Hacıqərvənd kənd İnzibat Ərazi Dairəsi üzrə nümayəndəlik rayonumuzun iri yaşayış məntəqələrindən biri olmaqla ərazisi 1271 hektar, yerli əhalisi 2867 nəfər, ailə təsərrüfatlarının sayı 686-dır. Ərazidə 247 nəfərdən ibarət 79 məcburi köçkün ailəsi məskunlaşmışdır.
Bu günlərdə keçirilən hesabat yığıncağında rayon icra hakimiyyəti başçısının Hacıqərvənd kənd İƏD üzrə nümayəndəsi Vəli Əliyevin ötən il ərzində görülən işlər barədə hesabatı dinlənilib və qarşıda duran vəzifələr müzakirə edilib. Daha ətraflı »

Dəmirçilər kənd İnzibati Ərazi Dairəsi Dəmirçilər və Ağkənd kəndlərini əhatə edir. Burada keçirilən hesabat yığıncağında nümayəndə Zəqəm Ağayev göstərib ki, bu iki kənddə təsərrüfatların sayı 510, ərazi vahidinin sahəsi 1810 hektar, əhali 2141 nəfərdir. Sakinlərin əsas məşğuliyyəti əkinçilik və maldarlıqdır. Əkin sahəsi 664 hektardır. Ötən ilin yay mövsümündə suyun ermənilər tərəfindən kəsilməsi işdə çətinliklər yaratsa da adamların ciddi cəhdi nəticəsində əkin sahələrinə qayğı ilə qulluq edildi, buğda, arpa, yazlıq bitkilər sahələrindən və yoncalıqlardan kifayət qədər məhsul tədarük olundu. Əldə olunan məhsullar əvvəlki illə müqayisədə xeyli çoxdur. Daha ətraflı »

Rayonumuzun yaşıllaşdırılması işlərində həvəslə çalışan kollektivlərdən biri də subartezian quyularının istismarı idarəsidir. Bu günlərdə rəhbəri və təsisçisi Heydər Əliyev Fondunun vitse-prezidenti Leyla Əliyeva olan Ətraf Mühitin Mühafizəsi üzrə Beynəlxalq Dialoq Təşəbbüsü–İDEA çərçivəsində ağacəkmə kampaniyasına qoşulan kollektivin 42 nəfər üzvü “Tərtər-Bərdə” magistral yolu-nun sol kənarında ağacəkmə aksiyasında iştirak edib. Onların qüvvəsi ilə burada 100 ədəd Eldar şamı, 400 ədəd Krım gülü və 250 ədəd müxtəlif meyvə ağacları əkilib.
* * *

Tərtər rayon Əhalinin Sosial Müdafiəsi Mərkəzinin və Məşğulluq Mərkəzinin əməkdaşları rayonumuzda yeni istifadəyə verilmiş 54 mənzilli yaşayış binasının həyətinin abadlaşdırılmasında yaxından iştirak ediblər. Keçirilən bir neçə iməcilik zamanı binanın qarşısında 100 ədədə yaxın Eldar şamı əkilib.

Mövzu ilə bağlı Heydər Əliyev Mərkəzində “Dəyirmi masa” keçirildi.
Tədbirdə rayonun idarə və müəssisələrində çalışan fəal YAP üzvləri iştirak etdilər.
İstirakçılar öncə Ulu Öndərin büstünü ziyarət edərək, önünə gül dəstələri qoydular. Daha ətraflı »

Tərtər şəhərinin Mərkəzi Meydanında
Azərbaycan xalqının Ümummilli Lideri Heydər Əliyevin anım mərasimi keçirilib. Tədbir iştirakçıları əvvəlcə Ulu Öndərin abidəsinin önünə gül-çiçək dəstələri qoyublar. Daha ətraflı »

Rayonumuzun bir sıra kəndləri kimi bizim Köçərli kəndinə də qaz çəkilişi işləri davam etdirilir. Kən-dimizin 390 təsərrüfatında 1700 nəfər əhali yaşayır. Sahə rəisi Elşad Məmmədov və iş icraçısı Çingiz Həsənov bildirdilər ki, qaz çəkilişini “Alıbəyli UY” şirkəti həyata keçirir. Çəkiliş zamanı 108, 76 və 57 diametrli dəmir borulardan istifadə olunur. Hər küçəyə qaz çəkilən zaman evlərə sayğac qoyulur, tənzimləyici quraşdırılır.
Şirkətin işçiləri yeni il bayramınadək kəndin qazlaşdırılmasını başa çatdırmaq üçün var qüvvə ilə çalışırlar.

Ziyəddin Nəcəfov

Köçərli kənd sakini

Şəhərimizin Ədalət Paşayev küçəsindəki 5 mərtəbəli 30 mənzilli yaşayış evinin dam örtüyü dəyişdirilərək yenidən qurulur.
Rayonda aparılan tikinti-quruculuq işlərindən bizə məlumat verən Tərtər RİHB aparatının memarlıq və tikinti şöbəsinin müdiri – baş memar Tofiq Kərimov bildirdi ki, adıçəkilən yaşayış binasının dam örtüyü dəyişdiriləndən sonra bu iş Qafur Məmmədov küçəsindəki 5 mərtəbəli yaşayış binasında görüləcək

Cari ilin iyun ayında Tərtər şəhərinin və ətraf 11 kəndin içməli su və kanalizasiya sisteminin tikintisi layihəsinin icrasına başlanıb. Layi-hədə 110 km icməli su və 110 km kanalizasiya xətlərinin çəkilməsi nəzərdə tutulmuşdur. Hazırda şəhə-rin 13 küçəsində qazıntı və quraşdırma işləri aparılıb, 25974 metr magistral kanalizasiya xətti, 12363 metr magistral su xətti çəkilib. Tutumu 5000 kubmetr olan su anbarının tikintisi davam etdirilir. Anbara 1200 metr su xətti çəkilib. Anbardan şəhərə gələn su xəttinin 500 metrdən çox hissəsi işlənib.

Şəhərimizin Heydər Əliyev prospektindəki
ümumi sahəsi 1400 kvadratmetr olan 3 mərtəbəli şahmat məktəbində və Nizami küçəsindəki ümumi sahəsi 1200 kvadratmetr olan 2 mərtəbəli, 100 yerlik körpələr evi-uşaq bağçasında tamamlama işləri aparılır. Hər iki binanın yeni ilqabağı istifadəyə verilməsi nəzərdə tutulur.

Tərtərdə Beynəlxalq Əlillər Gününə həsr olunmuş tədbir keçirilib. Tədbirdə müxtəlif kateqoriyadan olan 120 nəfər əlil iştirak edib. Daha ətraflı »