Rayonumuzda 21,5 kilometr uzunluğunda yeni avtomobil yolu inşa olunur. 7 minə yaxın əhalinin yaşadığı 6 yaşayış məntəqəsini birləşdirən Buruc-Hüləbətli-Xoruzlu-Kəbirli-Bayandurlu-Qaradağlı avtomobil yolu 2 hərəkət zolağı enində IV texniki dərəcəyə uyğun inşa edilir. 32 yerdə 384 poqonmetr uzunluğunda müxtəlif diametrli dəmir və dəmir-beton boruların tikintisi işləri aparılır. Yolun inşası ilə yolboyu yaşayan əhalinin rayon mərkəzinə və qonşu rayonlara rahat gediş-gəlişi təmin olunacaq.
“Yeni Tərtər”