollecini bitirmişdi.
    Əvvəlcə Naxçıvanda xidmət edib, savaş başlayanda isə ok-tyabr ayından Xocavənd istiqamətindən döyüşlərə qatılıb. Bir dəfə yaralanıb, lakin yenidən cəbhəyə qayıdıb. Daha ətraflı »

  • 12Fev
    Təhsil Onun uğurlarının bünövrəsi orta məktəb illərindən qoyulub üçün şərhlər bağlıdır

    Prezident İlham Əliyevin həyata keçirdiyi gənclər siyasətinin mühüm bir istiqamətini gənclərin qabaqcıl xarici təhsil proqramlarına cəlb edilməsi təşkil edir.
    Belə gənclərdən biri də həmyerlimiz Orxan Mustafazadədir. Orxan 2001-ci ilin 28 noyabrında rayonumuzun Əskipara kəndində anadan olub. Şikar Şikarov adına şəhər 5 saylı tam orta məktəbin məzunudur.
    Orxan Mustafazadənin həyatı müasir Azərbaycan gəncinin parlaq nümunəsidir. Cəmi 23 yaş və saymaqla bitməyən uğurlar, qələbələr, nailiyyətlər, araşdırmalar, ictimai fəallıq, mübarizə və daha nələr, nələr…
    O, 2019-cu ildə 502 qəbul balı və YÖS nəticəsi ilə Türkiyədə iqtisadiyyat ixtisası üzrə təhsil almağa başlayıb. Bakalavr təhsilini 3 ilə yekunlaşdırıb. Hal-hazırda magistratura pilləsi üzrə təhsilini Türkiyə Respublikasında davam etdirir. İkinci kurs magistr tələbəsi olaraq “Dayanıqlı inkişaf”, “Dayanıqlı ekoloji inkişaf” adlı araşdırmaların, “İnternationl Journal of Social and Humanities Sciences Research” elmi jurnalında yayımlanan “Sürdürülebilir Kalkınma Bilinci Üzerine Bir Araştırma” məqaləsinin müəllifidir.
    Orxan Mustafazadənin bugünkü uğurlarından danışarkən qeyd etmək lazımdır ki, onların bünövrəsi orta məktəb illərində qoyulub. O, bu barədə belə deyir: Daha ətraflı »

  • 12Fev
    Səhiyyə Qızılca kəskin infeksion virus xəstəliyidir üçün şərhlər bağlıdır

    Son aylar qızılca xəstəliyi respublikamızda yayılmaqda davam edir. Qızılca – kəskin infeksion virus xəstəliyi olub yalnız insanlar arasında baş verir. Qızılca çox vaxt uşaq xəstəliyi kimi qəbul edilsə də, lakin hər yaşda insanların xəstələnməsi mümkündür. Qızıl-caya yoluxmuş insanların öskürməsi, asqırması ilə bir insandan digərinə asanlıqla keçir. Belə ki, asqırma, öskürmə zamanı qızılca virusu yuxarı tənəffüz yollarının selik hissəcikləri vasitəsi ilə ətraf mühitə ifraz olunur və hava axını ilə böyük məsafələrə yayılır. Xəstəlik son dərəcə təhlükəlidir. Xəstəliyə qarşı immuniteti olmayan və yoluxmuş bir insanla eyni yaşayış məkanını paylaşan on nəfərdən doqquzu yoluxur. İnsanlar xəstəliyi səpkilərin başlamasından 4 gün əvvəldən və 4 gün sonrasına qədər başqalarına yoluxdura bilər. Qızılca xəstəliyində 3 dövr ayırd edilir. Başlanğıc, səpkilər və piqmentasiya dövrü. Başlanğıc dövr bədən temperaturunun 38,5-39,5 dərəcəyə qədər artması, yuxarı tənəffüs yollarının və gözün selikli qişasının zədələnməsi ilə səciyyələnir. Zökəm, boğazda ağrı, quru öskürək, bəzən inağ sindromu inkişaf edir. İşıqdan qorxma, konyuktivanın hiperemiyası, göz qapaqlarının şişkinliyi müşahidə edilir. Bu dövr 4-5 günə qədər davam edir və bundan sonra səpki dövrü başlayır, ləkəli papulyaz səpki ilə biruzə olunur. İlk səpki elementləri qulaqarxası, burun darağında xırda ləkələr şəklində meydana çıxır ki, onların da ölçüləri sürətlə böyüyür, bəzən birləşir. Bir sutka ərzində səpkilər tezliklə üzdə, boyunda, sonradan ayrı-ayrı elementlər şəklində döşdə, gövdə və nəhayət aşağı ətraflarda yaranır, 5-7 gün sonra piqmentləşmə dövrü başlayır. Əgər fəsadlaşma, yəni bakterial infeksiya qoşulmazsa, sağalma ilə nəticələnir. Qızılcanın ağırlaşma halı xəstəliyin istənilən dövründə baş verə bilər. Qızılcanın fəsadlaşması bronxit, pnevmaniya, orta qulağın iltihabı, baş beyn və onurğa beyin qişasının iltihabı olan meningit, ensofalit, meninqoensefalit ilə təzahür edir. Odur ki, qızılca xəstəliyindən qorunmaq üçün ən vacib profilaktik tədbir peyvənd olunmaq qəbul edilir, eyni zamanda xəstəliyin yayılmasının qarşısının alınmasında mühüm tədbir həm də erkən diaqnostika və xəstənin vaxtında təcrid olunmasıdır. Xəstə müəyyən edilən infeksiya ocağında peyvənd olunmuş uşaqlar müşahidə edilməli, xəstə ilə təmasda olan peyvənd olunmamış uşaqlar isə təcrid olunmaqla müşahidə olunmalıdırlar. Təmasdan 72 saat əzrində peyvənd olunmaq məsləhətdir. Daha ətraflı »

