Saytın ümumi statistikası:

Saytda məqalələrin sayı - 5,140
Saytda ismarıcların sayı - 0

Arxiv

Sayğac:

Ziyarətçilərimiz:

Flag Counter
  • 20Fev
    Xəbərlər Tərtər rayon qəzetinin 90 illiyi qarşısında üçün şərhlər bağlıdır

    YARPIZ ƏTRİ

    Hələ XVIII əsrin əvvəllərindən Rusiya imperiyasının Qafqaz siyasətinin tərkib hissəsini “erməni məsələsi” təşkil edir. Yəni ruslar daim öz cənub sərhədlərini onlara daha yaxın olan və eyni dinə qulluq edən ermənilərlə möhkəmləndirir, bu məqsədlə onları müxtəlif əyalətlərdən bu yerlərə köçürürdülər. XX əsrin sonlarında Azərbaycan xalqının başına gətirilən faciələr də məhz bu siyasətdən qaynaqlanmışdır. Belə faciələrdən biri tarixə qanla yazılmış Xocalıdır.
    * * *
    Novruz Fatmanı tuneldən içəri salıb, özü geri qayıtdı. Qadın yan-yörəsinə baxıb, beş-altı nəfər qonşusunu tanıdı. Qalanları isə mexseti türkləri idi. Dəfələrlə belə ol-muşdu. Atışma güclənəndə onlar burada daldalanır, sonradan yenə də evlərinə qayıdırdılar. Amma, deyəsən, bu atışma əvvəlkilərə bənzəmirdi. Hətta yaxında tankların səsi aydınca eşidilirdi. Burada daldalanan 90-a yaxın insanın həyəcanlı səsi yerin altında qəribə əks-səda verir, vahiməni daha da artırırdı.
    Qəflətən partlayış səsi eşidildi. Mərminin qəlpələri daldalanacağın içərisinə səpələnib, insanları yaralamışdı. Daha bu vəziyyətdə burada qalmağın mənası yox idi. Qapını açıb onların bayıra çıxmasına imkan verdilər. Fatma keyimiş əllərilə hissiyatsız bədənini yoxladı. Deyəsən yaralanmamışdı. Hamı harasa qaçırdı. Amma onun beynində bircə fikir dolaşırdı: özünü evlərinə çatdırıb, ömür-gün yoldaşı Novruzu tapsın. Budur, nəhayət, bu da onların həyət darvazası. O, bir az toxtayıb nəfəsini dərdi, “Novruz burada olacaq”– deyə, düşündü. “O, məni qoyub heç yerə getməz”. Daha ətraflı »

  • 20Fev
    Digər Fatma ananın sualına Prezident İlham Əliyevin rəhbərliyi altında Azərbaycan Ordusu cavab verdi üçün şərhlər bağlıdır

    “Yarpız ətri” yazısı qəzetimizdə 10 fevral 2012-ci ildə dərc olunub. Azərbaycan Mətbuat Şurasının xüsusi diplomuna və pul mükafatına layiq görülüb. Nəyə görə faciə ilə bağlı məqaləyə məhz “Yarpız ətri” sərlövhəsi seçilib? Məqsəd bizim yarpız ətirli, sülh qoxulu dinc həyatımızla ermənilərin insanlarımıza yaşatdıqları ağlasığmaz faciələr arasındakı təzadı daha qabarıq şəkildə göstərməkdir. Qeyd edim ki, həmin yazının rus dilinə tərcümə olunmuş variantı xalqımızın yaxın dostu, Xocalı faciəsinin canlı şahidi və bu barədə həqiqətlərin dünyaya çatdırılmasında misilsiz xidmətləri olan Ri-cardas Lapaitisə də göndərilmiş və onun tərəfindən də bəyənilmişdi.
    Aradan 12 il ötüb, ancaq Fatma ananın sonsuz kədər hissi ilə “ermənilər və onlara havadarlıq edənlər başımıza gətirdikləri bu müsibətlərə görə nə zamansa cavab verəcəklər?” sualı hələ də qulaqlarımda səslənir. Xocalının azad edilməsi xəbərini eşidəndə də elə ilk yadıma düşən Fatma ana və onun ailəsi oldu. Ona görə də bu il – Şanlı Zəfərimizdən sonra artıq azad Xocalının sakini olan Fatma Zamanova ilə yenidən görüşmək qərarına gəldim.
    Maraqlandım, öyrəndim ki, çoxdandır ki, onlar o uçuq ferma binasında yaşamırlar. Oğlanlarından biri – Qabil Zamanov isə elə əvvəl yaşadıqları kəndin ərazisində – rayonumuzun Qaynaq kəndində məskunlaşıb. Onunla görüşdüm. Qabil dedi: Daha ətraflı »

