Bu günlərdə Tərtər şəhər 1 saylı tam orta məktəbində VI-A sinfinin müəllimi Vəsilə Müseyibovanın rəhbərliyi ilə böyük Azərbaycan şairi Məhəmməd Füzulinin qəzəllərinə həsr edilmiş ədəbi-bədii gecə keçirildi.
Tədbir Şövkət Ələkbərovanın ifasında Məhəmməd Füzulinin “Məni candan usandırdı” qəzəlinə yazılmış “Füzuli kantatası” ilə başladı. Şagirdlərdən M.Hüseynzadə, M.Şirinzadə, M.Əliyev, F.Babazadə və U.Məmmədova Məhəmməd Füzulinin qəzəllərini söylədilər.
Əməkdar müəllim Fazilə Kərimova öz çıxışında belə ədəbi gecələrin gənc nəslin tərbiyəsində müstəsna rolunu qeyd etdi.
Ziyafət Rüstəmova ,
məktəbin təlim-tərbiyə işləri üzrə direktor müavini