Ulu Öndər Heydər Əliyevin anım günü ilə əlaqədar YAP rayon təşkilatı və rayon icra hakimiyyətinin birgə təşkilatçılığı ilə rayon təşkilatı ərazi partiya təşkilat sədrləri, idarə və təşkilat rəhbərlərinin iştirakı ilə “Ümummilli Lider Heydər Əliyevin siyasi irsi, müasirlik və gələcək inkişaf pers-pektivləri” mövzusunda tədbir keçirilib.
Öncə tədbir iştirakçıları Ümummilli Lider Heydər Əliyevin rayonun mərkəzi meydanında ucaldılmış abidəsi önünə gül-çiçək dəstələri düzərək, xatirəsini dərin ehtiramla anıblar.
Tədbir rayonun Heydər Əliyev Mərkəzində davam etdirilib.
İştirakçılar mərkəzdə Ulu Öndərin həyat və fəaliyyətini əks etdirən fotostendlə tanış olublar.
Ulu Öndər Heydər Əliyevin və şəhidlərimizin xatirəsini bir dəqiqəlik sükutla yad etdikdən sonra, rayon təşkilatının sədri səlahiyyətlərini icra edən Ramiz Şabanov məruzə ilə çıxış edib. Qeyd olunub ki, Heydər Əliyev Daha ətraflı »
-
20DekMilli-mənəvi dəyərlər BUGÜNÜN NAİLİYYƏTLƏRİ ULU ÖNDƏRİN İDEYALARININ TƏNTƏNƏSİDİR üçün şərhlər bağlıdır
-
29NoyMilli-mənəvi dəyərlər İslam dünyası üçün şərhlər bağlıdır
İBADƏT NƏDİR?
İbadət Allaha təzim etmək, sayğı göstərmək və onun bizə verdiyi saysız-hesabsız nemətlərə qarşı minnətdarlıq borcunu yerinə yetirməkdir.
Nə üçün ibadət edirik?
Bizi yoxdan var edən və yaşadan Allahdır. Böyük Allah vücudumuzu görən gözlər, eşidən qulaqlar və danışan dil kimi mükəmməl orqanlarla təmin etdi. Digər canlılardan fərqli olaraq bizə ağıl verdi və varlıqlar arasında bizi seçkin bir vəziyyətə gətirdi. Bundan başqa yaşaya bilməyimiz üçün tənəffüs etdiyimiz havadan içdiyimiz suya qədər bizə saysiz-hesabsiz nemətlər verdi.
Ayrıca bizi tək qoymadı, Peyğəmbərlər və kitablar göndərərək dunyada Daha ətraflı » -
19NoyMilli-mənəvi dəyərlər İslam dünyası üçün şərhlər bağlıdır
CADU-TİLSİM-SEHR
Din ilə əlaqəsi olmayan dualar və hərəkətlərlə ruh üzərinə təsir etmək. Buna ərəbcədə “sehr” adı da verilir. Bir insanı istənilən şeyi etməyə sövq edən gizli qüvvət, təbiətə zidd hallar meydana gətirən təsirlər. Bunları edənlərə “cadugər” deyilir. Cadunu belə təsvir etmək mümkündür hər hansı bir mənfəət uğruna başqasına zərər verməyə yönəlik məşru olmayan yollarla bir sıra gizli qüvvələri istiqamətləndirərək edilən və həqiqətə uyğun gəlməyən göz bağlıcılıq, hoqqabazlıq, oyunçuluq şəklindəki işlər. Gözbağcılıq, hoqqabazlıq kimi oyunlarla insanları aldadan şəxsə cadugər, bu kəslərin etdiyi işə cadu, bu işin peşə halına gətirilməsinə də cadugərlik deyilir. Cadugərlik, İslamdan öncə Ərəblərdə, Rumlarda, Hindlilərdə, Misirlilərdə məşhur idi. Xüsusilə Hz. Musa zamanında cadugərlik etibarlı bir peşə idi. Hz. Süleyman zamanında da məşhur idi. Sehrin özünə görə xüsusiyyətləri və növləri vardır.
