Tərtər Rayon İcra Hakimiyyətinin, Səfərbərlik və Hərbi Xidmətə Çağırış üzrə Dövlət Xidmətinin Tərtər rayon şöbəsinin birgə təşkilatçılığı ilə Azərbaycan Respublikasının Baş Naziri Əli Əsədovun Sərəncamı ilə təsdiq edilmiş “Vətən müharibəsi iştirakçısı” medallarının ərazilərimizin işğaldan azad olunması uğrunda aparılan hərbi əməliyyatlarda igidlik və şücaət göstərmiş, vəzifə borcunu ləyaqətlə, vicdanla və döyüş tapşırıqlarını uğurla yerinə yetirən Vətən müharibəsi iştirakçılarına təqdimetmə mərasimi keçirilib.
Tədbirdə Tərtər Rayon İcra Hakimiyyətinin başçısı Müstəqim Məmmədov, Səfərbərlik və Hərbi Xidmətə Çağırış Üzrə Dövlət Xidmətinin Tərtər rayon şöbəsinin rəisi Elşən Abdullayev, qazilər, Qarabağ Müharibəsi veteranları və ictimaiyyət nümayəndələri iştirak ediblər.
Tərtər rayon icra hakimiyyətində keçirilən tədbirdə öncə ölkəmizin suverenliyi, ərazi bütövlüyü uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib.
Rayon rəhbəri Müstəqim Məmmədov tədbirdə çıxış edərək tarixə 44 günlük müharibə kimi düşən Vətən müharibəsindən, Milli Ordunun qazandığı şanlı Qələbədən danışıb. Bildirilib ki, öz qanları, canları bahasına tarixə şanlı zəfər gününü yazan Vətən oğulları heç zaman unudulmayacaq. Daha ətraflı »

“Azərbaycan” qəzetinin 21 iyul 2022-ci il nömrəsində baş redaktor Bəxtiyar Sadıqovun “Mətbuatın və sosial şəbəkənin “muştuluq” xəbərləri” başlığı altında verilmiş yazısı bir jurnalist kimi mənim də “ürəyimdən tikanı” çıxartdı.
Saytlar bir-birinin ardınca ölüm xəbərlərini elə sevinə-sevinə paylaşırlar ki, gəl görəsən. Hələ vəfat edən adamın yerinə hansısa bir aparıcının, müğənninin, yaxud hörmətli bir insanın şəklini belə qoyub paylaşırlar, baxış sayı çoxalsın. Ayıbdır, vallah, ayıbdır. Yazını “ açırsan ki, bəs” ölən şəkili verilən deyil, kimsə bir başqasıdır. Özünüzü şəklini verib, yalandan “öl- dürdüyünüz” o insanların qohum-əqrabalarının yerinə qoyun, bəlkə kiminsə yaxını oxuyub, ürəyi partlayacaq. Bu şəkildə izləyici toplamaqdansa əl açıb dilənmək yaxşıdır. Onsuz da belə saytlar bütün günü mədəni dilənçiliklə məşğul olurlar.
Saytlar hələ qətllər və oğurluqla bağlı hadisələri o qədər təsvirlə verirlər ki, həmin oğurluq hadisələrinə baxıb eyni yolla oğurluq edənlərin də sayı artıb, necə ki, bu yaxınlarda bir məşhurun övladının toyunda toya salınan nəmərləri oğurlamışdılar.
Şou yaratmaq, süni surətdə reytinq qazanmaq, izləyicilərin, oxucuların əsəbləri ilə oynamaq kimə, nəyə gərəkdir?
Ayıbdır, vallah, belə işlər bizə hörmət yox, xəcalət gətirir. Bəxtiyar müəllimin jurnalistlərə çağırışına səs verərək, “gəlin ağıllı, peşəkar jurnalist olaq, sensasiya ardınca qaçmayaq”, – deyirəm.

