DOQQUZUNCU DALĞA

Xalqımız həmişə vətən, yurd sevərliyi ilə seçilib. Vətənə, yurda bağlılıq onun mental xüsusiyyətlərindəndir.
Bəs nədən başlanır vətənpərvərlik, vətən sevgisi?
Bu, hər şeydən əvvəl ana laylası, ana südüylə hopur ruhumuza və varlığımıza. Beşik, doğma od-ocaq, udduğumuz ilk vətən havası yurd anlamını, yurd sevgisini doğurur, cücərdir. Onun hər qarışını tanıyır və sevirsən. Şüurunda bu yurd anlamı, qəlbində bir yurd sevgisi formalaşır. Bu doğma yurddur–kiçik vətəndir.
Kiçik vətəndən başlanır böyük vətən.
Yurd sevgisindən başlanır vətən sevgisi, vətən məhəbbəti. Çay bulaqdan, dəniz çaydan başlanan kimi.
Vətəni seçmirlər. Tanrı töhfəsi kimi qəbul edir, sevir və qoruyurlar Vətəni.
Anarın Dədə Qorqudun diliylə dediyi kimi: “Torpağı əkməsən qorumağa, qorumasan əkib-becərməyə dəyməz”.
Ana Vətən anlamının özəyində Ana Torpaq anlamı durur.
Biz ondan intişar tapır, ona qayıdırıq. Daha ətraflı »

Aşıq Ələsgər Göycə mahalının Ağkilsə kəndində təxminən 1821-ci ildə anadan olub. Ailənin böyük uşağı olan Ələsgəri atası Alməmməd kişi Kərbalayı Qurbana köməkçi verir. Bir qədərdən sonra Kərbalayı Qurbanın yeganə övladı Səhnəbanu ilə Ələsgər arasında məhəbbət yaranır. Bu məhəbbətin pozulması ömrü boyu Ələsgər yaradıcılığında öz əksini tapır.
Aşıq Ələsgər çox iti hafizəyə, fit-ri istedada malik olub. Ən nəcib insani kefiyyətləri özündə birləşdirən ustad böyük hörmətlə bir əsrdən artıq ömür sürüb. 1905-ci və 1918-ci illərdə Göycənin ermənilər tərəfindən dağılması mahalda ağır böhran yaradır. Var-dövləti talan edilmiş qoca aşıq isti yuvasından didərgin salınır. Aşıq bu ağır kədəri öz qoşmalarında ifadə edir: Daha ətraflı »

Mehriban xanım Əliyevanı bütün Azərbaycan sevir. Tərtərdə də ölkənin Birinci vitse-prezidentinə xüsusi doğma münasibət var. Deyirlər ki, əsl doğmalıq çətin gündə bilinir. Ötən ilin aprel hadisələri zamanı biz bunun şahidi olduq. Erməni quldurlarının açdıqları artilleriya atəşləri nəticəsində evləri dağılmış, böyük çətinliklərlə üzləşmiş insanlar Azərbaycan Respublikasının Prezidenti İlham Əliyevi və ölkənin Birinci vitse-prezidenti Mehriban xanım Əliyevanı Tərtərdə öz həyətlərində görəndə, inandılar ki, onlar tək deyillər. Hər bir şey əvvəlkindən də yaxşı olacaq. Prezident İlham Əliyevin və Mehriban xanımın sakinlərlə görüşü zamanı təlaş, həyəcan hissləri sevinclə əvəz olunurdu.
Həmin unudulmaz gündə qızı Elmira Səfərovanın zəhmət bahasına tikdirdiyi evin qalıqlarının yanında Maya nənə əsl övlad məhəbbəti ilə onu qucaqlayan bu böyük, xeyirxah insanlara demişdi:
–Düşmənimiz çox qəddar və məkrlidir. Ancaq onlar eşitsinlər ki, evimizi dağıda bilərlər, bizə maddi ziyan vurarlar, lakin ürəyimizdəki inam hissini, dövlətimizə, ölkəmizin başçısına, Mehriban xanıma olan məhəbbəti azaltmaq mümkün deyil. Daha ətraflı »

