Rayonumuzda son dövrlərdə qazılan subartezian quyularının biri də bizim Ələsgərli kəndinin “13 hektar” deyilən ərazisindədir. Subartezian quyusunun suyundan fermerlər Cəmil Novruzov, Kamil Quliyev, Əbil Əliyev, Xəlil Əhmədov və başqaları istifadə edirlər. Onlar taxıl, soğan, kartof, pamidor, pambıq və digər kənd təsərrüfatı və bostan bitkiləri əkib becərirlər.
Bu günlər fermer Cəmil Novruzov 4 hektar taxıl sahəsində biçini başa çatdırıb. Zəmilər vaxtlı-vaxtında və keyfiyyətlə suvarıldığına görə hər hektardan 40 sentner buğda götürülüb.
Qonşu fermerlər də kənd təsərrüfatı və bostan bitkilərini normal becərdikləri üçün sahələrdə bol məhsul hasilə gəlib. Yeni subartezian quyusunun vurulması fermerlərin işə olan həvəsini artırıb.

Kamran Əhmədov,
Ələsgərli kənd İƏD üzrə icra nümayəndəsi

2017-ci ilin məhsulu üçün rayonda 9506,6 hektar sahədə taxıl əkilmişdir. Onun 6908,9 hektarı buğda, qalan 2597,7 hektarı arpa sahələridir.
Ölkə Prezidenti İlham Əliyevin qeyri neft sektorunu inkişaf etdirmək barədəki sərəncamı rayonumuzun kənd təsərrüfatında çalışan fermer və ailə fermer təsərrüfatlarının üzvlərinin məsuliyyətini qat-qat atırmışdır. Onlar Prezidentin bu tapşırığına əməli işləri ilə cavab verməyə çalışırlar. Artıq rayonda arpa biçini başa çatıb. Zəmilərdən 23 min 451,3 ton məhsul yığılıb. Hər hektardan 31,4 sentner arpa götürülüb. Bu, ötən ildəkindən 4,2 sentner çoxdur.
Bəzi fermerlər hektarın məhsuldarlığına görə daha yüksək göstərici qazanıblar. Belə ki, Sarıcalı kəndində arpa sahələrinin hər hektarından 38,9, Mamırlıda 32,6, İrəvanlıda 32,2 , Bəyimsarovzda isə 32,3 sentner məhsul yığılıb.

Tərtər Rayon Statistika İdarəsi

AZƏRBAYCAN MƏTBUAT ŞURASI ALXANLIDA YAŞANAN FACİƏ İLƏ BAĞLI BƏYANAT YAYIB

Şura dünyanın media ictimaiyyətinə çağırış edib

Azərbaycan Mətbuat Şurası 4 iyul 2017-ci il tarixdə Ermənistan silahlı qüvvələrinin Füzuli rayonunun Alxanlı kəndini atəşə tutması nəticəsində mülki şəxslərin – Allahverdiyeva Sahibə İdris qızının, onun nəvəsi 2 yaşlı Quliyeva Zəhra Elnur qızının həlak olması, Quliyeva Sərvinaz İltifat qızının isə yaralanması faktı ilə bağlı bəyanat yayıb. Dünyanın me-dia ictimaiyyətinə ünvanlanmış bəyanatda bildirilir:
“Azərbaycan və Ermənistan arasında atəşkəs müqaviləsinin imzalandığı 1994-cü ildən bu günədək erməni tərəfi bu razılaşmanı daim pozub, üzərinə götürdüyü öhdəlikləri yerinə yetirməyib. Azərbaycan-Ermənistan qoşunlarının təmas xəttindəki gərginlik halları, atəşkəsin pozulması faktları zaman-zaman dünyanın media ictimaiyyətinin də diqqət mərkəzində olub.
Ermənistan silahlı qüvvələrinin hücumları nəticəsində azərbaycanlı mülki şəxslər qətlə yetirilib, xəsarətlər alıb, onların əmlakları dağıdılıb, bir sözlə insan faciələri yaşanıb.
Belə faciələrdən biri iyulun 4-də erməni hərbi birləşmələrinin Füzuli rayonunun Alxanlı kəndini atəşə tutması nəticəsində bir daha yaşandı. Allahverdiyeva Sahibə İdris qızı, onun nəvəsi 2 yaşlı Quliyeva Zəhra Elnur qızı həlak oldular, daha bir mülki vətəndaş Quliyeva Sərvinaz İltifat qızı yaralandı. Daha ətraflı »

