“Beynəlxalq Əlillər Cəmiyyəti” İctimai Birliyi Azərbaycan Respublikasının Prezidenti yanında QHT-lərə Dövlət Dəstəyi Şurasının maliyyə yardımı ilə “Qaçqın, məcburi köçkün, müharibə veteranları, əlil və sağlamlıq imkanları məhdud olan şəxslərin, məhbusların və ailə üzvlərinin problemlərinin həllinə dəstək” adlı layihəni davam etdirir. İctimai birliyin sədri Tahir Xudiyev, təşkilatın hüquq şöbəsinin rəhbəri, ədliyyə müşaviri Fərman Rzayev və İdarə Heyətinin üzvü Məlahət Abdullayeva Tərtər rayonunda yerli sakinlər, məcburi köçkünlər, müharibə veteranları, şəhid ailələri, sağlamlıq imkanları məhdud olan şəxslərlə görüş keçirib.
Görüşdən əvvəl Tərtər Rayon İcra Hakimiyyətində icra başçısı Müstəqim Məmmədov, birinci müavin Ramiz Şabanov, rayon prokuroru Şıxəli Alməmmədov, şöbə müdirinin müavini Elvin Umudovla keçirilən görüşdə layihənin vacibliyindən danışılıb. Daha ətraflı »

Vətən, torpaq, xalq uğrunda şəhid olanları fərəhlə yad etmək vacibdir. Onlar buna layiqdirlər. Canlarını qurban veriblər ki, sonra gələnlər xoşbəxt yaşasınlar.
Həzrəti Əli
Belə şəhidlərimizdən biri də Kərimov Aslan İsmayıl oğlu-dur. Aslan 1954-cü ildə Tərtər rayonunda ziyalı, sayılıb-seçilən bir ailədə–İsmayıl Kərimovun ailəsində dünyaya gəlmişdi. Orta təhsilini şəhər 1 saylı tam orta məktəbində almışdır. Bakı Kooperativ İnstitutunu bitirmişdi. Daha ətraflı »

Azərbaycan reallıqlarını dünya mediasında işıqlandırılması məqsədi ilə ölkəmizdə səfərdə olan ABŞ-ın tanınmış “Bachelor show” verilişinin baş redaktoru Con Batçelorun, verilişin baş prodüseri Lee Masonun və Azərbaycan Respublikasının ABŞ-dakı səfiri Elin Süleymanov Tərtər rayonuna səfər ediblər.
Səfər çərçivəsində qonaqlar Tərtər Rayon İcra Hakimiyyətinin başçısı Müstəqim Məmmədovla görüşüblər. İcra başçısı qonaqlara rayon haqqında ətraflı məlumat verib.
Daha ətraflı »

QƏLƏBƏ ÜMİDİ

Tarix-Diyarşünaslıq muzeyində Ağdamın erməni faşistləri tərəfindən işğal edilməsinə həsr olunmuş tədbir keçirilib.
Tədbiri giriş sözü ilə muzeyin direktor əvəzi Aybəniz Şahbazi açıb. Aybəniz xanım tariximizin ağrılı günləri barədə məruzə söyləyib. Muzeyin elmi işçisi Xuraman Məmmədova, Heydər Əliyev Mərkəzinin direktoru Səlimə Yusibova mərkəzin işçisi Ülviyyə Süleymanlı və mərkəzi kitabxanada uşaq şöbəsinin işçisi Cəmilə Səfərova çıxış ediblər. Onlar bildiriblər ki, hər bir azərbaycanlı, eləcə də ağdamlılar qələbə ümidi ilə yaşayırlar.
Sonda tədbir iştirakçıları muzeylə yaxından tanış olublar.
“Yeni Tərtər”

“Yeni Tərtər” qəzeti redaksiyasında keçirilən bayram yığıncağını Tərtər Rayon İcra Hakimiyyətinin başçısı Müstəqim Məmmədov açıb. O, qəzetin kollektivini və onların timsalında milli mətbuatımızın çoxsaylı nümayəndələrini, eləcə də oxucuları əlamətdar gün münasibətilə təbrik edib, cansağlığı və işlərində uğurlar arzulayıb.
Qəzetin baş redaktoru Tofiq Yusif milli mətbuatımızın tarixindən söz açıb. Bildirib ki, Azərbaycanın ilk milli mətbu orqanının adı “Əkinçi” olsa da, əsas məqsəd xalqı maarifləndirmək, mütərəqqi ideyaları onlara çatdırmaq idi. Əlbəttə, çar Rusiyasının məmurları bu məqsədi çox tez anladılar və buna görə də “Əkinçi”nin ömrü uzun olmadı.
Bu gün rayonumuzun “Yeni Tərtər” qəzeti də öz sələflərinin ənənələrinə sadiq qalaraq, insanların maarifləndirilməsi-nə çalışır. Daha ətraflı »

Dini Qurumlarla İş üzrə Dövlət Komitəsi (DQİDK) və Tərtər Rayon İcra Hakimiyyətinin birgə təşkilatçılığı ilə “Dini icmalar və gənclər: dini radikalizmlə mübarizə və birgə fəaliyyətin təşkili” mövzusunda keçirilən ikigünlük seminar-müşavirə öz işini yekunlaşdırıb.
Müəllimlər, gənclər və ictimaiyyət nümayəndələrinin iştirak etdiyi seminar-müşavirədə əvvəlcə DQİDK-nın sifarişi ilə çəkilmiş, dini radikalizm və terrorizmin fəsadlarından bəhs edən “Üfüqdəki gələcək” sənədli filmi nümayiş etdirilib.
Sonra Tərtər Rayon İcra Hakimiyyətinin başçısı Müstəqim Məmmədov rayondakı dini durum haqqında geniş məruzə ilə çıxış edib. Daha ətraflı »

