30İyl
Ulu Öndər Heydər Əliyev deyib: “Müxtəlif dillərə mənsub olan insanlar Azərbaycan dilini sadəcə eşidərək, onun mənasını o qədər bilməyərək, Azərbaycan dilinin nə qədər şeirə bənzədiyini, xoş ahəngli olduğunu dəfələrlə qeyd ediblər. Biz dilimizlə fəxr etməliyik. Dil hər bir millətin milliliyinin əsasıdır. Ona görə də hər bir gənc öz ana dilini, Azərbaycan dilini, müasir Azərbaycan dilini gərək ən incəliklərinə qədər bilsin və bu dildən istifadə etsin. Biz müstəqil Azərbaycanda Azərbaycan dilini dövlət dili etdiyimiz kimi, cəmiyyətimizdə də, xalqımızın içində də Azərbaycan dilini mütləq hakim dil etməliyik.”
70-ci illərin ortalarından başlayaraq SSRİ-ni təşkil edən respublikaların ictimai-siyasi həyatında dil məsələsi yenidən gündəmə gətirildi. SSRİ Konstitusiyasının qəbulundan sonra milli dillərin sıxışdırılması prosesi daha da gücləndirildi. Belə bir şəraitdə ana dili məsələsinin təbliği ilə məşğul olmaq cəsarət tələb edirdi. 30-ci illərdə dil məsələsini qabardanlar Sibirə sürgün olunurdu. Hətta milli respublikaların rəhbərləri də ana dili məsələsini gündəmə gətirməkdə aciz idilər.
Bütün süni məhdudiyyətlərə rəğmən Ulu Öndər Heydər Əliyev ana dili məsələsində öz mövqeyini hər zaman çox qətiyyətlə qorumağa müvəffəq olmuşdur. Dövlət dili uğrunda ardıcıl mübarizə aparan Ümummilli Lider ziyalıları, xalqı ana dilinin dövlət dili kimi yaşamaq hüququ uğrunda mübarizəyə cəlb edərək bütün qüvvələri səfərbər etmişdir. Böyük tarixi şəxsiyyət SSRİ Konstitusiyası haqqında danışarkən öz nitqində xüsusi olaraq vurğulamışdır ki, Konstitusiya vətəndaşlara təhsil hüququ vermişdir. Bu hüquq ana dilində oxumaq imkanı ilə təmin olunur.
Ümummilli Lider Heydər Əliyevin Azərbaycan dilinə dövlət dili statusunun verilməsində əvəzsiz rolu olmuşdur. 1978-ci il aprelin 2-də IX çağırış Azərbaycan SSR Ali Sovetinin Azərbaycan Sovet Sosialist Respublikası Konstitusiyasının layihəsi və onun ümumxalq müzakirəsinin yekunlarına həsr olunmuş VII sessiyasında məruzə ilə çıxış edən Ulu Öndər Heydər Əliyevin təklifi ilə 73-cü maddəni aşağıdakı redaksiyada vermək təklif olunmuşdur: “Azərbaycan Sovet Sosialist Respublikasının dövlət dili Azərbaycan dilidir.”. Daha ətraflı »
29İyl
![](https://yeniterter.com/wp-content/uploads/d94ae001b24d1ea23d3c507b48e906e4-300x200.jpg)
![](https://yeniterter.com/wp-content/uploads/98dedb5f12ff3a9b1bd18712efc4ccb4-300x200.jpg)
![](https://yeniterter.com/wp-content/uploads/bb9c5b855ae6a9ee998e31b252ec2978-300x200.jpg)
![](https://yeniterter.com/wp-content/uploads/452533362_340094685821665_4771641666742934226_n-300x200.jpg)
Tərtər Rayon İcra Hakimiyyətinin və YAP rayon təşkilatının birgə təşkilatçılığı ilə YAP rayon təşkilatının yaranmasının 31 illiyi qeyd olunub.
Tədbirdə Tərtər rayon İcra Hakimiyyətinin başçısı Müstəqim Məmmədov, YAP rayon təşkilatının sədri Eldar Əsədov, idarə, müəssisə, təşkilat rəhbərləri, İƏD üzrə nümayəndələr, ərazi partiya təşkilat sədrləri və partiya fəalları iştirak ediblər.