Tərtər rayon dindarları iyulun 4-də Ermənistan silahlı qüvvələri tərəfindən Azərbaycanın Füzuli rayonunun Alxanlı kəndinin atəşə tutulması nəticəsində mülki şəxslərin həlak olması ilə əlaqədar bəyanat verib.
Tərtər Cümə Məscidi Dini İcmasından AZƏRTAC-a daxil olan bəyanatda deyilir: “İyulun 4-ü axşam erməni silahlı bölmələrinin Füzuli rayonunun Alxanlı kəndini atəşə tutması nəticəsində iki yaşlı Zəhra Quliyevanın və onun nənəsi Sahibə Allahverdiyevanın həlak olması bütün Azərbaycan xalqı kimi biz cəbhə bölgəsində yaşayan sakinlərin, eləcə də Tərtər dindarlarının da etirazına səbəb olub.
Ermənistan silahlı bölmələri atəşkəs rejimini mütəmadi olaraq pozur, təmas xəttinə yaxın yaşayış məntəqələrini atəş altında saxlayır. Ermənistan ordusunun ötən ilin aprel ayında Tərtər rayonunun yaşayış məntəqələrini atəşə tutması nəticəsində Həsənqaya kəndində yaşayan 16 yaşlı Turanə Həsənova da həlak olmuşdu. Nə 2 yaşlı Zəhra, nə də 16 yaşlı Turanə döyüşən əsgər deyildilər. Göründüyü kimi, Ermənistan ordusu vandalizm nümayiş etdirir, günahsız insanların, qadınların, uşaqların qanını tökməkdən çəkinmirlər. Daha ətraflı »

Parisdəki Azərbaycan Evi Ermənistan Respublikasının silahlı qüvvələrinin iyulun 4-də Azərbaycanın Füzuli rayo-nunun Alxanlı kəndinin mülki əhalisinə qarşı törətdiyi qanlı hərbi provokasiyanı qətiyyətlə pisləyir. Bu hərbi müdaxilə nəticəsində Sahibə Allahverdiyeva və onun nəvəsi, 2 yaşlı Zəhra Quliyeva həlak olmuş, başqa bir dinc sakin, Sərvinaz Quliyeva yaralanmış və həmçinin, çoxsaylı mülki infrastruktura ziyan dəymişdir.
Assosiasiyanın üzvləri faciə qurbanlarının ailələrinə və yaxınlarına başsağlığı verir və yaralanan qadının tezliklə sağalmasını arzu edir.
Xatırladaq ki, 1988-ci ildən başlayan Ermənistan-Azərbaycan münaqişəsi nəticəsində Dağlıq Qarabağ bölgəsi və onun ətrafındakı, azərbaycanlıların yaşadığı 7 rayon da daxil olmaqla Azərbaycan ərazisinin təxminən 20%-i Ermənistan ordusu tərəfindən işğal edilmişdir. Təxminən 1 milyon Azərbaycanlı döğma yurdundan qovulmuş, 20 min nəfər öldürülmüş, 50 min nəfərdən çox insan şikəst edilmişdir. Ermənistanın həbs düşərgələrində işgəncə və təzyiqlərə məruz qalmış dörd mindən (4000) çox azərbaycanlının taleyi barədə bu günə qədər məlumat yoxdur. Daha ətraflı »

Bu günlərdə “Azərbaycan” qəzetində tanınmış rusiyalı ictimai xadim, “Zavtra” qəzetinin baş redaktoru, yazıçı Aleksandr Proxanovun “Bakı–həyat ağacı” məqaləsini oxudum. Vaxtilə onun xalqını təmsil edənlər ermənilərlə birlikdə Bakıda yanvar qırğınını törətmişlər. Indi isə Aleksandır Proxanov müasir azərbaycanlılar haqqında belə deyir: “Azərbaycanlılar təbiət etibarilə müharibəyə deyil, ticarətə, vuruşmağa deyil, dostluğa və barışığa meyl göstərən sülhsevər və şən xalqdır. Indi isə yeni ölkədə avanqard arxitekturanın əhatəsində, yeni tarixi və mədəni vəzifələrin təsiri, daim səfərbərliyin təyziqi altında çoxmillətli, yaradıcı, şüurunda öz xalqının misilsizliyi ideyası olan, bəxtinə parçalanmış sərsəm dünyaya harmoniya və həmrəylik örnəyi nümayiş etdirmək kimi tarixi missiya düşmüş yeni Azərbaycan milləti yaranır.”
Bəli, Azərbaycan bu sərsəm dünyada harmoniya yaratmağa çalışır. Amma hər kəs bilməlidir ki, azərbaycanlılar müharibəni sevməsələr də, lazım gəldikdə, əllərində silah öz vətəndaşlarını, öz torpaqlarını qorumağa qadirdirlər. Körpə Zəhranın və onun nənəsinin ermənilər tərəfindən vəhşicəsinə qətlə yetirilməsi, günahsız dinc sakinin yaralanması hər kəsdə qəzəb və nifrət hissi oyadıb. Daha ətraflı »