Qara cadu: Əsl sehr bu olub bəzi kimsələr, pərilərin və xüsusilə Daha ətraflı » -
29OktMilli-mənəvi dəyərlər İslam dünyası üçün şərhlər bağlıdır
DİNDƏ OĞURLUĞA MÜNASİBƏT
Oğurluğun maddi və mənəvi zərərləri, bu hadisəyə görə insanların duyduğu iztirablar, keçirdiyi qorxu və təşvişlər yəqin ki, hər bir insan üçün eynidir. Oğurluq hadisəsi sadəcə hər hansı bir malın oğurlanması deyil, həm də insanların zəhmətinin, əməyinin, alın tərinin, illərinin oğurlanması kimi də başa düşmək olar.
Bu hadisə sadəcə oğurluq edilən bir evin, dükanın, ya da iş yerinin təhdid altında qalması ilə kifayətlənmir. Bu həm də o məhəllə və küçədəki bütün evlərin, dükanların təhdid altında qalması deməkdir. Belə bir hadisədən sonra insanlar: “görəsən qonşunun başına gələn mənim də başıma gələrmi?” – deyə, düşünməyə başlayarlar. Beləcə oğurluğun meydana gəldiyi məhəllədə hər kəs özünü təhlükədə hiss edər.
Oğurluq hadisəsinin çoxu cinayətlə də nəticələnir… Neçə-neçə cavanlar oğurluq hadisəsinə görə həbsə gedir, nə qədər cinayətin, adam öldürmənin altında oğurluq hadisəsi yatır. Daha ətraflı » -
20OktMilli-mənəvi dəyərlər İslam dünyası üçün şərhlər bağlıdır
DİNLƏ İNANCLARIN ƏLAQƏSİ
Azərbaycan folklorunda inanclara rast gəlmək mümkündür. Məsələn, folklorda deyilir ki, açarı oynadanın evinə dava düşər. Yaxud da inanca görə axşam süpürülən evdən bərəkət əskilər, aynanın şövqünü evə salanda evdən ölü çıxar…
İraq-türkman folklorunda inanclar aşağıdaki kimi qruplaşdırılır:
Məişət və mərasimlərlə bağlı inanclar, təbiət hadisələri ilə bağlı inanclar, bitki və heyvanat aləmi ilə bağlı inanclar, astral təsəvvürlər və əsatiri görüşlərlə bağlı inanclar.
Astral təsəvvürlər və əsatiri görüşlərlə əlaqədar olan inanclar, əsasən, Ay, ulduz, digər səma cisimlərinə inamın nəticəsində yaranıb. Məsələn, bir ulduz axanda Yer üzündə kiminsə ömrünün sona yetdiyini düşünürlər. Çünki insan ruhlarının ulduzlarla bağlı olduğuna inanırlar.
Məişət və mərasimlərlə bağlı inanclar daha çoxdur. Səfərə çıxarkən və ya görülməsi düşünülən bir iş barədə danışarkən kimsə bir kərə asqırarsa, “Tək səbr gəldi, gözlənilsin, səbr edilsin”, iki kərə asqırılarsa “cüt gəldi, xeyirlidir” – deyə yola çıxarlar. Daha ətraflı » -
08OktMilli-mənəvi dəyərlər İslam dünyası üçün şərhlər bağlıdır
İSLAMDA ŞƏHİDLİK ZİRVƏSİ
Vətən, millət uğrunda döyüşərkən həlak olanlara şəhid, sağ qalanlara isə qazi deyilir. “Şəhid” ərəb mənşəli kəlmə olub xəbər verən, bildiyini söyləyən, hazır olan və hadisəyə şahidlik edən anlamını ifadə edir. İslam alimlərinin fikrincə, ölkənin müstəqilliyini, ərazi bütövlüyünü və əhalisinin mühafizəsini, malını, şərəf və namusunu müdafiə zamanı canını fəda edənlər şəhiddirlər. Tanrı dərgahında şəhidlik mərtəbəsi peyğəmbərlikdən sonra ən yüksək zirvədir. Şəhidlərin Allah qatındakı məqamı ilə bağlı Qurani-Kərimdə buyurulur: “Allah yolunda öldürülənlərə (şəhid olanlara) “ölü” deməyin. Əksinə, onlar (Allah dərgahında) diridirlər, lakin siz bunu dərk etmirsiniz” (Bəqərə, 154).
