Tərtər Rayon İcra Hakimiyyətinin, YAP rayon təşkilatının və “Qızıl Aypara” Cəmiyyətinin Tərtər rayon bölməsinin təşkilatçılığı ilə YAP rayon təşkilatının inzibati binasında Ümummilli Lider Heydər Əliyevin 100 illik yubileyinə həsr olunmuş “Ulu Öndər Heydər Əliyev və humanitar diplomatiya” mövzusunda “dəyirmi masa” keçirilib.
“Dəyirmi masa” da Tərtər rayon İcra Hakimiyyəti Başçısı aparatının, YAP rayon təşkilatının əməkdaşları, “Qızıl Aypara” cəmiyyətinin rayon bölməsnin sədri Etibar Heydərov və könüllülər, cəmiyyətin Bərdə rayon bölməsinin sədri Rəfael Vəliyev iştirak ediblər.
Tədbir iştirakçıları əvvəlcə Ulu Öndərin xatirəsinə ehtiram əlaməti olaraq onun abidəsi önünə gül dəstələri düzüblər.
Sonra “dəyirmi masa” ətrafında Ümummilli Liderin və torpaqlarımızın ərazi bütövlüyü uğrunda həlak olmuş şəhidlərin xatirəsi bir dəqiqəlik sükutla yad edilib.
Tərtər rayon İcra Hakimiyyəti Başçısı aparatının İctimai-siyasi və humanitar məsələlər şöbəsinin baş məsləhətçisi Svetlana Əzizova tədbiri açaraq rayonda Ulu Öndərin 100 illiyi münasibəti ilə keçirilən tədbirlər haqqında iştirakçılara məlumat verib, müstəqillik dövründə AzQAC-ın itirilmiş hüquqi bazasının formalaşdırılmasında və Beynəlxalq Qızıl Xaç və Qızıl Aypara Cəmiyyətləri Federasiyasının bərabərhüquqlu üzvlüyünə qəbul edilməsində Ulu Öndərin xüsusi rolunu vurğulayıb. Respublikanın şəhər və rayonlarında Az-QAC-ın yerli bölmələrinin fəaliyyətinə verilən dəstəkdən danışıb. Həmçinin, Heydər Əliyevin siyasi kursunun prioritet sahələrindən olan insan, vətəndaş hüquq və azadlıqlarının yüksək səviyyədə qorunması, vətəndaşların layiqli həyat səviyyəsinin təmin edilməsi, eləcə də humanizm siyasətinin həyata keçirilməsi istiqamətində ardıcıl tədbirlər barədə məlumatları tədbir iştirakçılarının diqqətinə çatdırıb.
“Dəyirmi masa”da “Qızıl Aypara” Cəmiyyətinin Tərtər Rayon bölməsinin sədri Etibar Heydərov, fövqəladə mobil könüllülər dəstəsinin qrup lideri Nicat İbrahimli, könüllülərdən Fatimə Kərimzadə və Tünzalə Nəcəfova çıxış edərək Ümummilli Liderin hakimiyyəti illərində bütün sahələrə olduğu kimi humanitar sahəyə də diqqət və qayğı göstərildiyindən, ikinci dəfə xalqın təkidli tələbi ilə hakimiyyətə gəldikdən sonra 2008-ci ildə onun sərəncamı ilə 10 mart Qızıl Aypara gününün təsis edildiyindən, “Qızıl Aypara” Cəmiyyətinin könüllülərinin respublikamızda, eləcə də rayonumuzdakı fəaliyyətindən söhbət açıblar. Onlar “COVİD-19” Pandemiyası və 44 günlük Vətən müharibəsi dövründə mülki əhaliyə göstərdikləri xidmət, AzQAC-ın bu istiqamətdə həyata keçirdiyi humanitar layihələr barədə məlumat veriblər. Bu sahədə onlara yerli icra hakimiyyəti orqanları tərəfindən ya-radılan şəraitdən məmnun olduqlarını bildiriblər.
Sonda xatirə şəkli çəkilib.