Tədbir iştirakçıları əvvəlcə Ulu Öndər Heydər Əliyevin abidəsini ziyarət edərək, önünə gül-çiçək dəstələri düzüb, xatirəsini ehtiramla anıblar.
Sonra tədbir rayon icra hakimiyyətinin akt zalında davam etdirilib. Tədbirdə öncə Dövlət himni səsləndirilib. Sonra Ümummilli Lider Heydər Əliyevin, torpaqlarımızın suverenliyi uğrunda canlarını fəda etmiş şəhidlərin və dünyasını dəyişmiş YAP üzvlərinin xatirələri bir dəqiqəlik sükutla yad edilib.
Tədbirdə çıxış edən Tərtər rayon İcra Hakimiyyətinin başçısı Müstəqim Məmmədov rayon təşkilatının üzvlərini səmimi qəlbdən təbrik edərək, onlara işlərində uğurlar arzulayıb.
Rayon rəhbəri Azərbaycan xalqının ən ağır, taleyüklü dövründə Ümummilli Lider Heydər Əliyev tərəfindən Yeni Azərbaycan Partiyasının təsis edilməsindən və cəmiyyətin aparıcı, intellektual, vətənpərvər nümayəndələrinin YAP-ın sıralarında birləşməsindən, Ulu Öndərin xalqın təkidli tələbi ilə yenidən hakimiyyətə qayıdışının tarixi əhəmiyyətindən geniş bəhs edib. Daha ətraflı »
29İyl
![](https://yeniterter.com/wp-content/uploads/79492c7771cc6482fa0bb8e0b246c818-300x200.jpg)
22 iyul–Milli Mətbuat Günü münasibəti ilə Tərtər rayon İcra hakimiyyətinin başçısı Müstəqim Məmmədov kollektivimizlə görüşüb, bizi peşə bayramı münasibəti ilə təbrik edərək, iş şəraitimizlə tanış olub.
Çay süfrəsi arxasında keçən səmimi görüşdə rayon rəhbəri Milli mətbuat haqqında kollektivimizlə fikir mübadiləsi edib.
Qeyd olunub ki, Azərbaycan öz müstəqilliyini bərpa etdikdən sonra bir çox milli-mənəvi dəyərlərə qayıdış mətbuat sahəsində özünü göstərib.
Azərbaycanda söz, fikir, mətbuat azadlığının formalaşması Ulu Öndər Heydər Əliyevin adı ilə bağlıdır. Ümummilli lider KİV-in cəmiyyətdə rolunu yüksək qiymətləndirmiş, bu məsələyə böyük önəm vermişdir. Məhz buna görə də “Jurnalistlərin dostu” olmuşdur. Bu gün isə möhtərəm Prezidentimiz cənab İlham Əliyev dövlət-mətbuat münasibətlərində Heydər Əliyev siyasətini uğurla davam etdirir. Azərbaycan Respublikasının Prezidenti cənab İlham Əliyevin diqqət və qayğısı nəticəsində qəzet və jurnalların maddi-texniki bazası möhkəmləndirilir, jurnalistlərin sosial- iqtisadi, mənzil-məişət şəraitləri yaxşılaşdırılır.
Rayon rəhbəri Respublika Prezidenti cənab İlham Əliyevin Azərbaycan mətbuatı haqqında bir fikrini vurğulayıb: “Bünövrəsi “Əkinçi” ilə qoyulmuş Milli Mətbuatımız bu gün Azərbaycanın dünyada eşidilən səsidir”.
Media işçiləri istər torpaqlarımız işğal altında olanda, istərsə də 44 günlük Vətən müharibəsi zamanı Azərbaycanın haqq səsini bütün dünyaya çatdırıblar. Ali Baş Komandanımızın dediyi kimi, “jurnalistlər vətənpərvərlik, yüksək milli şüur, ali məqsədlər uğrunda cəmiyyətimizin səfərbər olunmasına layiqli tövhələr veriblər”.
Sonra “Yeni Tərtər” qəzetinin redaktoru Svetlana Bağırova çıxış edərək, mətbuata dövlət dəstəyindən, müasir mətbuatın vəzifələrindən, mətbuatın cəmiyyətin tərəqqisindəki rolundan danışıb. Media işçilərinə göstərilən diqqət və qayğıya görə respublika Prezidenti cənab İlham Əliyevə öz minnətdarlıqlarını bildirib.
