Xalqın nicat yolu
Milli Qurtuluş Gününə həsr olunmuş tədbir Ulu Öndər Heydər Əliyevin abidəsi önünə gül-çiçək qoyulması ilə başladı və Ümummilli Liderin adını daşıyan Mərkəzdə “Dəyirmi masa” ətrafında davam etdirildi.
Tədbiri Tərtər Rayon İcra Hakimiyyətinin Başçısı Müstəqim Məmmədov açaraq məruzə etdi. Bildirdi ki, Azərbaycanın qurtuluşunda, anarxiyadan, parçalanmalardan, xaosdan xilas olmasında Ulu Öndərin mi-silsiz əməyi və xidməti olmuşdur.
Bu gün isə Ulu Öndərin ideyalarının həyata keçirilməsini yorulmadan davam etdirən ölkə Prezidenti İlham Əliyev və onun xanımı Mehriban Əliyeva vardır.
O, Milli Qurtuluş Günü münasibətilə tərtərliləri təbrik etdi.
Tədbirdə çıxış edən YAP rayon təşkilatı Gənclər Birliyinin sədri Emin Pənahov, Də-mirçilər kənd tam orta məktəbinin tarix müəllimi Elxan Məmmədzadə, İsmayılbəyli kənd İƏD-üzrə nümayəndə Eldar Əsədov öz ürək sözlərini bildirdilər.
Tədbirdə YAP sıralarına yeni qəbul olunmuş bir qrup gəncə vəsiqə təqdim olundu. Rayonun ictimai-siyasi həyatında fərqlənən şəxslərə YAP rayon təşkilatı və rayon icra hakimiyyəti tərəfindən Fəxri Fərman və qiymətli hədiyyələr verildi.
“Yeni Tərtər”