Əlyar Surxay oğlu Orucov 1968-ci ildə Tərtər rayonunun Xoruzlu kəndində anadan olmuşdur. Həmin kənddə orta məktəbi bitirmişdir.
İndi də igidliyi haqqında əfsanəyə bənzər həqiqətlər gəzir. Sözün həqiqi mənasında erməni quldurlarına qan udduran bu igid Azərbaycanın Milli Qəhrəmanı Vəzir Orucovun kiçik qardaşı idi.
Qarabağ Müharibəsi başlanandan sona çatanadək ağır döyüşlərdə iştirak edən Əlyar Orucovun özü də qardaşı Vəzir kimi əfsanəvi qəhrəmana çevrilib, adı dillər əzbəri olub.
Vəzirin ölümü onu həddindən çox sarsıtsa da, qardaşının Vətən yolunda şəhid olması ona daxili bir qürur hissi gətirir, onunla fəxr edirdi. Qardaş nisgili, Vəzir kimi bir oğulun itkisi onu köz-köz yandırsa da, həmişə başını dik tutur, məğrur gəzir və ağır dərdini öz iç dünyasında çəkirdi.
Onun erməni separatizminə, erməni vandalizminə, erməni təcavüzünə qarşı qəzəbi, kini günü-gündən artırdı. Daha ətraflı »

81 YAŞLI İBRAHİM DAYI

İbrahim Abdullayev ailədəki 5 qardaş və 2 bacının ən kiçiyi idi. Böyük Vətən müharibəsi başlayanda onun cəmi 5 yaşı vardı. Sadə bir kolxozcu ailəsində böyüyürdü. Atası Mikayıl kişi müharibəyə getdikdən sonra ailə böyüksüz yaşamalı oldu.
O zamanın çətinlikləri təkcə qadınları deyil, azyaşlı uşaqları da kotan çəkməyə, başaq yığmağa və başqa çətin işlərdə çalışmağa vadar edirdi. Evin kişilərinin müharibəyə getməsi ailədəki ağırlığı qadınların və uşaqların üzərinə salmışdı. Ona görə də ehtiyacı olanlar təsərrüfat işlərində var güclə işləyirdi ki, ailəni dolandırsın.
Haqqında söz açdığım İbrahim Abdullayev Tərtər rayonunun Mamırlı kəndində doğulub. Həyatın azını – çoxunu an-layandan zəhmət adamlarının əhatəsində böyüyüb. O zamanın çətinliklərinə baxmayaraq ali təhsil də alıb. Azərbaycan Politexnik İnstitutunun inşaat mühəndisliyi fakültəsini bitirib. Hətta institutda oxuyarkən həm də Mədəniyyət Nazirliyinin nəzdində fəaliyyət göstərən xüsusi elmi bərpa idarəsində iş icraçısının köməkçisi vəzifəsində çalışıb. Daha ətraflı »

Hər il olduğu kimi, yola saldığımız 2017-ci ildə də Azərbaycanda dövlətdin münasibətləri yüksək səviyyədə tənzimlənib. Ölkəmizdə müxtəlif dinlərə mənsub insanlar qarşılıqlı anlaşma və qardaşlıq şəraitində yaşayır və fəaliyyət göstərirlər. Hər il Ramazan ayında təşkil olunan iftar süfrəsində müxtəlif dinlərin liderləri birlikdə iştirak edirlər.
Bu gün Azərbaycan dünyada mədəniyyətlərarası və dinlərarası dialoq mərkəzlərindən biri hesab olunur. Bakıda Dünya Mədəniyyətlərarası Dialoq Forumunun keçirilməsi buna parlaq nümunədir. Bu siyasətə uyğun olaraq 2016-ci il Azərbaycanda “Multikulturalizm ili”, 2017-ci il isə “İslam Həmrəyliyi ili” elan olunub.
Ölkəmizdə 28 qeyri-islam dini icması fəaliyyət göstərir. Onlardan 17-si xristian dininin müxtəlif cərəyanlarına aiddir. Ən böyük qeyri-islam təşkilatı Rusiya Pravoslav Kilsəsinin Bakı və Azərbaycan Yeparxiyasıdır. Azərbaycan həmçinin qədim kilsələrdən birinin – şərqi pravoslavlığa aid olan Alban kilsəsinin vətənidir. Daha ətraflı »

