HUMANİZM PRİNSİPLƏRİNİN BƏRQƏRAR EDİLMƏSİNƏ TÖHFƏ VERƏN ÖLKƏ

Bugünkü dünyamız, indiki həyatımız ötən əsrlərdə olduğuna bənzəmir. Hər şey sürətlə dəyişməkdədir. Bəlkə də XXI əsrin bir günlük kəşfləri bəşəriyyəti ötən bir əsrdə olduğu qədər irəli aparır. Bəli, biz inkişaf edirik. Lakin insanlar nə qədər irəli getsələr də, sanki bəlalar, fəlakətlər bir o qədər də çoxalır. Dünyanı müharibələr, terror, digər xoşagəlməz hadisələr bürüməkdədir. Nədir bunun səbəbi və çıxış yolu nədədir?
Bu sual indi bütün ölkələri, o cümlədən Azərbaycanı düşündürməkdədir. Bəzi ölkələrdən fərqli olaraq, Azərbaycan dünyaya multikulturalizmin real həyatdan götürülmüş nümunələrini nümayiş etdirərək, çıxış yolunu ayrı-ayrı dinlərin, xalqların, konfessiyaların, etnosların birgə mehribançılıq və dinc şəraitdə yaşamasında olduğunu sübut edir. Yəni çıxış yolu insanlığın ən uca dəyərlərinin qorunub saxlanılmasında, humanizm prinsiplərinə əməl olunmasındadır. Daha ətraflı »

TƏBRİKLƏR

TELEFONOQRAM

Hörmətli “Yeni Tərtər”çilər! Sizi Azərbaycan Milli Mətbuatı və Jurnalistika Günü münasibəti ilə səmimi təbrik edirəm!
Müstəqil Azərbaycanda mətbuata və mətbuat işçilərinə böyük önəm verilir. Mətbuat cəmiyyətimizi daim irəli aparan bir qüvvə hesab olunur.
Rayon icra hakimiyyəti aparatının yaxın köməkçisi olan “Yeni Tərtər” qəzeti də hazırda Tərtərdə həyata keçirilən uğurlu iqtisadi islahatların, quruculuq işlərinin, sosial layihələrin işıqlandırılmasında fəallıq göstərir.
Kollektivinizə çətin və şərəfli işində yeniyeni müvəffəqiyyətlər, hər birinizə cansağlığı arzulayıram.

Müstəqim Məmmədov,
Tərtər Rayon İcra Hakimiyyətinin başçısı

TELEQRAM

“Yeni Tərtər” qəzetinin baş redaktoru Tofiq Yusifə.
Hörmətli Tofiq müəllim! Sizi və yaradıcı kollektivinizi 22 iyul – Azərbaycan milli mətbuatının yaranmasının 142 illiyi münasibətilə təbrik edir, sizə şərəfli peşənizdə, respublikamızın sosial-iqtisadi, mənəvi həyatının işıqlandırılmasında mətbuat işçilərinin rolunun daha da artırılmasında yeni-yeni yaradıcılıq uğurları arzulayırıq. Qələminiz iti, sözünüz kəsərli olsun!

Raqub Məmmədov,
Ağdam Rayon İcra Hakimiyyətinin başçısı
Daha ətraflı »

İyul ayının 4-də erməni vandallarının Füzuli rayonunun Alxanlı kəndini qəflətən iriçaplı silahlardan atəşə tutması nəticəsində kənd sakinləri 1967-ci il təvəllüdlü Allahverdiyeva Sahibə İdris qızı və onun nəvəsi, 2 yaşlı Zəhra Elnur qızı Quliyevanın, həlak olması kəndin digər bir sakini, 1965-ci il təvəllüdlü Səlvinaz Quliyevanın yaralanma xəbərini televiziya ekranlarından eşitdik. Bu acı, dözülməz hadisə erməni vandallarının insanlığa sığmayan hərəkətlərinin davamıdır. Mən və ailəmiz bu hadisəni ürək ağrısı ilə qarşıladıq.
2 yaşlı Zəhranın və onun nənəsinin qətlə yetirilməsi xəbəri hər kəsi hiddətləndirir.

Əyyam Əliyev,
Dəmirçilər kəndinin sakini

SATQINLIĞIN ANATOMİYASI

Tariximizi nə qədər çox araşdırıb təbliğ edə bilsək, onun bir o qədər böyük tarixə malik olduğunu göstərə bilərik

………………………….Unutsaq unudularıq

Azərbaycan oğulları, bu torpaqlar sizi gözləyir

Sən yanmasan, mən yanmasam, zülməti kim işıqlandırar?
( N. Hikmət)

Xankəndi        1923-1991        Laçın                 18.05.92
Əsgəran           1923-1991       Kəlbəcər             02.04.93
Ağdərə             1923-1993       Ağdam                23.07.93
Hadrut             1923-1993       Füzuli                 23.08.93
Xocavənd        1923-1993        Cəbrayıl              23.08.93
Xocalı              26.02.92           Qubadlı               31.08.93
Şuşa                 08.05.92            Zəngilan            29.10.93.

