Seydimli kənd İƏD üzrə nümayəndəliyin ötən ilin yekunlarına dair hesabat yığıncağı keçirildi.
Tədbiri giriş sözü ilə açan Seydimli kənd İƏD üzrə nümayəndə Nərmin Vəliyeva məruzə etdi.
Məruzəçi görülən işlərlə yanaşı, kənddə olan problemlərdən də danışdı. Göstərdi ki, kənddə elektrik xətlərinin və dirəklərinin yenisi ilə əvəz olunmasına, suvarma üçün 2 ədəd subartezian quyusunun qazılmasına, kəndarası yolların təmirinə ehtiyac var.
Məruzə ətrafında bələdiyyə sədri Mədinə İmanova, tam orta məktəbin direktoru Nurəddin İbrahimov, körpələr evi-uşaq bağçasının müdiri Hicran Hüseynova, kənd ağsaqqalı Sayəddin Musayev və həkim məntəqəsinin müdiri Məlahət Hüseynova çıxış etdilər.
Seydimli kənd İƏD üzrə nümayəndəliyin hesabat yığıncağında iştirak edən rayon icra hakimiyyətinin başçısı Müstəqim Məmmədov rayonun sosial-iqtisadi inkişafından, həyata keçirilən məqsədyönlü tədbirlərdən, qarşıda duran vəzifələrdən danışdı, ölkə rəhbərinə Tərtərə göstərdiyi diqqət və qayğıya görə sakinlər adından minnətdarlığını bildirdi.

“Yeni Tərtər”

Bu günlərdə Sarov kənd İƏD-də ötən il görülən işlərə həsr olunmuş hesabat yığıncağı keçirildi. Tədbiri Sarov kənd İƏD üzrə nümayəndə İnqilab Hətəmov açdı. Bildirdi ki, Sarov kənd İƏD Sarov, Rəcəbli, Kovdadıq, Umudlu və Bildirçinli kəndlərini əhatə edir. Ərazidə 99 nəfəri birləşdirən 32 qaçqın və məcburi köçkün ailəsi məskunlaşıb.
Sonra məruzəçi görülən işlərdən və mövcud nöqsanlardan ətraflı bəhs etdi.
Hesabat yığıncağında kənd bələdiyyəsinin sədri Yusif Paşayev, Sarov kənd sakinləri Mənsim Allahverdiyev, Səkinə Kərimova, kənd tam orta məktəbinin direktoru Rüfət İsmayılov, Rəcəbli kənd əsas məktəbinin direktoru Mayıl Asla-nov, Sarov kənd həkim məntəqəsinin müdüri Zoya Muradova çıxışlarında işdə yol verilmiş nöqsanlara toxundular.
Sarov İƏD üzrə nümayəndəliyin illik hesabatında rayon icra hakimiyyətinin birinci müavini Ramiz Şabanov iştirak etmiş, qeyd olunan nöqsanların tezliklə aradan qaldırılması barədə tapşırıqlar vermişdir.

“Yeni Tərtər”

Heydər Əliyev Mərkəzində rayon icra hakimiyyəti Səfərbərlik və Hərbi Xidmətə Çağırış üzrə Dövlət Xidmətinin rayon şöbəsi ilə birlikdə hərbi xidmətdən tərxis olmuş gənclərin qarşılanma mərasimini keçirmişdir.
Əvvəlcə gənclər Ulu Öndərin Mərkəzi Meydanda ucaldılmış abidəsi önünə gül-çiçək dəstələri qoymuş, sonra Heydər Əliyev Mərkəzində Ulu Öndərin həyat və fəaliyyətini əks etdirən eksponatlarla tanış olmuşlar. Tədbir “Dəyirmi masa” arxasında davam etdirilmişdir.
Mərasimi giriş sözü ilə Səfərbərlik və Hərbi Xidmətə Çağırış üzrə Dövlət Xidmətinin rayon şöbəsinin rəisi İslam Məmmədov açaraq ordu quruculuğunda görülən işlərdən danışmış, bildirmişdir ki, Azərbaycan Ordusunun güclü mad-di-texniki bazası, şəxsi heyəti, yüksək döyüş və mənəvi-psixoloji hazırlığı vardır. Daha ətraflı »