İqtisadiyyat Nazirliyinin Sahibkarlığa Kömək Milli Fondu tərəfindən Tərtər rayonunda sahibkarların maarifləndirilməsi, sahibkarlığın inkişafına maliyyə dəstəyinin göstərilməsi sahəsində işgüzar forum keçirilib.
Tədbirdə İqtisadiyyat Nazirliyinin Sahibkarlığa Kömək Milli Fondu tərəfindən Tərtər rayonunun iqtisadi potensialına uyğun olaraq, intensiv bağçılıq, üzümçülük, cins heyvandarlıq təsərrüfatlarının, pendir istehsalı müəssisəsinin, 3 ulduzlu otelin yaradılması üzrə hazırlanmış nümunəvi investisiya layihələri və metodik materiallar sahibkarlara təqdim olunub.
Forumda qeyd olunub ki, indiyədək Tərtər rayonunda 264 sahibkara 5,1 milyon manat güzəştli kredit verilib. Bu kreditlər 500-dən çox yeni iş yerinin yaradılmasına imkan verir. Daha ətraflı »

MÜDAFİƏ NAZİRİ CƏBHƏ BÖLGƏSİNDƏ  “AÇIQ QAPI” GÜNÜNDƏ İŞTİRAK EDİB

Qurban bayramı münasibəti ilə rayon ərazisində yerləşən hərbi hissələrdə keçirilən “Açıq qapı” günündə Müdafiə Nazirliyinin rəhbər heyəti və Tərtər Rayon İcra Hakimiyyətinin başçısı Müstəqim Məmmədov iştirak edib.
Müdafiə naziri general-polkovnik Zakir Həsənov hərbi hissələrdə əsgər valideynləri, müharibə və əmək veteranları, şəhid ailələri və ictimayyət nümayəndələri ilə görüşərək Azərbaycan Respublikasının Prezidenti, Ali Baş Komandan cənab İlham Əliyevin tapşırığına əsasən Silahlı Qüvvələrdə həyata keçirilən tədbirlər, şəxsi heyətin sosial-məişət şəraitinin yaxşılaşdırılması məqsədilə görülən işlər, yeni inşa edilən hərbi şəhərciklər haqqında məlumatları və digər məsələləri onların diqqətinə çatdırıb, verilən suallarla bağlı fikirlərini bölüşüb. Daha ətraflı »

Müqəddəs Qurban bayramı ölkəmizin hər yerində olduğu kimi Tərtər rayonunda da böyük təntənə ilə qeyd edildi. Bu münasibətlə keçirilən tədbirdə çıxış edən rayon İcra hakimiyyətinin başçısı Müstəqim Məmmədov rayon əhalisini müqəddəs Qurban bayramı münasibətilə təbrik etdi, onlara cansağlığı, uzun ömür, firavan həyat, bol ruzi arzuladı. Sonra Tərtər “Cümə” məscidinin axundu Sadiq Cəfərov dua oxudu, dini ənənələrə uyğun olaraq qurban mərasimi başladı.
Tədbirdə şəhid ailələrinə, əlillərə, ağsaqqallara, Böyük Vətən Müharibəsi veteranlarına, Çernobıl əlillərinə, tənha və kimsəsizlərə, maddi imkanları zəif ailələrə, təmas xəttinə yaxın yerləşən kəndlərin sakinlərinə, ümumilikdə 7500 ailəyə qurban payı verildi. Rayon ərazisində yerləşən hərbi hissələrə də qurban payı göndərildi.
Qurban bayramı mərasimində iştirak edən sakinlər onlara göstərilən maddi və mənəvi dəstəyə görə ölkə rəhbərinə öz minnətdarlıqlarını bildirdilər.

Qurban Bayramı münasibəti ilə Tərtər Rayon İcra Hakimiyyəti tərəfindən rayon ərazisində yerləşən hərbi hissələrə də pay göndərilib, onlara rayon rəhbərinin təbrikləri çatdırılıb.
Əsgər və zabit heyətinə göstərilən diqqət və qayğıya görə hərbçilər respublika Prezidentinə minnətdarlıqlarını bildiriblər.

