Azərbaycan Respublikasının Prezidenti İlham Əliyevin sədrliyi ilə Saatlıda keçirilən pambıqçılığın inkişafına dair respublika müşavirəsində nitqindən irəli gələn vəzifələrlə əlaqədar ADAU-nun növbəti tədbiri rayonumuzda keçirildi.
Tədbirə toplaşanlar əvvəlcə Azərbaycan Dövlət Aqrar Universiteti barədə video-çarxa baxdılar.
Sonra tədbiri Tərtər Rayon İcra Hakimiyəti başçısının birinci müavini Ramiz Şabanov açdı və ölkə Prezidentinin qeyri-neft sektorunu inkişaf etdirmək, xüsusən aqrar sahənin inkişafı üçün gənc kadrların təhsilinə qayğı ilə yanaşılmaq məsələlərindən ətraflı bəhs etdi.
Sonra Aqrar Universitetin elmi işlər üzrə prorektoru, elmlər doktoru, professor Nizami Seyidəliyev, heyvandarlıq və balıq məhsulları istehsalının texnologiyası kafedrasının dosenti, aqrar elmlər üzrə fəlsəfə doktoru Mahir Hacıyev, yerüstü nəqliyyat vasitələri və texniki servis kafedrasının assistenti, texnika üzrə fəlsəfə doktoru Əli Zingirov, tərtərlilər–aqronomluq fakultəsinin 2-ci kurs tələbəsi Bahar Ağazadə və baytarlıq təbabəti və zoomühəndislik fakültəsinin 3-cü kurs tələbəsi Cahid Tağızadə, rayon kənd təsərrüfatı idarəsinin rəisi Mehman Babayev, təhsil şöbəsinin müdiri Surxay Mirzəyev, Bəyimsarov kəndindən fermer Fazil Vəliyev çıxış etdilər.
“Yeni Tərtər”