  • 20Fev
    Digər Problem həll edildi üçün şərhlər bağlıdır

    Bu günlərdə Mərkəzi Aran Regional Enerji Təchizatı və Satışı İdarəsi Tərtər Elektrik Şəbəkəsi tərəfindən Soyulan, Ağkənd və Köçərli kəndlərini işıqla təmin edən 160 kv-luq transformatorun 10 kv-luq və 0.4 kv-luq tərəfində olan qəzalı vəziyyətdə 2 ağac dayaq metal dayaqla əvəz olunub, xətlər yeni dayağa köçürülüb.
    Bununla bağlı Soyulan kəndinin sakini Mayıl Ələkbərov deyib:
    – Bu gün kəndimizə işıq normal qaydada, demək olar ki, bütün sutka ərzində verilir. Yəni bizim həyat tərzimiz şəhər sakinlərindən heç də fərqlənmir.
    Problemlər olanda isə, vaxtaşırı keçirilən səyyar-qəbul görüşlərdə rayon rəhbərinə məlumat veririk. Elə bu yaxınlarda kənddə keçirilən belə görüşdə işıq xətlərinin təmiri və yararsız elektrik dirəklərinin dəyişdirilməsi ilə bağlı müraciət etdik.
    Qeyd edək ki, müraciətdən dərhal sonra problem öz həllini tapıb. İndi havanın necə keçməsindən asılı olmayaraq, həmin kəndlərdə işıqlar daim yanır. Ən başlıcası isə, təhlükəsizlik təmin olunub.

    “YENİ TƏRTƏR”

  • 20Fev
    Ədəbiyyat 2023-ci ildə Tərtər rayonunda iqtisadiyyatın əsas sahələri üzrə məhsul buraxılışı 8.4 faiz artıb üçün şərhlər bağlıdır

    2023-ci ildə Tərtər rayonunda 284 milyon 635.0 min manat həcmində və ya 2022-ci ilə nisbətən 8.4 faiz çox ümumi məhsul istehsal edilmiş və xidmətlər göstərilmişdir. Ümumi məhsul buraxılışının həcmində istehsal sahələrinin xüsusi çəkisi 74.5 faiz, xidmət sahələrinin xüsusi çəkisi 25.5 faiz təşkil edir.
    İstehsal edilmiş ümumi məhsul və göstərilmiş xidmətlərin həcmi sənayedə 28 milyon 680.7 min manat (10.1 faiz), kənd təsərrüfatı, meşə təsərrüfatı və balıqçılıqda 114 milyon 33.5 min manat (40.1 faiz), tikintidə 69 milyon 442.4 min manat (24.4 faiz), nəqliyyat və anbar təsərrüfatında 2 milyon 131.6 min manat (0.7 faiz), informasiya və rabitədə 879.8 min manat (0.3 faiz), ticarət, nəqliyyat vasitələrinin təmiri sahəsində 69 milyon 467.0 min manat (24.4 faiz) təşkil etmişdir.
    Ümumi məhsul buraxılışı kənd təsərrüfatında 8.0 faiz, tikintidə 29.1 faiz artmışdır.

