Azərbaycan Respublikasının Prezidenti, Ali Baş Komandan İlham Əliyevin tapşırığına əsasən, Avtomobil Yolları Dövlət Agentliyi tərəfindən, 3 oktyabr tarixində Azərbaycan Ordusunun həyata keçirdiyi əks-hücum əməliyyatları nəticəsində Ermənistan si-lahlı qüvvələrinin işğalından azad edilmiş Tərtər rayonunun Suqovuşan və Talış kəndlərinə gedən avtomobil yollarının bərpasına başlanılıb.
Bu barədə Azərbaycan Avtomobil Yolları Dövlət Agentliyindən bildirilib.
Ümumi uzunluğu 29 km olan avtomobil yolları IV texniki dərəcəyə uyğun olaraq bərpa edilir.
Hərəkət hissəsinin eni 6 metr, çiyinlərin eni isə hər bir istiqamət üzrə 2 metr olmaqla yol yatağının eni 10 metr təşkil edəcək.
Tərtər rayonunun Suqovuşan və Talış kəndlərinə gedən avtomobil yolları uzun müddət düşmən tapdağı altında olduğundan tamamilə sıradan çıxmış və dağılmışdır. Yol boyu yararsız qrunt qazılaraq çıxarılmış, Daha ətraflı »

                       İCRA BAŞCISI ŞƏHİD AİLƏLƏRİ VƏ QAZİLƏRLƏ GÖRÜŞDÜ

44 günlük Vətən müharibəsində Tərtər rayonuna 16277 mərmi, 21 raket düşüb. Rayon 40 hərbi, 17 mülki şəhid verib. 200-ə yaxın həmyerlimiz qazi olub, 3 nəfər isə itkin düşüb.
Tərtərə düşən mərmilər nəticəsində minlərlə fərdi yaşayış evləri dağılıb, ictimai binalara, sosial obyektlərə ziyan dəyib. Bunlara baxmayaraq, tərtərlilər böyük vətənpərvərlik və təəssüb göstərərək öz yurd-yuvalarından ayrılmamışlar
Yeni il ərəfəsində Tərtər Rayon İcra Hakimiyyətinin başçısı cənab Müstəqim Məmmədov rayon polis şöbəsinin rəisi Elçin Qasımov ilə birlikdə 128 şəhid və qazi ailəsində olub, onların qayğıları ilə maraqlanıb, problemlərinin yerində həll olunmasına köməklik göstərib, şəhid və qazi ailələrinə bayram sovqatları veriblər.

Tərtər rayon İcra Hakimiyyətinin tədbirlər planına uyğun olaraq koronavirus pandemiyası ilə mübarizədə əhalinin sağlamlığının qorunması, infeksiyanın yayılmasının və onun törədə biləcəyi fəsadların qarşısının alınması ilə bağlı rayon ərazisində yerləşən çoxmənzilli yaşayış binalarında və küçələrdə dezinfeksiya işləri mütəmadi olaraq davam etdirilir. Bu tədbirlərin tərkib hissəsinin əsasını epidemiyaya qarşı mubarizə təşkil edir. Rayonda vaxtaşırı olaraq vətəndaşlarla maarifləndirici söhbətlər aparılır, bu təhlukəli xəstəliyin fəsadları izah olunur, onun qarşısının alınması üçün göruləsi vacib profilaktik tədbirlər, gigiyenik qaydalar haqqında məlumatlar verilir. Vaxtaşırı reydlər keçirilir, əhalinin qoruyucu vasitələrdən istifadə etmələri, ara məsafəsi saxlamaları və tez-tez dezinfeksiyaedici maddələrdən istifadə etmələri ön plana çəkilir

Azərbaycanda akkreditə olunmuş diplomatik korpusun nümayəndələri, o cümlədən beynəlxalq təşkilatların ölkəmizdəki nümayəndəliklərinin rəhbərləri Tərtərdə Ermənistanın müharibə cinayətləri ilə tanış olublar.
Diplomatlar düşmənin Tərtərə atdığı kasetli raketlərin qalıqlarına baxıblar. Bildirilib ki, düşmən Tərtərə 21 kasetli raket atıb. Onun 14-nün qalıqları Tarix-Diyarşünaslıq Muzeyinin yanında sərgilənir.
Prezidentin köməkçisi – Prezident Administrasiyasının xarici siyasət məsələləri şöbəsinin müdiri Hikmət Hacıyev məlumat verib ki, Ermənistan silahlı qüvvələri mütəmadi olaraq Tərtər rayonunun mərkəzini, Daha ətraflı »

