Tərtər rayonunda ümumtəhsil məktəblərinin V-XI sinifləri üzrə ənənəvi şəkildə tədrisə başlanılıb. İlk dərslər “Qarabağ Azərbaycandır!” mövzusuna həsr olunub.
Bununla əlaqədar Tərtər Rayon İcra Hakimiyyətinin başçısı Müstəqim Məmmədov və Milli Məclisin deputatı Sahib Alıyev rayonun ümumtəhsil məktəblərində olublar.
Rayon İcra Hakimiyyətinin başçısı Müstəqim Məmmədov ənənəvi tədrisə başlanılması münasibəti ilə rayonumuzun təhsil işçilərini və şagirdləri təbrik edərək, onlara təhsildə uğurlar arzulayıb. Gələcəyimiz olan uşaqların azad və firavan yaşaması üçün torpaqlarımızın bütövlüyü uğrunda canlarından keçən şəhidlərimizin əziz xatirəsi yad edilib.
Daha sonra icra başçısı 44 gün davam edən Vətən müharibəsi dövründə Tərtər rayonuna dəymiş ziyan və onun aradan qaldırılması üçün görülən tədbirlər barədə müfəssəl məlumat verib.
Sonra icra başçısı ölkəmizdə təhsilin inkişafı, onun maddi-texniki bazasının möhkəmləndirilməsi istiqamətində Daha ətraflı »

                                                                      BEŞYAŞLILARIN MARAĞI

Artıq ölkəmizin hər yerində balaca fidanlar – beş yaşlılar məktəbə hazırlıq siniflərinə qədəm qoyublar. Müxtəlif oyuncaqlardan ayrılmayan körpələr sanki sehirli bir aləmlə qarşılaşıblar. Şəhər 1 saylı tam orta məktəbin foyesində bir əlində çanta, bir əlində gül-çiçək tutmuş körpələr cərgə ilə sinif otaqlarına doğru addımlayırlar. Sinif otaqları isə əvvəlcədən müxtəlif rəngli şarlarla, şəkillərlə bəzədilmiş, partaların üstünə Azərbaycan bayrağının rəmzi olaraq üç rəngli lentlərlə bağlanmış “məktəbə hazırlıq”hədiyyə bağlaması düzülmüşdür. 5 yaşlılar sinifə daxil olurlar. Hər bir körpənin gözündə heyrət görünür. Ata-analarından ayrılmayan körpələrin qarşısında yeni və maraqlı bir dünya açılır.
Müəllim Ülviyyə Məmmədova beş yaşlıların heyrətli baxışlarını öz üzərinə səmtləndirir. Hələ sual-cavablara öyrəşməyən uşaqlar müəllimin köməkliyi ilə üçrəngli bayrağımız haqqında məlumat öyrənir, sinifdə oturuş qaydalarına əməl etməyə çalışırlar. Rüstəm Quluzadə, Hilal Vəliyev, Leyla Mustafazadə, Rahilə Səfərzadə, Nicat Oruczadə, Daha ətraflı »

                                                             UMUDLUDAN BAŞLANAN ÖMÜR YOLU

Yaşadığımız cəmiyyətdə hər kəsin öz yeri, öz məşğuliyyəti, öz mövqeyi var və bu cəmiyyət hamı üçündür. Yaşlı insanlarımızın həyat təcrübəsindən, onların bilik və bacarıqlarından bəhrələnmək hər birimizin borcudur. Adsanı ilə tanınan, ləyaqətlə yaşayan, həyat təcrübəsi ilə yeni nəsillərə nümunə olan ahıllar həmişə hörmətə layiqdirlər. Hələ keçmişlərdən ağsaqqal, ahıl insanlarımız müdrik və hörmətli adamlar hesab olunublar. Yaşlı insanlarımızın həyat təcrübəsi gənc nəslin sərvəti sayılır. Onların məsləhətlərinə qulaq asmaq, dediklərinə əməl etməklə həmin sərvətə nail olmaq mümkündür. Yaşlı insanların təcrübəsi əvəzolunmazdır. Bu gün fəxrlə deyə bilərik ki, Daha ətraflı »

