18Avq
YENİ PARK SALINIR
Rayonumuzda tikinti-quruculuq işləri ilboyu mütəmadi şəkildə davam etdirilir. Belə işlərdən biri də Tərtər çayı sahilində 2,5 hektar ərazidə yeni parkın tikintisidir. Bura minlərlə maşın torpaq daşınıb tökülərək hamarlanmışdır. Beləliklə də ərazinin səviyyəsi çaydan xeyli yuxarı qaldırılmışdır.
Parkdan keçən Buruc arxı 300 metrdən çox məsafədə beton kanal şəklinə salınmışdır. Yeni salınan parkda quruculuq-abadlıq işləri davam etdirilir. Bu park Tərtər əhalisinin ən sevimli istirahət mərkəzlərindən biri olacaqdır.
Teqlər: Xəbərlər
18Avq
Şəhərimizdə 8 ədəd çoxmərtəbəli yaşayış binalarının dam örtükləri dəyişdirilmiş, fasad və giriş hissələri suvanıb, rənglənmişdir. Bu işlərin görülməsi üçün əhalinin məşğulluğunun təmin olunması məqsədilə 100 nəfər Tərtər sakini işə götürülmüşdür. Təmir işləri davam edir.
Teqlər: Xəbərlər
18Avq
YAP Tərtər Rayon Təşkilatının inzibati binasında son tamamlama işləri başa çatmış, binanın otaqları müasir tipli mebel və avadanlıqlarla təmin olunmuşdur.
Teqlər: Xəbərlər
18Avq
Cari ilin aprel ayında erməni silahlı birləşmələrinin növbəti təxribatı zamanı Tərtər şəhəri də daxil olmaqla 17 yaşayış məntəqəsində 256 yaşayış evinə, 4 məktəb binasına, 2 tibb məntəqəsinə, 1 körpələr evi-uşaq bağçasına, qaz, işıq, su, rabitə təsərrüfatına, əhalinin malqarasına və digər əmlaklarına müxtəlif dərəcədə zərər dəymişdir. Möhtərəm Prezidentimizin diqqət və qayğısı sayəsində zərər çəkmiş yaşayış evlərinin təmir-bərpası üçün vəsait ayrılmış və bu işlərin icrasına dərhal başlandığından görülən işlər yaxın günlərdə başa çatdırılacaqdır.
Teqlər: Xəbərlər
18Avq
Ötən ilin iyun ayından etibarən Tərtər şəhərinin və ətraf 11 kəndin içməli su və kanalizasiya sisteminin qurulması iayihəsinin icrası davam etdirilir. İndiyədək 52317 metr kanalizasiya xətti çəkilmiş, yaxud layihədə nəzərdə tutulan işin 70 faizi yerinə yetirilmişdir.
Yerüstü qurğulardan tutumu 5000 kubmetr olan su anbarından birinin tikintisi 100 faiz başa çatdırılmış, ikinci su anbarının tikintisi 65 faiz yerinə yetirilmişdir. Artezianlararası yüksək gərginlikli elektrik xətlərinin çəkilişi 90 faiz yerinə yetirilmişdir.
“Yeni Tərtər”
Teqlər: Xəbərlər
18Avq
Rayonumuzun təsərrüfatlarında bitkilərin suvarılması əsasən subartezian quyularının hesabına həyata keçirilir.
Rayon ərazisində artezianların vəziyyəti barədə müfəssəl məlumat almaq məqsədilə subartezian quyuları istismarı idarəsinin rəisi Əli Əliyevlə əlaqə saxladıq. Əli müəllim bildirdi ki, hal-hazırda rayonumuzun ərazisində 474 ədəd subartezian quyusu var. Onların 467 ədədi işlək vəziyyətdədir.
Ölkə Prezidenti möhtərəm İlham Əliyevin son sərəncamına əsasən Tərtər rayonunda daha 14 ədəd subartezi-an quyusunun qazılması nəzərdə tutulub. Həmin quyuların artıq beşi qazılıb. Artezianlar hər kənddə biri olmaqla Mamırlı, Qaynaq, Kəbirli, Xoruzlu və Ələsgərli kəndlərində qazılmışdır.
“Yeni Tərtər”
Teqlər: Xəbərlər
08Avq
REFERENDUM ÜZRƏ TƏŞƏBBÜS QRUPU YARADILIB
YAP Tərtər Rayon Təşkilatının Qərargahında Konstitusiyaya dəyişikliklər edilməsi ilə bağlı öl-kəmizdə cari ilin sentyabr ayının 26-da keçiriləcək referendumda iştirakla əlaqədar ilkin təşəbbüs qrupunun yaradılması və referendum üzrə təşəbbüs qrupunda təmsil olunmaq üçün nümayəndələrin müəyyən edilməsi məqsədilə yığıncaq keçirilib.
