Ulu Öndərə məhəbbət
Müstəqil Azərbaycan dövlətinin memarı və qurucusu Ulu Öndər Heydər Əliyevin anadan olmasının 92-ci ildönümünə həsr olunmuş silsilə tədbirlərin biri də Rafiq Nuriyev adına şəhər 6 saylı tam orta məktəbində keçirilmişdir.
Toplantını giriş sözü ilə məktəbin təşkilati işlər üzrə direktor müavini Zülfiyyə Abdullayeva açmışdir.
Məktəbin direktoru Azad Abbasov çıxış edərək Ümummilli Liderin Azərbaycan xalqı qarşısında əvəzsiz xidmət lərindən bəhs etmişdir.
Tarix müəllimi Çimnaz Əliyeva Ulu Öndərin həyat və fəaliyyəti barədə ətraflı məlumat vermişdir.
Şagirdlərdən Lamiyə Nəcəfli, Lalə Bayramlı, Sonaxanım Paşazadə, Aysel Məmmədzadə, Səba İsmayıl zadə və Şəms Axundzadə Heydər Əliyevə həsr olunmuş şeirləri məharətlə səsləndirmişlər.
Həmçinin məktəbin şagirdlərindən Yaqut Qurbanzadə, Türkan Həsənova, Nərmin Qədimova, Əmrah Səfərzadə və Gülsurə Vəlizadə Ulu Öndərə aid çəkdikləri rəsm əsərlərini və toxuma əl işlərini nümayiş etdirmişlər.
Sonda tədbir iştirakçıları Heydər Əliyevə həsr olunmuş filmə tamaşa etmişlər.