-XX yüzilliyin sonlarında SSRİ-nin süquta uğraması ilə yaranan əlverişli tarixi şərait və taleyin bəxş etdiyi imkan nəticəsində Azərbaycan xalqı XX yüzillikdə ikinci dəfə müstəqillik bayrağını qaldırdı. Bu, xalqımızın siyasi tarixində XX əsrdəki ikinci parlaq qələbəsi idi.
Rusiyadakı demokratik qüvvələrin fəaliyyəti nəticəsində respublikalarda da mərkəzdən qaçma, öz suverenliyinə qovuşmaq istəkləri qarşısıalınmaz həddə çatdı. Belə şəraitdə Azərbaycan Respublikası Ali Sovetinin xalqın tələbi ilə çağırılmış növbədənkənar sessiyasında 1991-ci il avqustun 30-da Azərbaycan Respublikasının dövlət müstəqilliyini bərpa etmək haqqında bəyannamə qəbul edildi.
Azərbaycan Respublikasının Ali Sovetinin həmin ilin 18 oktyabr tarixli sessiyasında “Azərbaycan Respublikasının Dövlət müstəqilliyi haqqında” Konstitusiya Aktı yekdilliklə qəbul edildi.
Azərbaycan Respublikasında dekabrın 29-da ümumxalq səsverməsi keçirildi. Azərbaycan xalqı yekdilliklə respublikanın dövlət müstəqilliyinə tərəfdar çıxdı.
1992-ci ilin mayında Milli Məclis tərəfindən Azərbaycan Respublikasının Dövlət himni (musiqisi Üzeyir Hacıbəylinin, sözləri Əhməd Cavadın), az sonra üçrəngli bayraq, içində alov olan səkkiz guşəli ulduz təsvirli dövlət gerbi təsdiq edildi.
1991-ci il oktyabrın 18-dən Azərbaycan müstəqil, suveren bir ölkədir və xalq bu tarixi bayram kimi qeyd edir.

Qətl hadisələri dünyanı bürüyüb. Müharibələr, təbii fəlakətlər, terrorçuluq, narkomanlıq azıymış kimi, bir tərəfdən də insan insanı qətlə yetirir, heç “uf!” da demir. Ələlxüsus da doğmalar bir-birinin qatili olur–ər-arvadını öldürür, qardaş-bacısını, oğul ata-anasını, ata-ana öz övladını… Dəhşətdir! Bunlar necə baş verir, adam doğmasını necə öldürə bilir, necə əlləri gəlir?! Gərək ürəyin daş olsun ki, bir canlını məhv edəsən, gözü baxa-baxa bir insanı öldürəsən. Ölüm anında o dəhşətli baxışlar, o uçunmalar, o qorxunc və tükürpədici səslər xəyalıma gəldikcə, əsməcə tutur məni, tüklərim biz-biz olur. Elə bunlara görədir ki, ömrümün bu çağına qədər bir toyuq başı kəsməmişəm, bir canlını, qarışqa olsa da, öldürməyə ürək eləməmişəm, gül-çiçəyi, yaşıl otu tapdalamağa cürətim çatmayıb; kimsə bir ağac budağı sındıranda pis olmuşam, hamısı canlıdır, axı! Tanrının yaratdığını insan necə məhv edə bilər, ömrünə necə son qoya bilər?! Bu, Allah dərgahında böyük günah sayılır. Hətta insan özü-özünə qəsd edəndə, yəni özü-özünü öldürəndə belə Yaradan onu bağışlamaz, onun yeri birbaşa cəhənnəm olar. Daha ətraflı »

Tamamilə aydındır ki, Azərbaycan Respublikasının tərəqqisi yolunda başlıca maneə Ermənistan Respublikasının ona qarşı ərazi iddiası səbəbindən yaranmış və genişmiqyaslı hərbi təcavüzlə nəticələnən Ermənistan Azərbaycan münaqişəsidir. Buna görə də dövlətin apardığı xarici siyasət məhz Azərbaycan Respublikasının ərazi bütövlüyünün bərpa edilməsi və erməni hərbi təcavüzünün ağır nəticələrinin aradan qaldırılması məsələsinə xüsusi diqqət yetirməkdədir.
Məlum həqiqətdir ki, bugünkü Ermənistan-Azərbaycan münaqişəsinin dərin tarixi kökləri vardır. Əsası XIX əsrin əvvəllərində Rusiya İmperiyası tərəfindən işğal olunmuş Azərbaycan torpaqlarına ermənilərin köçürülməsilə qoyulmuş bu proses 1905-1906 və 1918-1920-ci illərdə azərbaycanlıların qəddar kütləvi terror və qanlı soyqırıma məruz qalması mərhələlərindən keçmişdir. Sonralar isə sovet dövründə əzəli Azərbaycan torpaqları hesabına orada əsrlər boyu yaşamış azərbaycanlılara qarşı etnik təmizləmənin aparılması yolu ilə indiki Ermənistan Respublikasının sələfi olan Ermənistan SSR yaradılmış və Azərbaycan SSR-in tərkibində onun Mərkəzi İcraiyyə Komitəsinin 7 iyul 1923-cü il tarixli qərarı ilə Dağıq Qarabağ Muxtar Vilayəti təşkil olunmuşdur.

