Rayonun Ağsaqqallar Şurasının hesabatseçki konfransı keçirilib.
Konfransda Tərtər Rayon İcra Hakimiyyətinin başçısı Müstəqim Məmmədov, Azərbaycan Ağsaqqallar Şurasının sədrinin birinci müavini, iqtisad elimlər doktoru, professor Vahid Novruzov, rayon Ağsaqqallar Şurasının üzvləri iştirak edib.
Tədbiri giriş sözü ilə açan Tərtər Rayon İcra Hakimiyyətinin başçısı Müstəqim Məmmədov tədbir iştirakçılarını salamlayıb və ağsaqqal hərəkatının tarixindən, respublikamızda ağsaqqallara göstərilən dövlət qayğısından, ölkənin, eləcə də rayonun ictimai-siyasi həyatında ağsaqqalların rolu və nüfuzundan danışıb.
Respublika Ağsaqqallar Şurasının sədrinin birinci müavini, iqtisad elimlər doktoru, professor Vahid Novruzov çıxış edərək ölkəmizdə yaşlı nəslin nümayəndələrinə göstərilən yüksək dövlət qayğısından bəhs edib.
Konfransda rayon Ağsaqqallar Şurasının sədri Qədir Allahverdiyev görülən işlər barədə hesabat verib. Tədbirdə ağsaqqallardan Rauf Həsənzadə, Ələddin Süleymanov, Mənsim Allahverdiyev çıxış ediblər. Daha ətraflı »

Tibb İşçilərinin Peşə Bayramı Günü münasibəti ilə Tərtər rayonunda tədbir keçirildi. Tədbir iştirakçıları əvvəlcə Mərkəzi meydanda ucaldılmış Ulu Öndər Heydər Əliyevin abidəsinin önünə tər gül-çiçək dəstələri düzərək, Onun əziz xatirəsini yad ediblər.
Karantin qaydalarının tələblərinə əməl etməklə rayon Mərkəzi Xəstəxanasında davam etdirilən tədbirdə çıxış edən Tərtər rayon İcra Hakimiyyətinin başçısı Müstəqim Məmmədov tibb işçilərini peşə bayramları münasibəti ilə təbrik edib, onlara çətin və şərəfli işlərində uğurlar arzulayıb. Ulu Öndər Heydər Əliyevin səhiyyə sahəsinə göstərdiyi diqqət və qayğıdan bəhs edərək bildirib ki, Ümummilli Lider Heydər Əliyevin 2001-ci il iyunun 4-də imzaladığı Sərəncama əsasən, hər il iyunun 17-si ölkəmizdə Tibb İşçilərinin Peşə Bayramı Günü kimi qeyd olunur. Rayon rəhbəri ölkədə səhiyyə sahəsinə dövlət tərəfindən göstərilən diqqət və qayğıdan danışaraq qeyd edib ki, son illər Azərbaycan səhiyyəsinin idarə olunması, tibb müəssisələrinin maddi-texniki bazasının gücləndirilməsi, yeni tibbi texnologiyaların Daha ətraflı »

Tədbir iştirakçıları əvvəlcə Ümummilli Lider Heydər Əliyevin Mərkəzi Meydanda ucalan abidəsini ziyarət edib, önünə gül dəstələri qoyaraq, Ulu Öndərə hörmət və ehtiramlarını bildiriblər.
Karantin qaydalarının tələblərinə əməl etməklə Gənclər Mərkəzinin akt zalında davam edən tədbiri giriş sözü ilə açan Tərtər Rayon İcra Hakimiyyətinin başçısı Müstəqim Məmmədov dövlət qulluqçularını təbrik edib və onlara fəaliyyətlərində uğurlar arzulayıb. Sonra rayon rəhbəri Ümumilli Lider Heydər Əliyev tərəfindən aparılan uğurlu kadr siyasətindən, bu siyasətin ölkə prezidenti İlham Əliyevin səmərəli surətdə davam etdirməsindən və rayonda kadr potensialından düşünülmüş şəlildə istifadə olunmasından ətraflı danışdı.
Tədbirin sonunda dövlət qulluğunda səmərəli fəaliyyətinə, rayonun ictimaisiyasi həyatında fəal mövqeyinə görə bir qrup dövlət qulluqçusuna rayon icra hakimiyyətinin fəxri fərmanları təqdim edilib.