TƏLATÜMLÜ ZAMANIN QANLI BİR GECƏSİ

Tərtər rayon Tarix-diyarşünaslıq muzeyində Ümum-xalq Hüzn Günü–20 Yanvar faciəsinə həsr olunmuş tədbir keçirildi. Tədbirə şəhər 2 saylı məktəb-liseyin müəllim və şagird kollektivi, mədəniyyət işçiləri və Yeni Tərtər” qəzetinin əməkdaşları dəvət olunmuşdular.
Toplantını giriş sözü ilə muzeyin direktor əvəzi Aybəniz Məmmədova açdı. 20 Yanvar şəhidlərinin xatirəsi bir dəqiqəlik sükutla yad edildi.
Sonra söz muzeyin elmi işçisi Xuraman Məmmədovaya verildi. O, mövzu ilə bağlı məruzə ilə çıxış etdi. Göstərdi ki, 1990-cı ilin yanvarında Azərbaycan təlatümlü günlərini yaşayırdı. Xalq hərəkatını boğmaq, Azərbaycanın müstəqilliyi-nə doğru gedən yolunu bağlamaq üçün imperiya başçıları müdhiş bir qırğın planı hazırlayıb həyata keçirdilər.
Məruzədən sonra şəhər 2 saylı məktəb-liseyin şagirdlərinin ifasında 20 Yanvara həsr olunmuş ədəbi-bədii kompozisiya dinlənildi.

“Yeni Tərtər”

Bu münasibətlə keçirilən tədbiri qəzetimizin baş redaktoru Tofiq Yusif açdı. O bildirdi ki, 1990-cı ilin 20 Yanvar günündə Bakıda törədilən dəhşətli qırğın tariximizin heç zaman unudulmayan səhifələrindən biridir. Ancaq bu hadisələrə yalnız faciə kimi yanaşmaq lazım deyil. Çünki məhz həmin günlərdə əliyalın xalq öz vətəninin azadlığının qorunması naminə qurbanlar verərərk, saxta Qarbaçov rejiminə öz etirazını bildirdi.
Yığıncaqda redaksiya əməkdaşlarından Əvəz Nəsirov, Elfuzə Vəliyeva, Bəxtilə Əliyeva çıxış edərək, 20 Yanvar hadisələri barədə danışmışlar. Qeyd olunmuşdur ki, ölməzlik, qəhrəmanlıq simvoluna çevrilmiş şəhidlər xalqımız tərəfindən daim ehtiramla yad edilirlər.

“Yeni Tərtər”

Tərtər Gənclər İnkişaf Mərkəzində 20 Yanvar hadisələrinin 28-ci ildönümünə həsr olunmuş tədbiri mərkəzin direktoru Ülviyyə Qəmbərova açdı. Qeyd etdi ki, bugünkü müstəqilliyimiz, azadlığımız qurbanlar hesabına qazanılıb. Yanvar şəhidləri də azadlıq fədailəri kimi daim qədirbilən xalqın qəlbində yaşayacaqlar.
Sonra Nuranə Mahmudova, Aynur Eyyubova, İlhamə Quliyeva çıxış edərək o qarlı-şaxtalı yanvar günün-də xalqımızın başına gətirilən müsibətlərdən danışdılar.
Dərnək üzvlərinin ifasında 20 Yanvara həsr olunmuş şeir və kompozisiyalar dinlənildi.

“Yeni Tərtər”

TƏRTƏR QƏHRƏMANLAR DİYARIDIR

Bu yerlərin havası təmiz, suyu saf, torpağı münbit, insanları qoçaq və zirəkdir. Tərtərlilər Qarabağ savaşında sözün həqiqi mənasında qəhrəmanlıq nümunəsi göstərmiş, doğma yurdun hər qarışını Ermənistan silahlı qüvvələrinin təcavüzündən qurbanlar bahasına fədakarlıqla qorumuşlar. Vətən uğrunda döyüşlərdə şəhid olan çoxsaylı tərtərli igidlər öz adlarını yurdun şanlı tarixinə qanları ilə yazmışlar.
Milli qəhrəmanlar Elman Hüseynovun və Vəzir Orucovun adları bu gün Tərtərdə hörmət və ehtiramla çəkilir. Qürurverici faktdır ki, tərtərlilər Qarabağ müharibəsində bir qarış torpaq da itirməmişlər. Əksinə, dədə-baba torpaqlarımızda məskunlaşmış ermənilərin yaşadığı ərazilər tamamilə təmizlənmiş, nankor və xain qonşular bölgədən çıxarılmışdır. Hələ savaş bitməyib, müharibə başa çatmayıb. Ermənistan silahlı qüvvələri isə təxribatlarını davam etdirir, atəşkəs rejimini vaxtaşırı pozur. Daha ətraflı »

