Rayon təhsil şöbəsi və gənclər və idman idarəsinin təşkilatçılığı ilə, rayonun ümüumtəhsil məktəbləri arasında, Ümummilli Lider Heydər Əlyevin anım gününə həsr olunmuş “Xəmsə” milli intellektual oyunu keçirilib.
Yarışda rayonun 16 ümumtəhsil məktəbinin komandası iştirak edib. Şagirdlər öz fəallıqları ilə dahi şəxsiyyətin əbədiyaşar ideyalarına sadiq olduqlarını nümayiş etdiriblər.
I yerə Qaradağlı, II yerə Seydimli, III yerə Hacıqərvənd kənd tam orta məktəbin komandaları layiq görülüb. Qaliblər rayon gənclər və idman idarəsinin fərqləndirici diplomları ilə tətif ediliblər.
Umudlu kənd tam orta məktəbinin komandası isə final mərhələsində iştiraka görə həvəsləndirici mükafat alıb.
“Yeni Tərtər”