     

  • 20Fev
    Kənd Təsərufatı Kənd təsərrüfatı məhsullarının istehsalı 8 faiz artıb üçün şərhlər bağlıdır

    2023-ci ildə Tərtər rayonunda kənd təsərrüfatının ümumi məhsulunun faktiki qiymətlərlə dəyəri 114 milyon 33.5 min manat təşkil etmişdir ki, onun 67 milyon 419.6 min manatı və ya 59.1 faizi bitkiçilik məhsullarının, 46 milyon 613.9 min manatı və ya 40.9 faizi heyvandarlıq məhsullarının payına düşür. 2022-ci ilə nisbətən kənd təsərrüfatı məhsullarının istehsalı 8.0 faiz artmışdır.

  • 20Fev
    Kənd Təsərufatı Payızlıq bitkilərin səpini yekunlaşdı üçün şərhlər bağlıdır

    2024-cü ilin məhsulu üçün Tərtər rayonunda payızlıq bitkilərin səpini başa çatmışdır. 2024-cü ilin yanvar ayının 1-i vəziyyətinə təmiz herik şumu daxil olmaqla cari ilin payızlıq əkinləri üçün 18578.7 hektar sahədə şum qaldırılmışdır. Gələn ilin məhsulu üçün 14030.0 hektar sahədə payızlıqlar səpilmişdir. Onun 8797 hektarı dən üçün buğda, 5132 hektarı dən üçün arpa və 101 hektarı yaşıl yem üçün (xəsil) arpadır.
    Bundan başqa, cari ilin məhsulu üçün 23 hektar sahədə baş soğan, 1 hektar sahədə sarımsaq, 989.2 hektar sahədə təzə yonca əkilib.

    Tərtər Rayon Statistika İdarəsi

     

     

  • 20Fev
    Ədəbiyyat POEZİYA GUŞƏSİ üçün şərhlər bağlıdır

    Aşıq yaradıcılığında təcnisə (qoşmanın cinas növü) xüsusi yer və diqqət ayrılır. Təcnis ta qədimdən bu günümüzə qədər mövcudluğunu saxlamaqdadır. Tufarqanlı Abbasdan, Qurbanidən bəri yaradıcı aşıqlar və bir çox şairlər təcnis növünə müraciət etmişlər. Aşıq Alıda, Dədə Ələsgərdə, Dədə Şəmşirdə olduqca dərin mənalı təcnislər oxuyuruq. Öz dövründə Aşıq Alıya “Təcnis Alı” ləqəbi də verilmişdir. Həmyerlimiz, istedadlı qələm sahibi Talıb Məmmədlinin yaradıcılığında da təcnis janrına rast gəlinir. Aşağıda bunlardan bir neçəsini oxucularımıza təqdim edirik.

    DAŞ QALA

    Xoş niyyətlə çapa bənna çapanda,
    Saray qura, ya möhtəşəm daş qala.
    Qərəz ilə qoyulmaya sapanda,
    Tərəfləri sövq etməyə daş qala.
    Qaladırmı, bir həmləyə yad aşa?
    Basqı edib, zəhər qata yad aşa.
    Cirə, tuta ya atəşə, ya daşa,
    Deyə: haydı, güllə yağdır, daş qala.
     

    Minnət yurdun qayasına, salına,
    Məsləhətli, uyğun yerdə salına.
    Hifz oluna, yağılardan salına,
    Abad ola, daş üstündə daş qala.

     

    Talıb, ha yaz, misra-misra əri də,
    Duyan gərək qalanı da, əri də.
    Bəlkə Tanrı mərhəməti əridə,
    Fəlakətdi, daş ürəklər daş qala.