Svetlana Əzizova,
Tərtər rayonu, jurnalist

“Bəlkə də gözəl olardı”

Səhər tezdən bu xəbəri oxumasaydım, “bəlkə də gözəl olardı” Orta məktəbi yenicə bitirmiş Laçın adlı bir qız yenicə qədəm qoymaq istədiyi gəncliyin asta-nasında intihar edib. Səbəb qəbul imtahanlarında az bal toplaması, valideynlərinin onun üstünə gəlməsi, təpkisi. Məktubunda atam işə gedəndə “mənə işdən gələnə qədər get özünü as, öldür”, – dedi yazıb. O da ailəsinə son məktubunu yazıb və intihar edib. Laçının məktubundan onun heç də savadsız olmadığı aydın görünür, Laçının yazdığı məktub övladlarına təpki göstərən bütün valideynlərə bir dərsdir. Qızcığaz bəlkə həyəcanlı olub, bəlkə… aşağı bal toplayıb. Bunun üçün övladın öz canına qıymasına təpki göstərməkmi lazımdır?
Son vaxtlar artan intihar hadisələri valideynlər üçün bir həyəcan təbili deyilmi? Toy günü özünü asan gənc qız. Araşdırma zamanı məlum olub ki, qız nişanlısının onunla kobud rəftar etdiyini deyib, anası “artıq sənin toyundur, ayıbdır” – deyib, övladının arxasında durmadığı üçün o da çıxış yolunu intiharda görüb.
Laçının məktubu məni o qədər kövrəltdi ki, söz tapa bilmirəm. Nə vaxta qədər laçınlarımız bizim təkəbbürümüzün, anlaqsızlığımızın qurbanı olacaq? Daha ətraflı »

İnternet – günümüzün ən populyar və hətta aktual nəsnəsi. Həyatımızın içərilərinə qədər sızmış və ya özümüzün izn verdiyimiz müasir texnologiyanın məhsulu. Etiraf edək ki, çox az zamanda sürətlə bütün dünyanı əhatə edən bu müasir yenilik özü ilə maraqlı faktları da gətirir. İndi nəsillərin dünyagörüş və davranış savaşı sanki beyinlərdə deyil, internetdə gedir. Kim ondan necə istifadə edirsə, internet onun üçün eyni qüvvəyə – mənfi və ya müsbət gücə çevrilir.
İnternet – bu qlobal, geniş “tora” bir birilə optik, elektron, vayfay və digər vasitələr ilə qlobal və ya lokal şəkildə bağlanmış şəxsi, biznes, hökumət, təhsil və s. şəbəkələr daxildir. Bildiyimiz kimi, internet bəzilərimizin, xüsusən də gənclərin həyatının ayrılmaz bir parçasına dönüb. Ətrafa nəzər salsaq azyaşlı uşaqlar belə telefon, kompüter və s. baxımlısı olduğuna şahid olarıq. Heç şübhəsiz ki, internetin bizə faydası zərərindən daha çoxdur. Ancaq, bu o demək deyildir ki, internetin bizə ziyanı da azdır. Əgər biz internetdən düzgün istifadə etməyi bacarsaq, günümüzü çox məhsuldar edə bilərik. Lakin adətən insanlar internetdən pis yönümlü, neqativ məlumatlarla, nifrət və xaos effekti verən informasiyalarla əhatə olunmuş şəkildə istifadə edirlər. Əlbəttə, artıq internet çağdaş dünyada həyatımızın bir parçasına çevrilib. Çünki yüksək texnologiyaların inkişaf tendensiyası o qədər sürətlə gedir ki, internetin həyatımızın önəmli hissəsinə çevrilməsi günbəgün daha da asanlaşır. İnternet insan həyatında çox böyük təsirə malikdir. Həyatımızın bir parçasına çevrilən internetin faydalı və ziyanlı tərəflərinə nəzər salaq: Daha ətraflı »

Hər bir xalqın milli-mənəvi dəyərlərini yaşadan, inkişaf etdirən onun dilidir. Dil hər bir xalqın varlığının ən əsas, bəlkə də yeganə təminatçısıdır. Azərbaycan xalqının da ana dili onun milli varlığını müəyyən edən başlıca amillərdəndir. Ana dilimiz xalqın keçdiyi bütün tarixi mərhələdə onunla birgə olmuş, onun taleyini yaşamışdır. Əsrlər, qərinələrdir ki, xalqımızın əbədiyaşarlığına xidmət edən ana dilimiz qədim tarixə malik olan, min illərin müxtəlif burulğanlarından alnıaçıq, üzüağ çıxaraq müasir dövrə gəlib çatmış ən böyük mənəvi sərvətimizdir. Ana dilimiz dövlət rəmzlərimiz olan himn, gerb, bayraq kimi müqəddəsdir.

