TƏRTƏRLİ BEHBUD AĞA CAVANŞİR

Stalinin: «bu bir il yarımlıq hakimiyyətiniz ərzində xalqa nə verə bildiniz?»–sualının cavabında Məhəmməd Əmin Rəsulzadə demişdi: «Çox şey verə bilmədik… Amma milli azadlığın nə olduğunu başa saldıq. Azca da milli istiqlal dadızdırdıq».
İnsan iki həqiqətə – təbiətə və tarixə xəyanət edə bilməz. Edərsə, böyük itkilər verər.
1918-ci il mayın 28-dəıı 1920-ci il aprelin 27-nə qədər mövcud olan Azərbaycan Demokratik Respublikasının yada salınmaması üçün düz 70 il çalışdılar. Sonda isə həmin 70 ildə hegemonluq edən imperiyanın özü tarixin səhnəsindən düşürüldü və «Bir kərə yüksələn bayraq bir daha enməz!» amalı ilə yaşayan Azərbaycan xalqı yeni demokratik zəmində mübarizə meydanına atılıb mayın 28-nin Azərbaycan dövlətinin yaranması günü kimi elan olunmasını tələb etdi. Xalqın iradəsi qəbul olundu. Daha ətraflı »

Dünyanı inkişaf etdirənlər də, onu məhv edənlər də insanlardır.
Ailə yarandığı andan, dövlətlər yarandığı vaxtlardan onların başında duranlar zəkalı olanda, sülh yaranır. Rus-yapon müharibəsində də, ikinci dünya müharibəsində də belə olub.
İstər Napoleon, istərsə də Hitler yer kürəsinə ağalıq iddiasındaydılar. Napoleon deyirdi ki, göy Allahındır, amma yer üzünün tanrısı mənəm. Hitler isə bütün yer kürəsinə hökmranlıq etmək istəyirdi.
İki əsr ərzində erməni vəhşilərinin başımıza gətirdikləri qırğınlar, talanlar böyük Ermənistan yaratmaq iddiasından irəli gəlir. Hazırda yer kürəsində təbii fəlakətlərlə yanaşı, insanların özləri də kütləvi qırğınlar törədirlər. Suriyada 5 ildən çoxdur ki, qardaş qırğınları davam edir. Böyük dövlət başçıları sülh yaratmaqdansa, qarşıdurma siyasəti yeri-dirlər. Daha ətraflı »

FİDANLAR

Səsgücləndiricidən diktorun səsi eşidilir: “Uzundərə” rəqsi, ifa edirlər Muhsi Əliyev və Şəfiqə Əliyeva”.
Səhnəyə xüsusi geyimdə 2 azyaşlı uşaq çıxır. Onları görcək tamaşaçıların alqış sədaları yüksəlir. Yaşlarına baxmayaraq rəqs fərqli bir əda ilə başlayır. Balacaların rəqsinə hamı diqqət kəsilir. Üzlərdə sevinc, təbəssüm artır. Hətta bir pıçıldaşma da olur. “Bu uşaqlar bacı-qardaşdırlar, ataları hərbiçidir”–deyirlər.
Belə bir mənzərə ilə rayonun bir neçə tədbirində rastlaşmışdım və uşaqlar marağıma səbəb olub. Ona görə də bu azyaşlıları yaxından tanımaq, onlarla söhbət etmək qərarına gəldim və redaksiyada görüşümüz oldu.
Onları redaksiyaya hicablı gənc bir qadın gətirmişdi. Dedi ki, Muhsi və Şəfiqənin anasıyam. Ataları Zaur hərbi hissədə olduğu üçün onları lazım olan yerlərə mən özüm aparıram və bu mənə qürur verir, elə ataları da çox sevinir onların uğurlarına. Daha ətraflı »

ÖTÜRHAÖTÜR OYUNU VƏ YAXUD “BERMUD ÜÇBUCAĞI”

“Bala Kirpi” həmişə olduğu kimi yenə redaksiyaya baş çəkmişdi. Çöl qapını açıb, içəri girmək istəyəndə yenə də baş redaktorun əsəbi səsini eşitdi.
–A başına dönüm, belə də iş olar?! Durduğumuz yerdə oyuna düşmüşük də! Kimə deyəsən, kimdən deyəsən? Hamı günahı boynundan atır. Ortada günah var, amma günahkar yoxdur.
“Bala Kirpi” çəkinə-çəkinə baş redaktorun köməkçisi Nigar Əmrahovaya yaxınlaşdı:
–Yenə nə olub?
Köməkçi çiyinlərini çəkdi, yəni bilmirəm. “Bala Kirpi”nin təəccübü bir az da artdı. Qorxa-qorxa qapını azca aralayıb içəri baxdı. Gördü ki, “Yeni Tərtər”in baş redaktoru Tofiq Yusif əl-qolunu ölçə-ölçə var-gəl eləyir, redaksiyanın mühasibi Bəxtilə Əliyeva isə sakitcə ona qulaq asır.
“Bala Kirpi” istədi qapını sakitcə örtüb, geri çəkilsin, alınmadı, baş redaktor onu gördü və içəri çağırdı. O da gəlib sa-kitcə mühasibin yanında dayandı. Daha ətraflı »

(HEKAYƏ)

