• 29Dek

  Şəkililər gülürlər

  Digər

  Lütvəli Abdullayev maşınla Şəkiyə gedirmiş. Bir kəndin kənarından keçəndə görür ki, bir oğlan eşşəyin üstündə gedir. Lütvəli oğlana yaxınlaşıb soruşur:
  –Oğlan, siz bu kənddənsooz?
  Oğlan:
  –Mən bu kənddənəm, eşşək Şəkidən.
  Lütvəli:
  –Artıq benzinin varmı?
  Oğlan eşşəyin quyruğunu qaldırıb deyir:
  –Nolu göstərir.
  ***
  Qarınqulu ehsandan o qədər yeyir ki, tərpənə bilmir. Qonşuları bunu araba ilə evinə aparmalı olurlar. Qarınqulu gözünü açıb göydə ulduzları görür və arabaçıdan soruşur:
  –Orada nə yığıncaqdır?
  Arabaçı deyir:
  –Orada da ehsan verilir.
  Qarınqulu:
  –Onda arabanı ora sür.
  ***
  Şəki bazarında qəssablar: “Qoç əti!”, “Qoyun əti!”, “Quzu əti!”–deyə haray salmışdılar. Əbdülcabbar ət almaq fikri olmasa da, qəssabların birindən soruşur:
  –Əmioğlu, ət erkək qoyundu, yoxsa dişi? Qəssab müştəri tapdıığını görüb sevincək:
  –Dədəm, erkəkdir, deyir.
  –E, məni xam hesab eləmə, bilmirəm ki, sənin dədən erkəkdir?! Mən qoyunun ətini soruşuram.
  ***
  Qonşu qonşuya keçib gorür ki, ev sahibinin kiçik qızı mətbəxdə məşğuldur.
  –A qızım, səni yiyim, hayindi orda nağarırsan?
  Xörək bişirirəm, a xala.
  –A səni də yiyim, sən bişirən xörəyo da!
  Qızın atası o biri otaqdan dillənir:
  –A qonşu, qızı yiyirsən yi, amma xörəylə işin olmasın!

  Müəllif: Redaktor, 08:41

  Teqlər: Digər

İsmarıclar bağlıdır.