Bu bir faktdır ki, Azərbaycan dilinin dövlət dili kimi qəbul edilməsi, qorunması və inkişafı ümummilli lider Heydər Əliyevin adı ilə bağlıdır.

Sovet hakimiyyəti dövründə  əhalisinin əksəriyyətinin azərbaycanlılardan ibarət olmasına baxmayaraq, respublikamızda Azərbaycan dili hakim dil deyildi. Ana dilimizin inkişaf etdirilməsi və zənginləşdirilməsi qeyri-mümkün idi və dövlət tərəfindən bu məqsədlə hər hansı bir tədbir də görülmürdü. Daha ətraflı »

Prezident İlham Əliyev və Avropa Komissiyasının Prezidenti xanım Ursula Fon der Lyayen 18 iyul tarixində birgə bəyanatla çıxış ediblər. Qeyd olunub ki, Azərbaycan enerji sahəsində Avropa Komissiyası ilə on beş ildən artıq əməkdaşlıq edir. 2006-cı ildə Avropa İttifaqı ilə Azərbaycan arasında Anlaşma Memorandumu və 2011-ci ildə Cənub Qaz Dəhlizi ilə bağlı Birgə Bəyannamə imzalanmışdır.

Azərbaycanın başlatdığı və Avropa İttifaqının dəstəklədiyi enerji layihələri Avropanın enerji xəritəsini tamamilə dəyişdirir. Öncə neft hasilatı sonra, qaz hasilatı baş verdi. Xəzər dənizini Qara dəniz və Aralıq dənizi ilə birləşdirən neft kəməri çəkildi. 3500 kilometr uzunluğu olan Cənub Qaz Dəhlizi boru kəməri sistemlərini inteqrasiya etdi və bununla Azərbaycanın təbii qazı Avropa qitəsinə çatdırılır. İki ildən az müddətdə Cənub Qaz Dəhlizi tam gücü ilə işləyir. Bütün seqmentlər istismar olunur.

Enerji təhlükəsizliyi məsələləri bu gün heç zaman olmadığı qədər vacibdir. Azərbaycan ilə Avropa İttifaqı arasında enerji sahəsində uzunmüddətli, proqnozlaşdırılan və çox etibarlı əməkdaşlıq əlaqələrinin mövcudluğu böyük əhəmiyyətə malikdir.

Diqqətə çatdırılıb ki, Azərbaycan ilə Avropa İttifaqı arasında bir çox sahələri əhatə edən, o cümlədən neft, qaz və bərpaolunan enerji mənbələrini, hidrogeni, enerji səmərəliliyini və digər məsələləri nəzərdə tutan enerji dialoqu mövcuddur. Azərbaycanda bərpaolunan enerjinin istehsalı sahəsində böyük potensial Avropa İttifaqı tərəfindən artıq yüksək dəyərləndirilir. Külək və günəş enerjisinə artıq sərmayə qoyuluşu prosesinə başlanıb. Daha ətraflı »

İyulun 15-də Azərbaycan Respublikasının Prezidenti İlham Əliyevin sədrliyi ilə bu ilin altı ayının yekunlarına həsr olunan müşavirədə möhtərəm Prezidentimiz İlham Əliyevin nitqi ölkəmizin hər yerində olduğu kimi, tərtərlilər tərəfindən də böyük razılıq hissi ilə qarşılanıb. Müasir dünyamızda ayrı-ayrı ölkələrin çətinliklərlə üzləşdiyi bir zamanda Azərbaycanın uğurla inkişaf etməsi,  bütün istiqamətlər üzrə qarşıya qoyulmuş vəzifələrin icra edilməsi gələcəyimizin daha yaxşı  olacağına inam yaradır.

Həmçinin ölkəmizin beynəlxalq nüfuzunun daha da artması, bu sahədə görülən işlər həm ölkəmiz, həm də bizimlə əməkdaşlıq edən digər ölkələr üçün  tarixi əhəmiyyət kəsb etdiyini göstərir.

Dövlətimizin başçısı qeyd edib ki, iqtisadi müstəqillik əsas amillərdən biridir  və  burada da böyük nailiyyətlər var. İqtisadi müstəqillik  siyasi müstəqilliyi təmin edir. Azərbaycanın iradəsinə heç kim təsir edə bilməz, heç kim bizə heç nəyi diktə edə bilməz.

