11Dek
![1446533742140895168_1000x669](http://www.yeniterter.com/wp-content/uploads/1446533742140895168_1000x669-1-300x225.jpg)
Buruc kəndində işgüzar, işini yaxşı bilən əmək adamlarından biri də fermer Rövşən Kərimovdur. O, kənddə həm heyvandarlıqla məşğul olur, həm də bağçılıqla. Hər iki sahədən də daim yüksək məhsuldarlığa nail olur. Rövşən təsərrüfataında 150 baş ana qoyun bəsləyir. Həmişə də deyir ki, bu, bizim ata-baba məşğuliyyətimizdir. Ailəmizin bütün xərclərini bu hesaba təmin edirik.
Qoyunların normal bəslənməsi üçün həyətində hər çür şəraiti olan müasir tipli tövlə tikdirib.
Buruc Bələdiyyəsinin sədri Sərdar Aslanov bildirdi ki, Rövşən qoyunçuluqla yanaşı həm də 4 hektar sahədə xurma bağı əkib becərir. Bağda ağaclara vaxtlı-vaxtında aqrotexniki qaydalar əsasında qayğı ilə qulluq edildiyinə görə, 4 hektar xurma bağından 20 ton keyfiyyətli məhsul yığılıb.
Mirzə NƏSİR
Teqlər: Kənd təsərrüfatı
11Dek
Təsərrüfatımızda öz işini bilən, əkin-biçindən yaxşı baş çıxaran əmək adamları çoxdur. Elə buna görə də fermerlərimiz bu il becərdikləri 245 hektar taxıl sahələrinin hər hektarından 38 sentner, 255 hektar arpa sahələrinin isə hər hektarından 37 sentner məhsul götürdülər. Bu işdə fermerlərimizdən Fazil Vəliyev, Habil İbrahimov, Rüstəm Quliyev, Sadiq Məmmədov və başqaları xüsusi fəallıq göstərmişlər.
İlin payız fəsli öz ömrünü başa vurmaq üzrədir. Bu günlər sahələrdə torpaq şumlayan, dırmıqlayan, səpin aparan müxtəlif markalı traktorların aramsız səsi gecə-gündüz kəsilmir. İndiyədək 330 hektar sahəyə arpa, 195 hektara isə məhsuldar buğda toxumu səpilib.
Yuxarıda adları çəkilən fermerlər yenə də növbəti ilin məhsulu üçün tarlalarda arpa-taxıl səpinini davam etdirirlər.
Mexanizatorlar Şahin Vəliyev, Elşad Nəsibov, İslam Məmmədov, Talıb Musayev və başqaları sahələrdə payız şumu qaldırdıqdan sonra gələn ilin bol məhsulunun bünövrəsini qoyur, səpin aparırlar. Daha ətraflı »
Teqlər: Kənd təsərrüfatı
11Dek
Tərtər rayon statistika idarəsindən AZƏRTAC-a bildiriblər ki, bu günədək rayon üzrə 12 min 503,7 hektar sahədə şum qaldırılıb, 9295,6 hektarda taxıl, o cümlədən 6102,2 hektarda buğda, 3069,5 hektarda dən üçün arpa, 123,9 hektarda yaşıl yem üçün xəsil arpa səpilib.
Tərtər taxılçıları səpini optimal müddətdə başa çatdırmaq üçün bütün qüvvələri səfərbər ediblər. Səpin kampaniyasına lazımi qədər traktor, taxılsəpən aqreqat, mala və digər texnika cəlb edilib.
Rayonda digər kənd təsərrüfatı bitkilərinin də səpini aparılır. Belə ki, gələn ilin məhsulu üçün bu günədək 38,93 hektarda baş soğan, 82,8 hektarda sarımsaq, 532,5 hektarda təzə yonca, 8 hektarda digər bitkilər əkilib.
Teqlər: Kənd təsərrüfatı
11Dek
![DSC_4678](http://www.yeniterter.com/wp-content/uploads/DSC_4678-300x225.jpg)
Kənd şəraitində təsərrüfatın gəlirli sahələrindən biri də maldarlıqdır. Artıq xeyli vaxtdır ki, ailəlikcə bu sahə ilə məşğul oluruq.
Hazırda həyətimizdə müasir üslubda inşa etdiyimiz tövlədə 20 baş mal saxlayırıq. Onların 17 başı ana inəklərdir. İlin yaz-yay fəsillərində hər gün inəklərdən 150-170 kiloqram süd sağıb zavoda təhvil veririk.
Hal-hazırda havaların soyuması ilə əlaqədar olaraq süd istehsalı azalıb. Ana inəklərdən 9-10 baş bala gözlənilir. Bundan sonra süd istehsalı artacaq.