Yeni Azərbaycan Partiyası Tərtər Rayon Təşkilatının yaradılmasının 25-ci ildönümünə həsr olunmuş tədbir keçirildi. Öncə Yeni Azərbaycan Partiyasının yaradıcısı ulu öndər Heydər Əliyevin abidəsi önünə gül-çiçək dəstələri düzüldü. Gənclər Mərkəzində davam edən tədbiri YAP rayon təşkilatının sədri Ramiz Şabanov açdı. Ümummilli lider Heydər Əliyevin və YAP sıralarında dünyasını dəyişənlərin xatirəsi bir dəqiqəlik sükutla yad edildi. Azərbaycanın Dövlət himni iştirakçıların ifasında səsləndirildi.
Yığıncaqda YAP rayon təşkilatının sədri Ramiz Şabanov məruzə etdi. Rayon Qadınlar Şurasının sədri Xatirə Məmmədova, gənclər birliyinin sədri Emin Pənahov, statistika idarəsinin müdiri Ədalət Məmmədov, Heydər Əliyev Mərkəzinin elmi işçisi İradə Əkbərli, Hacıqərvənd kənd tam orta məktəbinin tarix müəllimi Bəxtiyar Səmədov məruzə ətrafında çıxış etdilər. Daha ətraflı »

“Zərdabi Mətbuat Mərkəzi” İctimai Birliyi Tərtər Rayon İcra Hakimiyyəti ilə birlikdə “Mediada vətənpərvərliyin təbliği ilə bağlı ictimai müzakirələrin təşkili” adlı layihə çərçivəsində tədbir keçirib.
Tədbiri giriş sözü ilə Tərtər Rayon İcra Hakimiyyətinin məsul nümayəndəsi Elvin Umudov açaraq mövzunun aktuallığından danışıb.
“Zərdabi Mətbuat Mərkəzi” İB-nin sədri Rəhim Hüseynzadə “Mediada vətənpərvərliyin təbliği ilə bağlı ictimai müzakirələrin təşkili” layihəsi barədə geniş məlumat verib.
Tədbirdə layihənin eksperti Seymur Verdizadə, Qarabağ Əlilləri, Veteranları və Şəhid Ailələri İctimai Birliyinin rayon şöbəsinin sədri Suliddin Yusibov, ”Yeni Tərtər” qəzetinin baş redaktoru Tofiq Yusif, Dövlət Sosial Müdafiə Fondunun rayon şöbəsinin nümayəndəsi Həcər Xeyri çıxış edərək belə tədbirlərin təşkilinin davamlılığının vacibliyini bildiriblər.

BMT Uşaq Fondu (UNICEF) və onun yerli tərəfdaşı Beynəlxalq Avrasiya Mətbuat Fondunun (BAMF) rəsmiləri Azərbaycan Gənclərinə Dəstək Proqramı layihəsinin yeni mərhələsi çərçivəsində Tərtər rayonuna növbəti səfərlərini ediblər.
Səfər çərçivəsində Avrasiya Mətbuat Fondunun prezidenti Umud Mirzəyev və UNICEF-in nümayəndəsi Edvard Carvardine Tərtər rayon İcra hakimiyyətinin başçısı Müstəqim Məmmədovla görüşüblər. Bildirilib ki, layihənin əsas məqsədi region gənclərini müasir dövrün çağırışları barədə maarifləndirmək, pis vərdişlərdən çəkindirmək və öz potensiallarından düzgün və məqsədyönlü şəkildə istifadə etmələrinə nail olmaqdır.
Görüşdə rayon rəhbəri cəmiyyətin və dövlətin inkişafında gənclərin oynadığı rol haqqında danışıb, bildirib ki, bu gün ölkəmizdə uşaq və yeniyetmələrə, gənclərə göstərilən diqqət və qayğı, onlara yaradılan hərtərəfli şərait dövlət siyasətinin prioritet istiqamətlərindən biridir.
Sonra nümayəndə heyəti Gənclər Mərkəzində Məşvərət Şurasının üzvləri ilə görüşüb, 3D film mərkəzində film izləyiblər.

RAZILIQ EDİRLƏR

Cəbhə bölgəsində qərar tutan Tərtərimizdə quruculuq, abadlıq işləri daim davam etdirilir. 42 saylı Yol İstismarı MMC-nin direktoru Ramil Bayramovla əlaqə saxladıq. O bildirdi ki, Nicat İsgəndərov, Mehdi Hüseynzadə və Nəriman Nərimanov küçələrində asfaltlanma işləri tam başa çatıb, hər üç küçədə yaşayış binlarının həyətlərinə də asfalt salınmışdır. Hal-hazırda “GES qəsəbəsi” adlanan ərazidə asfaltlanma işləri görülür. Burada da artıq işlər başa çatmaq üzrədir. Bundan sonra şəhərimizin Ədalət Paşayev və Vəzir Orucov küçələrinin asfaltlanması işlərinə başlayacağıq.
Görülən abadlıq işləri ilə bağlı elə biz özümüz də bu günlərdə həmin küçələrdə olduq, görülən işləri öz gözlərimizlə gördük.
Mehdi Hüseynzadə və Nəriman Nəri-manov küçələrində gecə işıqlandırılma-sının çəkilişi insanlarda böyük razılıq hissi yaradıb. Daha ətraflı »