                                                                  İSLAMDA ŞƏHİDLİK ZİRVƏSİ

Vətən, millət uğrunda döyüşərkən həlak olanlara şəhid, sağ qalanlara isə qazi deyilir. “Şəhid” ərəb mənşəli kəlmə olub xəbər verən, bildiyini söyləyən, hazır olan və hadisəyə şahidlik edən anlamını ifadə edir. İslam alimlərinin fikrincə, ölkənin müstəqilliyini, ərazi bütövlüyünü və əhalisinin mühafizəsini, malını, şərəf və namusunu müdafiə zamanı canını fəda edənlər şəhiddirlər. Tanrı dərgahında şəhidlik mərtəbəsi peyğəmbərlikdən sonra ən yüksək zirvədir. Şəhidlərin Allah qatındakı məqamı ilə bağlı Qurani-Kərimdə buyurulur: “Allah yolunda öldürülənlərə (şəhid olanlara) “ölü” deməyin. Əksinə, onlar (Allah dərgahında) diridirlər, lakin siz bunu dərk etmirsiniz” (Bəqərə, 154).
Şəhidlik, həmçinin günahların bağışlanmasına vəsilə olan fəzilətli əməldir. Bununla bağlı Həzrət Məhəmməd (s) demişdir: “Şəhidin qul borcundan başqa, bütün günahlarını Allah bağışlayır”.
Rəbbimiz müqəddəs amallar uğrunda canını qurban verən salehlərlə yanaşı, vuruşub öldürən möminləri də cənnətlə müjdələyir. İslam alimləri şəhidliyi iki növə bölmüşlər:
Sevimli Peyğəmbərimiz (s) qeyd edir ki, mən qiyamət günündə şəhidlərin Allah yolunda canlarını sevərək fəda etdiklərinə şahidlik edəcəyəm. Bəşər tarixində ilk şəhid Həzrət Adəmin (ə) oğlu Həzrət Habildir (ə). Əbədi ölməzlik və kamil şəhidlik zirvəsi isə İmam Hüseynə (ə) məxsusdur. Daha ətraflı »

Tərtər ədəbi ictimaiyyətinə ağır itki üz verib. Tanınmış yazıçı-publisist, şair, folklorçu, “Aşıq Pəri” məclisinin və “Tərtərin səsi” ədəbi birliyinin üzvü olmuş, təcrübəli pedoqoq Nubar Əsəd qızı Mədətova vəfat edib.
Nubar Əsəd qızı Mədətova 1 yanvar 1933-cü ildə Ağdam rayonunun Baş Qərvənd kəndində anadan olub. Onun uşaqlığı Böyük Vətən müharibəsi illərinə təsadüf edib. Atası Əsəd kişi kolxozda sıravi işdə çalışır, ailənin ehtiyaclarını çətinliklə qarşılayırdı.
Beşinci sinifdən etibarən Nubar Mədətli təhsilini Ağdam şəhərindəki 1 saylı internat məktəbində davam etdirib. 1949-cı ildə o, ikillik Müəllimlər İnstitutuna daxil olub. İnstitutu bitirdikdən sonra təyinatla Tərtər rayonunun Hüsənli kəndinə göndərilib. Nubar Mədətova burada gələcək həyat yoldaşı Məcidlə tanış olur onunla ailə qurur. Həyat yoldaşı ilə birlikdə 1951-ci ildən rayonun Azadqaraqoyunlu kəndində yaşamağa və birlikdə kənd məktəbində işləməyə başlayıblar. İşləyə-işləyə təhsilini Xankəndində yerləşən pedoqoji institutda davam etdirib.
Nubar Mədətova işlədiyi müddətdə ictimai fəalığı ilə həmişə seçilib. O, qabaqcıl müəllim kimi 1963-cü ildə partiya sıralarına qəbul edilib və uzun müddət məktəb ilk partiya təşkilatının katibi işləyib. 25 illik pedoqoji fəaliyyəti dövründə əvvəlcə müəllim, sonra isə tərbiyə işləri üzrə direktor müavini kimi Daha ətraflı »

                                                            ƏDALƏT HAQQINDA

“Qanunilik və ədalətlilik eyni şeylərdir.”
                                                                   SOKRAT
“Ədalətli insan haqsızlıq etməyən deyil, ədalətsiz olmaq imkanı olduğu halda, ədalətsiz olmaq istəməyən biridir.”
                                                                                   MENANDER
“Ədalət dəyərli insanların sahib olduqları ən şərəfli tacdır.”
                                                                                 MARK TULLİ SİSERON
“Kainatın ruhu həqiqətdir.”
                                              İBN SİNA
“Gücün kimin tərəfində olması vacib deyil; vacib olan haqqın kimin tərəfində olmasıdır. “
                                                                                                                                                 V. HÜQO
“Ədalətli bir şəkildə həll olunana qədər heç bir şey tamamilə həll edilmir.”
                                                                                                                   ABRAHAM LİNKOLN
“Ədalət ancaq həqiqətdən, səadət ancaq ədalətdən əmələ gələ bilər.”
                                                                                                              ANATOLE FRANCE
“Buraxın ədalət yerini tapsın, istərsə qiyamət qopsun.”
                                                                                                           ZİQMUND FREYD

Oktyabrın 2-də Azərbaycan Respublikasının Prezidenti İlham Əliyev İspaniyanın EFE informasiya agentliyinə verdiyi müsahibə zamanı Azərbaycan Respublikasının Prezidenti İlham Əliyev Ermənistanın baş naziri Nikol Paşinyanla istənilən zaman danışıqlara hazır olduğunu bildirmişdir.

