Bərabər imkanlar Mərkəzi İctimai Birliyi rayonumuzda “Mədən sənayesində şəffaflıq” mövzusunda maarifləndirmə tədbiri keçirmişdir. Birliyin nümayəndələri Rafiq Təmrazov və Taleh Əliyev Azərbaycanda neft hasilatının keçmişi və bu günü, həmçinin bu sahədə şəffaflığın təmin edilməsi məqsədilə görülən tədbirlər barədə məlumat vermişlər. Qeyd olunmuşdur ki, bu cür tədbirlərin həyata keçirilməsi nəticəsində hökumətin vətəndaşların adından idarə etdiyi gəlirlər barədə ictimaiyyətə məlumatlar açıqlanır və bununla hesabatlılıq daha da artırılır.
Tədbir açıq diskussiya şəklində keçmiş və iştirakçıların sualları ətraflı cavablandırılmışdır.
“Yeni Tərtər”