Kəndimiz ən ucqar dağ kəndlərindəndir. Hər tərəfdən yaşıl yamaclı silsilə dağlarla əhatə olunan bu kənd düzəngah sahədə yerləşir. Kəndin qarşı tərəfindən dağların dibiynən bir neçə bulağın birləşməsindən yaranan kiçik çay axır. Yaz vaxtları bu çay coşur, kükrəyib daşır, hətta mal-qara da apara bilir.
Kəndimizdə yerli kənd sakinlərinin adlarıyla bağlı yer-yurd adları da olub və hələ də qalmaqdadır. “Səyadın yurdu”, “Qaman dərəsi”, “Seyid Əvizər bulağı” və s. Bu yerlərdə aparılan arxeoloji qazıntıların nəticələrinə görə buranın tarixi çox-çox qədimlərə söykənir. Kurqanlar və insanlar tərəfindən düzəldilmiş mağaralar bu dağlarda çoxdur. Əkin yerlərindən bir nəfərlik küp və ailə qəbirləri indi də çıxmaqdadır. Yaxın keçmişdə almanlar da burada yaşayıblar, işləyiblər və hətta dəmir yolu da çəkiblar. Bizim dağların sərvəti almanları da buralara qədər gətirmişdi. Ondoqqu-zuncu əsrin ortalarında qızıllarımızı, misimizi və digər yeraltı sərvətlərimizi çıxarıb aparırmışlar Almaniyaya. Daha ətraflı »

Talıb Məmmədli

ÖMRÜN FƏSİLLƏRİ
Yaz kimi gəldik cahana,
Tər çiçəklər ətri saçdıq.
Pərvazlana-pərvazlana
Şirin-şirin dillər açdıq,
Noğullandıq, noğullandıq.

Duyum verdi ömrün yayı,
Duyduq əsil-soyumuzu.
İgidlərin olduq tayı,
Vətən sevdi boyumuzu,
Oğullandıq, oğullandıq.

Qayğılardan halı olduq,
Payıza yetdi yaşımız.
Övladlarla bara dolduq,
Bardan əyildi başımız,
Ağıllandıq, ağıllandıq. Daha ətraflı »

Dağlıq Qarabağ bizim tarixi, əzəli torpağımızdır, biz bu torpaqlara qayıtmalıyıq və qayıdacağıq. Ölkəmizin ərazi bütövlüyü danışıqların predmeti deyil və heç vaxt olmayacaq. Biz torpaqlarımızda ikinci erməni dövlətinin yaradılmasına heç vaxt imkan verməyəcəyik və ərazi bütövlüyümüzün bərpası bizim əsas vəzifəmizdir.

İlham ƏLİYEV,
Azərbaycan Respublikasının Prezidenti

Bolqarıstan Prezidenti Rumen Radev Azərbaycana səfər edib. Rəsmi qarşılanma mərasimindən sonra Azərbaycan Respublikasının Prezidenti İlham Əliyevin, birinci xanım Mehriban Əliyevanın Bolqarıstan Respublikasının Prezidenti Rumen Radev və xanımı Desislava Radeva ilə görüşü olub.
AZƏRTAC xəbər verir ki, görüşdə ölkələrimiz arasında münasibətlərin siyasi, iqtisadi, humanitar, energetika sahələrində və digər sahələrdə uğurla inkişaf etdiyi bildirildi. Bolqarıstan Prezidentinin Azərbaycana səfərinin ikitərəfli münasibətlərin daha da inkişaf etdirilməsinə töhfə verəcəyinə əminlik ifadə olundu. Ölkələrimiz arasındakı əlaqələrin daha da genişləndirilməsi üçün yaxşı potensialın olduğu qeyd edildi.
Görüşdə qarşılıqlı maraq doğuran digər məsələlər ətrafında fikir mübadiləsi aparıldı.

Avropa Şurasında Parlament Assambleyasındakı son günlərdə Azərbaycanda demokratik təchizatlar və insan haqları ilə bağlı iki qərəzli qətnamə qəbul olunub.
Belə görünür ki, Azərbaycanın inkişafı, mövqeyi, rolu, gördüyü işlər AŞPA-dakı bəzi ermənipərəst qüvvələri çox narahat edir. Nəyə görə Avropa Şurasının baş katibi Avropa İnsan Haqları Məhkəməsində on minlərlə yerinə yetirilməmiş işi kənara qoyaraq yalnız bir işdən yapışıb? Azərbaycanın nüfuzuna, mövqeyinə birbaşa zərbə vurmaq niyyəti hardan qaynaqlanır?
Məruzələrin hazırlanmasında erməni lobbisinin dəsti xətti aydın görünür. AŞPA-da isə ağa qara demək siyasəti davam edir və qəbul edilən məruzələr AŞPA-ya utanc gətirən sənədlərdir.
Azərbaycan müstəqil bir dövlət kimi bu cür qərəzli ittiham və böhtanları qəbul etmir və belə bir sənədlə işləyə bilməz.

2015-ci il noyabrın 26-da imzalanmış razılaşmaya əsasən, Rusiya Ermənistana müasir silahlar almaq üçün 200 milyon dollar kredit vermək öhdəliyi götürüb. Ermənistan hökuməti oktyabrın 12-də 100 milyon dollarlıq kredit paketini artıq təsdiq edib. Müqaviləyə əsasən, 100 milyonluq kreditin Ermənistana 20 il müddətinə verilməsi və bu müddətin 5 ilinin illik 3 faiz dərəcəsi ilə güzəştli olması nəzərdə tutulub. Həmin vəsaitə Ermənistanın “Smerç” reaktiv sistemləri, “İqla-S” zenit raket kompleksləri, “Avtobaza-M” radiotexniki kəşfiyyat kompleksləri, TOC-1A “Solnsepyok” ağır odsaçan sistemləri və digər sursatlar alacağı gözlənilir.