Prezident İlham Əliyev Azərbaycan Respublikasında 2021-ci ilin “Nizami Gəncəvi İli” elan edilməsi haqqında Sərəncam imzalayıb.
2021-ci ildə dahi şair və mütəfəkkir Nizami Gən-cəvinin anadan olmasının 880 illiyi tamam olur.
Dövlətimizin başçısı qüdrətli söz və fikir ustadının insanları daim əxlaqi kamilliyə çağıran və yüksək mənəvi keyfiyyətlər aşılayan zəngin yaradıcılığının bəşər mədəniyyətinin nailiyyəti kimi müstəsna əhəmiyyətini nəzərə alaraq bu ili ölkəmizdə “Nizami Gəncəvi İli” elan edib.
Nazirlər Kabinetinə “Nizami Gəncəvi İli” ilə bağlı tədbirlər planı hazırlayıb həyata keçirmək tapşırılıb.
Sərəncamda deyilir ki, dünya ədəbiyyatının görkəmli nümayəndəsi, dahi Azərbaycan şairi və mütəfəkkiri Nizami Gəncəvi bəşəriyyətin bədii fikir salnaməsində yeni səhifə açmış nadir şəxsiyyətlərdəndir.
Nəhəng sənətkarın xalqımızın mənəviyyatının ayrılmaz hissəsinə çevrilmiş parlaq irsi əsrlərdən bəri Şərqin misilsiz mədəni sərvətlər xəzinəsində özünəməxsus layiqli yerini qoruyub saxlamaqdadır.
Nizami Gəncəvi ömrü boyu dövrün mühüm mədəniyyət mərkəzlərindən olan qədim Azərbaycan şəhəri Gəncədə yaşayıb yaradaraq, Yaxın və Orta Şərq fəlsəfi-ictimai və bədii-estetik düşüncə tarixini zənginləşdirən ecazkar söz sənəti incilərini də məhz burada ərsəyə gətirib. Daha ətraflı »
-
18YanƏdəbiyyat 2021-ci il “NİZAMİ GƏNCƏVİ İLİ”DİR üçün şərhlər bağlıdır
-
18DekƏdəbiyyat GƏRAYLILAR üçün şərhlər bağlıdır
ƏLİ QURBANOV
Qurbanov Əli Əkbər oğlu 1964-cü ildə Kəlbəcər rayonunun Babaşlar kəndində anadan olub.
1981-ci ildə orta təhsilini başa vurub. 1981-1986-cı illərdə Xalq Təsərrüfatı İnstitutunda ali təhsilə yiyələnib.
31 ildir ki, Tərtər rayonunun Bəyimsarov kəndinin icra nümayəndəliyində çalışır. Ailəlidir, 2 övladı var.DAĞLAR
Ömur kecdi bir an kimi, Necə doldum yaşa, dağlar?
Yazdan, yaydan kam almadım,
Nə tez çatdım qışa, dağlar?
Əli, yar bildin qibləni, Məni yıxdı hicran qəmi.
Olmadın könül həmdəmi,
Mən gedirəm, yaşa, dağlar!
Qəlbim sevinclə dolmamış,
Sevgidən ilham almamış,
Yar qəlbinə yol salmamış
Bəla gəldi başa, dağlar.
-
18DekƏdəbiyyat SƏN SEVSƏN DƏ üçün şərhlər bağlıdır
Dünya içrə bir dünyam var, Mən görürəm, kimsə görmür.
Yarı abad, yarı tar-mar,
Hey sokurlər, kimsə hörmür.
Saxta sevgi, saxta ilqar, Tükənib inam-etibar.
Yar yerinə sevilir var,
Varlıda eyib görünmür.
Əcəl ovçu, insan bir ov,
Tutacaqdı, ha qaç, ha qov.
Qurar tələ, atar tilov,
Vaxt, fürsəti əldən vermir.
Cəfa çəkdin çox nadana,
Nə anladı, nə də qana.?!
Əkbəroğlu, bu zamana
Sən sevsən də, səni sevmir.
-
18DekƏdəbiyyat DƏRDİ VAR üçün şərhlər bağlıdır
Sən düşünmə dərdsiz insan, Hər bir kəsin öz dərdi var.
