“Kreativ Vətəndaş Cəmiyyətinin İnkişafına Dəstək” İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyilə həyata keçirdiyi “2015-ci ildə Azərbaycan Respublikasının Milli Məclisinə keçirilən seçkilərlə bağlı seçki iştirakçı-larının maarifləndirilməsi” layihəsi çərçivəsində təlim keçirib.
Təlim zamanı iştirakçılar seçki hüququ, seçkilərdə iştirakın prinsipləri, parlament seçkilərinin əsasları, parlament seçkiləri zamanı səsvermə qaydaları və s. barədə geniş məlumatlandırılıblar.
Diskussiya şəklində keçən təlim zamanı təlim iştirakçılarını maraqlandıran suallar təlimçi tərəfindən ətraflı cavablandırılıb.
Əksəriyyəti ilk dəfə səs verənlər olan təlim iştirakçıları seçki hüquqları və parlament seçkiləri zamanı səsvermə qaydaları ilə bağlı məlumatlara böyük maraq göstəriblər.
-
29Sen
Müəllif: Redaktor, 12:06
Teqlər: Xəbərlər