Qeyd etmişdir ki, Azərbaycanla Ermənistan arasında danışıqlar və təmaslar artıq başlamışdır. Azərbaycan, Ermənistan və Rusiyanın Baş nazirlərinin müavinləri səviyyəsində əməkdaşlığın formatı mövcuddur və bu format kommunikasiyaların açılması məsələsinə həsr olunub. Eyni zamanda, BMT Baş Assambleyasının sessiyası çərçivəsində Ermənistan və Azərbaycan xarici işlər nazirlərinin görüşü baş tutub və bu görüş konstruktiv olmuşdur. Azərbaycanın mövqeyi müharibə bitəndən sonra dəyişməz olaraq qalır. Azərbaycan Ermənistanla hər iki ölkənin ərazi bütövlüyünün qarşılıqlı tanınması əsasında normal münasibətlər qurmaq Daha ətraflı »

Çoxəsrlik dövlətçilik ənənələrinə malik Azərbaycan xalqının tarixində misilsiz xidmətləri olan şəxsiyyətlər, görkəmli dövlət xadimləri zaman-zaman böyük işləri və əməlləri ilə milli yaddaşımızda silinməz iz buraxmışlar. Belə tarixi şəxsiyyətlərin içərisində müstəqil Azərbaycanın qurucusu və memarı, xalqının ümummilli lideri adını qazanmış görkəmli dövlət xadimi, dünya şöhrətli siyasətçi Heydər Əliyevin şəxsiyyəti, onun uzaqgörən və titanik idarəçilik fəaliyyəti müstəsna yer tutur.

Ulu Öndərin 1993-cü ilin oktyabrında dövlət başçısı seçilməsindən sonra müstəqil Azərbaycanın hüquqi və siyasi-iqtisadi suverenliyinin təmin olunması prosesi əsaslı şəkildə sürətlənmişdir. Xalqın mütləq əksəriyyətinin səsini qazanaraq Azərbaycan Respublikasının Prezidenti seçilən Ulu Öndər 1993-cü il oktyabrın 10-da dövlətə və xalqa sədaqət andı içərək Daha ətraflı »

2016-cı il Aprel Döyüşləri zamanı Azərbaycan Ordusunun əks hücumu nəticəsində Lələtəpə yüksəkliyi işğaldan azad edilmiş və Cocuq Mərcanlı kəndi Azərbaycan Ordusunun nəzarətinə keçmişdi. Vətən müharibəsi zamanı Azərbaycan Ordusu 2020-ci il 27 sentyabr tarixində Cəbrayıl rayonunun Böyük Mərcanlı və Nüzgar kəndləri, 3 oktybar tarixində Mehdili, Çaxırlı, Aşağı Maralyan, Şəybəy və Quycaq kəndləri, 4 oktyabr tarixində Cəbrayıl şəhərini və rayonun 9 kəndini – Karxulu, Şükürbəyli, Çərəkən, Daşkəsən, Horovlu, Mahmudlu, Cəfərabad, Yuxarı Maralyan və Decal kəndlərini işğaldan azad etmişdir. Cəbrayıl rayonunun ərazisində aparılan hərbi əməliyyatlar nəticəsində ümumilikdə 1 şəhər (Cəbrayıl) və 80 kənd işğaldan azad edildi. Bununlada Cəbrayıl rayonu 27 ildən sonra düşmən işğalından azad edildi. Üstəlik, Azərbaycan Ordusunun Xocavənd rayonunun cənub kəndləri və strateji Hadrut qəsəbəsi istiqmətində hərbi əməliyyatlar keçirməsi üçün geniş imkanlar yarandı.

Bizim tariximizdə bir çox şərəfli anlar olub, hadisələr olub, qələbələr olub. Onların sırasında Cəbrayılın azad edilməsi xüsusi əhəmiyyət daşıyır. Oktyabrın 4-ü Cəbrayıl şəhərinin Ermənistan işğalından azad edilməsinin 1-ci ildönümüdür.

Cəbrayıl rayonu 27 ildən sonra düşmən işğalından azad edildi. Üstəlik, Azərbaycan Ordusunun Xocavənd rayonunun cənub kəndləri və strateji Hadrut qəsəbəsi istiqmətində hərbi əməliyyatlar keçirməsi üçün geniş imkanlar yarandı. Cəbrayılın azad olunması Azərbaycan Ordusunun şücaətinin nəticəsidir. Daha ətraflı »

Prezident İlham Əliyev 2021-ci il 28 sentyabr tarixində “France-24” televiziya kanalına müsahibə vermişdir. Müsahibə əsasən Ermənistan-Azərbaycan münaqişəsinin həllini tapması və gələcəkdə regionda sülhün bərqərar olması kimi müddəalarla yadda qaldı. Fransa jurnalistinin qərəzli suallarına cənab Prezident adekvat cavablar verərək bir daha informasiya cəbhəsində haqq səsimizi beynəlxalq aləmə çatdırdı.

Ölkə başçısı bildirdi ki, müharibə artıq bitib, münaqişə öz ədalətli həllini tapıb və sülh və regionun inkişafı naminə Azərbaycan danışıqların aparılmasına hazırdır. Azərbaycan artıq bir neçə dəfə açıq şəkildə Ermənistanla dialoqa başlamağa hazır olduğunu bildirib. Söhbət təkcə dialoqun başlanılmasından getmir, eyni zamanda, Azərbaycan və Ermənistan arasında gələcək sülh razılaşmasının üzərində aparılacaq işdən də gedir. Daha ətraflı »