BİZƏ OLAN MÜNASİBƏT ÜRƏYİMİZCƏDİR

Yaranışdan insanı qarşıda nələr gözlədiyindən bixəbərdir. Bəlkə də bilinsəydi həyatın öz axarı maraqsız olardı. Amma elə yollar var ki, az da olsa nələrin baş verəcəyini anlayaraq könüllü olaraq üz tutursan, hər əzabına qatlaşırsan. Aldığın zərbələri özünün vətəndaşlıq borcun kimi qəbul edirsən. Vətənimizin ərazi bütövlüyü uğrunda yaralananlar və şəhid olanlar kimi.
Bu gün ətrafımızda yüzlərlə igidimiz Qarabağ savaşında aldığı yaralardan əziyyət çəkir. Lakin bu ağrılara səbrlə, təmkinlə tab gətirirlər. Belə yaralı igidlərimizdən biri də Qaradağlı kəndində yaşayan Hüseynov Habil Əhməd oğludur. Habil özünümüdafiə batalyonuna yazılanda yaşadığı doğma kəndində kolxoz işlərində çalışırdı. Vətənin dar günü idi. Camaatın başına tökülən qrad qəlpələri, törədilən cinayətlər, axıdılan günahsız qanlar hamı kimi Habili də narahat edirdi. Özü də hərbi xidmətini Rusiyada keçmişdi və hərbi texnikadan anlayışı vardı. 1992-ci ilin noyabr ayında Vətənin qorxmaz bir oğlu kimi batalyonun tərkibində savaşa qoşuldu. Ağdərə ətrafı döyüşlərdə iştirak etdi. Elə həmin ay da Vəng uğrunda gedən döyüşdə ağır yaralandı. O dəhşətli günü xatırlayaraq döyüş yoldaşı Rövşən Məmmədov belə deyir: Daha ətraflı »

Rayon üzrə 2017-ci ilin məhsulu üçün kənd təsərrüfatı bitkilərinin əkin sahəsi 26 min 36,4 hektar olmuşdur. Əkin sahəsinin 9843,2 hektarını və yaxud 37,8 faizini dənli və dənli paxlalı bitkilər, 6316,4 hektarını və yaxud 24,3 faizini texniki bitkilər, 1583,3 hektarını və yaxud 6,1 faizini kartof, bostan və tərəvəz bitkiləri, 8293,5 hektarını və yaxud 31,8 faizini yem bitkiləri təşkil etmişdir.
2017-ci ildə dənli və dənli paxlalı bitkilərin əkini əvvəlki ilə nisbətən 2721.8 hektar və yaxud 21,7 faiz azalmışdır. Bu azalma texniki bitkilərin əkin sahələrinin artımı ilə əlaqədardır. Yalnız qarğıdalı əkini 131 hektar və yaxud 85,6 faiz artmışdır. Nəticədə 2017-ci ildə qarğıdalı nəzərə alınmaqla ilkin çəkidə 36 min 274,7 ton taxıl məhsulu toplanmışdır.
Kartof kənd təsərrüfatı məhsullarının istehsalında mühüm yer tutur. 2017-ci ildə 498 hektar kartof sahəsindən 5458,6 ton kartof istehsal edilmişdir. Hər hektar kartof sahəsindən orta məhsuldarlıq 2016-cı ilə nisbətən 0,4 sentner artaraq 109,6 sentnerə çatmışdır. Daha ətraflı »

CAVİD ÖMRÜ

Cavid ömrü. Tufanlara sinə gərib, şaxtalarda donan ömür. Qürbət eldə qürub edən, qərib kimi bitən ömür. Vətən adlı, xalq adlı bir sevdaya tutuşan, atəş ilə qovrulan, həsrət ilə yanan ömür.
Xəyal!… Əvət. Yaşatan yalnız əhli-halı odur,
Yaşarsa bir könül, az-çox xəyal içində yaşar.
(H. Cavid)
Bəli, Cavid ömrü də azad bir ölkənin, əsarətin pəncəsində əzilməyən bir xalqın xəyalı ilə yaşadı. Lakin onu yaşadan bu arzu, bu xəyal onun ölüm fərmanına çevrildi. Bir şair və yazıçı kimi rəğbət qazanan, dövrünün qabaqcıl ziyalılarından olan, əsərlərində gözəlliyi, sevgini, azad ruhu vəsf edən, qaranlığa işıq tutan Hüseyn Cavid nədənsə sovet hökumətinin gözünə batmağa başladı. Hələ sağlığında yaradıcılıq gecələri təşkil olunan, dəyər verilib sağalması üçün Almaniyaya göndərilən şair birdən-birə düşmən qüvvəyə çevrildi. Təqiblərə məruz qaldı. Nəhayət, varlığından xofa düşənlər fətvasını verdi. İmperiyanın quzğun caynaqları Cavidi vətənin bağrından sökərək onun od nəfəsini, azad ruhunu dondurmaq üçün Sibirin şaxtasına təslim etdi. Daha ətraflı »