  • 20Fev
    Ədəbiyyat BİR AZDAN QALA üçün şərhlər bağlıdır
    Qələmim, söndürmə söz ocağını,
    Bir az axşam qala, bir az dan qala.
    Lüzum yox bəhsinə çox yazanların,
    Beş çoxdan qalanda, bir azdan qala.
    Rəva görmə yersiz qovğanı kəsə,
    Düşən gərək sova qovğanı kəsə,
    Aqil yeridir ki, qovğanı kəsə,
    Kəsməsə çəkəcək bir azdan qala.
    Talıb, yaz, qalmasın söz dumanında,
    Əsiri olmasın söz dumanın da.
    Bir kiçik qalasan söz dumanında,
    Paylaş ki, görünsün bir azdan “Qala”.
  • 20Fev
    Ədəbiyyat YADA DAŞ üçün şərhlər bağlıdır
    Dilim, dinsən şirinlik qat sözünə,
    Acı sözü ox sanarlar, ya da daş.
    Hədəfə at, atar olsan “söz daşı”
    Toxunmasın bir yaxına, yada daş.
    Kənkan demə hər quyunu qazana,
    Uyma ucuz şöhrət dolu qazana.
    Ad qazanan gərək eldən qazana–
    Ya “Dədə”di, ya “Ustad”dı, ya “Dadaş”.
     

    Təb bulaqdı, “vergi” olmaz arxasız,
    Qoyma bata, misra-misra arxa sız.
    Sızqa da bir qənimətdi arxa, sız,
    Demirəm ki, çaytək çağla, ya da daş.

     

    Seyrana çıx təbiətin yazında,
    Bahardan yaz, ətir saçsın yazın da,
    Daş mövzusu vardı axı yazında,
    Talıb, yenə hardan düşdü yada, daş?!

  • 16Fev
    Digər Yeni dövr uğurla başlayır və uğurla da davam edəcək üçün şərhlər bağlıdır

     

     

     

     

     

     

     

     

    Azərbaycan Respublikasının Prezidenti İlham Əliyevin cari ilin 14 fevral tarixində Milli Məclisdə andiçmə mərasimi keçirilib.

    Prezident əlini Azərbaycan Respublikası Konstitusiyasının üzərinə qoyaraq Azərbaycan Respublikası Prezidentinin səlahiyyətlərini həyata keçirərkən Azərbaycan Respublikasının Konstitusiyasına əməl edəcəyinə, dövlətin müstəqilliyini və ərazi bütövlüyünü qoruyacağına, xalqa ləyaqətlə xidmət edəcəyinə and içib.

    Sonra Prezident əlini müqəddəs “Qurani-Şərif”ə əl basaraq Azərbaycan xalqının əsrlər boyu yaratdığı milli mənəvi dəyərlərə və ənənələrə sadiq olacağına, onları daim uca tutacağına and içib.

    Azərbaycan Respublikasının Prezidenti İlham Əliyev andiçmə mərasimində nitq söyləyib.

    Bildirilib ki, Prezident İlham Əliyev 2003-cü ildə ilk dəfə seçiləndə xalqı əmin etmişdir ki, qarşıda duran bütün vəzifələri icra edəcəkdir. Bu illər uğurlarla dolu, qələbələrlə dolu illər olmuşdur. Çətinliklər də oldu, problemlər də oldu, ancaq Azərbaycan xalqı bir yumruq kimi birləşərək bütün çətinliklərə və problemlərə baxmayaraq, inkişaf və tərəqqi yolu ilə uğurla gedirdi.

    Qeyd olunub ki, əldə edilmiş bütün nailiyyətlərin mənbəyi Azərbaycan xalqıdır və onun vahid amal ətrafında birləşmə bacarığıdır. Biz doğrudan da bütün dünyaya sübut etmişik ki, böyük xalqıq, biz öz taleyimizi özümüz həll edirik, ölkə qarşısında duran problemləri özümüz heç kimin köməyi olmadan həll edirik və əsaslı şəkildə həll edirik.

    Prezident İlham Əliyev deyib ki, Azərbaycan xalqı bir yumruq kimi birləşərək Vətən müharibəsi nəticəsində torpaqlarımızın böyük hissəsini azad etmişdir. 300-dən çox şəhər və kənd azad olunmuşdur, o cümlədən bizim mədəniyyət paytaxtımız Şuşa şəhəri işğalçılardan azad edilmişdir. Daha ətraflı »