• 05Sen

  Kəlbəcər

  Ədəbiyyat

  Görüşünə can atdığım ünvanım,

  İntizarım, həsrətimdi Kəlbəcər.

  Sinəm üstə gövr eləyən yaradır,

  Nisgilimdi, möhnətimdi Kəlbəcər.

  Odur mənim ilk məskənım, son yerim,

  Arzumdur ki, qucağında can verim.

  Onsuz mənim yox qiymətim, dəyərim,

  Adım-sanım, hörmətimdi Kəlbəcər.

  Nə faydası uzaqdan ha yalvarım?!

  Haqqım yoxdu sədaqətdən dəm vurum.

  Alçaldılan ləyaqətim, qürurum

  Tapdalanan qeyrətimdir Kəlbəcər.

  Adı dağlar sonasıydı bir zaman,

  Şerin, sözün mənasıydı bir zaman.

  Çoxlarının anasıydı bir zaman

  İndi özü bir yetimdir Kəlbəcər.

  Asif, neynim, əlim çatmır nə vaxtdır,

  Vətənimə getmək yasaqdır.

  İndi mənə qürbət qədər uzaqdır,

  Vətən adlı qürbətimdir Kəlbəcər.

  Asif Talıboğlu

  Müəllif: Redaktor, 08:16

  Teqlər: Ədəbiyyat

İsmarıclar bağlıdır.