Biz dəfələrlə qəzetimizdə bu dələduz qadının əməlləri haqqında yazmışıq, əlaqədar hüquq-mühafizə orqanlarına–Tərtər rayon prokurorluğuna və polis şöbəsinə, Bərdə rayon prokurorluğuna və polis şöbəsinə, respublikanın Baş prokurorluğuna və Daxili İşlər Nazirliyinə müraciətlər etmişik, lakin törədilən cinayət əməli bu günə qədər, yəni 2 ildən çoxdur ki, cəzasız qalıb. Harda cəzasızlıq mühiti varsa, orada haqq-ədalət ola bilməz, özbaşınalıq və xaos hökm sürər, kriminal durum daha da gərginləşər. Hər bir cinayət əməlinin qanunla tənzimlənən öz cəza növü var və bu, bütün dünyəvi, hüquqi dövlətlərdə normal qəbul edilən haldır.
Bəli, bizim ölkədə mövcud olan qanunlar humanizmə əsaslanır və insan haqları çox ciddi həssaslıqla müdafiə olunur. Lakin bu, o demək deyil ki, təkrar-təkrar eyni cinayət əməli törədən şəxslərə həddindən daha çox humanizm prinsipləri əsasında, qanunların tələblərini pozmaqla, himayəçilik nöqteyi-nəzərdən yanaşılsın. Belə olanda həmin ünsür sabah daha ağır cinayətlər törətmək sərbəstliyi qazanacaq və bununla da cəmiyyət üçün təhlükəli bir caniyə çevriləcəkdir. Daha ətraflı »

İnsanların yanğına qarşı tədbirlərin necə alınacağını bilməməsi, bu mövzuda yetərincə məlumatlarının olmaması-yanğının baş vermə səbəblərindəndir.
Müəssisə rəhbərləri qızdırıcı, hava dəyişmə, elektrik qurğularının texniki vəziyyətinə daima nəzarət etməli, yanğın törədə biləcək amillərin aradan qaldırılması üçün dərhal zəruri tədbirlər görməlidirlər. Məktəblərdə yanğının qarşısının alınması və söndürülməsi mövzusunda daxili tənzimlənmə təlimatı hazırlanmalıdır:
–məktəblərdə hər bir mərtəbəyə od-söndürən balonlar qoyulmalıdır;
–laboratoriyalarda maddələrin və materialların birgə saxlanılma qaydalarına xüsusi diqqət etmək lazımdır.
–yanğın əmələ gələn zaman mümkün qədər tez bütün partlayış və yanğın xassəli maddələr daha təhlükəsiz yerlərə daşınmalı və ventilyasiya söndürülməlidir; Daha ətraflı »

Mən bütün Azərbaycan vətəndaşlarını, dünya azərbaycanlılarını Dünya Azərbaycanlılarının Həmrəylik Günü və Yeni il bayramı münasibətilə ürəkdən təbrik edirəm, hər bir Azərbaycan ailəsinə yeni uğurlar, xoşbəxtlik arzulayıram.

İlham Əliyev,
Azərbaycan Respublikasının
Prezidenti

XX əsrin 80-ci illərinin axırlarında dünyada baş verən qlobal dəyişikliklərlə əlaqədar bir çox xalqların, o cümlədən Azərbaycan xalqının özünüdərki, həmrəylik hissi gücləndi. İctimai hə- yatın demokratikləşməsi istiqamətində genişlənən xalq hərəkatı zəminində ilk olaraq Naxçıvan Muxtar Respublikasında 1989-cu ilin noyabrında Şimali və Cənubi Azərbaycan arasında humanitar, mədəni, iqtisadi və qohumluq əlaqələrini bərpa etmək məqsədilə əsassız çəkilmiş sərhəd çəpərlərinə qarşı xalqın etirazı başlandı. Beləliklə, “Sərhəd hərəkatı” adı ilə başlanan bu siyasi aksiya 1989-cu il dekabrın 31-də azərbaycanlıların həmrəylik hərəkatına çevrildi.
1990-cı il noyabrın 3-5-də Türkiyədə keçirilən Birinci Millətlərarası Azərbaycan Türk dərnəkləri qurultayı isə Naxçıvan Muxtar Respublikasında başlamış hərəkatın davamı kimi milli birlik və həmrəylik yolunda atılan mühüm addım oldu. Qurultayın qəbul etdiyi qərarda 31 dekabr gününün hər il həmrəylik günü kimi qeyd edilməsi zəruriyyəti irəli sürüldü. Bütün bunları nəzərə alaraq Ümummilli Liderimiz Heydər Əliyevin başçılıq etdiyi Naxçıvan Muxtar Respublikasının Ali Məclisinin 1991-ci il 16 dekabr tarixli iclasında 31 dekabrın Dünya Azərbaycanlılarının Həmrəylik Günü elan edilməsi qərara alındı. Daha ətraflı »