Tərtər Rayon İcra Hakimiyyətinin başçısı, rayonun rəhbər işçiləri “Qarabağ Seyid Ocaqları” Birliyinin sədri, ilahiyyatçı-alim Seyid Camal Əzimbəyli və “Yeni Üfiq” İctimai Birliyinin sədri Sevinc Əzimbəyli ilə birlikdə “N” saylı hərbi hissədə olub, onlara bayram sovqatı verdilər.
Hərbçiləri Qurban bayramı münasibəti ilə təbrik edən rayon rəhbəri Müstəqim Məmmədov Ali Baş Komandan tərəfindən Milli orduya, cəbhə bölgəsi olan Tərtər rayonuna göstərilən diqqət və qayğıdan söhbət açdı, ölkə rəhbərinə qəhrəman tərtərlilər adından minnətdarlıq bildirdi.
Sonra “Qarabağ Seyid Ocaqları” Birliyinin sədri Camal Əzimbəyli, “N” saylı hərbi hissənin komandiri çıxış edərək əsgər və zabitləri müqəddəs Qurban bayramı münasibəti ilə təbrik edib, gənclərə öz tövsiyələrini verdilər.

“Yeni Tərtər”

SOSİAL MÜDAFİƏ NÜMUNƏSİ

Tərtərdə qaçqın və məcburi köçkünlər üçün inşa olunan ən böyük yaşayış kompleksi Prezident İlham Əliyevin bu kateqoriyadan olan soydaşlarımıza göstərdiyi diqqət və qayğının bariz ifadəsidir

“Azərbaycan dövləti məcburi köçkünlərin problemləri ilə mütəmadi qaydada məşğuldur və bu məsələlərin həlli üçün böyük vəsait ayrılır… Hər il ən azı 20 min köçkün yeni evlərə köçürülür, onların şəraiti yaxşılaşır. Yəni, bir sözlə, biz hər il demək olar ki, bir kiçik şəhər yaradırıq və bunu davam etdirəcəyik. Əminəm ki, növbəti illərdə bu proses daha da sürətlə gedəcək”.

İlham ƏLİYEV

Hər cür infrastrukturu olan yeni qəsəbələr, şəhərciklər salınır
Dövlət müstəqilliyinin 25-ci ildönümünü arxada qoyan Azərbaycan Respublikasında sosial-iqtisadi modernləşməyə əsaslanmaqla yüksək əzmkarlıq və yaradıcılıqla həyata keçirilən inkişaf strategiyası bütün sahələrdə öz müsbət nəticələrini göstərməkdədir. Daha ətraflı »

Son zamanlar Bakı şəhərində evlərdən zibilxanalara atılan külli miqdarda çörək qırıntılarını və hətta bütöv çörəkləri gördükdə qərara gəldim ki, çörəyə olan belə münasibət və hörmət haqqında bir necə söz deyim. Məlumdur ki, çörək bəşər övladının ya-ranışından onun müqəddəs və ulu neməti olub. Onu insanlar analarının südü, laylası kimi əziz və əvəzsiz biliblər. Ata-babalarımızın, ağbirçək nənələrimizin ən böyük andı çörək olub: “çörək haqqı”, “bərəkət haqqı” andları dilimizin şirinliyi, şəkərliliyi olub. Hətta çörəklə bağlı qarğışlar da yaranıb: “çörək gözünü tutsun”, “görüm səni çörək üzünə həsrət qalasan”, “çörəyin küt getsin”, “çörəyin daşdan çıxsın” və s.
Ta qədimdən istər şifahi, istərsə də yazılı ədəbiyyatda çörək haqqında saysız-hesabsız bədii nümunələr yaradılıb və yaradılır. Şair yaxşı deyib: “Çörək bol olarsa, basılmaz vətən”. Bəli, bu doğrudan da bir həqiqətdir. Çörək arımız, namusumuz, basılmaz qüdrətimiz, qüvvəmizdir. Daha ətraflı »