Hər il mal-qaranı qışdan sağ-lam və gümrah çıxarmaq üçün 5-6 hektar sahədə yonca, 2,5-3 hektar sahədə arpa əkib-becəririk. Bu il yoncalıqlardan 7 mindən çox kip bağlatdıdıb, yığmışıq. Yem üçün arpa da kifayət qədərdir.
Təsərrüfat işlərində mənə ailə üzvlərimlə yanaşı qardaşım Zabil Əliyev, sağıcılar Zərifə Abbasova, Yaqut Pirməm- mədova və başqaları yaxından köməklik göstərirlər.
Qışa əvvəlcədən ciddi hazırlıq işləri görmüşük.
Qabil ƏLİYEV,
İlxıçılar kənd sakini, fermer
Teqlər: Kənd təsərrüfatı
30Noy
TƏRTƏRİN YENİ, FİRAVAN HƏYATI BAŞLAYIB
![14482701775951739458_1000x669](http://www.yeniterter.com/wp-content/uploads/14482701775951739458_1000x669-300x190.jpg)
Müstəqillik illəri Azərbaycanın bütün bölgələrini tanınmaz dərəcədə dəyişdirib. O cümlədən Tərtər rayonu daha da gözəlləşib. Ən başlıcası isə, bizi ən çox narahat edən problemlər –əhalinin elektrik enerjisi, qaz və içməli su ilə təchizatı məsələləri həll olunub. İnsanların rahat yaşaması onların işgüzarlığını, doğma yurdu abadlaşdırmaq həvəsini qat-qat artırıb.
Tərtərdə son illərin yeni tikintilərini saymaqla qurtaran deyil. Bunların hamısı–yeni şahmat məktəbi, tarix-diyarşünaslıq muzeyi, məktəblər, uşaq bağçası və digərləri həyatımızı daha da mənalandırıb. Amma son illərin bir böyük tikinti layihəsi var ki, bu gün təkcə rayonumuzda deyil, respublikamızın hər yerində bu barədə danışırlar. Bu, Tərtərin ərazisində, Şıxarx qəsəbəsində qaçqın və məcburi köçkünlər üçün salınan iri qəsəbədir. Bura gələndə, hündür çoxmərtəbəli yaşayış binalarının arasında rayon yerində olduğunu unudursan. Möhtəşəm orta məktəb binasını, musiqi məktəbini, uşaq bağçasını görənlər heyranlıqlarını gizlədə bilmirlər. Həqiqətən, çox az bir vaxt ərzində dövlət başçısının tapşırığı əsasında burada əsl şəhər tipli nümunəvi bir qəsəbə salındı. Daha ətraflı »
Teqlər: Kənd təsərrüfatı
10Noy
2017-ci ilin ilin 9 ayı ərzində rayonda kənd təsərrüfatının ümumi məhsulunun faktiki qiymətlərlə dəyəri 52 milyon 117,5 min manat təşkil etmişdir. Onun 37,7 faizi və ya 19 milyon 660,3 min manatı heyvandarlıq məhsullarının hesabına formalaşır.
Kənd təsərrüfatında heyvandarlıq bitkiçiliyə nisbətən daha stabil olması ilə xarakterizə olunur. Son illər bu sahə daha dinamik və intensiv inkişaf edir. 2017-ci ilin 9 ayı ərzində rayonda diri çəkidə 2170,2 ton ət, 17612,4 ton süd, 7 milyon 850 min ədəd yumurta istehsal edilmiş və 131,2 ton qoyun yunu qırxılmışdır. 2016-cı ilin müvafiq dövrünə nisbətən diri çəkidə ət istehsalı 36,7 ton və ya 1,7 faiz, süd istehsalı 2311,4 ton və ya 15,1 faiz, yumurta istehsalı 180 min ədəd və ya 2,3 faiz, yun istehsal 6,6 ton və ya 5,3 faiz artmışdır. Daha ətraflı »
Teqlər: Kənd təsərrüfatı
10Noy
![pomidor-dlya-volos](http://www.yeniterter.com/wp-content/uploads/pomidor-dlya-volos-300x220.jpg)
Son illərdə respublikamızda Prezident İlham Əliyevin diqqət və qayğısı nəticəsində qeyri-neft sektorunun, xüsusən də aqrar sahənin inkişafında böyük nailiyyətlər əldə olunub. Bir il ərzində kənd təsərrüfatı, o cümlədən tərəvəz məhsullarının istehsalına dair respublika müşavirələrinin keçirilməsi, həmin sahələrin inkişafı ilə bağlı dövlət proqramlarının qəbulu aqrar sahədə böyük dəyişikliklərə səbəb olub.