Yığıncaqda çıxış edən YAP rayon təşkilatının sədri Ramiz Şabanov qeyd edib ki, Azərbaycan Respublikasının Prezidenti, Yeni Azərbaycan Partiyasının sədri İlham Əliyevin “Azərbaycan Respublikasının Konstitu-siyasında dəyişikliklər edilməsi haqqında” Azərbaycan Respub-likasının Referendum Aktının layihəsinin Konstitusiya məhkəməsinə göndərilməsi barədə sərəncamı ölkəmiz üçün böyük əhəmiyyət kəsb edir. Daha ətraflı »
Teqlər: Xəbərlər
08Avq
Tərtər şəhər Gənclər Mərkəzində “Tərxis Olunmuş Hərbçilərin Gəncləri Maarif-ləndirmə” İctimai Birliyi Azərbaycan Respublikası Prezi-denti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı, Tərtər Rayon İcra Hakimiyyətinin və Səfərbərlik və Hərbi Xidmətə Çağırış üzrə Dövlət Xidmətinin dəstəyi ilə “Dövlət sirlərinin qorunması və dezinformasiyaların qarşısının alınması” adlı layihə çərçivəsində tədbir keçirmişdir. Daha ətraflı »
Teqlər: Xəbərlər
08Avq
İyulun 20-də “Gənclərin Töhfəsi” İctimai Birliyi Azər-baycan Respublikasının Prezi-denti yanında Gənclər Fon-dunun maliyyə dəstəyi ilə həyata keçirdiyi “Erkən nikah qədərin olmasın!” layihəsi çərçivəsində Tərtər şəhər Gənclər Mərkəzində tədbir keçirmişdir.
Rayon gənclərinin iştirakı ilə keçirilən tədbirdə “Gənc-lərin Töhfəsi” İctimai Bir-liyinin sədri Asim Vəliyev çıxış edərək layihə haqqında məlumat vermiş, bildirmişdir ki, layihənin keçirilməsində əsas məqsəd məişət zorakılığının bir forması olan erkən nikahla mübarizədə vətəndaşların, xüsusən gənclərin proffesionallığını artıra-raq ailələrin uşaqlarını erkən nikaha məcbur etməkdən imtina etmələri mövzusunda dəstəkləmək, bu mümkün deyilsə, yeni həyatlarına hazırlanmaları istiqamətində gücləndirməkdən ibarətdir.
Tədbirdə iştirak edən Tər-tər Rayon İcra Hakimiy-yətinin nümayəndəsi Tunarə Məmmədzadə çıxış edərək göstərilən problemlə bağlı öz fikirlərini bölüşmüşdür.
Tədbir iştirakçılarına sertifikatlar və mövzu ilə bağlı maarifləndirici materiallar paylanmışdır.
Teqlər: Xəbərlər
28İyl
Qonaqları əvvəlcə Tərtər Rayon İcra Hakimiyyətinin başçısı Müstəqim Məmmədov qarşılayaraq, onlara rayonda görülən işlər barədə məlumat verib. Rayon rəhbəri bildirib ki, Bilik Fondu fəaliyyətə başladığı gündən qurumun həyata keçirdiyi layihələr daim diqqət mərkəzində olub. Cəmiyyətin maariflənməsi istiqamətində Bilik Fondunun gördüyü işlərin təqdirəlayiq olduğunu bildirən icra başçısı qurumun yerli nümayəndəsinin rayonda mütəmadi olaraq maraqlı tədbirlər hazırladığını diqqətə çatdırıb.
Bilik Fondunun icraçı direktoru Oktay Səmədov rayonun təhsil, mədəniyyət obyektlərində, yeni tikilmiş şahmat məktəbində, Tərtər Cümə məscidində olub, ermənilərin Qarabağa köçməsinin 150 illiyi münasibəti ilə inşa etdikləri “Marağa-150” abidəsinin qalıqlarına baxış keçirib, ictimaiyyət nümayəndələri ilə görüşüb. Bölgələrdə hər sahədə geniş islahatlar aparıldığını xatırladan Oktay Səmədov Bilik Fondunun missiyasının ölkədə gedən sürətli inkişaf barədə həm yerli, həm də dünya ictimaiyyətinə dolğun məlumat çatdırmaq olduğunu deyib.
Sonra qonaqlar rayon ərazisində yerləşən N. saylı hərbi hissədə olub, əsgərlərlə görüşüb, hərbi hissəyə kitablar hədiyyə ediblər.
Teqlər: Xəbərlər
Yeni ismarıclar