Sübh tezdən şəhərə çıxan tərtərlilər ilk növbədə onlarla qarşılaşırlar. İstər yağış və qar yağsın, istər də nankor qonşularımız bizi mərmi atəşinə tutsunlar, fərqi yoxdur, bu insanlar daim iş üstündədirlər.
Bunlar Tərtər Şəhər Kommunal Təsərrüfatı İdarəsinin işçiləridir. Təkcə ötən rüb ərzində bu kollektivin üzvləri küçələrdən, idarə və müəssisələrdən 3838 kubmetr məişət tullantıları daşıyıb zərərsizləşdirmişlər. İdarə tərəfindən rüb ərzində 75 min 501 manat məbləğində kommunal xidmətləri göstərilmişdir.
Şəhərimizin küçələrinin hər zaman təmiz və səliqəli olması üçün tərtərlilər onlara minnətdardırlar.

“Yeni Tərtər”