Ləzgilər Şilda kəndinə basqın edərkən kəndin başçısı Dodayevin evinə soxulurlar. Bu adamın Yefrem Sukyazov adlı bir erməni katibi varmış. Döyüşün şiddətli yerində o xilas olmaq arzusu ilə özünü ölülüyə vurub yerə yıxılır. Ləzgilərdən biri təsadüfən ona ilişir və onun sol qolunu kəsir. Erməni qorxusundan cınqırını da cıxarmır. Ləzgi çölə çıxarkən səhvini başa düşür, sol əli kəsdiyi üçün xəcalət çəkir. Qayıdıb erməninin sağ əlini də kəsir.

Aleksandr Düma
“Qafqaz səfəri” əsərindən Daha ətraflı »

Biz fəxr edə bilərik ki, milli mətbuatımızın böyük tarixi var. Bu, bizim böyük sərvətimizdir, dəyərimizdir. Ancaq bu da həqiqətdir ki, müstəqillik dövründə Azərbaycan mətbuatı tam azad və müstəqil mətbuat kimi fəaliyyət göstərməyə başlamışdır.

İlham Əliyev,
Azərbaycan Respublikasının Prezidenti

MƏNALI İNKİŞAF YOLU

Azərbaycan milli mətbuatının əsası öz dövrünün görkəmli ziyalısı olan Həsən bəy Zərdabinin 22 iyul 1875-ci ildə nəşr etdirdiyi “Əkinçi” qəzeti ilə qoyulub. Bu mətbu orqan xalqımızın maariflənməsində, milli və bəşəri ideyaların təbliğində müstəsna rol oynayıb. Qəzetin əsas məqsədi xalq arasında cəhaləti aradan qaldırmaq, onun elmi-mədəni səviyyəsini yüksəltmək olub.
“Əkinçi” qəzetinin nəşri bütün Qafqazda əks-səda doğurmuşdu. 1875-1877-ci illər ərzində onun 56 nömrəsi işıq üzü görmüşdü. Qəzetin nəşrinə qadağa qoyulmasına əsas səbəb kimi Rusiya-Türkiyə müharibəsinin başlanması və qəzetin siyasi mövzulara da toxunması olub.
“Əkinçi” qəzeti bağlansa da, onun Azərbaycan cəmiyyətində səpdiyi toxumlar cücərməyə başlayıb. XX əsrin sonlarında “Ziya” (1879), “Kəşkül (1880), “Kaspi (80-90-cı illər) qəzetləri nəşrə başlamışdı. Daha ətraflı »

DOĞMA YURDUN HƏSRƏTİ

–Azərbaycan tarixinə qara hərflərlə yazılan günlərdən biri də 23 iyul 1993-cü il –Ağdamın Ermənistan silahlı qüvvələri tərəfindən işğal olunduğu gündür.
Bu sözləri redaksiyada mənimlə üzbəüz söhbət edən Ağdam rayonu Şotlanlı kənd sakini Nəzərov Möhlət Salman oğlu dedi. O, 1966-cı ildə anadan olub. Möhlətgil ailədə 10 uşaq olublar –8 qardaş, 2 bacı. Möhlət ailənin böyük oğludur. Gəncə Kənd Tə-sərrüfatı İnstitutunun mexanikləşdirmə fakültəsini bitirib. Ailəlidir, 3 oğlu var. Hər üçü də ali təhsil alıb.
Möhlət Nəzərov hazırda Tərtər rayonunun Qızıloba kənd İnzibati Ərazi Dairəsi üzrə icra nümayəndəsi işləyir. Deyir ki, ermənilər kəndimizi və bizə qonşu olan İlxıçı, Güllücə, Papravənd kəndlərini tez-tez atəşə tuturdular. Məcbur qalaraq kənddən axşam saat 5 radələrində çıxıb, Ağdərənin Seysulan kəndinə gəldik. Orada 10-15 gün qaldıq. Daha ətraflı »