Şər vaxtı özüylə şər gətirdi. Bir həyətin, bir kəndin, bir elin, külli– Qarabağın, nəhayətdə Ulu vətənin–Azərbaycanın dincliyi, sakitliyi güllələndi. Eyni bəşər övladı olaraq insanın insa-na inamı, etibarı güllələndi. Bəşəriyyətin onsuz da laxlamış mövqeyi bir az da aşağılandı. Haqqa, ədalətə olan inam bir az da qırıldı.
“Meşəyə insan
gəlmişdi…”
Atılan mərmilər bir dinc həyəti üç günahsız insanın qanıyla al qırmızı rəngə boyadı. O rəngə ki, dövlətlərin şərəf rəmzi olan bayraqların bir çoxu öz rəngini məhz ondan almışdır.
Nə yazıqlar ki, bu məqamda o şərəf deyil, antişərəf rəmzi, bəşər vicdanına bir ləkə idi. İnsana güllə atmaq olmaz. (humanizm, xeyir ölübmü?), qadına güllə atmaq olmaz (şərin təntənəsidirmi?). Nəhayətdə uşağa (körpəyə) güllə atmaq olmaz (zülmün, haqsızlığın, varvarlığın, manqurtluğun son nöqtəsi budur, daha bundan o yanası yoxdur!!!…)
–Bəs kimə atılmışdı bu güllələr? Daha ətraflı »

Azərbaycan! Qəlbi qan ağlayan, ürəyi parçalanan Vətənim! Dağlarına, daşlarına Koroğlu nərəli, Nəbi qeyrətli ər oğullarının əks-səda verən hayqırtısı hopmuş diyar! Torpaqların toxunulmazlığı, ərazilərin bütövlüyü uğrunda canlarından keçmiş minlərlə şəhid övladının narahat ruhlarının dolaşdığı məmləkət! Öz elində, obasında didərginlik həyatı yaşayan, qaniçən ermənilərin zülmünə məruz qalmış yurddaşlarımız! Yüzlərlə vətəndaşının dərdinə tab gətirərək əyilməyən, sınmayan məğrur, Vətənim!
25 ildir bu dərdə dözürsən! Övladların 25 ildir qaçqın, köçkün həyatını yaşamağa məhkum olub səbr edir. Bu gün dözümün, səbrin tükənən çağıdır. 25 ildir Azərbaycanın Dağlıq Qarabağ bölgəsinin və onun ətrafındakı 7 rayonun Ermənistan tərəfindən işğal edilməsi beynəlxalq hüququn davamlı olaraq pozulmasıdır və dünyanın görməzliyə vurduğu bu münaqişənin qurbanı olan saysız-hesabsız mülki və hərbçi ailələrinin göz yaşlarının tökülməsinə səbəb olur. Daha ətraflı »

Texnik elmlər doktoru, professor Rasim Fərrux oğlu Axundovu neçə illərdir ki, tanıyıram. Hərdən müştərək elmi tədqiqatlar da aparmışıq. O həm gözəl alim, dost, həm də dəyərli bir nəslin yadigarıdır. Bu yaxınlarda Rasim müəllimin öz ailə üzvlərinin–valideynləri və bacı-qardaşlarının həyatına həsr etdiyi, “Keçmişə nəzər salanda…” kitabını oxudum.
Kitabın məndə buraxdığı təəssüratları əziz oxucularla bölüşməyi özümə borc bildim. Valideynlərini xatırlayaraq Rasim müəllim onların yüksək əxlaqi keyfiyyətlərindən söz açır. Övladlarına həmişə düzlük, xeyirxahlıq, fədakarlıq, səmimiyyət öyrətməyə çalışan bu insanlar, şübhəsiz, öz məqsədlərinə tamamilə nail olmuşlar.
Atası Fərrux Axundov ali təhsil almasa da, dövründə xalqının, vətəninin gələcəyi naminə böyük işlərə imzalar atmış ziyalılarımızdan olmuşdur. Daha ətraflı »

REDAKSİYAYA “HÜCUM”

“Bala Kirpi” “Yeni Tərtər” qəzetinin redaksiyasına gəldi. Gördü ki, hamının üz-gözündən zəhrimar yağır, baş redaktorun da səsi həmişəki kimi binanı “silkələyir”:
–A kişilər, belə də iş olar?! Biz “şapalaqla üz qızardıb”qəzet çıxardırıq, amma bəziləri elə bilir ki, kef çəkirik. Ordan Dövlət Əmlak Komitəsi üstümüzü kəsib ki, çıxın redaksiyanızın binasından, bu bina bizimdir və onu hərraca qoymuşuq. Başa da sala bilmirik ki, axı, bu bina redaksiyanın “dədə-baba” binası olub, sonra rayon statistika idarəsi bura sahib çıxıb. İndi yenə qayıtmışıq öz ocağımıza. Bə nə baş verdi ki, bina sizin oldu?
–Hətərən-pətərən danışmayın, çıxmalısınız, bina bizimdir, vəssəlam!
O biri yandan rayon sukanal idarəsinin rəisi Elnur Abbasov 6 aydan çoxdur ki, redaksiyanın qarşısına çəkilmiş suyu bağlatdı-rıb ki, sayğaca 270 manat, texniki şərt alınmasına 300 manat pul verməsəniz, suyunuz gəlməyəcək! Daha ətraflı »