1987-ci ilin axırlarından o vaxt üçün son olaraq Ermənistan SSR-də qalan 250 minə qədər Azərbaycan əhalisinin planlaşdırılmış qovulmasının başlanması ilə Ermənistan-Azərbaycan münaqişəsinin müasir mərhələsinə təkan verilmişdir. 1988-ci ilin 20 fevral tarixində isə Dağlıq Qarabağ Muxtar Vilayətinin Vilayət Şurasının sessiyasında erməni nümayəndələrinin qəbul etdiyi “DQMV-nin Azərbaycan SSR-in tərkibindən Ermənistan SSR-in tərkibinə verilməsi barədə Azərbaycan SSR və Ermənistan SSR Ali Sovetlərinə müraciət haqqında” qərarı və 1989-cu il dekabrın 1-də Ermənistan SSR-in Ali Sovetinin indiyəcən ləğv edilməmiş “Ermənistan SSR və Dağlıq Qarabağın yenidən birləşdirilməsi haqqında” qətnaməsi qəbul edilmişdir. Daha ətraflı »

KİMLƏR GƏLDİ, KİMLƏR GETDİ…

Əliyev Qabil Cəlil oğlu “Tərtər Özünümüdafiə Batalyonu”na müraciət edəndə hamı tərəddüd etmişdi. Komandanlıq tərəfindən– “sizin həm yaşınız, həm də uşaqlarınız çoxdur”–demişdilər. Lakin bu inadkar insan əqidəsindən dönmür, 1993- cü il noyabr ayının 7-də hərbi hissəyə qəbul edilir. O gündən bir əsgər kimi vətənin müdafiəsinə qalxır və mənfur ermənilərə qarşı batalyonun digər üzvləri kimi mübarizə aparır.
Qabil Əliyev döyüşə qoşulmamışdan əvvəl ailəsini dolandırmaq üçün yaşadığı doğma Sarıcalı kəndində, sonralar isə Bərdə rayonundakı 32 saylı səyyar mexanikləşdirmə idarəsində fəhlə işləmişdi. Onun ailəsində 5 övlad böyüyürdü. Oğlu Loğman, qızları Əsmər, Ruhiyyə, Məhəbbət və Səbinə. Loğman isə anadangəlmə əlil idi.
Qabil gündüzləri fəhləçiliyini etsə də, evə gələndə həyət-bacada çalışar, doğmalarının qayğıları ilə məşğul olardı. Bəzən ailə-nin ağırlığını nəzərə alaraq həyat yoldaşı Kəkliyin üzərinə çox yük düşməsin deyə, çöl işlərinə özü gedər, “sən get ev işlərinlə məşğul ol”– deyərdi. Beləcə baş-başa verib uşaqlarının gələcəyi üçün çalışardılar. Bəzən də qonum-qonşunun Qabilə işi düşərdi. İşığı yanmayanın işığını düzəldər, ehtiyacı olanın işinə əl atardı. Necə deyərlər, əlindən beli, baltası, kəlbətini düşməzdi. Kənddə hamı onu sadə, zəhmətkeş bir insan kimi tanıyardı.
Mənfur ermənilərin Qarabağ savaşı başlayanda Qabil kişi çox düşünüb-daşınır. “Hamının evindən bir nəfər də olsa Vətənin müdafiəsinə qoşulur. Bəs, mən niyə getməyim?”–deyə düşünərdi. Nəhayət, qəti qərar verir. Lakin 4 qızının, əlil oğlunun və ailəsinin qayğıları daim onu narahat edir.
Artıq özünümüdafiə batalyonuna yazıldığı vaxtdan bir neçə ay keçmişdi. Əməliyyatları yerinə yetirib qayıdanda və yaxud da döyüş tapşırığına yollanmazdan əvvəl ailəsinə baş çəkər: “Darıxmayın, hər şey yaxşı olacaq, qorxmayın! Yuyulub üstünüzə hazır gələcəm”–deyərdi. Həyat yoldaşı Kəklik onun dediyi sözlərin mənasını anlasa da uşaqları qorxutmamaq üçün fərqinə varmırdı. Evin kişisini arxayınlıqla yola salıb, yaxşı yol diləyərdi. Daha ətraflı »