MASALLI RAYONUNDA ÇIXAN “YENİ HƏYAT” QƏZETİNİN KOLLEKTİVİNƏ

Əziz həmkarlarımız! Azərbaycanın müasir media məkanında rayon qəzetlərinin özünəməxsus yeri var. Bu mətbu orqanları bölgənin, rayonun həyatını işıqlandırmaqla, bir növ tarixini yazırlar. 85 illik mənalı və şərəfli yol keçmiş Masallı rayon qəzeti də bu baxımdan bütün dövrlərdə üzərinə düşən missiyanı layiqincə yerinə yetirib. Kolxoz quruculuğu illərində işıq üzü görən qəzet sərt sovet rejimi dövründə də, bu gün də milli mətbuatımızın ənənələrinə, “Əkinçi” ilə başlanan yola sadiqlik göstərib. “Yeni həyat”ın indiki nüsxələrini oxuduqca biz bunun şahidi oluruq.
Sevimli dostlar! Yubileyiniz münasibəti ilə sizləri ürəkdən təbrik edirik! Kollektivinizin hər bir üzvünə cansağlığı, yeni yaradıcılıq uğurları arzulayırıq. Daim qələminiz iti, sözünüz kəsərli olsun. Azərbaycanımızın, onun gözəl guşəsi olan Masallının yeni həyatından bəhs edən yazılarınızla qəzetin oxucularını sevindirəsiniz.
Gün o gün olsun ki, hazırda işğal altında olan torpaqlarımızdan və didərgin soydaşlarımızın öz doğma yurd-yuva-larına qayıtma sevinclərindən birgə yazılar hazırlayaq. Cocuq Mərcanlının sağ əli bizim digər dağılmış obalarımızın başına!

Hörmətlə: Tərtərdə çıxan “Yeni Tərtər” qəzetinin kollektivi

AZƏRBAYCAN MƏTBUAT ŞURASI ALXANLIDA YAŞANAN FACİƏ İLƏ BAĞLI BƏYANAT YAYIB

Şura dünyanın media ictimaiyyətinə çağırış edib

Azərbaycan Mətbuat Şurası 4 iyul 2017-ci il tarixdə Ermənistan silahlı qüvvələrinin Füzuli rayonunun Alxanlı kəndini atəşə tutması nəticəsində mülki şəxslərin – Allahverdiyeva Sahibə İdris qızının, onun nəvəsi 2 yaşlı Quliyeva Zəhra Elnur qızının həlak olması, Quliyeva Sərvinaz İltifat qızının isə yaralanması faktı ilə bağlı bəyanat yayıb. Dünyanın me-dia ictimaiyyətinə ünvanlanmış bəyanatda bildirilir:
“Azərbaycan və Ermənistan arasında atəşkəs müqaviləsinin imzalandığı 1994-cü ildən bu günədək erməni tərəfi bu razılaşmanı daim pozub, üzərinə götürdüyü öhdəlikləri yerinə yetirməyib. Azərbaycan-Ermənistan qoşunlarının təmas xəttindəki gərginlik halları, atəşkəsin pozulması faktları zaman-zaman dünyanın media ictimaiyyətinin də diqqət mərkəzində olub.
Ermənistan silahlı qüvvələrinin hücumları nəticəsində azərbaycanlı mülki şəxslər qətlə yetirilib, xəsarətlər alıb, onların əmlakları dağıdılıb, bir sözlə insan faciələri yaşanıb.
Belə faciələrdən biri iyulun 4-də erməni hərbi birləşmələrinin Füzuli rayonunun Alxanlı kəndini atəşə tutması nəticəsində bir daha yaşandı. Allahverdiyeva Sahibə İdris qızı, onun nəvəsi 2 yaşlı Quliyeva Zəhra Elnur qızı həlak oldular, daha bir mülki vətəndaş Quliyeva Sərvinaz İltifat qızı yaralandı. Daha ətraflı »

Tərtər rayon dindarları iyulun 4-də Ermənistan silahlı qüvvələri tərəfindən Azərbaycanın Füzuli rayonunun Alxanlı kəndinin atəşə tutulması nəticəsində mülki şəxslərin həlak olması ilə əlaqədar bəyanat verib.
Tərtər Cümə Məscidi Dini İcmasından AZƏRTAC-a daxil olan bəyanatda deyilir: “İyulun 4-ü axşam erməni silahlı bölmələrinin Füzuli rayonunun Alxanlı kəndini atəşə tutması nəticəsində iki yaşlı Zəhra Quliyevanın və onun nənəsi Sahibə Allahverdiyevanın həlak olması bütün Azərbaycan xalqı kimi biz cəbhə bölgəsində yaşayan sakinlərin, eləcə də Tərtər dindarlarının da etirazına səbəb olub.
Ermənistan silahlı bölmələri atəşkəs rejimini mütəmadi olaraq pozur, təmas xəttinə yaxın yaşayış məntəqələrini atəş altında saxlayır. Ermənistan ordusunun ötən ilin aprel ayında Tərtər rayonunun yaşayış məntəqələrini atəşə tutması nəticəsində Həsənqaya kəndində yaşayan 16 yaşlı Turanə Həsənova da həlak olmuşdu. Nə 2 yaşlı Zəhra, nə də 16 yaşlı Turanə döyüşən əsgər deyildilər. Göründüyü kimi, Ermənistan ordusu vandalizm nümayiş etdirir, günahsız insanların, qadınların, uşaqların qanını tökməkdən çəkinmirlər. Daha ətraflı »