Bildirilib ki, iqtisadi sahədə altı ayda görülmüş işlər aparılan islahatların nəticəsidir. İqtisadi sahədə aparılan islahatlar imkan verdi ki, 6 ayda vergilər sahəsində  proqnozdan əlavə 2 milyard pul yığıldı.

Azərbaycanın enerji imkanları barədə ətraflı məlumat verən cənab İlham Əliyev diqqətə çatdırıb ki, bu sahədə də işlər planlı şəkildə aparılır. Uzun illər ərzində böyük hazırlıq işləri gedib ki, bərpaolunan enerji növləri Azərbaycanda da inkişaf etsin, ilk növbədə, xarici investorlar hesabına.

Qarabağ və Şərqi Zəngəzurla bağlı işlərlə yanaşı, ərzaq təhlükəsizliyi, sosial siyasət, kadr hazırlığı ölkə başçısının diqqət yetidiyi əsas məsələlər olub.

Bütün bunlar hər birimizdə əminlik yaradır ki, Azərbaycan qarşıya qoyulmuş  hədəflərə çatacaq.

                                                                                     Svetlana Bağırova, “Yeni Tərtər”

qəzetinin redaktoru

İyulun 15-də Azərbaycan Respublikasının Prezidenti İlham Əliyevin sədrliyi ilə bu ilin altı ayının yekunlarına həsr olunan müşavirə keçirilib.

Dövlətimizn başçısı müşavirədə giriş nitqi söyləyib.

Dövlətimizin başçısı bildirib ki, cari ilin ilk altı ayı onu göstərir ki, ölkəmiz uğurla inkişaf edir, bütün istiqamətlər üzrə qarşıya qoyduğumuz vəzifələr icra edilir.

Ölkəmizin beynəlxalq nüfuzu daha da artıb. Nəticələr arasında Qoşulmama Hərəkatındakı uğurlar xüsusi olaraq qeyd olunmalıdır. Azərbaycanın sədrliyi 2023-cü ilə qədər yekdil fikirlə bir il uzadılıb. Bu, onu göstərir ki, ölkəmiz 120 ölkə arasında çox böyük nüfuz qazanmışdır və bizə olan inam bu illər ərzində daha da artmışdır.

Önəmli addımlardan biri bu il Bakıda keçirilmiş Qoşulmama Hərəkatının Parlament Şəbəkəsinin toplantısı idi və Parlament Şəbəkəsinin yaradılması idi. Bakıda keçirilmiş bu önəmli tədbir göstərdi ki, bu Hərəkatın çox böyük potensialı var, həmrəyliyi dərinləşdirmək, əməkdaşlığı genişləndirmək və qarşılıqlı beynəlxalq dəstək üçün bu, çox önəmli platformadır.

Qeyd olunub ki, Beynəlxalq arenadakı oynadığımız rol, göstərdiyimiz həmrəylik və ehtiyac içərisində olan ölkələr üçün göstərdiyimiz dəstək – humanitar dəstək, maliyyə dəstəyi, xüsusilə COVID-lə bağlı 80-dən çox ölkəyə göstərdiyimiz dəstək bizim beynəlxalq nüfuzumuzu böyük dərəcədə artırmışdır.

Avropa İttifaqı-Azərbaycan əlaqələrinin gələcək inkişafı ilə bağlı geniş müzakirələr aparılır.

Türk Dövlətləri Təşkilatı çərçivəsində Azərbaycan hər zaman fəallıq göstərmişdir. Türk dövlətləri ilə əlaqələrin inkişafı prioritet məsələlərdən biridir və həm siyasi dəstək qarşılıqlı surətdə ifadə olunur, önəmli layihələr üzərində müzakirələr aparılır – həm ikitərəfli, həm çox tərəfli formatda. Nəqliyyat, energetika, digər sahələr üzrə fəal əməkdaşlıq aparılır.

Qonşu ölkələrlə əlaqələrin inkişafı hər zaman əsas prioritetlərdən biri olub. Rusiya, İran, Gürcüstan prezidentləri ilə təşkil olunan görüşlər əlaqələrin inkişafı üçün zəmin yaradır. Daha ətraflı »

Prezident İlham Əliyev cənablarının  rəhbərliyi ilə 2022-ci ilin birinci yarısının yekunlarına həsr olunmuş müşavirə  dövlətçiliyimiz tarixində böyük yüksəlişin əldə edilməsinin anonsu kimi yadda qaldı. Müşavirədə çıxış edən dövlət başçısının xarici siyasət kursu ilə bağlı mesajları ölkəmizin geopolitik mövqeyinin gücləndiyini, regionun lider dövləti olan Azərbaycanın beynəlxalq münasibətlərin mühüm tərəflərdən birinə çevrildiyini təsdiqlədi.