Koronavirus (COVID-19) pandemiyası ilə mübarizədə əhalinin sağlamlığının qorunması, infeksiyanın yayılmasının və onun törədə biləcəyi fəsadların qarşısının alınması məqsədilə Tərtər rayonunda sanitar-dezinfeksiya tədbirləri davam etdirilir.
İnfeksiyanın yayılmasının qarşısının alınması məqsədilə tibbi-profilaktik, dezinfeksiyaedici və qabaqlayıcı tədbirlər müəyyən edilmiş cədvələ əsasən həyata keçirilir. Tədbirlər planına uyğun olaraq növbəti dezinfeksiya işləri rayon ərazisində yerləşən çoxmənzilli yaşayış binalarında, binaların girişlərində və pilləkənlərində, insanların kütləvi toplaşdığı digər yerlərdə aparılıb.

Azərbaycan Respublikası Ərazilərinin Minalardan Təmizlənməsi üzrə Milli Agentliyinin (ANA-MA) operativ qərargahının rəisi İdris İsmayılov jurnalistlərə müsahibəsində bildirib ki, təmizləmə işləri 3 istiqamətdə – əllə, mexaniki maşınlarla və minaaxtaran itlər vasitəsilə aparılıb. 118 piyada, 99 tank əleyhinə mina, 4 tank əleyhinə minanın partladıcısı və 7 partlama-mış hərbi sursat zərərsizləşdirilib.
Qeyd edək ki, ərazilərin minalardan təmizlənməsi üzrə Milli Agentliyə Agcabədi, Agdam, Füzuli, Cəbrayıl, Xocavənd, Goranboy və Tərtər rayonları ərazisində mərmilərin aşkar olunması barədə daxil olan 34 çagırış əsasında 55 operativ əməliyyat çıxışı həyata keçirilib. 303 partlamamış sursat, 17 bombacıq, 79 tank, 12 piyada əleyhinə mina, 29 tank əleyhinə minanın partladıcısı, 3274 müxtəlif çaplı patronlar, 5400 qram barıt və 112 partlamış mərmi qalıqları aşkarlanıb. 55 mina və partlamamış hərbi sursat zərərsizləşdirilib.
Beləliklə Tərtərdən Suqovuşana qədər olan 10 kilometrlik yol mina və partlamamış hərbi sursatlardan tamamilə təmizləndi

Yeni Azərbaycan Partiyasının yaradılmasının 28-ci ildönumu ilə əlaqədar YAP Tərtər Rayon Təşkilatında tədbir kecirildi.
Tədbirdə rayon icra hakimiyyətinin, idarə, müəssisə və təşkilatlarda çalışan fəal YAP uzvləri rayon təşkilatının Şura üzvləri, rayon təşkilatı Qadınlar Şurası və Gənclər Birliyinin üzvləri, ərazi ilk partiya təşkilat sədrləri iştirak etdilər.
Öncə tədbir iştirakçıları Yeni Azərbaycan Partiyasının yaradıcısı müasir Azərbaycan Dövlətinin banisi, Ümummulli lider Heydər Əliyevin və Vətən müharibəsində şəhid olanların xatirəsini bir dəqiqəlik sükutla yad etdilər.
YAP rayon təşkilatının sədri Ramiz Şabanov Yeni Azərbaycan Partiyasının yaradılmasının 28-ci ildö-nümünə həsr olunmuş məruzə ilə çıxış etdi.
Məruzə ətrafında YAP rayon təşkilatının şura üzvlərindən Məhəbbət Məmmədov, Faiq Məmmədov, Fitat Əliyeva, Kərrar Bayramov, ərazi ilk partiya təşkilat sədrlərindən Sahib Həsənov, Çingiz İsayev və Firdovsi Hüseynov çıxış etdilər.
Tədbirin sonunda rayon təşkilatının sədri Ramiz Şabanov bütün tərtərlilərin adından ölkə başçısı, partiyamızın sədri cənab İlham Əliyevi əmin etdi ki, rayon əhalisi həmişə olduğu kimi, bundan sonra da Heydər Əliyev ideyalarına, Prezident İlham Əliyevin daxili və xarici siyasətinə sədaqətlərini nümayiş etdirəcəklər.
                                                                                                                                            “Yeni Tərtər”