Mətbuat Günü münasibəti ilə çay süfrəsindən sonra xatirə şəkilləri çəkilib.
29İyl
Tərtərdə müntəzəm olaraq iməciliklər keçirilir
Bu günlərdə bütün dünyanın nəzərləri bizim ölkəmizdədir. Payızda keçiriləcək mötəbər beynəlxalq tədbirə dünyanın bir çox ölkələrindən qonaqlar gələcək. Gələn qonaqları ürəkaçıqlığı ilə qarşılamaq, ən başlıcası isə təbiətimizi qorumaq, atmosferin çirklənməsinə yol verməmək üçün rayonumuzda müntəzəm olaraq iməciliklər keçirilir.
Növbəti belə iməcilik şəhərin Mübariz İbrahimov və Elman Səfərov küçələrində olub.
İməcilik çərçivəsində əvvəlcə ərazidə təmizlik işləri aparılıb, ağac və gül kollarının dibləri bellənib, ərazidə olan məişət tullantıları daşınıb.
İməcilikdə Kommunal Təsərrüfatı İdarəsinin və “Dost” MMC-nin işçiləri fəal iştirak ediblər.
Ülviyyə Quluyeva,
şəhər sakini
29İyl
Narkomaniya bəşəriyyət üçün təhlükə mənbəyidir!
Günümüzün ən mühüm sosial problemlərindən biri olan narkomaniya həm cəmiyyətin, həm də dövlətlərin mübarizə apardığı xəstəliklər sırasındadır. İnkişaf edən texnoloji imkanlar və logistik şəbəkələrin genişlənməsi ilə cinayətlərin törədilməsi üsullarında da fərqlər vardır. Bəşəriyyətə qarşı cinayət kimi qələmə verilə bilən narkotik ticarəti indi sərhədləri aşaraq, beynəlxalq miqyas qazanıb və bir çox cəmiyyətin gələcəyini təhdid edir. Bu çərçivədə narkomaniyaya qarşı mübarizədə sosial maarifləndirmə yaradılır və bütün qurumlar birgə fəaliyyət göstərir. Narkotik qaçaqmalçılığı nöqtəsində mühüm coğrafi mövqedə yerləşən Azərbaycan Respublikası həm milli, həm də beynəlxalq arenada narkotik vasitələrin tədarükünün, istifadəsinin qarşısını alır, kriminal ünsürlərə qarşı mübarizə aparır. Narkomaniyaya meylli şəxslərin sayının artması dövlət idarələrini bu problem qarşısında koordinasiyalı fəaliyyət göstərməyə sövq edir.
Şübhəsizdir ki, narkomaniyaya qarşı mübarizə sahəsində xalqımız və dövlətimiz üçün Ümummilli Iider Heydər Əliyevin siyasəti və qətiyyəti başlanğıc nöqtəsi olmuşdur. Azərbaycan tarixində müstəsna yer tutan Ulu Öndər Heydər Əliyevin siyasi hakimiyyətə qayıdışı ilə müstəqil Azərbaycanı dağılmaqdan, ölkəmizi iflasdan, iqtisadi tənəzzüldən, xaosdan, özbaşınalıqdan xilas edərək, inkişaf yoluna qədəm qoymaq üçün zəmin yaratdığı kimi eyni zamanda da bəşəriyyətin bəlasına çevrilən narkomaniyaya qarşı mübarizə sahəsində təqdirəlayiq addımların atılmasına vəsilə olmuşdur. Məhz “Narkomanlığa və narkotik vasitələrin qanunsuz dövriyyəsinə qarşı tədbirlər haqqında” 1996-cı il 26 avqust tarixli Fərman, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyası yaradılması, 1999-cu il iyunun 18-də isə Milli Məclis tərəfindən “Narkotik vasitələrin, psixotrop maddələrin və prekursorların qanunsuz dövriyyəsi ilə mübarizə haqqında” qanun, Heydər Əliyevin 2000-ci il 15 iyul