“Fulya” adlı sənədli filmin çəkilişi ilə əlaqədar filmin qəhrəmanı Vətən Müharibəsi zamanı operativliyi və dəqiqliyi ilə Azərbaycan xalqının rəğbətini qazanan türkiyəli müxbir Fulya Öztürk Tərtər rayonunda olub.
Səfər çərçivəsində Fulya Öztürk Tərtər Rayon İcra Hakimiyyətinin başçısı Müstəqim Məmmədovla görüşüb. Görüşdə rayon rəhbəri 44 günlük Vətən Müharibəsinin ən çətin anlarında Fulya xanımın tərtərlilərlə bir yerdə olduğunu, Daha ətraflı »

Koronavirus (COVID-19) pandemiyası ilə mübarizədə əhalinin sağlamlığının qorunması, infeksiyanın yayılmasının və onun törədə biləcəyi fəsadların qarşısının alınması məqsədilə Tərtər rayonunda dezinfeksiya tədbirləri mütəmadi olaraq davam etdirilir. Bu məqsədlə tibbi-profilaktik, dezinfeksiyaedici və qabaqlayıcı tədbirlər müəyyən edilmiş qrafikə əsasən həyata keçirilir. Tədbirlər planına uyğun olaraq növbəti dezinfeksiya işləri Tərtər rayon İcra Hakimiyyətinin, Yeni Azərbaycan Partiyası Tərtər Rayon Təşkilatının, Uşaq Gənclər İdman Şahmat məktəbinin, Azərpoçt MMC-nin Tərtər rayon filialının, Tarix Diyarşünaslıq müzeyinin, Tərtər rayon Mədəniyyət Mərkəzinin inzibati binalarında və insanların sıxlıq təşkil etdiyi ərazilərdə aparılmışdır.

Tərtər Rayon İcra Hakimiyyətinin təşkilatçılığı ilə Mərkəzi rayon xəstəxanasının həkim heyyəti gündəlik olaraq rayon mərkəzi ilə yanaşı kənd yaşayış məntəqələrində də əhalinin kütləvi qaydada vaksinasiyadan keçməsini həyata keçirir. Bu günlərdə rayonumuzun Qapanlı, Yuxarı Qaradağlı və Qarağacı kəndlərində təşkil olunan vaksinasiyada 250 nəfərə yaxın kənd sakininə COVID-19 əleyhinə vaksin vurulub. Gün ərzində isə rayon üzrə 501 nəfər vaksinasiyadan keçib. İndiyədək rayon sakinlərinə 26 min 776 doza vaksin vurulub. Birinci mərhələ üzrə peyvənd olunanların sayı 17 min 653, ikinci mərhələ üzrə peyvənd olunanların sayı isə 9 min 123 nəfərdir.

Tərtər rayonunda abadlıq işləri mütəmadi olaraq davam etdirilir. Bunun üçün iməciliklər keçirilir, abadlıq və təmizlik işləri görülür. Tərtər şəhərində keçirilən növbəti iməcilikdə yol kənarları alaq otlarından təmizlənib, ərazidə mövcud olan çəmənlik və ağacların suvarılması, qurumuş ağacların vaxtında ərazidən götürülməsi, çəmənliklərin biçilməsi, ağac və kollarda budamanın aparılması işləri təmin olunub. Ərazi ətraf mühit, insan sağlamlığı üçün zərərli olan müxtəlif məişət və polietilen tullantılarından təmizlənib. Toplanan məişət tullantıları Tərtər Şəhər Kommunal Təsərrüfatı İdarəsinin xüsusi nəqliyyat vasitələri ilə ərazilərdən daşınıb.