ÖMRÜN CƏSURLUQ YOLU

1994-cü ilin sonları idi. Adəti üzrə Qarabağ müharibəsi iştirakçılarından yazmalı idim. Onun üçün Qarabağ əlliləri cəmiyyətinə zəng etdim və bir nəfər döyüşçünün barəsində yazacağımı bildirdim. Heç 10 dəqiqə çəkmədi”, 2 nəfər redaksiyaya gəldi. ( O vaxt redaksiya ilə əlillər cəmiyyəti yaxın binalarda yerləşirdi). Gələnlərdən biri Akif Lalayev, digəri cəmiyyətin o zamankı sədri İlham Mustafayev idi. Bir qədər söhbətdən sonra Akif Lalayevin savadlı, intellektli döyüşçü olmasına, İlham Mustafayevin boy-buxununa, şəxsiyyətinə, heyrət etdim…
Bu gün o döyüşçülərdən biri–İlham Mustafayevlə üz-üzə oturmuşuq. O zamankı İlhamla bu günkü İlhamı müqayisə edirəm.
Vətənimiz, torpaqlarımız uğrunda bir gözünü, bir qolunu, ayaq barmaqlarından birini itirmiş, üz-gözündə dəhşətli müharibənin çapıqları varıydısa da cavan görünürdü. Bu gün isə onun görkəmində son 25 ilin izləri hiss olunur. Sanki, danışığı, əsəbi də dəyişib. Bu gün İlhamdan yazmağımın əsas səbəbi ölkə Prezidenti İlham Əliyevin sərəncamı ilə onun “Azərbaycan Bayrağı” ordeni ilə təltif edilməsi oldu. Yenidən döyüş günlərini yada saldıq, ona göstərilən dövlət qayğısından danışdı.
İlham Mustafayev:
–1990-cı ildə Özünümüdafiə Batalyonları təşkil olunanda mən də kəndimizdə yaradılmış “Cəmilli” Özünümüdafiə Batalyonuna yazıldım.
. İlk müdafiə döyüşümüz “Torpaq təpə” deyilən ərazidən başladı. Batalyona tapşırıq verilmişdi ki, Şikar Şikarovu düşmənlər vurub, onun cəsədi döyüş ərazisində qalıb, mütləq çıxarmaq lazımdır. Batalyon döyüşçüləri ilə bərabər verilən əmri yerinə yetirdik. Cəsədi çıxararaq Tərtər hospitalına təhvil verdik.
İkinci əməliyyat Səhlabad kəndi istiqamətində oldu. Rahilə Orucovanın cəsədini çıxarmaq lazım idi. Bu tapşırığı da yerinə yetirdik. Daha ətraflı »

1. Azərbaycan Resbublikasının Baş Prokurorluğu-161
2. Daxili İşlər Nazirliyi – 102
3. Vergilər Nazirliyi – 195
4. Fövqəladə Hallar Nazirliyi – 112
5. İqtisadi İnkişaf Nazirliyi – 195-2
6. Dövlət Gömrük Komitəsi – 192
7. Tələbə Qəbulu üzrə Dövlət Komissiyası – 141
8. Təhsil Nazirliyi – 146
9. Əmlak Məsələləri üzrə Dövlət Komitəsi – 193
10. Dövlət Miqrasiya Xidməti – 919
11. Ədliyyə Nazirliyi – 539 76 75
12. Azərişıq – 440 29 21
13. Əmək və Əhalinin Sosial Müdafiəsi Nazirliyi – 142
14. Səfərbərlik və Hərbi Xidmətə Çağırış üzrə Dövlət Xidməti – 9100
15. Azərbaycan Respublikasının Dövlət Sosial Müdafiə Fondu – 190
16. Azərbaycan Respublikası Rabitə və Yüksək Texnologiyalar Nazirliyi – 1655
17. Baş Dövlət Yol Polisi İdarəsi – 902
18. Daşınmaz Əmlakın Dövlət Reyestri Xidməti – 148

AZƏRBAYCAN PREZİDENTİ İLHAM ƏLİYEV TƏRTƏR MƏKTƏBLİLƏRİ ARASINDA(3 DEKABR 2016-cı il)

