Yeni il ərəfəsində rayonumuzun Bayandur kəndində 40 şagird yerlik modul tipli yeni məktəb binası istifadəyə verilib.
Bu məqsədlə keçirilən tədbirdə çıxış edən Tərtər Rayon İcra Hakimiyyətinin başçısı Müstəqim Məmmədov və Təhsil Nazirliyinin şöbə müdiri Aydın Əhmədov müəllim, şagird və valideynləri məktəbin istifadəyə verilməsi münasibətilə təbrik edib, ölkədə və rayonda gedən sosial-iqtisadi inkişafdan, təhsilin tərəqqisinə göstərilən yüksək dövlət qayğısından, təhsil müəssisələrinin maddi-texniki bazasının möhkəmləndirilməsi istiqamətində həyata keçirilən məqsədyönlü tədbirlərdən danışıblar.
Sonra tədbir iştirakçıları məktəbdə yaradılan şəraitlə tanış olublar. Qırx şagird yerlik ibtidai məktəb 5 sinif otağı, 1 müəllimlər otağı və sanitar qovşaqdan ibarətdir.
“Yeni Tərtər”