                                     İTİRİLMİŞ UŞAQLIĞIN SONRAKI SEVİNCİ

Hələ aylar öncədən bilirdik ki, müharibə olacaq! Axı, biz cəbhə bölgəsində yaşayırıq. Bütün silah-sursatlar, zirehli texnikalar gözümüzün önündən hər gün karvan-karvan keçirdi.
Lakin gördüklərimiz bir an da olsun bizi qorxutmurdu, əksinə, çox sevinirdik nədənsə. Sevinməyə də haqqımız var idi. Axı, torpaqlarımızın azad olunmasına sayılı günlər qalmışdı…
O günləri yaşadıqca uşaqlığımı əlimdən almış 1993-cü ildəki günlər yadıma düşürdü. O zamanlar ölkəmiz bu qədər inkişaf etməmişdi. Səngərlərdə gecələyirdik. Hər an ölüm qorxusu yaşayırdıq. Hələ sonuncu dəfə səngərdə qaldığım heç yadımdan çıxmaz. Adətən axşam saatlarında atışma güclənirdi. Həmin gecə çox dəhşətli atışma oldu, bayram günlərində göydə partlayan atəşfəşanlığı xatırladan Daha ətraflı »

2020-ci il sentyabrın 27-də saat 06:00 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub.
Bunun nəticəsində mülki əhali arasında həlak olan və yaralananlar olub. Mülki infrastruktur obyektlərinə ciddi ziyan dəyib. Ermənistan silahlı qüvvələrinin döyüş aktivliyinin qarşısını almaq, mülki əhalinin təhlükəsizliyini təmin etmək məqsədilə Azərbaycan Ordusunun komandanlığı tərəfindən qoşunlarımızın bütün cəbhə boyu əks-hücum əməliyyatı başlaması barədə qərar verilib.
Ermənistan ərazisindən, eləcə də Xankəndi şəhərindən Azərbaycan ərazisində əhalinin kompakt yaşadığı məntəqələrə, mülki infrastruktura Daha ətraflı »

Qarabağa çox yaxın olan Tərtər erməni təcavüzündən kifayət qədər əziyyət çəkib. Hal-hazırda Ağdərə rayonundan rayonun tabeliyinə verilmiş yaşayış məntəqələrinin çoxu işğal altındadır. Rayonun bir neçə kəndi cəbhədə yerləşdiyindən Tərtər ətrafında tez-tez döyüşlər gedirdi. Birinci Qarabağ müharibəsi dövründə Tərtər rayonundan 300-dən çox şəhid olub. Son 5 il ərzində 20 nəfərə yaxın tərtərli ermənilərin basdırdığı minalara düşüb.
Ermənilər Birinci Qarabağ müharibəsi dövründə cəbhənin Goranboy və Tərtər istiqamətinə perspektivli ərazi kimi yanaşıblar. Onlar istər 1992-ci ildə, istər 1994-cü ildə, istər 2016-cı ildə, istərsə də 2020-ci ildə əsas diqqəti cəbhənin bu istiqamətinə yönəldiblər. Birinci Qarabağ müharibəsi dövründə Tərtər istiqamətində döyüşlərdə iştirak etmiş zabitlərin sözlərinə görə, 1994-cü ilin yanvar ayında ermənilərin hərbi qüvvə və texnikasının demək olar 45–50 faizi və 10 min nəfərə yaxın şəxsi heyəti məhz cəbhənin bu istiqamətində cəmləşdirilmişdi.
2010-cu ilin iyunun 19-da Tərtərin Çaylı kəndində baş verən döyüşlərdə Azərbaycan ordusunun əsgəri Mübariz İbrahimov çoxlu sayda erməni əsgərini öldürərək şəhid olub. Mübariz İbrahimov bu igidliyinə görə Azərbaycanın Milli Qəhrəmanı adına layiq görülüb. İndiki dövrdə belə Ermənistanda Mübariz İbrahimov haqqında danışmağa qadağa qoyulub. Bundan sonra erməni ordusunun əsgərləri bir neçə dəfə Tərtər istiqamətindən cəbhə xəttini yararaq Azərbaycan ərazisinə daxil olmağa çalışsalar da, onların bu cəhdlərinin qarşısı qətiyyətlə alınıb və düşmən ordusu itki verərək geri çəkilib.
2016-cı ildə Dördgünlük müharibə nəticəsində Tərtə-rin Talış və Seysulan kəndləri ətrafındakı strateji yüksəkliklər işğaldan azad edildi.
2020-ci ildə İkinci Qarabağ müharibəsində Suqovuşan və Talış kəndləri tamamilə işğaldan azad edilib.