tarixli Fərmanı ilə təsdiq edilmiş “Narkotik vasitələrin, psixotrop maddələrin, onların prekursorlarının qanunsuz dövriyyəsinə və narkomanlığın ya-yılmasına qarşı mübarizə üzrə Mil-li Proqram (2000-2006-cı illər)” ölkəmizin narkomaniya ilə mübarizə sahəsində Ulu Öndərin uğurlu siyasətinin nəticəsidir. Danılmaz həqiqətdir ki, narkomaniyaya qarşı mübarizədə cəmiyyət, dövlət və qeyri-hökumət təşkilatlarının vəhdəti, beynəlxalq arenada bu bəlaya qarşı qətiyyətli mübarizənin aparılması barədə çağırışlar ümumilikdə qarşıya qoyulmuş məqsədə nail olunmasında önəmli faktor olmuşdur. Daha ətraflı »
29İyl
![](https://yeniterter.com/wp-content/uploads/23241867-a9f8-4e48-bacd-716267786bd2-233x300.jpg)
Məlum hadisələrlə əlaqədar olaraq, erməni qəsbkarları tərəfindən izi silinməyə məruz qalmış tarixi irsimizdən, özündə böyük bir yaşanılmış əbədi xatirələri ehtiva edən, əsrarəngiz təbiəti ilə göz oxşayan yurdlarımızdan biri də başı təlatümlü İmarət Qərvəndimizdir. İmarət Qərvənd yurdu Ağdərə rayonunun ən gözəl kəndlərindən biridir. Bu kənd Murovdağ silsiləsinin ətəyində, Ağdaban çayının sahilində yerləşir. Kəndi Qarabağda yaşamış “qərvənd” tayfasına mənsub ailələr salmışlar. Oykonimin birinci komponenti “imarət” (vaxtilə burada mövcud olmuş mülkə işarədir) sözü yaşayış məntəqəsini eyni adlı digər kəndlərdən fərqləndirmək üçün artırılmışdır [“Azərbaycan toponimlərinin ensiklopedik lüğəti”. İki cilddə. I cild. Bakı, “Şərq-Qərb”, 2007].
Tarixçi alim, dosent Qorxmaz Mustafayevin (yerli sakin) dəyərli araşdırmalarına əsasən vaxtı ilə Qarabağ xanlığının Kolanı elinə, sonra Cavanşir qəzasına tabe olan kəndlərimiz, elimiz İmarət-Qərvənd, Kərəmli, Umudlu, Sırxavənd, Papravənd, Şıxavənd, Almədətli, Baş Güneypəyə, Manik, Narınclar, Qalayçılar, Çərəkdar, Bağlıpəyə və s. olmuşdur. XIX yüzilliyin əvvəllərində Rusiya imperiyası tərəfindən Azərbaycan torpaqlarının şimal hissəsi işğal olundu və xalqımız, torpaqlarımız iki hissəyə parçalandı. Rusiya işğalı görünməmiş faciələr gətirdi. İşğala bərabər faciələrdən biri də XVIII əsrdə ermənilərin torpaqlarımıza köçürülməsi oldu. Daha ətraflı »
29İyl
BOLLUĞA, FİRAVANLIĞA APARAN YOL
Azərbaycanın bütün bölgələri gözəldir, təkrarsızdır. Hər bir bölgəni cənnətə döndərən isə orada yaşayan insanlardır. Tərtərin adı çəkiləndə ilk növbədə gözümüz önündə qəhrəman, zəhmətsevər insanlar canlanır. O tərtərlilər ki, 30 ildən artıq bir vaxtda düşmənlə üzbəüz dayanaraq, müharibə şəraitində əmək meydanında qazandıqları xariqələrlə düşmənə dağ çəkdilər. Nə atılan mərmilər, nə də ermənilərin vəhşilikləri onların əlini işdən soyutdu. Ona görə ki, onlar öz prezidentlərinə, Ali Baş Komandan İlham Əliyevə inanırdılar və indi bu inam birəbeş artıb. Qalib ölkə rəhbəri hər bir azərbaycanlının fəxr yerinə, qüruruna çevrilib.