  • 12Fev
    Ədəbiyyat Tanrı səbr edənləri sevindirər üçün şərhlər bağlıdır

    (Olmuş əhvalat)

    Yaradanın sədasını qulaqlarında sırqa et! Özün heç nə yaratmağa qadir deyilsən. Elə isə yaradanın yaratdıqlarına ehtiyatla yanaş. Axı sən Tanrının yaratdığı ən ali varlığa–insana daha yaxınsan, ey təbib.
    Havalar qarışıq, istili-tüstülü, ətraf qarışıq, davalı-şavalı, insanlar müxtəlif, imkanlı-imkansız. Talelər müxtəlif, çox bəsit–yarı xoşbəxt, yarı bədbəxt. Yarı sağlam, yarı xəstə, eh, daha nələr və necələr.
    Uzra xəstəxanaya anası ilə gətirildi. Həkimi Ədari xanım ona cərrah yanına getməyi məsləhət gördü və beləcə gənc qadının yeni həyat hekayəsi başlandı. Qarın boşluğu cərrahiyyəsində son mərhələ–yayılmış irinli peritonit. Diaqnoz çox ağır idi. Təzəcə ailə qurmuş gəlin sol boru və yumurtalığından məhrum oldu. Yeddi günlük mücadilədən sonra sağlamlığa qovuşdu. Evə yazılarkən arxasınca yalnız gözü yaşlı, bir həftə ərzində saçı ağarmış, büzüşmüs, üzülmüş anası gəldi. Qızını ər evinə qaytarmadılar. “Bizə yarımcan gəlin lazım deyil”, – dedilər.
    Aradan illər keçdi. Uzra anası ilə yenidən onu əməliyyat edən həkimin yanına gəlmişdi. Bu illər ərzində nələr olmuşdu. Uzra yenidən ailə qurmuş, ancaq bu ailə də onu qəbul etməmişdir. İkinci evdən qovulandan bir müddət sonra qarşısına çıxan insan ona evlənməyi təklif etmişdir. Uzra indi ailəlidir, ancaq yenə xəstədir. Xəstə müayinə edildi və sağ tərəfli boru hamiləliyi ilə cərrahi əməliyyata alındı. Sadə bir əməliyyat–daxili qanaxmanı dayandırmaq, deşilmiş borunu kənar etmək. Bu qədər. Ancaq gəlin məsələyə bir qadının taleyi baxımından yanaşaq. Bu əməliyyat onun ana olmaq istəyinə son qoyacaq. Bayırda isə gözü yaşlı ana–Amis, övlad sahibi ol-maq arzusu ilə yaşayan gənc həyat yoldaşı, əməliyyat otağında üzünü soyuq tər basmış, deşilmiş borunu əlində tutaraq düşüncələrə dalmış həkim. Qərar vermək həm asan, həm də çətindir. Həkim ona zillənmiş gözlərə, asistentin, əməliyyat tibb bacısının üzünə baxdı və elə bil öz-özünə hökm elədi: Borunu saxlayırıq, ancaq necə? Bacardığım kimi. Əməliyyat borunu uc-uca anostomozu və drenə edilməsi ilə başa çatdı. Daha ətraflı »

  • 12Fev
    Digər Tərtər rayon qəzetinin 90 illiyi qarşısında üçün şərhlər bağlıdır

    “Tərtər” oxuculara nə vəd edir

    Artıq narahat, səksəkəli bir ili də başa vurduq. Bu ildə nisgilimiz çox olsa da qazandıqlarımız da az olmadı. Ən başlıcası milli soy-kökümüzə qayıdırıq. 28 may Dirçəliş günümüz oldu. Respublikamızın adının, dövlət bayrağının dəyişdirilməsi barədə Azərbaycan SSR prezidenti fərman vermişdir.
    İllərin ayrıcında dayanıb olub-keçənlərə, baş verən hadisələrə qiymət vermək fikrində deyilik. Bu haqda çox deyilib, çox yazılıb. Məqsədimiz başqadır. Axı, üç ildən bəri rayonumuzun köhnə adının bərpasına, qəzetimizin “Tərtər” adı ilə çıxmasına çalışılıb. Birinci məsələnin həllinə qismən (ona görə qismən deyirik ki, rayon Sovetinin verdiyi qərarın təsdiqi gecikir) nail olsaq da, ikinci məsələ artıq həll olunubdur. “Tərtər” yeni ildə təzə-tər xəbərləri, məqalələrilə görüşünüzə gəlibdir. Sizi əmin edirik ki, “Tərtər” ulu babası “Əkinçi”nin adət-ənənələrinə sadiq qalıb oxucuların yaxın dostuna, sevimlisinə çevriləcəkdir. Qəzetimizdə rayonumuzun həyatı, kəndimizin problemləri, mədəniyyət və maarifi, gələcək perspektivləri, narahat dünyamızda baş verən hadisələr haqqında yazılır, maraqlı xəbərlər dərc ediləcəkdir.
    Çalışacağıq ki, milli soy-kökümüzü özündə əks etdirən “Tərtər”in hər nömrəsi Sizi sevindirsin, maraq dairənizi əhatə etsin, “Molla Nəsrəddin kimi düzü düz, əyrini-əyri göstərsin”. Əziz oxucularımız, bunun üçün ancaq Sizə güvənirik.

    Redaksiya heyəti
    “Tərtər”, 1 yanvar
    1991-ci il