Çoxdu dərdi dərd qananın,
Qanmazın qanmaz dərdi var.
Kiminin var bala dərdi, Kimə verib bəla dərdi.
Çəkən verir yola dərdi,
Çəkməyənin saz dərdi var.
Dərd var, sinələr dağlayır,
Dərd var, görənlər ağlayır.
Kiminsə dərdi çağlayır,
Kimi anlamaz, dərdi var.
Əli, dərdi de qanana,
Açma dərdin hər nadana.
Ocaq demə hər yanana,
Ocağın da köz dərdi var.
İnsan var ki, nəfdi dərdi,
İnsan var ki, kefdi dərdi.
Kiminin sevməkdi dərdi,
Sevənin də naz dərdi var.
-
18DekƏdəbiyyat BELƏ YARANIB BU CAHAN üçün şərhlər bağlıdır
.Dünyadan doymam deyəni Dünya elə doyurur ki!…
Heç vaxt ayrılmam deyəni,
Bircə anda ayırır ki!…
Belə yaranıb bu cahan, Az olar dərdinə yanan.
Sənsiz ölləm – deyən canan,
Sənsiz elə ovunur ki!…
Sərvətinə çalışanı,
Kəsakəslə danışanı,
Güntək yanıb-alışanı,
Məzar elə soyudur ki!…
Qurbanlının budu sözü,
Hər kəsə xoş gələr özü.
Dünyadan doymayan gözü,
Torpaq elə doyurur ki!.
-
18DekƏdəbiyyat DAĞLARIMA üçün şərhlər bağlıdır
Yollarıma səd çəkilib, Gedəmmirəm dağlarıma.
Dağ üstündən dağ çəkilib,
Dözəmmirəm dağlarıma.
Darıxmışam köksün ücün, Ayrılıqda çoxdu suçum,
Məni bağışlamaq üçün
Yalvarıram dağlarıma.
Nə müddətdir aralıyam,
Qəlbi param-parçalıyam.
Soruşanda haralıyam?
Üz tuturam dağlarıma!
Əkbəroğlu, keçir zaman,
Qovuşmağa varmı güman?!
Öləm, qoynunda uyuyam –
Qonaq olam dağlarıma.
-
18DekƏdəbiyyat BU DÜNYADA üçün şərhlər bağlıdır
Bu gün varsan, sabah yoxsan, Bu dünyada, bu dünyada.
Sən ki, beşgünlük qonaqsan,
Bu dünyada, bu dünyada.
Eşqin, sevgin tükənəcək, Ömür də sona yetəcək,
Kimsə səni yad edəcək,
Bu dünyada, bu dünyada.
Bezərsən, küsdü bilməzsən,
Yığarsan, bəsdi bilməzsən.
Bu nə həvəsdi?! Bilməzsən,
Bu dünyada, bu dünyada.
Sevinci az, kədəri çox,
Xeyiri az, zərəri çox.
Bir gün də Əli olar yox,
Bu dünyada, bu dünyada.
Şöhrətinə aldanarsan,
Əzabına qatlanarsan.
Məzarda üryan yatarsan –
Bu dünyada, bu dünyada.
-
18DekƏdəbiyyat KİŞİLƏR üçün şərhlər bağlıdır
Yeriniz yaman görünür, Hardasız, yaxşı kişilər?!
Ayırın haqqı nahaqdan,
Ay elin naxışı kişilər!
Gədələr meydan alıbdı, Dünyanı qana salıbdı.
Sizsiz dunya qaralıbdı,
İldırım çaxışı kişilər,
Hardasız, yaxşı kişilər?!
Yetən özün bilən sayır,
Amma fitnə-fəsad yayır.
Gəl nahaqdan haqqı ayır,
Ay elin baxışı kişilər,
Hardasız, yaxşı kişilər?!
Eşidən yox bir-birini,
Bilən yoxdu öz yerini.
Əkbəroğlu, yaz şeirini,
Oxusun yaxşı kişilər,
Hardasız, yaxşı kişilər?!
-
18DekƏdəbiyyat SATİRİK ŞEİRLƏR üçün şərhlər bağlıdır
BƏNZƏYİR Tofiq Yusif
(Biri çıxış edərkən)
Ay camaat, bura gəlin, siz Allah, Ona baxın, qurumsağa bənzəyir!
