“Zərdabi Mətbuat Mərkəzi” İctimai Birliyi Tərtər Rayon İcra Hakimiyyəti ilə birlikdə “Mediada vətənpərvərliyin təbliği ilə bağlı ictimai müzakirələrin təşkili” adlı layihə çərçivəsində tədbir keçirib.
Tədbiri giriş sözü ilə Tərtər Rayon İcra Hakimiyyətinin məsul nümayəndəsi Elvin Umudov açaraq mövzunun aktuallığından danışıb.
“Zərdabi Mətbuat Mərkəzi” İB-nin sədri Rəhim Hüseynzadə “Mediada vətənpərvərliyin təbliği ilə bağlı ictimai müzakirələrin təşkili” layihəsi barədə geniş məlumat verib.
Tədbirdə layihənin eksperti Seymur Verdizadə, Qarabağ Əlilləri, Veteranları və Şəhid Ailələri İctimai Birliyinin rayon şöbəsinin sədri Suliddin Yusibov, ”Yeni Tərtər” qəzetinin baş redaktoru Tofiq Yusif, Dövlət Sosial Müdafiə Fondunun rayon şöbəsinin nümayəndəsi Həcər Xeyri çıxış edərək belə tədbirlərin təşkilinin davamlılığının vacibliyini bildiriblər.
-
30İyl
Müəllif: Redaktor, 10:10
Teqlər: Xəbərlər