Mənim hər dərdimə şərik olursan,
Ömrümə xoş arzu, diləksən, ata!
Çox şükür, nə yaxşı yanımda varsan!
Sən mənə arxasan, dirəksən, ata.
İstəsən, canımı sənə verərəm,
Daim gözlərində qayğı görərəm.
Yanımda olmasan mən nə edərəm?
Sən mənə hər zaman köməksən, ata!
Məni candan sevən qardaşım olsa,
Nə qədər yoldaşım, sirdaşım olsa,
Lap qocalsam belə, yüz yaşım olsa,
Yenə də sən mənə gərəksən, ata.
Zərifə ƏSGƏRZADƏ,
Tərtər şəhər 1 saylı tam orta məktəbin üçüncü sinif şagirdi