Tərtər rayonunun Hüsənli kəndində yerləşən cins eksperimental kəndli-fermer təsərrüfatının rəhbəri Anar Əliyevlə söhbət edirik. O deyir:
– Bizim təsərrüfat uzun illərdir ki, fəaliyyət göstərir. Ötən əsrin 80-ci illərində keçmiş Kənd Təsərrüfatı Akademiyasının (indi Azərbaycan Dövlət Aqrar Universiteti) eksperimental təcrübə bazası kimi yaradılmışdı. Rəhmətlik professor Zülfiqar Verdiyevin rəhbərliyi altında atam, o zaman həmin akademiyanın dissertantı olan Məhərrəm Əliyev burada xaricdən gətirilmiş Kuba zebusu, aberdinanqus və digər cinslərin yerli mallarla cütləşdirilməsi nəticəsində ətlik istiqamətli mallar yetişdirirdi. Bu təcrübələr gözəl nəticələr verirdi və bütün respublikaya səs salmışdı. Daha ətraflı »
29İyl
Sel təhlükəsinin qarşısı alınıb
Son illərdə müşahidə olunan iqlim dəyişikliyi insanları ciddi imtahana çəkir. Bir neçə gün davam edən istilərdən sonra yağan yağışlar ciddi fəsadlar yaradır, əhali sel təhlükəsi ilə üz-üzə qalır. Belə bir sel arxı bizim evimizin yaxınlığından da keçir. Fasiləsiz yağan yağışlar zamanı daşan sel suları evimizə və həyətimizə təhlükə törədirdi.
Rayon rəhbəri Müstəqim Məmmədovun kəndimizdə keçirdiyi səyyar qəbul-görüş zamanı vəziyyəti ona bildirdik.
Müraciətimiz əsasında rayon icra hakimiyyəti başçısının tapşırığına uyğun olaraq Tərtərçay Hidroqovşağı İstismarı İdarəsinin xüsusi texnikası vasitəsilə sel arxı təmizlənib.
Problemin vaxtında həll olunması nəticəsində sel sularının törədə biləcəyi fəsadların qarşısı alınıb.
Ələddin Qənbərov, Tərtər rayonu, Dəmirçilər kəndinin sakini
29İyl
Məsələnin kiçikliyindən-böyüklüyündən asılı olmayaraq, vətəndaşları narahat edən və həlli mümkün olan hər bir müraciətə həssaslıqla yanaşılmalıdır. Tərtər rayonunda icra başçısının keçirdiyi səyyar qəbul-görüşlərin əsas məqsədi belədir. Bu görüşlərdə rayon rəhbəri ilə yanaşı idarə və müəssisə, təşkilat rəhbərlərinin iştirakı hər bir müraciəti dərhal araşdırıb operativ tədbir görməyə kömək edir.
Bu günlərdə kəndimizdə keçirilən qəbul-görüş zamanı mən yuxarıda deyilənlərin şahidi oldum.
Belə ki, xeyli vaxt idi ki, evimin yaxınlığında qəzalı vəziyyətdə olan elektrik dirəkləri və naqilləri küləkli havada təhlükə törədirdi. Mənim müraciətim əsasında operativ olaraq 2 elektrik dirəyi dəyişdirildi, yararsız naqillər yenisi ilə əvəz olundu, elektrik naqillərinə toxunan ağaclar isə budanaraq ərazidən təmizləndi.
Xırda məsələlərin vaxtında həlli böyük problemlərin yaranmasının qarşısını alır.
Elbrus Muradov,
Tərtər rayonu, Səhlabad kəndinin sakini
29İyl
Mən Ağdərə rayonunun Çələkdar kəndində doğulmuşam. Azərbaycan Texniki Universitetini bitirmişəm. Nə uşaqlıq, nə də gənclik illərimdə baramaqurdunun neçə saxlanmasını görməmişdim.
Ancaq bu il kəndimizdə barama qutuları paylananda, bu işdə özünü sınamağı qərara aldım. 2 qutu götürmüşdüm. İlk dəfə bu işlə məşğul olmağıma baxmayaraq, çalışdım ki, nəticə yaxşı olsun. Əmin oldum ki, bu sahə barədə deyilənlər doğrudur.
Baramanın becərilməsi az vaxt aparsa da, əziyyəti çoxdur. 2 qutudan 108 kq məhsul təhvil verdim. Kiçik bir rəqəm olsa da, rayonumuzun iqtisadiyyatının möhkəmlənməsi baxımından uğurlu işdir.
Lətifə İbrahimova,
İrəvanlı kəndi
Yeni ismarıclar