Hörmətli Tərtərlilər!
2019-cu il oktyabrın 1-10 tarixlərində ölkədə əhalinin siyahıyaalınması keçiriləcəkdir.
Siyahıyaalma prosesində hər birimizin faydalı əməkdaşlığı yaşadığımız cəmiyyətin inkişafı naminə ödəyə biləcəyimiz mənəvi borcla yanaşı, yerinə yetirməli olduğumuz məcburi öhdəlikdir. Məhz belə əməkdaşlıq nəticəsində toplanan mötəbər məlumatlar əsasında qurulacaq gələcək həyatımız bizim siyahıyaalmaya olan ciddi münasibətimizdən asılıdır.
Siyahıyaalmanın gedişinə şəxsi həyata aid bütün fərdi məlumatlar qorunacaq və konfidensiallıq təmin ediləcəkdir.

TƏRTƏR RAYON STATİSTİKA İDARƏSİ

Tərtər şəhər İƏD-də növbəti yığıncaq keçirildi. Yığıncaqda şəhər nümayəndiliyi üzrə məktəbəqədər müəssisələrin nümayəndələri iştirak edirdi. Tədbirdə YAP üzvlərinin boy sırasının artırılması müzakirə edildi. Məsələ barəsində şəhər icra nümayəndəsi Sahib Həsənov geniş məruzə ilə çıxış etdi.
Məruzəçi əvvəlcə Tərtər rayonunda Yeni Azərbaycan Partiyasının yaranma tarixindən, partiya sıralarına ilk daxil olan üzvlərdən və partiyanın keçdiyi keşməkeşli yollardan danışdı. Bildirdi ki, ulu öndər Heydər Əliyevin rəhbərliyi ilə yaradılmış Yeni Azərbaycan Partiyası xalq partiyasına, Azərbaycanın nicat partiyasına çevrildi. 1990-cı illərdəki hərc-mərclik, xaos, insanların çətinlik içərisində yaşaması hər kəsin yadındadır. Saatlarla çörək, ərzaq növbəsində dayanmaq, insanlar arasında ixtişaş, nifaq dinc əhalinin narahatlığına və narazılığına səbəb olurdu.
Artıq bütün çətinliklər arxada qalıb. Nəinki Yeni Azərbaycan Partiyasının üzvləri, o cümlədən, bütün xalqımız xoşbəxt və firavan həyat yaşamaqdadır. Gündən-günə həyata keçirilən infrastruktur layihələr, yenidənqurma işləri, abadlaşan şəhər və kəndlər insanların xoşbəxt yaşaması üçün stimuldur.
Əlbəttə, bu firəvanlığı gözü götürməyən müxalif qüvvələr var ki, qarayaxma və qərəzli kompanyalarının qarşısını almaq üçün Yeni Azərbaycan Partiyası üzvlərinin boy sıralarının artırılması ilə nail ola bilərik. Bu sahədə gənc nəslin üzərinə böyük vəzifələr düşür. Çünki Azərbaycan ağıllı, savadlı, dünyagörüşlü gənclərimizlə inkişaf edib, yaşayacaqdır. Daha ətraflı »

Tərtər Rayon Statistika İdarəsi və rayon icra hakimiyyəti əhalinin siyahıyaalınmasına yardım komissiyasının birgə təşkilatçılığı ilə rayonda keçiriləcək əhalinin siyahıyaalınmasına cəlb edilən işçilərlə ümumrayon toplantısı keçirildi. Tədbiri giriş sözü ilə rayon icra hakimiyyəti başçısının birinci müavini Ramiz Şabanov açdı. O, siyahıyaalmanın ciddi və aktual bir proses olduğunu, cəmiyyətin həyatında mühüm əhəmiyyət kəsb etdiyini bildirərək siyahıyaalmanın aparılması qaydalarından geniş danışdı.
Rayon statistika idarəsinin rəisi Ədalət Məmmədov çıxış edərək bildirdi ki, siyahıyaalmanın keçirilməsi Azərbaycan Respublikası Dövlət Statistika Komitəsinə tapşırılıb. Komitə tərəfindən hazırlanan təqvim planına əsasən rayonda əhalinin siyahıyaalınmasına hazırlıq işləri müvəffəqiyyətlə yerinə yetirilib.
Siyahıyaalma qrupu rəhbərinin rayon üzrə nümayəndəsi Reyhan Məmmədova çıxış edərək toplantı iştirakçılarına siyahıyaalma vərəqəsi, sorğu vərəqəsi və siyahıyaalmaya aid digər sənədlərin tərtib edilməsinə dair geniş izahat verdi.
Rayon üzrə siyahıyaalmaya yardım komissiyasının sədri Ramiz Şabanov toplantıya yekun vurdu.