Azadqaraqoyunlu kənd İnzi-bazti Ərazi Dairəsində 63 hektar sahədə pambıq becərilib. Onun 25 hektarını ailə-fermer təsərrüfatının başçısı Natiq Əliyev, 5 hektarı fermer Vahid Paşayev, 6 hektarını Habil Əliyev, 2 hektarını Rasim Quliyev becərib. Qalanı da ayrı-ayrı fermerlərin öhdəsindədir.
Pambıq plantasiyalarını suvarmaq üçün ölkə Prezidenti İlham Əliyevin tapşırığı ilə son 2 ildə 5 subartezian quyusu vurulub. Bu il pambıqçılıqda 5 becərmə, 4 suvarma işləri aparı-lıb. İndi sahələrdə məhsul tədarükünə başlanıb. Yığım yeni, müasir pambıqyığan maşınlarla aparılır.
Fermerlər kəndimizdəki pambıq zavodu ilə əvvəlcədən müqavilə bağladıqlarına görə həm becərmə, həm də yığım zamanı zavodun texnikasından istifadə edirlər.
Fermerlər deyirlər ki, bu il məhsulumuz boldur, hər hektardan azı 35-40 sentner məhsul gözlənilir.
Məhsul yığımı günbəgün surətlənir.
Əvəz Nəsirov