Möhtərəm  Prezidentimiz İlham Əliyev cənablarının fikirləri respublikamızın  beynəlxalq güclər üçün əhəmiyyətini tam şəkildə ortaya qoydu.  Azərbaycan liderinin rəsmi İrəvanın hər hansı bir destruktiv mövqeyinə qarşı sərt təpki göstəriləcəyini qətiyyətlə bildirməsi dövlətimizin haqlı mövqeyinin dünya tərəfindən qəbul edildiyinin bariz nümunəsi kimi diqqət çəkdi. Eyni zamanda, ölkə rəhbərinin müşavirədə Ermənistanın Azərbaycanın beş şərti ilə razılaşmasını və sülh sazişinin imzalanmasının mümkünlüyünü elan etməsi çox mühüm bir hadisə idi.

Müşavirədə  Möhtərəm Prezidentimizin  sülh prosesi ilə bağlı mesajları hərb meydanında öz ərazi bütövlüyünü bərpa edən dövlətimizin qlobal arenada da qalib mövqedə olmasının təsdiqi idi. Dövlət başçısının sülh prosesinə nəyinsə xatirinə getməyəcəyini, məlum 10 noyabr Bəyannaməsinin müddəalarının yerinə yetirilmədiyi təqdirdə Azərbaycanın gücünü düşmənə göstərəcəyini diplomatik dillə ifadə etməsi də mühüm siyasi əhəmiyyət daşıdı. Daha ətraflı »

XEYİRXAHLIQ ONUN HƏYAT DEVİZİDİR

Vəli Albəndovun adı rayonumuzda böyükdən kiçiyə hamıya yaxşı tanışdır. O, bacarıqlı inşaatçı, öz işini mükəmməl bilən mütəxəssisdir. Vəli müəllim həm də xeyirxah insan, xeyriyyəçi kimi hamının böyük hörmətini qazanıb.
Tərtərimizin fəxri olan Vəli Albəndov rayonumuzun Ələsgərli kəndinin yetirməsidir. Bu kəndin əhalisinin bir hissəsi ötən əsrin 30-cu illərində Laçın rayonunun Əlimərdanlılar, Haçaz, Sonasar kəndlərindən Əlimərdanlı Cabbar adı ilə tanınmış şəxsin xeyriyyəçiliyi ilə köçürülmüş və indiki ərazidə yurd salmışdır. Kəndin əvvəlki adı Leninabad, sonrakı adı Nərimaniya olmuşdur. 1991-ci ildən kənd əhalisinin böyük əksəriyyətinin rəsmi imzası ilə 1934-cü ildə təməli qoyulmuş “28 Aprel” kolxozunun yaradıcısı və sədri Zamanov Ələsgər Zaman oğlunun şərəfinə bura Ələsgərli adlandırılmışdır.
Bu kəndin sakinləri bir qayda olaraq zəhmətsevərlikləri, mehribançılıqları, bir-birinə arxa-dayaq olmaları ilə seçilmişlər. Vəli Albəndov məhz belə bir mühitdə dünyaya göz açmış və böyümüş, ətrafında xeyirxahlıq və yaxşılıq görmüşdür.
O, 1952-ci il yanvarın 20-də anadan olub. 1958-1966-cı illərdə Ələsgərli (keçmiş Nərimaniya) kənd səkkizillik məktəbində oxuyub. Sonra təhsilini Tərtər şəhər 1 saylı tam orta məktəbində davam etdirib və 1968-ci ildə həmin məktəbin onuncu sinfini bitirərək, orta təhsilini başa vurub.
Yeri gəlmişkən qeyd etmək istəyirəm ki, həmin illərdə mən həmin məktəbdə müəllim kimi fəaliyyət göstərmişəm və bugünkü hörmətli ziyalımızı uşaqlıq illərindən tanıyıram. Müəllim üçün ən böyük mü-kafat şagirdlərinin uğuru olduğu üçün, Vəli müəllimin həyat yolu, qazandığı nailiyyətlər bir müəllim kimi məni də sevindirir. Daha ətraflı »