Ətrafına əsəb yayır bayaqdan–
Hər kəlməsi sarımsağa bənzəyir.
Çox uşağın şəriklidi dədəsi, Başa keçib, öyüd verir gədəsi.
Beləsinin daş üyüdür mədəsi–
Mədə deyil, bir tabağa bənzəyir.
Pişikləri oxşatmışıq pələngə,
Dörd yanımız beyni şikəst, ələngə.
Başlar getdi-layiq idi çələngə,
Başlar qalıb-balqabağa bənzəyir.
Yalan vədi göyərtmədi qərinə,
Karvanbaşı ulaq qoşdu nərinə.
Zirvədəki şah qartalın yerinə
Qonana bax, yapalağa bənzəyir.
Arsızlıqda ya çayırdı, ya türpək,
Sifətində qurumayıb tüpürcək.
Alt dodağı yer süpürən süpürgə,
Üst dodağı şapalağa bənzəyir.
Tofiq, sənin ayrı peşən yoxdumu?
Nə işinə millət acdı, toxdumu?
Bu ölkədə beləsi az, çoxdurmu?
Ya yamağa, ya yalağa bənzəyir?
O kürsüdən boş-boşuna hürən nə?
Bu ilxıda sarı nədi, kürən nə?
Bilmək olmur başındakı görən nə?–
Gah yaylığa, gah papağa bənzəyir?
-
18DekƏdəbiyyat BİZİM İÇİMİZDƏ ŞEYTAN VAR üçün şərhlər bağlıdır
İnsan öz içində nələr gizlədir!… Hiyləmizdə yatır min cürə tülkü.
Bizim buynuzumuz içimizdədir,
Şeytanın buynuzu buynuz deyil ki!
İçimizdə paxır, içimizdə his, Əqrəblər vurnuxur insan qanında.
Bütün kürsüləri zəbt edir İblis
Peyğəmbər donunda, imam donunda
Yığdıq içimizə nifrət zığını,
Fitnəyə, fəsada sinəniz meydan.
Görsə insanların şeytanlığını
Şeytan olmasından utanar şeytan.
Haqqın işığına gözlər yarasa,
Rüşvət zəncirində ədalət əsir.
Bu xalqın bətnində tamah yarası,
Tamah Vətən satır, tamah baş kəsir.
Məsləkimiz tapdaq, üzümüz qara,
Vicdanı yamaqlı biz deyilikmi?
Vətəni yağıya satandan sonra
Papaq gəzdiririk kişilər kimi.
Var bizə həyatdır, sərvət bizə kam,
Pulla qatil haqlı, oğru düz olur.
Bu gün nəzərində pir olan adam
Sabah alçaq olur, dələduz olur.
Yoxdur yaşamağa haqqımız bizim,
Qara niyyət dolu qara bağrımız.
Görünən üzüdür qeyrətimizin
Namusu ləkəli Qarabağımız
Ümidlər xaraba, arzular viran…
İnsanlıq şərəfi ulağa quşqun.
Nə qədər ki, yatıb Ənuşirəvan
Sövdəsi baş tutur iki bayquşun.
Vətən torpağına, yurda əyil ki,
Hər dağı arxanda dağ ola bilsin.
Qarabağ dərdi də qrip deyil ki,
Əcnəbi həkimlər sağalda bilsin.
İçimiz kor duman, qaranlıq, zülmət,
Qəlbimiz həsrətdir işığa, nura.
Kasıblıq torunda çırpınan millət
Yenə də qışqırır:”Yaşasın!!! Urra!!!
Əməlimiz saxta, andımız yalan,
Adamlar kürsüyə tula quyruğu.
Bizim içimizdə qıvrılıb ilan–
İçimiz büsbütün zəhər tuluğu.
Bizim içimizi gəmirir qurdlar,
Yaxşının karıyıq, düzün koruyuq.
Talanıb torpaqlar, dağılıb yurdlar,
Biz öz nəslimizə söyüş goruyuq.
İnsan xislətinin məkri, xıltı çox,
Qanunlar qulluğa kölə, qaravaş.
Sağ gözün sol gözə etibarı yox,
Sağ əl sol tayına tələdir, qardaş!
Yeni ismarıclar