Bununla yanaşı, kənd təsərrüfatı məhsulları istehsalçılarına əkin sahələrində istifadə etdiyi yanacaq və motor yağlarına, habelə təkrar əkinlərə görə dövlət büdcəsinin vəsaiti hesabına hər hektar üçün 50 manat məbləğində subsidiyanın verilməsi tərəvəzçiliyin inkişaf etdirilməsində stimul yaradıb. Daha ətraflı »
Teqlər: Kənd təsərrüfatı
20Okt
Kənd haqqında bəzi məlumatlar
![DSC_5499](http://www.yeniterter.com/wp-content/uploads/DSC_5499-300x201.jpg)
Bəyimsarov kəndi rayonumuzun ən iri yaşayış məntəqələrindən biridi. Ərazisi 2929 hektar, əhalisinin sayı 4396 nəfərdir. Onların 2990 nəfəri Qərbi Azərbaycandan gələn məcburi köçkünlər, 1350 nəfəri isə Azərbaycanın 7 rayonundan olan məcburi köçkün soydaşlarımızdır.
Kəndin əkinəyararlı torpaq sahəsi 1950 hektardır. Həmin sahələrin 265 hektarında pambıq, 51 hektarında şəkər çuğunduru, 100 hektarında arpa, 360 hektarında yonca, 285 hektarında günəbaxan əkilib becərilir.
Həmin gün kənd icra nümayəndəsi Surxay Hüseynovla və kənd bələdiyyəsinin sədri Aqil Şərifovla görüşdük.
Öyrəndik ki, burada torpağa bağlı insanlar əkib-becərdikləri kənd təsərrüfatı bitkilərinə qayğı ilə qulluq etdikləri üçün məhsuldarlıq xeyli yüksək olub. Bu da əsasən onun müqabilində hasilə gəlib ki, kəndin ərazsində 33 ədəd subartezian
quyusu mütəmadi olaraq işləyir. Daha ətraflı »
Teqlər: Kənd təsərrüfatı
20Okt
Tərtər rayonunda pambıq tədarükü davam edir.
Azərbaycan Respublikasının Prezidenti İlham Əliyevin pambıqçılığın inkişaf etdirilməsi ilə bağlı verdiyi tapşırıq və tövsiyələrə uyğun olaraq rayonun təsərrüfatlarında “ağ qızıl” sahələri genişlənmiş və bol məhsul hasilə gətirilmişdir. Belə ki, bu il rayonun 31 inzibati ərazi dairəsində 3011 hektar, kənd təsərrüfatı müəssisələri üzrə isə 112 hektar, rayon üzrə cəmi 3123 hektar sahədə pambıq əkilmişdir ki, bu da əvvəlki ildəkindən 3 dəfə çoxdur.
Ən çox pambıq əkən Yuxarı Qapanlı (485 hektar), Qaynaq (306,5 hektar), Azadqaraqoyunlu (230 hektar) və Bəyimsarov (265 hektar) İnzibati Ərazi dairələridir.
17 oktyabr 2017-ci il tarixə kimi sahələrdən 3715,4 ton “ağ qızıl” yığılmışdır ki, bu da keçən ilin müvafiq dövrünə nisbətən 3 dəfə çoxdur.
Tərtər Rayon
Statistika İdarəsi
Teqlər: Kənd təsərrüfatı
29Sen
Cari ildə digər kənd təsərrüfatı bitkiləri ilə yanaşı 20 hektar sahədə pambıq əkib becərmişik.
Fermer Elcin İbrahimov 2 hektar, mən isə 3 hektar sahədə pambıq əkmişəm. Becərmə, suvarma işlərində ailə üzvlərim, yaxın qohumlarım iştirak ediblər. Səpindən başlamış indiyədək pambıqçılıqda tələb olunan bütün aqrotexniki tədbirlər yüksək səviyyədə yerinə yetirildiyindən, tarlalarda yaxşı məhsul hasilə gəlib. İndi dümağ pambıq kolları göz oxşayır. Sahənin hər kvadratmetrindəki şaxlarda 80-100 qoza var. Bu da hər hektardan ən azı 35-40 sentner “ağ qızıl” deməkdir.
Məqsədim məhsulu pambıqyığan maşınla toplamaqdır. Buna görə bitkilərin yarpaqlarının tökülməsi üçün sahələrə dərman vurmuşuq. Yaxın günlərdə pambıqyığan maşını tarlaya çıxaracağıq. Məhsulun itkisiz toplanması üçün texnikanın sazlığı da təcrübəli mexanizatorlar tərəfindən yoxlanılıb. Bir sözlə, hər şey qaydasındadır. Çalışırıq ki, zəhmətlə becərdiyimiz məhsulu son qozasınadək toplayaq.
Vüqar MAHMUDOV,
Bayandurlu kəndində fermer
Teqlər: Kənd təsərrüfatı
Yeni ismarıclar