Əziz tərtərlilər!
Biz sizinlə birlikdə daha bir uğurlu ili başa vururuq. Bu müddətdə ölkə başçısının tapşırıq və tövsiyələri əsasında rayonumuzun tarixində görünməyən tikinti işləri aparılıb. Xüsusilə sevindiricidir ki, Tərtər Tarix-Diyarşünaslıq Muzeyi üçün inşa olunan yeni binanın, uzunluğu 29,5 kilometr olan, 24 min nəfər əhalinin yaşadığı 20 yaşayış məntəqəsini birləşdirən Tərtər – Seydimli – Qaradağlı – Sarov avtomobil yolunun açılışlarında Prezident İlham Əliyev iştirak edib. Ölkə rəhbəri Tərtərə səfəri çərçivəsində həmçinin ümumi sahəsi 88 min kvadratmetr olan və 1170 məcburi köçkün ailəsi üçün salınan yeni yaşayış kompleksində yaradılan şəraitlə tanış olub.
Prezident İlham Əliyevin dediyi kimi, “Düşmənlə üz-üzə dayanan tərtərlilər həmişə Azərbaycan dövlətçiliyinin möhkəmlənməsində xüsusi rol oynamışlar”. Bu sözlər hər birimizin qəlbini qürur hissi ilə doldurur. Biz yeni – 2018-ci ilə böyük ruh yüksəkliyi ilə qədəm qoyuruq. Əminəm ki, qəhrəman tərtərlilər bundan sonra da qarşıda duran bütün vəzifələri layiqincə icra edəcək, Azərbaycanın iqtisadi qüdrətinin artmasına öz köməkliklərini göstərəcəklər.
Qeyd etmək istəyirəm ki, bu il rayonumuzda kənd təsərrüfatı, sahəsində dönüş yarandı. Pambıq, şəkər çuğunduru, barama, meyvə-tərəvəz və heyvandarlıq məhsullarının istehsalında Tərtər respublikada ön cərgələrdədir. Daha ətraflı »

Elə bilirsiniz Yeni ili təkcə uşaqlar gözləyirlər? Əlbəttə, yox. Bu sehirli, min-bir cazibə ilə dolu şaxtalı qış gecəsində Şaxta Baba ilə Qar qız birillik həsrətdən sonra insanların görüşünə tələsirlər.
2017 və 2018-ci illərin qovuşuğunda Tərtərə gələn Şaxta Baba sanki çaşıb qalmışdı. Çöhrəsində qəribə bir ifadə vardı. Buna təəccüb də demək olardı, sevinc də. O, sual dolu nəzərlərini nəvəsinə dikib soruşdu:
–Yolu səhv gəlməmişik ki, qızım?
Qar Qız işin nə yerdə olduğunu başa düşüb, ürəkdən güldü.
–Səhv niyə gəlirik ki, Baba?. Bura uzun illər düşmənlə üz-üzə dayanan qəhrəman Tərtər şəhəridir.
–Axı, keçən il buralar boş ərazi idi. İndi isə… Daha ətraflı »

Gənclik illərimdə mənə desəydilər ki, doğma Tərtərimdən çox-çox uzaqlarda yaşayıb–işləyəcəyəm, buna qətiyyən inanmazdım. Çünki bir hərbçi kimi vətənimə xidmət etmək arzusundaydım. Bu fikirlə də hərbi komandirlər hazırlayan məktəbə daxil olmuşdum. Lakin 6 aydan sonra əsgəri xidmətə çağırıldım və təhsilim yarımçıq qaldı.
Hərbi xidmətimi başa vurduqdan sonra həyat yolum tamamilə dəyişdi. Kirov vilayətinin Yaransk şəhərində kənd təsərrüfatı texnikumunu bitirdim. Vətənə qayıdıb rayonumuzdakı keçmiş Mirbəşir narçılıq sovxozunda təsərrüfat briqadiri işləməyə başladım. Ailə həyatı qurdum. Övladlarım dünyaya gəldi.
Bu da bir qismət idi ki, tale yenidən məni Rusiyaya gətirib çıxardı. 1994-cü ildən ailəmlə birlikdə Kirov vilayətində yaşayıram. Böyük övladlarım artıq ailəlidir. Nəvələrimiz böyüyür. Daha ətraflı »