• 10Okt

  LƏTİFƏLƏR

  Digər

  –Alo, Martindir?
  –Xeyir,-deyə xəttin o biri başında bir uşaq cavab verir.–Atam evdə yoxdur.
  –Bəs anan?
  –Anam da yoxdur. Kinoya getdilər. Qardaşımla mən evdə təkik.
  –Dəstəyi qardaşına verə bilərsənmi?
  –Bəli.
  Uzun bir səssizlik … Sonra:
  –Verə bilməyəcəyəm, çox çalışdım, ancaq onu beşiyindən götürə bilmədim…
  * * *
  Anası balaca qızına deyir:
  –Əgər ağıllı olsan cənnətə gedərsən, yox, əgər sözümə baxmayıb nadinclik eləsən cəhənnəmə gedəcəksən!..
  Qız:
  –Yaxşı, ana bəs sirkə getmək üçün nə etmək lazımdır?
  * * *
  –İnsanlarla balıqların xasiyyəti oxşardır.
  –Nədən bilirsən?
  –Ağızlarını açmasalar heç birinin başı bəlaya düşməz.
  * * *
  İlk dəfə bal-maskarada gedən sütül bir oğlan gözü tutan qadınlardan birini qızara-bozara rəqsə dəvət edir.
  Qadın istehzayla:
  –Yaxşı, amma mən uşaqla necə rəqs edə bilərəm.
  Oğlan utana-utana:
  –Bağışlayın, mən uşaq gözlədiyinizi bilmirdim.
  * * *
  Yardımsevərlər balında Bernard Şou olduqca yaşlı olan, lakin cavan görünən bir xanımı rəqsə dəvət edir. Şounun bu dəvətindən məmnun olan qadın ona kompliment demək istəyir:
  –Mənim kimi dəyərsiz bir qadınla rəqs edirsiniz. Nə qədər alicənabsınız.
  Şou sakit bir tərzdə cavab verir:
  – Yardımsevərlər balındayıq…
  * * *
  Ağşəhərin abdal adamlarından biri eşşəyə minib yol ilə gedirdi. Yolda Xoca Nəsrəddinə rast gəldi və ona sataşmaq üçün dedi:
  –Xoca, sənin kəramətindən hamı ağızdolusu danışır. Nə olar, bunu bizə də göstərsənə. Bu eşşəyin ayaqlarına bir dua oxuyub üflə qoy sənin kimi iki ayaqlı olsun.
  Xoca:
  –Altındakı eşşəyi iki ayaqlı etmək mənim əlimdən gəlməz, ancaq səni dörd ayaqlı eliyə bilərəm.
  * * *
  Əbdülhəq Hamid bir yığıncaqda deyir:
  –Mənə elə bir şey deyin ki, o uzandıqca qısalmış olsun.
  Bilməcəni kimsə aça bil-mir, axırda özü cavab verir: “Uzandıqca qısalan şey ömürdür”.

  Müəllif: Redaktor, 09:56

  Teqlər: Digər

İsmarıclar bağlıdır.