Şəhidlik, həmçinin günahların bağışlanmasına vəsilə olan fəzilətli əməldir. Bununla bağlı Həzrət Məhəmməd (s) demişdir: “Şəhidin qul borcundan başqa, bütün günahlarını Allah bağışlayır”.
Rəbbimiz müqəddəs amallar uğrunda canını qurban verən salehlərlə yanaşı, vuruşub öldürən möminləri də cənnətlə müjdələyir. İslam alimləri şəhidliyi iki növə bölmüşlər:
Sevimli Peyğəmbərimiz (s) qeyd edir ki, mən qiyamət günündə şəhidlərin Allah yolunda canlarını sevərək fəda etdiklərinə şahidlik edəcəyəm. Bəşər tarixində ilk şəhid Həzrət Adəmin (ə) oğlu Həzrət Habildir (ə). Əbədi ölməzlik və kamil şəhidlik zirvəsi isə İmam Hüseynə (ə) məxsusdur. Daha ətraflı » -
30SenMilli-mənəvi dəyərlər İslam dünyası üçün şərhlər bağlıdır
ZƏKAT NƏDİR?
On şey nisab həddinə çatdıqda, zəkat verilməlidir
İslam təkcə etiqad və əxlaq məsələləri ilə məşğul olan məktəb deyildir. Bu din öz ardıcıllarının mənəvi sağlamlığını təmin etməklə yanaşı, onların iqtisadi problemlərini də həll edir. İlkin İslam dövründən başlayaraq, bu günə qədər ehtiyaclı təbəqənin mənafeləri müdafiə olunmuşdur. Həmin təbəqənin ehtiyaclarının ödənilməsi üçün nəzərdə tutulan ən mühüm tədbirlərdən biri, zəkatdır.
Şəksiz ki, bütün cəmiyyətlərdə iş qabiliyyətini itirmiş şəxslər, xəstələr, yetimlər, əlillər mövcuddur. Bu insanların himayəyə ehtiyacı vardır. Əgər cəmiyyətdə zəkat ödəməyə vəzifəli olan imkanlılar uyğun vergini ödəyərlərsə, ehtiyaclıların ətrafdakılara əl açmasına lüzum qalmaz. İmam Sadiq (ə) buyurur: «Bütün xalq malının zəkatını ödəyərsə, bir dənə də olsun fəqir müsəlman qalmaz. İnsanlar yalnız varlıların günahından ac, çılpaq, evsiz-eşiksiz qalır». Elə bu səbəbdən də, İslamda zəkat vacib buyurulmuşdur: Daha ətraflı » -
20SenMilli-mənəvi dəyərlər İslam dünyası üçün şərhlər bağlıdır
PİR VƏ OCAQLARA İNAMIN ƏSAS SƏBƏBLƏRİ
Əsrlər keçməsinə baxmayaraq insanların pir və ocaqlara inamı azalmır.
Bu inama əsas səbəb kimi pirlərin möcüzəvi qüvvəyə malik olması göstərilir. Elə buna görə də belə yerlərə üz tutanlar, daha çox özünü çarəsiz, ümidsiz hiss edənlər olur.
Pir və ocaqlara illər keçməsinə baxmayaraq, gedənlərin sayı niyə azalmır?
Psixoloqlar bildiriblər ki, pir və ocaqlara inamın əsas səbəbi, rahatlıq verməsidir və burada qəbahətli bir iş yoxdur: “Hər insanın mütləq bir inam yeri olmalıdır. Bəzi insanların inam yeri dinə sığınmaqdır. Ümid və inam yeri olmayan insanlarda müəyyən psixoloji problemlər üzə çıxır. Dinə inamı olan insan qarşısına çıxan hər çətinliyə dözə bilir. Bu baxımdan pir və ocaqlara ziyarət edən insanlar duasının Tanrıya bir pillə daha tez çatacağına inanır. Bu inanc bir az da qədim dövrə məxsus miflərə əsasən formalaşıb. İnanc məsələsində insanın təhsil səviyyəsi, dünyagörüşü və böyüdüyü mühitinin təsirləri yüksəkdir. Daha ətraflı » -
11AvqMilli-mənəvi dəyərlər MƏHƏRRƏMLİK AYI NİYƏ 60 GÜN ÇƏKİR? üçün şərhlər bağlıdır
Məlum olduğu kimi, bu ilin avqust ayının 10-dan başlayaraq İslam dünyasında Məhərrəmlik başlayıb və müsəlmanlar 14 əsr öncə Kərbəla faciəsində şəhid olan İmam Hüseyn(ə) və tərəfdarlarına matəm saxlayır. Bu il Aşura günü avqustun 19-a, İmam Hüseynin şəhadətinin qırxıncı günü sentyabrın 27-nə təsadüf edir. Sentyabrın 8-dən isə Məhərrəmlik əyyamının ikinci ayı olan Səfər ayı başlayır. Səfər ayı oktyabrn 7-də başa çatacaq. Beləliklə, Məhərrəmlik ayı ənənəvi olaraq 60 gün davam edəcək.