Rayonumuzda yeni koronavirus (COVID-19) pandemiyası ilə mübarizə məqsədilə reydlər davam etdirilir.
Tərtər Rayon İcra Hakimiyyətinin, hüquq-mühafizə orqanlarının məsul əməkdaşlarının və rayonda təşkil edilmiş mobil qrupların iştirakı ilə keçirilən yoxlamalarda Nazirlər Kabineti yanında Operativ Qərargahın müəyyən etdiyi qaydalara ciddi nəzarət edilir.
Reydlər zamanı vətəndaşlarla maarifləndirici söhbətlər aparılaraq onlara sanitar rejimin tələbləri izah edilir, sosial məsafənin qorunması və tibbi maskalardan istifadənin zəruri olduğu, evdən çıxarkən,
qapalı məkanlarda, xüsusən iaşə müəssisələrində,
ictimai nəqliyyatda nəfəs yollarını qoruyan tibbi maskadan mütləq qaydada istifadə etmələri, insanlarla təmas zamanı 2 metrlik ara məsafəsini saxlamaları, bütövlükdə karantin rejimi dövrü üçün müəyyən edilmiş qaydalara ciddi riayət etmələri tövsiyə olunur.
Yeni koronavirus pandemiyasına mübarizə məqsədilə ölkəmizdə tətbiq edilən xüsusi karantin rejiminin tələblərini pozanlar haqqında isə qanunamüvafiq tədbirlər görülür.
                                                                                                                                         “Yeni Tərtər”

İşğaldan azad edilmiş Tərtər rayonunun Suqovuşan və Talış kəndlərinə gedən avtomobil yollarının bərpasına başlanılıb.
Ümumi uzunluğu 29 km olan avtomobil yolları IV texniki dərəcəyə uyğun olaraq bərpa edilir. Hərəkət hissəsinin eni 6 metr, çiyinlərin eni isə hər bir istiqamət üzrə 2 metr olmaqla yol yatağının eni 10 metr təşkil edəcək.
Yolun tikintisi Suqovuşan su anbarından Tərtər şəhərinə doğru uzanan və uzun illərdən sonra suyuna qovuşan kanalın kənarı ilə aparılır.

Azərbaycan Vətən Müharibəsi Veteranları İctimai Birliyinin Tərtər Rayon Şöbəsinin və Gənclərin İnkişaf və Karyera Mərkəzinin Tərtər Rayon nümayəndəliyinin könüllüləri ilə birgə Qarabağ Müharibəsi vete-ranı Qazyan kənd sakini “Azərbaycan Bayrağı” ordenli Nəzərov Əhliman Məstalı oğlu ilə görüşü keçirildi. Bu görüşdə məqsəd “Qəhramanları tanıdaq” devizi altında Qarabağ müharibəsində fədakarlıq göstərmiş veteran və qazi-lərimizi xalqa tanıtmaq və onların keçdiyi döyüş yolunu bir daha yada salmaqdır.
Tədbirdə keçmiş döyüşçülər Qazyan kənd tam orta məktəbində kənddən şəhid olmuş oğulların xatirəsinə ucaldılmış abidəni ziyarət etdilər. Sonra qəhraman döyüşçü Əhliman Nəzərovun evində çay süfrəsi arxasında pandemiyanın şərtləri gözlənilməklə maraqlı söhbətlər aparıldı. Könüllülər adından rayon gənclərinin nümayəndəsi Naxçıvan Dövlət Universitetinin könüllüsü Güləsər Əliyeva maraqlı suallarla qəhraman eloğlumuza müraciət edərək, müasir gəncliyə tövsiy-yələrini söyləməyi xahiş etdi. Tədbir diskussiya şəklində keçirildi. Burada Tovuz istiqamətində ermənilərin təxribat xarakterli hücumlarından və yeni işğalçılıq siyasətindən də bəhs edildi.
Tədbirdən sonra Türkiyə və Azərbaycanın birlikdə ucaldılmış dövlət bayraqlarının qarşısında xatirə şəkilləri çəkdirildi.
“Yeni Tərtər”