Məhərrəmlik ayı niyə 60 gün çəkir? Bu sualın cavabı bəziləri üçün məlum deyil. Qeyd edək ki, Məhərrəm ayı müqəddəs aylardan biridir. Bu ay Peyğəmbərin buyurduğu kimi, müharibələrin qadağan olunduğu aylardan biridir. Lakin Məhərrəm ayının 10-cu günü İslam tarixinə Aşura günü, İmam-Hüseyn əleyhissəlam və Əhli-Beyt tərəfdarlarının haqqı uğrunda şəhadətə yetişdiyi gün kimi daxil olub. Aşuranın qırxıncı günündən sonra 10 gün də Səfər ayı üçün matəm günü hesab olunmasının da öz mənası var. Daha ətraflı » -
11AvqMilli-mənəvi dəyərlər CƏNNƏT VƏ CƏHƏNNƏM ƏHLİNİN FƏRQİ NƏDİR? üçün şərhlər bağlıdır
Deyirlər, bir nəfər dua edib Allaha yalvarır ki, ilahi, mənə bu dünyada cənnəti və cəhənnəmi göstər. Görüm oradakıların vəziyyəti necədir, cənnətin ləzzəti və cəhənnəmin əzabı nədən ibarətdir?
Allah bu adamın duasını qəbul edir. Onun gözləri qarşısında iki qapı görünür. Adam bu qapılardan birinə yaxınlaşıb açır. Görür ki, qapının o biri tərəfindəki otağın ortasında iri bir miz var. Mizin üstünə xörəklə dolu böyük bir boşqab qoyulub. Xörəkdən gələn ətir onun çox dadlı olduğundan xəbər verirdi. Mizin ətrafına acından üzülmüş xeyli arıq adam toplaşmışdı. Xörəyin dövrəsində dairə vurub oturmuş adamların hər birinin əlində uzun qaşıq vardı. Hər kəsin qaşığı onun qoluna bitişmişdi. Qaşıqların dəstəsi çox uzun olduğu üçün, hər kəs oturduğu yerdən rahatlıqla öz qaşığını xörəklə doldura bilirdi. Amma sonra yeməyi agızlarına qoya bilmirdilər, çünki qaşığın dəstəsi uzun idi. Beləcə, bu adamların heç biri yeməkdən bircə qaşıq da yeyə bilmirdi, uzaqdan xörəyə baxa-baxa qalmışdılar.
Allahdan həmin adama nida gəldi: “Cəhənnəmin mənzərəsini gördün. Indi cənnətə də bax”. Adam ikinci qapını açdı. Burada da oxşar mənzərə ilə rastlaşdı. Yenə otağın ortasına böyük bir miz, onun üstünə dadlı xörəklə dolu iri boşqab qoyulmuşdu. Mizin ətrafında dövrə vurub oturanların da qoluna bitişik uzun qa-şıqları vardı. Amma bu adamlar o birilər kimi arıq deyildilər, ac görünmürdülər. Deyib-gülür, sevinirdilər, bədənləri də kök və sağlam idi. Adamı əvvəlcə heyrət bürüdü. Əgər hər şey o biri otaqdakının eynidirsə, bunlar hansı yolla xörəyi yeyirlər? Axı uzun dəstəli qaşığı ağızlarına aparmaları qeyri-mümkün idi. Daha ətraflı »
Yeni ismarıclar